Morgunblaðið - 07.04.1979, Blaðsíða 47

MORGUNBLAÐIÐ, LAUGARDAGUR 7. APRÍL 1979
47
• Danir áttu ekkert svar og áttu engan jafnoka Péturs Guðmundsson-
ar, sem átti stórkostlegan ieik, er stórsigur vannst á Dönum í
gærkvöldi.
íslandsmótið
í badminton
um helgina
ÍSLANDSMÓTIÐ í badminton fer fram um næstu helgi í
Laugardalshöllinni. Hefst mótið á laugardag kl. 10 f.h. með
leikjum í undanúrslitum og er hér um nýjung að að ræða í
framkvæmd mótsins. Vonar mótanefndin að þetta komi keppend-
um betur, því oft hafa undanúrslit ekki farið fram fyrr en seint á
laugardagskvöldi og gert mótið langdregið og þreytandi.
Maraþon
f mm m
i Eyjum
ÞRETTÁN og fjórtán ára
gamlir Tyrarar í Vestmanna-
eyjum hefja í dag kl. 3
maraþonfótbolta og er ætlun
þeirra að reyna að slá íslands-
metið sem er um 33 klukku-
stundir. Eyjapeyjarnir ætla að
slá tvær flugur í einu höggi,
því um leið ætla þeir að afla
fjár í ferðasjóð fyrir sinn
aldursflokk. Keppnin fer fram
í íþróttahöllinni í Lautinni.
Firma-
keppni
Valsí
kðrfu
HIN árlega firmakeppni
körfuknattleiksdeildar Vals
fer fram dagana 12. og 14.
apríl n.k. Keppt er um vegleg
verðlaun og undanfarin ár
hafa margir af þekktustu
körfuknattleiksmönnum
landsins verið i fylkingar-
brjósti sinna fyrirtækja og
allir hafa gaman af. Þau fyrir-
tæki, sem hyggja á þátttöku,
skulu snúa sér til Halldórs
Einarssonar í síma 31516 í
síðasta lagi 11. apríl og til-
kynna þátttöku.
(Frá Val.).
Páskamót
ÍBV í sundi
PÁSKAMÓT ÍBV í sundi fer
fram í Sundhöll Vestmanna-
eyja 18. apríl næstkomandi.
Keppni hefst klukkan 20.00, en
upphitun klukkustundu fyrr.
Þátttökutilkynningum ber að
koma til Jóns H. Daníelssonar
fyrir 14. apríl í síma 98-1867,
eftir klukkan 22.00.
Firma-
keppni
HSÍ
Handknattleikssamband
íslands hefur ákveðið að halda
FYRIRTÆKJAKEPPNI í hand-
knattleik síðar í vetur.
Þátttökutilkynningar ásamt
kr. 35.000.- þátttökugjaldi
þurfa að hafa borizt skrifstofu
HSÍ, pósthólfi 864, fyrir 15. apríl
n.k.
Nauðsynlegt er að tilgreina
ábyrgðarmann, fyrir hvert lið, í
þátttökutilkynningu.
Kvenfólkið
og íþróttir
RÁÐSTEFNA á vegum ÍSÍ um
stöðu kvenfólks í íþrótta- og
félagsstarfi fer fram í Leifsbúð
á Hótel Loftleiðum í dag. Hefst
hún klukkan 10.00 og stendur
eitthvað fram eftir degi.
Þarna verða flutt erindi og
síðan unnið í starfshópum.
Aldrei fyrr hefur slík úttekt
verið gerð á hlutdeild kvenfólks
í íþróttalífi hérlendis.
Úrslit mótsins hefjast síðan
kl. 2 e.h. á sunnudag. Keppt
verður í öllum greinum í meist-
ara- og A-flokki ásamt einliða-
og tvíliðaleik karla og tvenndar-
leik í öðlingaflokki. Þátttakend-
ur eru rúmlega hundrað frá
eftirtöldum félögum: TBR, KR,
Val, Víkingi, BH, TBS, ÍA og
Gerplu.
Allir bestu badmintonleikarar
landsins eru meðal þátttakenda.
Má þar nefna í einliðaleik
Jóhar.n Kjartansson, íslands- og
Reykjavíkurmeistara, og
Kristínu Magnúsdóttur, íslands-
og Reykj avíkurmeistara.
í tvíliðaleik karla má nefna
íslandsmeistarana Jóhann
Kjartansson og Sigurð Haralds-
son og Reykjavíkurmeistarana
Sigfús Ægi Árnason og Sigurð
Kolbeinsson ásamt Akurnes-
ingnum Jóhanni Guðjónssyni og
Herði Ragnarssyni en Hörður er
við nám í Danmörku og kom
heim gagngert til að taka þátt í
þessu móti og má búast við að
þeir veiti meisturunum harða
keppni og blandi sér í úrslitabar-
áttuna um íslandsmeistaratitil-
inn. í tvíliðaleik kvenna má
búast við að hart verði barist um
meistaratitilinn.
