Morgunblaðið - 29.11.1978, Blaðsíða 13

MORGUNBLAÐIÐ, MIÐVIKUDAGUR 29. NÓVEMBER 1978
13
Davíð Sch. Thorsteinsson,
formaður FÍI:
„Frumvarpið eins og
borgarísjaki, þar sem
aðeins yfirborðið sést“
„Mér finnst
efnahagsfrum-
varpið helst líkj-
ast borgarísjaka,
þar sem aðeins
sést í yfirborðið
en 9/10 hlutar
eru huldir," sagði
Davíð Scheving
Thorsteinsson
formaður Félags
íslenzkra iðnrekenda í samtali við
Mbl. í gær.
„í frumvarpinu er boðaður
fjöldinn allur af lögum um ýmis
málefni og því er mjög erfitt að tjá
sig um það án þess að hafa séð
allan borgarísjakann og það sem
honum fylgir. Að öðru leyti vil ég
vísa til fréttatilkynningar frá
Vinnuveitendasambandi Islands í
dag.“
Aðspurður kvaðst Davíð aðeins
vilja segja nokkur orð um „kröfu-
pakka" ASÍ, því yrði væntanlega
svarað siðar, sem þar kæmi fram.
„Mér finnst þessi kröfupakki
allfurðulegur," sagði Davíð, „því
þar finnst mér koma fram gjör-
breytt stefna hjá Alþýðusambandi
Islands, frá því sem áður hefur
verið. Það hefur jafnan verið á
móti og fordæmt hvers konar
afskipti ríkisins af frjálsum'samn-
ingsrétti en biður nú beinlínis um
lög um ýmis svið samninganna í
• stað þess að leita samninga eins og
það hefur þó viljað gera hingað til.
Um einstaka kröfur vil ég vera
fáorður, ég hef ekki séð annað en
það sem birtist í Mbl. og tel ekki
rétt að svara nánar fyrr en ég hef
fengið plagg ASÍ í hendurnar. En
sé það rétt t.d. að þess sé krafist að
trúnaðarmenn geti boðað vinnu-
stöðvun brestur mig orð til þess að
lýsa skoðun minni á þessum
vinnubrögðum."
Margir í
basli í veð-
urhamnum
MARGIR lentu í hinum mestu
erfiðleikum vegna vatnselgsins og
veðurhæðar í fyrrakvöld og þá
einkum ökumenn. sem lögðu leið
sina fyrir Hafnarfjall. Þar fuku
hreinlega nokkrir bílar út af
veginum og þar á meðal lögreglu-
bíll frá Borgarnesi. Á Kiðafelli í
Kjós fauk járn af húsum og
ökumenn áttu í erfiðleikum við
Tíðaskarð. í Reykjavík var flóð á
götum undir miðnættið, en að sögn
Inga Ú. Magnússonar gatnamála-
stjóra gekk þó óvenju vel að halda
niðurföllum opnum og menn frá
gatnamálastjóra voru á vakt alla
nóttina til að fylgjast með
lágpunktum.
Hjalti Sigurbjörnsson fréttaritari
Mbl. á Kiðafelli í Kjós sagði að á
Kiðafelli hefði fjórðungur járns á
þaki íbúðarhúss farið í veðrinu.
Sömuleiðis hefði þakjárn losnað á
hlöðu og fjárhúsum. Mikil hálka var
á vegum og tók það t.d. tvo
klukkutíma að komast á milli
Keldnaholts og Kiðafells, sem venju-
lega er hálfrar klukkustundar akst-
ur. Að sögn lögreglunnar í Hafnar-
firði fékk hún ekki tilkynningar um
slys eða óhöpp á veginum í Kjós.
Hins vegar var vitað um bíla sem
lentu í erfiðleikum.
Meðal þeirra bíla, sem fuku út af
veginum undir Hafnarfjalli, var einn
stór vörublutningabíll og lögreglu-
bíll úr Borgarnesi. Lögreglubíllinn
rann út í vegkantinn í hálkunni og í
einni hviðunni valt bíllinn á hliðina.
Hann skemmdist þó mjög lítið og var
stór vöruflutningabíll fenginn til að
rétta lögreglubílinn við um nóttina.
Að sögn lögreglunnar í Borgarnesi
var veðurofsinn mestur á milli
Seleyrar og Grjóteyrar og á Seleyri
mældist vindhraðinn 11—12 vind-
stig, en strengurinn var mestur með
Fjallinu. Lögreglan sneri við bílum á
suðurleið vegna veðursins.
Að sögn Ofeigs Gestssonar frétta-
ritara Morgunblaðsins á Hvanneyri
voru það um 10 bílar, sem ýmist fuku
út af vegjnum undir Fjallinu eða þá
að fólkið yfirgaf þá í veðurofsanum.
