Tíminn - 14.01.1962, Page 16

SKUGGA-SVEINN
I STAÐ NEFNDARINNAR?
Guðlaugur Rósinkranz, þjóðleikhússtjóri
NEPTUNE-VEL I
Tólf menn voru í vélinni — leit enn árangurslaus
Bandarísk herflugvél með
12 mönnum innanborðs, fórst
í Grænlandshafi á föstudag.
Leit að flugvélinni eða braki
úr henni hefur ekki borið
árangur. Leitarflugi verður
haldið áfram eftir því sem
veðurskilyrði leyfa, en þau eru
mjög slæm.
Flugvél þessi var af gerðinni
Victor Neptune. Hún fór frá Kefla
vík laust fyrir kl. 7 á föstudags-
morgun í ískönnunarflug. Síðast
fréttist af vélinni rúmum tveimur
tímum síðar eða kl. fimmtán mín-
útur yfir 9, er hún sást í ratsjá.
Þá var flugvélin 270 mílur norð-
vestur frá Keflavík. Síðar reyndist
árangurslaust, þrátt fyrLr ítrak-
aðar tilraunir að ná sambandi við
vélina Leit var1 hafin þegar á
föstudag og leituðu flugvélar frá
flugher Bandaríkjamanna í Græn-
landi og danska flughernum fram
til myrkurs. Leitarskilyrði voru
mjög slæm og voru enn í gær-
morgun, er leit hófst að nýju
snjókoma, hafrót og hvassviðri
og breyting á veðxi til batnaðar
þá ekki fyrirsjáanleg næsta sólar
hringinn.
Skip og togarar á Grænlands-
hafi voru beðin að svipast um eftir
flugvélinni eða björgunarbátum,
en hafrót er mikið á þessu svæði
og hafa skip leitað hafnar vegna
veðurs.
Varðskip frá ísl. landhelgisgæzl-
unni er við Vestfirði óg viðbúið,
ef aðstoðar verður þörf.
Fimm bandarískar flugvélar og
ein íslenzk lögðu upp til leitar frá
Keflavíkurflugvelli í gær og einn-
ig leita flugvélar frá Prestvík og
Grænlandi. Mikill hafís er á Græn-
landshafi og mun leitinni einkum
verða beint að ísbi'eiðunni.
Neptune flugvélin hafði benzín til
flugs þar til kl. 21.56 á föstudags-
kvöld.
Fréttamaður Tímans átti
nýverið tal við Guðlaug Rósin-
kranz, Þjóðleikhússtjóra, um
fjárhag leikhússins, Skugga-
Svein og þau verk, sem tekin
verða til sýningar í leikhúsinu
síðari hluta þessa leikárs.
í haust hefur rekstur Þjóðleik-
hússins gengið vel, aðsókn verið
góð að leikritunum þrem, Allir
komu þeir aftur, Strompleiknum
og Sfcugga-Sveini, og virðist því
ástæðulaust að bera kvíðboga fyr-
ir framtíð leikhússins, þó að það
hafi nú algerlega orð'ið að standa
á eigin fótum.
Neituðu að borga hallann
— Hvað viljið þér segja um
f járhag ieikhússins, sem verið hef
ur mjög á dagskrá að undanförnu?
— Fjárhagur Þjóðleikhússins
var slæmur í haust, og mun hall
inn hafa numið um 1,4 milljónum
króna, en þá höfðum við ekki
fengið neinn styrk í þrjú ár ann
an en okkar hluta af skemmtana
skattinum. Ríkisstjórnir hafa ann
ars alltaf lagt til, að rikið greiddi
reksturshallann, og í haust sótt-
um við um það til Alþingis, að
svo yrð'i gert, en að þessu sinni
neitaði ríkisstjórnin að leggja
til við þingið, að þetta yrði'. Hins
vegar sögðu þeir, að leikhúsi.ð ætti
að bera sig og skipuðu þriggja
manna nefnd ti.l að athuga fjár-
hag þess, en hún hefur ekki enn
skilað áliti.
— Hverjir eiga sæti í þessari
nefnd?
— Þeir eru þrír, embættismenn
irnir Einar Bjamason, ríkisendur
skoðandi, Birgir Thorlacíus, ráðu
neytisstjóri og Magnús Jónsson,
bankastjóri.
— Það hefur þá verið grunur
þeirra, að eitthvað mætti betur
fara í rekstrinum?
— Það hlýtur að vera, en ann
ars er það ástæðulaust, því að
yfirendurskoðandi ríkisins hefur
alltaf samþykkt alla reikninga og
aldrei haft neitt við þá að at-
huga.
— Hafa ekki leikritin í haust
bjargað þessu við?
— Jú, til allrar blessunar fyrir
leikhúsið hafa þau leikrit, sem
við höfum sýnt í haust, gengið
vel og aðsókn verið góð. Fyrst
var Allir kornu þeir aftur, sýnt
35 sinnum, oftast fyrir fullu húsi,
en þá var sýningum hætt. Svo kom
Strompleikurinn eftir Kiljan, sem
einnig gekk mjög vel. Hann var
sýndur tuttugu sinnum frám að
jólum, en sýningar hefjast aftur
nú í janúarlok. Fyrir jólin höfðu
um 17000 manns séð. Allir komu
þeir aftur, en kringum 10.000
Strompleikinn. Nú er verið að
þýða hann á þýzbu og sænsku,
(Framhald á 15 síðui
Strand
Þa8 er venjulega mjög mlk-
II ánægja fyrir fólkið beggja
megin Eystra-salts að fá sér
smásiglingu milli Danmerkur
og Svíþjóðar — og fá sér þá
um leið vín og vindlinga fyrir
lítinn pening.
En ánægja farþeganna á
ferjunni „Mols" hvarf skyndi-
lega, þegar ferjan strandaði
rétt utan hafnarinnar Snekk-
ersten — og allir urðu að fara
í björgunarbáta.

HÁDEGISKLÚBBURINN
kemur saman n. k. miðviku-
dag á sama staS og tíma.