Kópavogsblaðið - 01.07.2007, Blaðsíða 16

Yst og vestast á Kársnesi, þar
sem í dag er iðnaðarhverfi, er
nú verið að skipuleggja bryggju-
hverfi að erlendri fyrirmynd
þar sem verður lögð áhersla á
fjölbreytt mannlíf við skjólsæla
smábátahöfn inni á milli nýrra
íbúðarhúsa, kaffihúsa og veit-
ingastaða. Enduruppbygging
Kársness hefur verið á stefnu-
skrá allra flokka í Kópavogi und-
anfarin ár og nú er útlit fyrir að
styttist í að framkvæmdir hefjist.
KÓPAVOGSBLAÐIÐ settist niður
með þeim Eyþór Guðjónssyni og
Guðna Bergssyni til að fá nánari
uppýsingar um þessa metnaðar-
fullu og framsæknu uppbyggingu
sem fyrirhuguð er á Kársnesinu
en samkvæmt henni mun þarna
rísa eitt eftirsóknaverðasta og
glæsilegasta bryggjuhverfi lands-
ins, jafnvel fyrsta alvöru bryggju-
hverfið á landinu.
„Við erum búnir að vinna að
skipulagsmálum á Kársnesi frá
því í maí 2004,” segir Eyþór Guð-
jónsson, einn af aðstandendum
Nesbryggju ehf., „og höfum frá
byrjun mætt miklum velvilja hjá
forsvarsmönnum bæjarins enda
hefur enduruppbygging Kársness
verið á stefnuskrá allra flokka í
bæjarfélaginu síðastliðin ár. Þeir
hafa fagnað því að fá aðila með
metnaðarfulla framtíðarsýn til
þess að takast á við breytingar
sem margir hafa beðið eftir.”
Metnaðarfull hönnun og
gott samstarf
„Við erum einn hópur af
nokkrum sem eiga byggingarreiti
þarna,” segir Guðni Bergsson og
bendir á að það þurfi að skoða
heildaráhrif allrar byggðarinnar
þótt hvert svæði verði deiliskipu-
lagt sjálfstætt.
„Við gerum okkur hins vegar
grein fyrir því að okkar svæði
skiptir mestu máli fyrir ásýnd
hins nýja hverfis og því höfum við
frá byrjun lagt áherslu á metnaðar-
fulla hönnun sem og gott samstarf
við bæjaryfirvöld við uppkaup
og framtíðarskipulagningu svæð-
isins. Skipulagsyfirvöld hafa svo
leitt eigendur mismunandi svæða
saman til þess að skapa heild-
stæða mynd og skapa skipulags-
heild sem á sér enga hliðstæðu á
landinu,” segir Guðni.
Þarf að taka til hendinni
„Við höfum lagt metnað í alla
hönnun, þróun og hugmynda-
vinnu sem virðist skila sér í
jákvæðu viðhorfi bæði íbúa Kárs-
ness sem og bæjaryfirvalda. Það
er því ánægjulegt að allir sem að
verkinu koma skuli vera á einu
máli um að vandað sé til verka,”
segir Eyþór.
„Enduruppbygging Kársness
hefur verið áhugamál mitt í mörg
ár en svæðið er til lýta eins og
það er núna. Ég bý á Kársnesi og
hef gert í yfir 30 ár og kýs helst að
börnin mín fari ekki inn í hverfið
eins og það er í dag. Það kom líka
berlega í ljós á íbúaþingi Kópa-
vogs á síðasta ári að ég er ekki
einn um þá skoðun. T.d. var ein af
aðalályktunum þingsins að þarna
þyrfti að taka til hendinni og ryðja
burt slysagildrum, ryðkláfum, bíl-
hræjum og miður neikvæðri starf-
semi og byggja blómlega byggð í
staðinn sem myndi gera Kársnesi
hærra undir höfði.”
Net göngu- og hjólreiða-
stíga
„Við höfum frá upphafi haft
ákveðna framtíðarsýn við hönn-
un, útlit og skipulag hverfisins.
T.d. er skipulagt net hjólreiða- og
göngustíga með tilliti til þess að
íbúar Kársness geti notið hverfis-
ins í hvívetna sem er ekki raunin
eins og hverfið er í dag,” bætir
Guðni við.
