Morgunblaðið - 08.04.1959, Blaðsíða 20

V EÐRIÐ
Norðaustan kaldi, og síðan stinn- |
ingskaldi. Skýjað. Frost X—2 stig. |
Ályktanir landsfundar
Sjá bls. 8.
Hús brennur ofan af
tveim systrum í Búðardal
BÚÐARDAL, 7. apríl. — Lítið
hús, sem tvær aldraðar systur
bjuggu í, og þó var ekki full-
smíðað, brann ofan af þeim í
gærkvöldi. Þær komust báðar
ómeiddar út úr húsinu. en misstu
allt sitt, því engu tókst að bjarga
úr hinu litla húsi þeirra.
Systur þær, er hér um ræðir,
eru Axelina og Kristbjörg Jóns-
dætur frá Köldukinn í Haukadal.
Þær fluttust hingað til kauptúns-
ins fyrir um það bil há'ífu öðru
ári. Höfðu þær látið reisa sér
þetta litla hús, sem var t:mbur-
hús með um 50 ferm. gólffleti,
einlyft. Það var ekki fullsmíðað,
og þær ekki búnar að taka öll
herbergin í því til íbúðar.
Um klukkan 10,30 í gærkvöldi,
er hér var strekkingur af norð-
austri með snjóslitringi og þó
nokkru frosti, urðu systurnar
varar við eld í lofti hússins.
Þær brugðu skjótt við og köll-
uðu á hjálp. Fólk úr næstu hús-
um þusti þegar á vettvang, en
þá var húsið alelda orðið. svo
ekki voru tök á að bjarga einu
eða neinu af innanstokksmuun-
um fötum eða öðrum eigum
þeirra systra.
Önnur systranna, sem hefur
framfæri sitt af því að taka að
sér prjón, missti prjónavélina í
eldsvoðanum. Hin systirin er ör-
yrki. Hafa þær orðið fyrir mjög
tilfinnanlegu tjóni, því lágt mun
innbú hafa verið vátryggt.
Húsið var hrunið til grunna
eftir um það bil eina klukku-
stund. Ekki er vitað með hverj-
um hætti eldurinn kom upp í hús
inu, en það var ekki raflýst.
Nágrannar þeirra hér í kaup-
túninu hafa skotið yfir þær
Köldukinnarsystur skjólshúsi.
— E.
Ungu stúlkurnar í Laugavegs Apóteki: Jóna Vestmann, Sigurbjörg Sveinsdóttir, Ásdís Ast-
þórsdóttir og Guðrún Alfonsdóttir.
,Atferli Tímans er væqast sagt
móðgandi smekkleysa"
//
Vib erum allar mjög sárar yfir hin-
um mjög svo óviðeigandi skrifum
Timans
44
GREIN sú, er Timinn birti á
þriðju siðu sinni á sunnudaginn
undir fyrirsögninni: „Ráðast ís-
lenzkar stúlkur til starfa við
enskan næturklúbb?“ hefur hvar
vetna vakið athygli og andúð.
Greindi Tíminn frá miklum
gylliboðum, sem islenzkum
stúlkum yrðu gerð, til þess
að fá þær til að ganga
í þjónustu næturklúbbs eins
í London. Störf þeirra þar
áttu að vera fólgin í þvi að
„koma fram ýmist í flokkum eða
einar sér, og þá mismunandi
mikið eða lítið klæddar“. Fagn-
aði Tíminn tíðindunum og birti
jafnframt myndir, eða sýnishorn
af íslenzku kvennavali, sem til
greina kæmi — ásamt nokkrum
stúlkum „mismunandi mikið eða
lítið klæddum, sem skemmt
böfðu í hinum nafngreinda enska
næturklúbb.
Mbl. hafði í gær tal af öllum
reykvísku stúlkunum, sem Tím-
inn bendlaði við hina furðulegu
frétt — og fara hér á eftir um-
mæli þeirra:
Þvílíkt og annað eins!
Anna Guðmundsdóttir, af-
greiðslustúlka í snyrtivörudeild
Reykjavíkur Apóteks sagði: Það
var margt í búðinni, þegar þeir
á þennan ósmekklega hátt. Ég
varð bæði undrandi og reið, þeg-
ar ég sá blaðið. Og enn meira
sárnaði mér, þegar fólk fór að
stöðva ,mig á götu og spyrja
hvenær ég færi út, hvort ég
væri ekki búin að undirskrifa
Anna Guðmundsdóttir
komu og báðu um mynd. Mér
var sama þó að þeir tækju eina
— og ég vissi, að þeir voru frá
Tímanum. En mig óraði ekki fyr
ír, aZ mynd af mér yrði notuð
Svanhildur Jakobsdóttir
samning við þennan skemmti-
stað í London. Margir sögðust
hafa heyrt svo — en, almáttugur,
ég get sagt ykkur það, að ég færi
ekki hvað sem í boði væri. Því-
líkt og annað eins!“
Svanhildur Jakobsdóttir, af-
greiðir í bókaverzlun Blöndals í
Vesturveri: Ég kannast við þenn-
an strák, sem tók myndina. Hann
kemur oft í búðina, og einn dag
í vikunni bað hann mig um leyfi
til að taka mynd af mér. Ég
leyfði það, spurði svo hvað hann
ætlaði að gera með þetta, en
fékk engin ákveðin svör. Svo
gleymdi ég þessu bara, hugsaði
ekkert frekar út í það. Myndin
af mér í Tímanum kom mér því
gersamlega á óvart — og það
andspænis einhverjum gleði-
konumyndum. Þetta leit út eins
og ég væri að gerast einhver
nektardansmær. Atferli Tímans
er vægast sagt móðgandi smekk
leysa.
