Kópavogsblaðið - 01.07.2007, Blaðsíða 6
6 Kópavogsblaðið JÚLÍ 2007
A F H Á L S I N U M
Hver? Hvar? Hvenær?
Síðasta mynd sem birtist hér
var tekin við byggingu Kópavogs-
kirkju árið 1960. Frá vinstri eru
mennirnir, Ragnar Emilsson arki-
tekt, Guðjón Jóhannsson smiður,
maður - nafn ókunnugt, Gunnar
Gíslason smiður, Guðmundur Guð-
mundsson smiður, Hannes Bene-
diktsson smiður, Páll Guðmunds-
son smiður, Andrés Bjarnason
smiður, maður - nafn ókunnugt.
Myndin sem nú birtist er lík-
lega af einhverri samkomu, óljóst
hverri en þó líklega einhverri
skólaskemmtun. Hverjir eru á
myndinni? Hvaða atburður er
þetta?
Hver tók myndina? Hvaða ár?
Nú reynir vissulega á lesendur
KÓPAVOGSBLAÐSINS að leysa úr
því. Sem fyrr má hafa samband
við Héraðsskjalasafn Kópavogs,
Hrafn Sveinbjarnarson í síma 544-
4710 eða senda svarið á netfang-
ið hrafns@kopavogur.is. Þessar
myndbirtingar hafa gefið góða
raun og er búið að bjarga öllum
fimm myndunum sem birst hafa
frá glötun, að einni undanskilinni
þar sem birtist mynd af konu í
byggingavinnu. Það virðist vera
hulin ráðgáta hver konan er,
a.m.k. enn sem komið er.
Kiwanisklúbburinn Eldey stuðlar
að umferðaröryggi
Kiwanisklúbburinn Eldey í
Kópavogi hefur undanfarin vor
afhent öryggishjálma til barna í
1. bekkjum grunnskólanna í Kópa-
vogi og er þetta landsverkefni
Kiwanishreyfingarinnar sem all-
ir klúbbarnir taka þátt í. Í Kópa-
vogi eru 10 grunnskólar og voru
afhentir þar um 350 hjálmar. Á
landsvísu eru þetta um 4.500
öryggishjálmar sem dreift er til
allra íslenskra barna í 1. bekk,
ekki aðeins þar sem Kiwanis-
klúbbar starfa. Helsti styrktar-
aðili verkefnisins er Eimskip en
þetta er verkefni upp á um 25
milljónir króna.
Sem áður er eitt nafn dregið
út úr þeim fjölda barna sem fær
afhent öryggishjálma í Kópavogi,
og hinn heppni fær afhent nýtt
reiðhjól en gefandi reiðhjólsins
er Reiðhjólaverslunin Hjólið við
Skemmuveg. Hinn heppni heitir
Elmar Páll Grönvold, nemandi
í Kársnesskóla. Jafnframt voru
lögreglunni í Kópavogi afhentir
nokkrir hjálmar til ráðstöfunar til
ungra vegfarenda þar sem henni
þykir þörfin helst og brýnust.
Sunnuhlíð eru
fyrsta sérhannaða
hjúkrunarheimili
fyrir aldraða
Um þessar mundir er minnst
25 ára afmælis Hjúkrunar -
heimilsins Sunnuhlíðar í Kópa-
vogi. Þann 17. mars 1979 var
sjálfseignarstofnunin “Hjúkr -
unarheimili aldraðra í Kópa-
vogi”stofnuð. Að stofnuninni
stóðu 9 félög: Kvenfélag Kópa-
vogs, Rauðakrossdeild Kópa-
vogs, Lionsklúbburinn Mun-
inn, Lionsklúbbur Kópavogs,
Rotaryklúbbur Kópavogs, Kirkju-
félag Digranessafnaðar, Kiwanis-
klúbburinn Eldey, Junior Cham-
ber, Kópavogi, Soroptimista-
klúbbur Kópavogs. Árið 1987
bættist Lionsklúbburinn Ýr
í hópinn, en Junior Chamber
gekk út árið 1998. Á árinu 2001
gerðust Félag eldri borgara í
Kópavogi og Rotaryklúbburinn
Borgir aðilar að sjálfseignar -
stofnuninni. Samstarfsvettvang-
ur félaganna hefur gengið undir
nafninu Sunnuhlíðarsamtökin.
Soroptimistaklúbbur Kópavogs
hafði forystu 1978 um að boða
formenn og fulltrúa frá öllum
þjónustuklúbbum og félögum í
Kópavogi til fundar, þar sem til
umræðu voru málefni aldraðra
Kópavogsbúa. Aðkallandi var að
fá lausn á málefnum sjúkra, aldr-
aðra í Kópavogi, en ekkert hjúkr-
unarrými var þá til í bænum.
Ákveðið var að stofna sjálfseign-
arstofnun um byggingu hjúkrunar-
heimilis fyrir aldraðra með aðild
hinna ýmsu félaga í Kópavogi.
Það var síðan 26. janúar 1980 að
Ragnhildur Guðbrandsdóttir 101
árs, þá elsti íbúi Kópavogs, tók
fyrstu skóflustungu að hjúkrunar-
heimilinu.
Bygging 76 nýrra
þjónustuíbúða undirbúin
Þann 20 maí 1982 var haldin
vígsluhátíð þar sem heimilinu var
gefið nafnið “Sunnuhlíð”. Fimm
dögum seinna kom svo inn fyrsti
sjúklingurinn. Fyrsta sérhannaða
hjúkrunarheimili fyrir aldraða á
Íslandi var tekið til starfa með 38
sjúkrarúmum.
Skömmu eftir að byggingu
hjúkrunarheimilisins lauk, ákvað
fulltrúaráð Sunnuhlíðar að bygg-
ja þjónustuíbúðir fyrir aldraðra í
tengslum við hjúkrunarheimilið.
Þá var einnig byggður þjónustu-
kjarni vestan við hjúkrunarheim-
ilið. Um þessar mundir undirbýr
stjórnin byggingu 76 þjónustu-
íbúða fyrir aldraða rétt við núver-
andi þjónustuíbúðir Þessar íbúð-
ir munu styrkja svæðið í kringum
Sunnuhlíð til enn frekari mögu-
leika á sameiginlegri þjónustu og
skapast grundvöllur til þess efla
og styrkja starfsemina.
Í dag er Sunnuhlíð rekin með
72 hjúkrunarrýmum í 34 einstak-
lingsherbergjum og 19 tveggja
manna. Þá er rekin dagvist og
sjúkraþjálfun . En vandinn er mik-
il í Kópavogi hvað varðar vistun
fyrir aldraða. Biðlistar eru langir
og kröfur um betri og meiri þjón-
ustu eru uppi. Þá gengur almennt
illa að manna umönnunarþjón-
ustu í landinu.
Sunnuhlíð.
��
��������������
Alltaf nýbakað og ferskt hjá okkur
Brauð, kökur, tertur, smurt og veisluþjónusta
Úrvalskaffi og heitur reitur
Opið alla daga kl. 9-18 Búðakór 1 • Sími 534-6654
Reiðhjólið var afhent við lögreglustöðina í Kópavogi að viðstöddum
Kiwanisfélögum og lögreglu.