Dagur - 13.05.1986, Blaðsíða 1

69. árgangur Akureyri, þriðjudagur 13. maí 1986 87. tölublað
Filman þín
á skilið það
besta!
FILMUHÚSIÐ
Hafnarstræti 106 Sfmi 22771 Pósthólf 198
gæðaframköllun
Filman inn fyrir
kl. 10.45.
Myndirnar tilbúnar
kl. 16.30.
Opið á
laugardögum
frá kl. 9-12.
Kaupfélag Skagfirðinga:
Vill leigja
Vallhólma
Eins og kunnugt er gekk rekst-
ur graskögglaverksmiðjunnar
Vallhólma erfiðlega á síðasta
ári og varð 8,5 milljóna króna
halli á rekstrinum. Ríkið sem á
75% í verksmiðjunni, hefur
ákveðið að auka ekki hlutafé
sitt.
Á aðalfundi Kaupfélags Skag-
firðinga sem haldinn var fyrir
stuttu, var samþykkt tillaga þar
sem stjórn kaupfélagsins var falið
að leita eftir samningum um leigu
á verksmiðjunni. Kom sú tillaga
fram í kjölfar þess, að fundar-
menn lýstu þungum áhyggjum
vegna frétta um áform þess efnis
að leggja verksmiðjuna niður.
Var það einróma álit fundarins,
að slíkt yrði óbætanlegt tjón fyrir
fóðuröflun í héraðinu og leggja
bæri kapp á að tryggja áfram-
haldandi rekstur hennar. Blaðið
leitaði til Ólafs Sveinssonar
kaupfélagsstjóra til að grennslast
eftir því hvort eitthvað hefði
gerst í málinu. Ólafur sagði að
stjórn kaupfélagsins hefði gert
stjórn Vallhólma leigutilboð í
síðustu viku. Tilboðið hljóðar
svo, að kaupfélagið býðst til að
taka við rekstri verksmiðjunnar
frá 15. maí til 15. september 1986
og leigutaki hafi aðstöðu til að
geyma og afgreiða grasköggla í
verksmiðjunni til 15. maí 1987.
Til leigu eru öll tæki og vélar, öll
mannvirki, öll ræktun og allt land
í eigu verksmiðjunnar. Heildar-
leiga fyrir framangreint tímabil,
sem kaupfélagið bíður er 2 millj-
ónir króna. Ólafur sagðist reikna
með að ef samningar tækjust
yrðu framleidd 1000-1200 tonn af
graskögglum í sumar. Þetta til-
boð er nú til athugunar hjá stjórn
verksmiðjunnar og bjóst Ólafur
við því að málin skírðust eitthvað
í þessari viku. „Þetta má ekki
dragast lengur, því bráðlega þarf
að bera á túnin ef framleiðsla
verður í verksmiðjunni í sumar,“
sagði Ólafur. Hann hvað ekki
ólíklegt að samningar tækjust,
því vélar verksmiðjunnar færu
illa ef framleiðsla stöðvaðist.
Blaðið hefur eftir heimildum að
stjórn verksmiðjunnar hafi nú
þegar óskað eftir greiðslustöðvun
fyrirtækisins. þá
l<ra notninni I Hrisey.
iviynö: KliA
„Omaklega að okkur vegið“
- segir Bogi Sigurbjörnsson skattstjóri Norðurlands vestra um
hugmyndir um að leggja skattstofur landsbyggðarinnar niður
Nefnd sú sem skipuð var til að
kanna umfang skattsvika á ís-
landi er þeirrar skoðunar að
nauðsynlegt sé að breyta
skipulagi, starfsháttum og
stjórnun skattkerfisins til að
gera það markvissara og eftir-
litið skilvísara. Til þess að ná
því markmiði beri að leggja
niður skattstofurnar í núver-
andi mynd og færa yfirstjórn
skattamála alfarið til Reykja-
víkur.
Þetta kemur fram í skýrslu
fjármálaráðherra um störf þess-
arar nefndar. Þar segir að lélegt
skatteftirlit sé ein alvarlegasta
brotalömin í íslenskum skatta-
málum. Ríkisskattstjóri sé í
reynd heimildalítill og þar sem
skattstofurnar séu sjálfstæður
ákvörðunaraðili um eigin vinnu-
Snældu-Blesi:
Enn i spelkunni
„Hann hefur það ágætt, en hins
vegar er ekki búið að fullreyna
hann við skylduverkin. Það er
meiningin að reyna eitthvað
um miðjan mánuðinn og sjá
hverju fram vindur,“ sagði
Magni Kjartansson bóndi í
Árgerði, en hann er eigandi
hins landsfræga Snældu-Blesa,
sem hefur fengið meiri og betri
umönnun en flestir hestar á ís-
landi, enda af úrvalskyni.
Snældu-Blesi er enn í spelk-
unni góðu sem smíðuð var um fót
hans, „og verður það eitthvað
áfram, þó hann fari allra sinna
ferða hér um flötina sem honum
er ætluð, en varðandi skyldu-
verkin er erfitt að segja. Þó ætla
ég að láta halda undir hann og sjá
hvernig gengur," sagði Magni.