M.a. fauk fólksbíll um koll, fór
heilhring og stóð á hjólunum er
loftferðinni lauk. Þessi bíll skemmd-
ist verulega, en yfirleitt var tjón á
bílum ekki mikið og ekki er vitað um
slys á fólki.
PARTNER
ER NÝTT VÖRUMERKI
FYRIR VANDAÐAN
OG ÞÆGILEGAN FATNAÐ
Á NORÐURLANDI
VERSLUNIN BRÁ.
SIGLUFIRÐI.
VERSLUNIN ASKJA.
HÚSAVlK.
VERSLUNIN SPARTA.
SAUÐÁRKRÓKI
VERSLUNIN LÍN.
ÓLAFSFIRÐI.
VERSLUNIN VISIR
BLÖNDUÓSI
HAFNARBÚÐIN,
RAUFARHÖFN.
VERSLUN
SIGURÐAR PÁLMASONAR
HVAMMSTANGA
viðurkennt að þessi regla feli í
sér óþolandi mismunun milli
manna sem í raun hafa sömu
laun, en mismunandi uppbyggt
launakerfi. Þannig njóta nú allir
félagsmenn ASÍ óskertra verð-
bóta meðan 80% félagsmanna
BHM búa við skertar verðbætur.
í þessu sambandi viljum við vísa
í drög að áliti vísitölunefndar í
nóvember 1978, en þar er sýnt
fram á þá mismunun, sem
núgildandi regla um þak á
verðbætur hefur í för með sér.
Hins vegar koma hvergi fram í
drögunum eð bókunum með
þeim, nein rök fyrir slíkri
takmörk^n verðbóta.
BHM vill jafnframt benda á
að aðgerðir skv. 2. og 3. gr.
frumvarps til laga um tíma-
bundnar ráðstafanir til viðnáms
gegn verðbólgu, þ.e. lækkun
skatta og félagslegar umbætur,
koma félagsmönnum BHM
sennilega að litlu gagni, enda
var ekkert samráð haft við BHM
um þessar aðgerðir og getur
bandalagið þvi ekki sætt sig við
að þessar aðgerðir skerði verð-
bætur félagsmanna bandalags-
ins.
Við viljum því óska eftir því
að fá að skýra þessi sjónarmið
nánar á fundi með yður, hr.
forsætisráðherra, áður en frum-
varp þetta verður lagt fram á
þingi. Jafnframt væntum við
þess að hér eftir verði haft
nánara samráð við BHM, og þá
ekki aðeins á síðustu stigum, og
teljum við raunar að það sé
forenda þess að vinnufriður
haldist"
PER HANSSON
ÓGNARDAGAR í OKTÓBER 1941
Ógnardagar 1 oktober er hlaðin spennu. — óhugnanlegri viti
firrtri spennu! Bókin segir frá óhugnanlegustu fjöldamorðum
heimsstyrjaldarinnar síðari, þegar allir karlmenn, sem
bjuggu í bænum Kragujevec í Júgóslavíu voru teknir af lífi.
Morðin áttu að brjóta baráttuþrek Serbanna, en sameinaði þá
í stað þess að sundra. Og þeir, sem eftir lifðu í þessum
draugabæ, biðu þess að skæruliðarnir kæmu, — og svo
sannarlega komu skæruliðarnir.
Þessi bók er mikilfengleg lýsing mannlegrar reynslu,
stórfenglegur vitnisburður um sérstaka hetjudáð. Höfundur-
inn er mörgum kunnur af fyrri bókum hans. Teflt á tvær
hættur, Tíundi hver maður hlaut að deyja, Höggvið í sama
knérunn og Trúnaðarmaður nazista nr. 1, en ðgnardagar í
október er snjallasta bók hans, — hún er snilldarverk.
KNUT HAUKELID
BARÁTTAN UM ÞUNGAVATNIÐ
Baráttan um þungavatnið er æsispennandi! Hver síða
bókarinnar speglar harðfengi og hetjulund, sálarþrek og
járnvilja, ógnir og æsilega spennu. Bókin segir frá baráttu
norskra skæruliða, er þeir sprengdu þungavatnsverksmiðjuna
í Vemork í loft upp, — en Þjóðverjar þurftu þungt vatn til að
geta íramleitt vetnissprengju og þetta var eina þungavatns-
verksmiðjan í Evrópu.
Norsku skæruliðarnir voru Þjóðverjum fremri að einbeitni,
hugkvæmni og kænsku og þeir máttu þola hverskyns harðræði
í illviðrum á öræfum uppi á meðan þeir biðu færis. Þrekraun
þeirra er talin með meiri hetjudáðum heimsstyrjaldarinnar
síðari og enn æsilegri vegna þess að hún er sönn. Þessi
hetjusaga á vart sinn líka í stríðsbókmenntum, svo æsileg er
hún.