Dagur - 13.05.1986, Page 11
13. maí 1986 - DAGUR - 11
t Dýrieif Ólafedóttir
Fædd 16. október 1899 - Dáin 11. apríl 1986
Laugardaginn 19. apríl sl. var
fyrrverandi tengdamóðir mín,
Dýrleif Ólafsdóttir, jarðsett frá
Akureyrarkirkju.
Það var gott vorveður á Akur-
eyri þennan dag, sunnanandvari,
hlýtt og bjart.
Þegar ástvinir eru kvaddir
hinstu kveðju, leitar hugurinn til
baka og endurminningarnar
skýrast. Tíminn er svo stuttur
þegar litið er til baka.
Það var vorið 1953 sem ég sá
Dýrleif fyrst. Ég var svo lán-
samur að fá vinnu við undirbún-
ing skipa þeirra hjóna Dýrleifar
og Valtýs Þorsteinssonar til síld-
veiða. Þau voru þá komin með
umfangsmikinn rekstur í útgerð og
síldarsöltun ásamt börnum
sínum, Hreiðari og Valgerði
Þóru. Mikill fjöldi starfsmanna
vann við reksturinn, einkum yfir
sumartímann, og því annasamt á
heimilinu að Fjólugötu 18. Þar
var í senn stjórnstöð, skrifstofa,
en þó fyrst og fremst myndar-
legt heimili þar sem reglusemi,
heiðarleiki og dugnaður ríkti.
Dýrleif Ólafsdóttir fæddist í
Steinkoti, Árskógshreppi þann
16. október 1899. Hún var yngst
þriggja dætra hjónannna Helgu
Stefánsdóttur og Ólafs Magnús-
sonar er þar bjuggu.
Árið 1922 giftist hún Þorsteini
Valtý Þorsteinssyni frá Litlu-
Hámundarstöðum á Árskógs-
strönd og fluttist með honum til
Akureyrar ári síðar.
Árið 1928 urðu mikil þáttaskil
í lífi hjónanna er þau fluttu að
Rauðuvík á Árskógsströnd og
hófu þar búskap, sjósókn, báta-
smíðar og síðar útgerð. Á
Rauðuvík undi Dýrleif hag sín-
um vel, þrátt fyrir mikla og erfiða
vinnu. Hún unni búskap og hafði
mikla ánægju af blóma- og
trjárækt.
Árið 1943 fluttu hjónin ásamt
börnum sínum tveim til Akureyr-
ar aftur og reistu sér þar myndar-
legt hús með fallegum garði að
Fjólugötu 18. Umsvifin í útgerð
og fiskvinnslu höfðu aukist og
breyst svo, að það var talið nauð-
synlegt.
Mikil umskipti höfðu átt sér
stað frá því hjónin fluttu frá
Akureyri, þau höfðu efnast vel,
eignast fallegt heimili, tvö elsku-
leg börn, framtíðin og lífið brosti
við þeim. Ég held að Dýrleif hafi
alltaf saknað þess að fara frá
Rauðuvík.
Árin líða í nýjum heimkynn-
um, börnin vaxa úr grasi og
umfang fyrirtækisins eykst enn.
Vissulega hafði breytingin mikil
áhrif á Dýrleif þar sem hún unni
búskap svo mjög. En allt hefur
sínar björtu hliðar. Hún tók rík-
an þátt í starfseminni, enda vön
löngum vinnudegi.
Erfið veikindi höfðu mikil
áhrif á líf fjölskyldunnar.
Tengdadóttirin Elsa varð að
dvelja á sjúkrahúsum langtímum
saman frá eiginmanni og ungum
syni þeirra hjóna og síðan dóttir-
in Valgerður Þóra er einnig
veiktist af alvarlegum sjúkdómi
frá eiginmanni og ungum syni, en
hún lést aðeins 25 ára gömul.
Móðurhjarta Dýrleifar varð
því að vera stórt og hlutverkið
erfitt enda fór heilsu hennar upp
frá því mjög hrakandi.
Síðast en ekki síst veiktist eig-
inmaðurinn alvarlega og átti við
veikindi að stríða árum saman.
Hann lést árið 1970.
Lífið brosti því ekki alltaf við
Dýrleif, hún átti erfiða ævi, en
skilaði hlutverki sínu með mikl-
um sóma.
Ég færi Dýrleif bestu þakkir
fyrir allt og allt. Hún var mér og
mínúm ætíð góð, það var mennt-
andi að kynnast henni.
Guð blessi hana og hennar.
Haraldur Valsteinsson.
Frambjóðendur framsóknarmanna
til bæjarstjórnarkosninga á Akureyri eru fúsir
til að heimsækja vinnustaði og sitja fyrir
svörum.
Minni hópar eru velkomnir á skrifstofuna til fundar við frambjóð-
endur í Eiðsvallagötu 6.
Mælum okkur mót sem fyrst í síma 21180.
Framsóknarfélögin á Akureyri.
i
f
Veiðivömr
Veiðivörur í
stórkostlegu úrvali.
Einnig veiðivöðlur.
SÍMI
(96)21400
Jt l/’l IDrVD Jt ACTD P'tri' \
Unglingavinna Akureyrar
Skráning 13,14 og 15 ára unglinga sem óska eft-
ir vinnu í sumar er hafin. Skráning fer fram á
Vinnumiðlunarskrifsfofunni Gránufélagsgötu 4, í
síma 24169 kl. 9-12 og 13-16 alla virka daga.
Skráningu lýkur þriðjudaginn 20. maí.
Forstöðumaður unglingavinnu.
Staða yfirlæknis
við Rannsóknadeild Fjórðungssjúkrahússins á
Akureyri er laus til umsóknar.
Umsóknarfrestur er til 15. júlí nk.
Umsóknir ásamt upplýsingum um nám og fyrri
störf sendist framkvæmdastjóra sjúkrahússins
Halldóri Jónssyni, sem veitir nánari upplýsingar í
síma 96-22100.
Stjórn Fjórðungssjúkrahússins á Akureyri.
Matreiðslufólk, aðstoðarfólk
í eidhús og framreiðslufólk
Hér er um að ræða bæði fullt starf og íhlaupa-
vinnu. Þeir sem áhuga hafa hafi samband í síma
22644 eftir kl. 6 á daginn.
Slökkvilið Akureyrar
óskar að ráða mann til sumarafleysinga. Nauð-
synlegt er að umsækjandi hafi meirapróf og þekk-
ingu í skyndihjálp.
Slökkviliðsstjóri.