Allar mjög sárar
Hinar stúlkurnar fjórar, sem
Tíminn birti myndir af á þriðju
síðunni á sunnudaginn vinna
allar í Laugavegs Apóteki. Mbl.
hitti þær einnig að máli í gær.
Sigurbjörg Sveinsdóttir hafði orð
fyrir þeim: Við höfðum ekki
hugmynd um, að þessar myndir
ætti að birta í Tímanum. Hingað
kom Ijósmyndari og myndaði
okkur, við höfðum ekki hugmynd
um tilganginn. En, að þeir
skyldu fella myndir af okkur
inn í þessa grein á sunnudaginn,
það gramdist okkur öllum og
sárnaði. Fólkinu heima hjá okkur
finnst þetta líka mjög leiðinlegt
— og við höfum orðið varar við
það úti frá, að fólk hefur talið
sjálfsagt, að við værum allar
komnar á samning hjá þessum
enska skemmtistað. Síðast í dag
sátum við á Hressingarskálanum
og drukkum kaffi. Fram hjá borð
inu okkar gekk maður, sem við
bárum engin kennsl á. Hann
stanzaði, þeytti emtaki af Tíman-
um á borðið — og sagði með
þjósti: „Þarna hafið þið greinina
um ykkur“. Síðan gekk hann út.
Við vorum alveg forviða. Um
þetta eru fleiri dæmi. — Það
eina, sem við getum sagt við
þessu, er það, að við erum allar
mjög sárar yfir því, að myndir
af okkur skyldu notaðar í sam-
bandi við þessi mjög svo óvið-
eigandi skrif Tímans.
Friðrik gerði jafn-
tefli við Milev
MOSKVU, 7. apríl. — Leikar fóru
þannig í fyrstu umferð á skák-
mótinu hér, að Friðrik Ólafsson
gerði jafntefli við Búlgarann
Milev. Friðrik lék drottningar-
bragð (orthodox), og leyfði Mil-
ev drottningarkaup. Snemma
urðu svo uppskipti á peðum á
miðboröimi og taflið jafnaðist.
Jafntefli varð einnig hjá Luti-
kov og Simagin, Vasjukov og
Portisch, Spassky og Bronstein
og Filip og Larsen. Skák þeirra
Aronin og Smyslov fór í bið.
AKRANESI, 7. apríl. — í gær
voru 20 bátar héðan á sjó og
var heildarafli þeirra 359 tonn af
fiski. Var hæsti báturinn Ver með
30 tonn, en næstir komu Fylkir
og Farsæll með um 27 tonn hvor.
f dag er flotinn á sjó. — Oddur.
Skiptimyntarvélin í hrað-
ferðabiðskýlinu.
Stórt biðskýli á endasföð
hraðferðavagnanna
ÞÁ er lokið smíði biðskýlis fyrir
strætisvagnafarþega við endastöð
hraðferðavagnanna við Kalkofns
veginn og verður það nú tekið
í notkun. Er skýlið 70 fermetrar
og geta þar hæglega rúmast
70—80 manns. Auk biðsalar fyrir
strætisvagna farþega er þar bið-
stofa fyrir strætisvagnstjóra, far
miðasala og snyrtiklefar.
f biðsalnum er skiptimyntar-
vél, þannig að hægt er að fá
tveggja krónu peningum skipt í
tvo krónupeninga og þá er hægt
að fá 1 krónu peningum skipt
i 25 eyringa. Biðskýlið hefur ver-
ið í smíðum í vetur og er það
til mikilla þæginda fyrir farþega
hraðferðavagnanna.
Þá verður í gkýlinu farmiða-
sala og upplýsingar veittar.
Skýlið, sem er vandað að öllum
frágangi og bjart og nýtízkulegt,
kostar 360—380 þús. kr. Gunnar
Hansson, arkitekt, teiknaði skýl-
ið.
Síðdegis í gær komu bæjarráðs
menn við í skýlinu, á leið til
fundar, og tók forstjóri S.V.R.,
Eiríkur Ásgeirsson, á móti bæj-
arráðsmönnum og sýndi þeim
skýlið.
Bæjarráðsmenn með Eiríki Ásgeirssyni í hraðferðabiðskýlinu við Kalkofnsveg. Er Eiríknr
fremst á myndinni til vinstri, við hlið hans Geir Hallgrímsson, þá frú Auður Auðuns, forseti
bæjarstjórnar Reykjavíkur, Guðmundur Vigfússon og Magnús Ástmarsson.