Kópavogsblaðið - 01.07.2007, Blaðsíða 19

19KópavogsblaðiðJÚLÍ 2007
Dalur og Núpur með sólstöðuhátíð
Leikskólarnir Dalur við Funa-
lind og Núpur við Núpalind sam-
einast árlega í sumargleði, eða
sólstöðuhátíð, sem fer þannig
fram að sá leikskóli sem heim-
sækir hinn kemur þangað í
skrúðgöngu og er mikil tilhlökk-
un ríkjandi, bæði hjá gestunum
og gestgjöfunum. Í ár komu Núp-
verjar til Dalamanna í glampandi
sólskini og blíðu.
Leikskólinn Dalur tók til starfa
25. maí 1998. Dalur er 4ja deilda
leikskóli og þar er lögð áhersla á
viðurkennandi samskipti og unn-
ið út frá hugtökunum virðing-,
ábyrgð - sjálfstæði. Grundvöllur
starfsins er byggður á kenning-
um John Dewey um “Learning by
doing” og Berit Bae um viðurkenn-
andi samskipti, ásamt uppeldis-
fræði dauðu músarinnar. Unnið
er með jóga í hvíldarstundum og
lögð áhersla á snertingu og slök-
un. Markvisst er unnið að endur-
vinnslu og umhverfismennt. Lögð
er áhersla á góð og traust sam-
skipti við foreldra. Á veturna eru
m.a. yngismannadagar og þá fá
strákarnir svolítið að njóta sín
og svo snúast hlutverkin við á
yngismeyjadegi.
Leikskólinn Núpur tók til starfa í
janúar 2000 og er fjögurra deilda fyr-
ir allt að 114 börn. Lögð er áhersla á
hugmyndaflug og sjálfræði barnsins
og að börnin fái að reyna, skynja
og skapa á eigin forsendum út frá
áhugasviði og þroska hvers og eins.
Einkunnarorð skólans eru: sjálfstæði
og sköpun í samvinnu og gleði.
Götuleikhús Kópavogs. Í Götuleikhúsinu eru um 14 manns og þau voru einnig mætt á sólstöðuhátíðina
á Dal og skemmtu krökkunum með uppákomum. Þau fá einnig laun frá Kópavogsbæ fyrir að koma
fram. Mörg þeirra eru í Leikfélagi Kópavogs. Þessi hópur lífgar svo sannarlega upp á tilveruna.
Mikið skelfing er annars alltaf gott að fá pylsu og Svala.
Áfengi og akstur
á aldrei saman
Ölvun við akstur er ein
algengasta orsök banaslysa í
umferðinni hér á landi. Á síð-
asta ári var ölvun aðalorsök átta
banaslysa hér á landi og árið þar
á undan í sex. Fyrir liggur að
þeir sem neyta áfengis eru marg-
falt síður hæfir til að stjórna
bifreið en allsgáðir menn. Þess
vegna þarf að ræða um ölvun-
arakstur og gera allt sem hægt er
til að koma í veg fyrir hann.
Á undanförnum árum hefur lög-
regla tekið að meðaltali um 2000
ökumenn, sem í upphafi eru grun-
aðir um ölvunarakstur, en grunur-
inn reynist oftast á rökum reistur.
Við ölvunarakstri eru ströng viður-
lög, bæði há sekt og svipting öku-
réttinda. Sektirnar eru á frá 70
þúsundum til 140 þúsund krónur
og við það bætist ökuleyfissvipt-
ing, allt að einu ári. Þar er mið-
að við fyrsta brot. Þetta á við um
brot þar sem áfengismagn í blóði
er allt að 1,5 prómill, en sé það
meira kemur til kasta dómstóla.
Við endurtekin brot eru refsingar
talsvert harðari og margir þeirra
sem lögregla tekur lenda í þeirri
stöðu oftar en einu sinni.
Stundum er sagt að þeir öku-
menn sem lögregla tekur og reyn-
ast vera ölvaðir séu heppnir. Oft-
ast nær lögregla mönnum áður en
þeir valda sjálfum sér og öðrum
verulegu fjárhags- og heilsutjóni.
Það er mikil heppni fyrir þá og
sumir þeirra bera gæfu til að kom-
ast á beinu brautina og aka aldrei
oftar undir áhrifum áfengis.
Lögregla er um þessar mundir
með meira eftirlit en tíðkast hefur.
Athyglinni er meðal ananrs beint
að ölvunarakstri og reynt er að
vera á þeim stöðum þar sem fólk
safnast saman til að skemmt sér.
Meðal annars er athyglinni beint
að sumarbústaðasvæðum, þar
sem vitað er að menn freistast til
að aka eftir að hafa neytt áfengis á
þeim. Flestir eru reyndar með sín
mál í góðu lagi, en það á ekki við
um alla. Þá er rétt að láta þess
getið að lögreglan hefur betri
búnað til að fylgjast með ástandi
ökumanna hvort sem um er að
ræða grun um ölvun eða akstur
undir áhrifum fíkniefna. Það leiðir
til mun markvissari vinnubragða
og styttri tíma tekur fyrir lögreglu-
menn að afgreiða málin.
Lögregla tekur ótrúlega marga
ökumenn grunaða um ölvun við
akstur að morgni dags. Fólk
gerir sér ekki grein fyrir hversu
langan tíma tekur fyrir áfengi að
hreinsast úr líkamanum. Oft er
fólk yfir refsimörkum langt fram
yfir hádegi daginn eftir drykkju.
Það er lifrin sem hreinsa alkohól
úr blóðinu og hún vinnur bara á
ákveðnum hraða og það er ekkert
hægt að flýta fyrir því að verða
alveg allsgáður. Þá vekur athygli
hversu margir sem teknir eru ölv-
aðir undir stýri eru með mikið
áfengi í blóðinu. Í sumum tilfellum
ættu þeir að vera sofnaðir undir
eðlilegum kringumstæðum.
Besta regla sem fólk getur sett
sér þegar það fer út að skemmta
sér er að skilja bílinn sinn og bíl-
lyklana eftir heima þegar farið er
út á lífið. Það kemur í veg fyrir þá
hættu að menn aki af stað ölvaðir
þegar dómgreindin er ekki lengur
fyrir hendi.
Sigurður Helgason
verkefnastjóri
Umferðarstofu