Morgunblaðið - 03.08.1968, Blaðsíða 8
r
MORGUNBLAÐIÐ, LAUGARÐAGUR 3. ÁGÚST 1968
Víðast hvar eru þröngar brýr, með erfiðum aðkeyrslum.
Akstur á þ jöivegum kref st
framsýni og fyrirhyggju
NÚ um helgina má búast við
stóraukinni umferð á þjóð-
vegum landsins. Verzlunar-
mannahelgin hefur um langt
árabil verið ein mesta ferða-
helgi ársins og er jafnvel að
vænta, að umferðin verði enn
meiri þessa helgi en nokkru
sinni áður. Fjöldi móta, víðs
vegar um landið hefur verið
auglýstur og má búast við, að
umferðin verði mest í nánd
við mótssvæðin.
f tilefni þessa vill Umferð-
arnefnd Reykjavíkur og lög-
reglan koma á framfæri
nokkrum atriðum, sem gætu
orðið ökumönnum gagnleg
við akstur á þjóðvegum.
Eru öryggistækin í lagi?
Áður en lagt er af stað í
langferð, er hauðsynlegt að
aðgæta, hvort bifreiðin sé í
lagi. Eftirfarandi atriði í bif-
reiðinni eru mikilvægust í
þessu sambandi:
Stýrisbúnaður; hann má
yfirfara með því að lyfta
framhjólum bifreiðarinnar og
athuga, hvort stýrisendar,
spindlar og spindilkúlur séu
í lagi, og ekkert óeðillegt slit
sé þar að finna.
Hemla þarf að athuga sér-
staklega vel. Hemlarnir
verða að virka vel og jafnt á
öllum hjólum. Ef fóthemill
gengur að gólfi við hemlun er
bifreiðin óökufær og í stór-
hættulegu ástandi. Bifreið í
slíku ástandi ætti aldrei að
vera í umferðinni.
Hjólbarðar mega ekki vera
of slitnir, og mynzturslausir.
Loftþrýstingur í þeim þarf
að vera hæfilegur.
Merkjatæki bifreiðarinnar
verða að vera í lagi, sérstak-
lega hemlaljós, stefnuljós,
hljóðhom o.s.frv.
Rúðuþurrkur og rúðu-
sprautur er nauðsynlegt að
hafa í bezta lagi, þar eð öku-
tækið verður óökufært, þegar
rignir, ef þessi tæki eru ekki
í lagi.
Búast má við, að þau öku-
tæki, sem ekki uppfylla fyrr-
greindar kröfum, verði tek-
in úr umferð, hvar sem til
þeirra næst.
Beygjur og laus möl.
Beygjur og laus möl krefj-
ast sérstakrar aðgæzlu, eink-
um ef vegur er þröngur og út-
sýn fram á við ekki góð. Mjög
alvarleg slys hafa orðið, er
bifreið hefur lent út af vegi
við slíkar aðstæður.
Oft má rekja orsakir slíkra
slysa til rangra viðbragða
ökumanns, of mikils hraða
eða að athygli hans var bund
in við eitthvað annað en akst-
urinn. Nauðsynlegt er að gera
sér góða grein fyrir því,
hvernig bezt er að haga akstr
inum og beita öryggistækjum
bifreiðarinnar réttilega. Drag
ið úr ferðinni, þegar fram-
undan er beygja, þannig að
ekki þurfi að hemla í beygj-
unni sjálfri. Einnig er varhuga
vert að stíga fast á hemlana,
þegar ekið er í lausri möl, þar
eð hemlun við slíkar aðstæð-
ur torveldar mjög stjórn bif-
reiðarinnar. >á er einnig mjög
vafasamt, að vel takist fil, • ef
stýrishjóli bifreiðarinnar er
snúið mjög skyndilega við
slíkar aðstæður, þar eð þá er
mjög líklegt, að bifreiðin
„skransi". Ökumenn ættu að
hafa í huga, að akstur í
lausri möl líkist mjög akstri
í hálku.
Blindhæðir .
Blindhæðirnar eru nú
hættulegri en nokkru sinni
áður. Nú á þessu sumri hafa
nokkur umferðarslys orðið
við mætingu á blindhæð,
vegna þess, að ökumaður ann
arar hvorrar bifreiðainnar
gleymdi hægri reglunni. >að
er því nauðsynlegra en
nokkru sinni fyrr, að öku-
menn sýni ítrustu varúð, ef
blind hæð er framundan á
veginum. Sérstaklega er mik
ilsvert, að fylgjast vel með
umferðinni framundan og
gera sér grein fyrir, hvar
vænta má umferðar úr gagn-
stæðri átt. Gætið vel að hættu
merkjum blindhæða, dragið
þar úr hraðanum, og flytjið
ökutækið vel út að hægrr veg
arbrún og gott getur reynzt
að gefa hljóðmerki, áður en
komið er á hæðarbunguna.
Ræsi í veginum.
Víðast eru ræsin merkt
með gulum stólpum, en sums
staðar leynast þau ómert i
grasi vöxnum vegarkantin-
inum. Ráðlegt er að gæta vel
að þessari hættu í hvert sinn,
sem bifreiðar mætast.
Dragið ætíð úr hraðanum
áður en þið mætið bifreið,
nemið frekar staðar og bíðið,
en að tefla á tvær hættur með
þvi að mæta bifreið á þröng-
um vegi, á of þröngri brú eða
við ræsi.
Óvæntar hindranir.