Fótbrot Blesa er nokkuð vel
gróið, „en ekki fullgróið," eins
og Magni orðaði það. Hann sagði
að meiningin væri að gera jafnvel
aðgerð á brotinu seinna í sumar,
„en læknarnir skoðuðu hann fyrir
stuttu og sögðust hafa átt von á
að þetta væri betur gróið en raun
ber vitni og þar af leiðandi vildu
þeir ekki mynda brotið nú, held-
ur þegar kæmi að aðgerð," sagði
Magni Kjartansson í Árgerði. gej-
brögð sé heildarskipulagi ábóta-
vant og vinnubrögð ósamræmd.
Skattstofurnar vinni úr atvinnu-
rekenda- og einstaklingsframtöl-
um, en skorti til þess menntað og
þjálfað starfsfólk. Fullyrt er að
hjá skattrannsóknastjóra sé eina
raunhæfa skatteftirlitið í landinu.
Nefndin leggur til að embætti
ríkisskattstjóra verði breytt í
stofnun sem fari með faglega
stjórnun og verkstjórnarvald í
skattamálum á öllu landinu.
„Skattstofur í núverandi mynd
yrðu þá óþarfar og legðust niður.
Þó mætti hugsa sér e.k. umboðs-
skrifstofur út um land. Þær gætu
þjónað til upplýsinga- og gagna-
öflunar á viðkomandi svæði,“
segir í skýrslunni.
„Þessi nefnd hefur ekki kynnt sér
þau störf sem fara fram á skatt-
stofunum og því hljóma ummæli
hennar um skattstofurnar undar-
lega í eyrum þeirra sem þar vinna
og mér finnst ómaklega að okkur
vegið. Við erum ekki tilbúnir til
þess að byggja þjóðfélagið þann-
ig upp að hvergi verði hægt að
gera nokkuð nema í Reykjavík,1'
sagði Bogi Sigurbjörnsson skatt-
stjóri Norðurlandsumdæmis
vestra í samtali við Dag.
„Skattstofurnar hafa verið í
góðum tengslum við skattrann-
sóknastjóra og það er ekkert
sambandsleysi þar á milli. Við
vísum til hans ákveðnum málum
sem hann svo vinnur fyrir okkur.
Nýráðinn ríkisskattstjóri hefur
reyndar lýst því yfir í blaðaviðtali
að þessar tillögur nefndarinnar
séu óraunhæfar og muni ekki
koma til framkvæmda."
Bogi sagði að það sem þyrfti
fyrst og fremst að gera væri að
lagfæra launakjörin. „Við fáum
ekki sérhæft fólk í bókhaldi til
starfa á þeim launum sem ríkið
býður í dag. Það er útilokað. En
ég legg ríka áherslu á það að í
skattakerfinu er starfandi fjöld-
inn allur af mjög hæfu fólki með
mikla reynslu. En það sem okkur
vantar er bókhaldssérfræðingar
sem farið geta út í fyrirtækin og
skoðað bókhald þeirra, svona
nokkurs konar „göngudeild". En
ég er alls ekki sammála því að
breyta þurfi skipulagi og yfir-
stjórn skattakerfisins í heild og
vara við þessari áráttu að vilja
flytja alla skapaða hluti til
Reykjavíkur," sagði Bogi að
lokum. BB.
Vatnspökkunarfyrirtækið AKVA:
Vatn til U.S.A. fyrir 14-16 milliónir
Allt útlit er fyrir að AKVA á
Akureyri muni á næstunni
selja vatn til Bandaríkjanna
fyrir um það bil 14 til 16 millj-
ónir króna.
Að sögn Þórarins Sveinssonar
hjá AKVA er reiknað með að
staðfesting fáist á pöntunum á 7
til 8 förmum til Bandaríkjanna í
kringum 20. þessa mánaðar en
láta mun nærri að verðmæti hvers
farms sé um tvær milljónir króna.
„Þetta mega að vísu kallast til-
raunasendingar þar sem um svo
stóran markað er að ræða og
þungt kerfi að fara í gegnum en
engu að síður er þetta verulega á
réttri leið," sagði Þórarinn.
Þá sagði hann að nýlega hefði
birst grein í TIMES um að geisla-
virkni hefði borist til íslands en
taldi þó frekar ólíklegt að það
myndi spilla nokkru.
Þórarinn sagði einnig að búið
væri að samþykkja fyrstu send-
inguna sem send var til Dan-
merkur af hinum ýmsum stofnun-
um eins og t.d. heilbrigðiseftirlit-
inu. Nú væri verið að auglýsa
vöruna og innflutninginn í
danska lögbirtingablaðinu og ef
ekki kæmu fram neinar athuga-
semdir alveg á næstunni mætti
reikna með að næsta sending færi
fljótlega út. Upp úr því ætti að
verða tiltölulega auðvelt að kom-
ast inn á markaði í öllum Efna-
hagsbandalagsríkjunum.
Það má því búast við því að
sala á íslensku vatni verði hafin í
verslunum í Danmörku áður en
langt um líður. G.Kr.