„Göngu- og hjólreiðastígar enda
nánast inni í gömlum frystihúsum
eða bakgarði bílapartasala. Þetta
er auðvitað langtímaverkefni en
núna er búið að deilskipuleggja
tvö næstu svæði við hlið okkar og
því ekki seinna vænna að hefjast
handa á svæðinu í kringum smá-
bátahöfnina sem og annarstaðar.
Það eru miklir hagsmunir fyrir
hverfið í heild sinni og íbúa vest-
urbæjar Kópavogs að uppbygging-
in í heild haldist í hendur og að
verkið dragist ekki um ókomin ár.
Bæjaryfirvöld hafa komið með til-
lögur eins og þau gera þegar verið
er að þróa nýja byggð eða þétta, í
skóla- og leikskólamálum, umferð-
armálum og almennri þjónustu
sem snýr bæði að nýjum íbúum,
en ekki síst núverandi íbúum.”
Iðandi mannlíf
„Þessar breytingar hafa verið á
dagskrá hjá Kópavogsbæ í langan
tíma,” segir Eyþór, „og eru í takt
við gildandi aðalskipulag. Endur-
uppbygging Kársness er búin að
vera á stefnuskrá allra flokka í
mörg ár.” Hann segir fulltrúa Nes-
bryggju ásamt arkitektum hafa
skoðað mörg best heppnuðu hafn-
arhverfi Evrópu og að hópurinn
hafi tekið það besta frá mismun-
andi löndum og borgum og sett
saman í tillögu sem þeir séu ákaf-
lega ánægðir með.
„Bæði innlendir sem og erlend-
ir hönnuðir hafnarhverfa eru ein-
róma um að ef vandað verður til
verka á Kársnesi geti orðið um að
ræða fyrsta alvöru bryggjuhverfi
landsins þar sem íbúabyggð,
menning og tómstundaiðja geti
blandast saman á skemmtilegan
hátt eins og mörg dæmi annars
staðar sanna. Þá hefur sýnt sig að
þegar ný og metnaðarfull hverfi
hafa verið byggð á svæðum sem
þessum erlendis hefur það leitt
til almennrar hækkunar fasteigna-
verðs í sama hverfi,” segir Eyþór
og bætir við: „Enda verður hið
nýja hverfi, ef fram fer sem horf-
ir, iðandi af menningu, listum,
kaffihúsum, veitingastöðum og
skemmtilegu mannlífi umhverfis
skjólsæla smábátahöfn sem mun
gera Kársnesið að enn skemmti-
legri og betri stað að búa á. Það
eru því spennandi og skemmtileg-
ir tímar framundan í uppbyggingu
Kársness.”
16 Kópavogsblaðið JÚLÍ 2007
SPK með tónleika á
Hálsatorgi á föstudag
Sparisjóður Kópavogs býður
í pylsupartý á Hálsatorgi föstu-
daginn 6. júlí nk. á milli klukk-
an 17.00 og 20.00. Á sama tíma
verða haldnir tónleikar þar sem
ungar og upprennandi hljóm-
sveitir og tónlistarfólk úr félags-
miðstöðvum ÍTK og tónlistar-
skólum Kópavogs koma fram.
Allir tónleikagestir fá gefins buff
og boðið verður upp á popp og
kók.
Nýjar aðalstöðvar SPK við Hálsatorg sem verða teknar í notkun
síðar á árinu.
Þessi mynd sýnir kannski hvað best hvernig bryggjuhverfið á Kársnesinu kann að líta út í framtíðinni.
Þess ber þó að geta að húsin verða ekki svona há enda búið að skilgreina að engin byggð á svæðinu fari
yfir 4 hæðir í samþykktu rammaskipulagi.
Nesbryggja skipuleggur á Kársnesinu
fyrsta alvöru bryggjuhverfi landsins
Frá Malmö í Svíþjóð. Fyrirkomulag og hönnun á bryggjuhverfi þar
hefur orðið forsvarsmönnum Nesbryggju ehf. allnokkur fyrirmynd.
Glæsilegt, ekki satt?!
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Geir Harðarson
�����������
��������������������
���������������������
����� ������
�� �����������