Óvæntar hindranir kunna
alltaf að vera á veginum
framundan. Má einkum nefna
kyrrstæðar bifreiðar, og bú-
fénað. Þjóðvegimir eru víð-
ast hvar alveg óvarðir og á
búfénaður greiðan aðgang að
þeim, og verða ökumenn því
ávallt að vera viðbúnir að
þurfa að nema staðar, vegna
slíkra hindrana.
%
Of hægur eða hraður akstur.
Þegar ekið er um þjóðveg-
ina, er mjög mikilsvert að
velja réttan aksturshraða.
Heppilegast er að aka með
jöfnum, hæfilegum hraða, og
forðast framúrakstur, sem
alltaf veldur miklum óþæg-
indum og hættu. Leyfilegur
hámarkshraði á þjóðvegum
er 60 km. á klst., en ávallt
skal miða hraðann við aðstæð
ur. Of hægur akstur getur
verið fullt eins varhugaverð-
ur eins og of hraður akstur.
Ef ekið er of hægt veldur það
tíðum framúrakstri og óþæg-
indi af hans völdum verða
Akstur á þjóðvegum krefst
framsýni og fyrirhyggju.
Hver og einn, sem leggur leið
sína út á þjóðvegina, verður
að aðlagast breytilegum akst-
ursskilyrðum. Á góðum bein-
um vegi getur verið öruggt
að aka með hámarkshraða, en
það verður að vera hverjum
ljóst, að þegar ökumenn nálg-
ast beygjur, blindhæðir,
blindbeygjur, mæta ökutækj-
um og nálgast brýr verða
þeir að draga verulega úr
hraðanum.
Rykmekkir, steinkast og aur.
Rykmekkir á góðviðrisdög-
um blinda ökumönnum út-
sýni fram á veginn og gera
framúrakstur stórhættulegan.
Svipað má segja um látlaus-
ar aurslettur, þegar rignir,
endalausar holur og grjótflug
undan hjólum bifreiðanna.
Bezta ráðið til að forðast
óþægindi, sem þessu fylgir, er
að halda jöfnum hraða og
hafa gott bil til næstu bifreið-
ar á undan.
Ef bifreiðin bilar.
Nú um helgina verða 21
vegaþjónustubifreið F.Í.B.
starfandi á vegum úti, ferða-
fólki til aðstoðar.
Ef bifreiðin bilar, er nauð-
synlegt að leggja henni þann-
ig að hún valdi ekki óþarfa
hindrun og hættu fyrir aðra
umferð. Bezta leiðin til að
leita aðstoðar vegaþjónustu
F.Í.B. er að stöðva einhverja
hinna fjölmörgu tals'töðvarbif
reiða, og biðja ökumann
hennar að koma skilaboðum
áleiðis til vegaþjónustunnar.
Ef næst í síma má hringja í
Gufunesradíó í síma 22384 eðá
Akureyrarradíó í síma 11004
eða Seyðisfjarðarradíó. Tak-
ist að gera við bilunina áður
en bifreið vegaþjónustunnar
n<X; á staðinn, er nauðsyn-
legt að afþakka aðstoðina á
sama hátt og um hana var
beðið.
Þing Brazzaville
- Kongó leyst upp
1. ágúst AP — NTB. | tók fyrir alla starfsemi fram-
Forseti Brazzaville Kongó, kvæmdanefndar stjórnarflokks-
( fyrrum frönsku Kongó ), ins, „Þjóðlegu byltingarhreyfing
Alphonse Massamba Debat, arinnar“. Kveðst hann munu
leysti í dag upp þing landsins og I stjórna með tilskipunum unz nýj
ar kosningar hafi farið fram í
landinu, en ekki var nánar greint
frá því hvenær það yrði. Þá til-
kynnti forsetinn, að sett yrði á
laggirnar sérstök nefnd til þess
að verja byltinguna og yrðu
nefndarmenn valdir á fundi
helztu forystumanna þjóðfélags-
ins.
Aðgerðir þessar eru sagðar
fylgja í kjölfar tilrauna af hálfu
hinna róttækustu vinstri manna
í flokknum til þess að koma
Massamba Debat úr forsetastóli
Hann hefur haft forsetaembætt-
ið á hendi frá því 1963, er hann
komst til valda með byltingu.
Fjórum mánuðum síðar, rúmlega
voru haldnar kosningar og þing
það kjörið, er hann hefur nú
leyst upp.
í gær voru farnar hópgöngur
í Brazzaville og forystumenn
stj órnarflokksins fordæmdir eft-
ir byltingartilraunina. NTB frétt
segir, að þeir, sem að henni hafi
staðið fyrst og fremst hafi verið
lærðir og uppaldir í kommúnísk
um fræðum á Kúbu. Þess var
krafizt á fjöldafundum, að mönn
um þessum yrði visað úr stöðum
sínum og lýst var yfir stuðningi
við forsetann. Hann tók fram í
tilkynningu sinni í dag, að hann
hefði gert fyrrgreindar ráðstaf-
anir til þess að uppfylla óskir
þjóðarinnar er hefðu komið
glöggt fram í gær. Jafnframt
skoraði hann á alla íbúa lands-
ins, að sýna stillingu og halda
reglu. Brazzaville útvarpið sagði
í kvöld, að forsetinn nyti stuðn-
ings hersins.
Forystumenn Þjóðlegu bylting
arhreyfingarinnar höfðu nærein
valdir farið með völd í landinu
í nokkurn tíma er Massamba De-
bat vísaði úr starfi forsætisráð-
herra landsins og leiðtoga flokks
ins. Styrkti hann þar með að-
stöðu sína, en hefur að undan-
förnu átt í vök að verjast á ný.