íslandsmeistararnir Hanna
Lára Pálsdóttir og Lovísa
Sigurðardóttir mæta til leiks
ákveðnar í því að halda titlinum
frá því í fyrra. Þær sem koma til
með að vera keppinautar þeirra
um titilinn, eru núverandi
Reykjavíkurmeistarar Kristín
Magnúsdóttir og Kristín Berg-
lind, en þær stöðvuðu margra
ára sigurgöngu Hönnu Láru og
Lovísu á síðasta Reykjavíkur-
móti. Síðan hafa farið fram þrjú
mót, þar sem þær hafa mæst i
úrslitum og hafa Lovísa op
Hanna Lára sigrað tvívegis en
nöfnurnar einu sinni.
Á þessu má sjá, að úrslitin eru
engan veginn ráðin fyrirfram í
þessari grein.
í tvenndarleik hefur sjaldan
verið eins erfitt að spá um úrslit
og má þar nefna þrjú pör sem öll
geta hreppt titilinn, en það eru
I
Stórsigur
gegn Dönum
í körfubolta
„VIÐ unnum Dani stórt í
kvöld og eigum eftir að
gera enn betur á morgun,“
sagði Stefán Ingólfsson
hress í bragði þegar Mbl.
símaði til Danmerkur í
gærkvöldi. Þá var íslenska
körfuboltalandsliðið nýbú-
ið að rassskella erkifjend-
urna, Dani 90 —69. Danir
voru þó yfir í hálfleik, þá
stóð 38—37. Það var eink-
um stórkostlegur leikur
Péturs Guðmundssonar
sem átti mestan þátt í sigri
íslenska liðsins. Pétur
skoraði alls 29 stig í leikn-
um, var með 70% skotnýt-
ingu og ekki nóg með það,
heldur hirti íslenski risinn
24 fráköst „sem er ótrúlegt
eins og Stefán komst að
orði við Mbl. í gær.
íslendingarnir náðu sér þó varla
á strik í fyrri hálfleiknum í gær-
kvöldi, vörnin vann ekki nógu vel
saman og leikmönnum urðu á
mistök í sókninni að auki. Ofan á
það bættist, að Danir hittu lygi-
lega vel utan af vellinum og höfðu
þeir því jafnan forystuna, sem þó
var í leikhléi aðeins eitt stig, því
íslendingarnir slepptu þeim aldrei
langt frá sér.
Landinn tók hamskiptum í ’iálf-
leik, keyrði hraðann upp í byrjun
síðari hálfleiks og náði þá slíkri
forystu, að það var aðeins forms-
atriði að ljúka leiknum. Vörnin
var gerbreytt, hélt Dönunum frá,
þannig að þeir neyddust jafnan til
að skjóta úr erfiðum færum. Þá
kom í ljós, að úthald Dananna var
ekki í góðu lagi, þeir hreinlega
brotnuðu þegar Islendingarnir
keyrðu hraðann upp. Mbl. spurði
Stefán hvort Danir væru bóksaf-
lega með lélegt lið og svaraði
hann: „Þeir eru mun betri en þegar
við unnum þá í Polar Cup í fyrra
með um 30 stiga mun. En okkur
hefur einnig farið geysilega fram,
á því er ekki nokkur vafi. Annars
er athyglisvert, að bæði þessi lið,
sem við höfum lagt að velli þessa
síðustu daga, þ.e.a.s. Skotar og
Danir, eru á leið í undankeppni í
Evrópukeppni laridsliða í körfu,
það segir sína sögu um stöðu
okkar."
Stigahæstir hjá íslandi voru
Pétur með 29, Kristján Ágústsson
20 stig og Jón Sigurðsson 18 stig.
Síðari leikur liðanna hefst í dag
klukkan 13.30 að okkar tíma.
— Kg-
O Jóhann Kjartansson. Þeir sigrar sem kunna að ialia í hans hlut um
helgina, verða væntanlega ekki átakalausir.
íslandsmeistararnir Jóhann
Kjartansson og Kristín Berglind
Reykjavíkurmeistararnir Har-
aldur Kornilíusson og Lovísa
Sigurðardóttir. TBR-meistar-
arnir Jóhann Kjartansson og
Kristín Berglind ásamt Brodda
Kristjánssyni og Kristínu
Magnúsdóttur en þau sigruðu í
nýafstöðnu Ljómamóti á Akra-
nesi.
Á þessari upptalningu má sjá,
að hér verður um mjög harða
keppni að ræða.
1 A-flokki er fjöldi þátttak-
enda eins og venjulega. Þar eru
margir ungir og efnilegir bad-
mintonleikarar ásamt eldri og
reyndari keppendum og ef ætti
að nefna einhverja þá eru það
helst KR-ingarnir Ágúst Jóns-
son og Óskar Bragason, en þeir
hafa verið sigursælir á mótum
undanfarið.
Mótsstjóri verður Ragnar
Haraldsson.
Það má því búast við skemmti-
legri keppni á mótinu og er allt
áhugafólk um badminton hvatt
til að fjölmenna í Laugardals-
höllina um næstu helgi og hvetja
keppendur til dáða í þessari
skemmtilegu og fögru íþrótt.
Má að lokum endurtaka það að
undanúrslitin fara fram á
sunnudagsmorgun kl. 10 en und-
anúrslitaleikir eru oft mjög
skemmtilegir og spennandi leik-
ir, þar sem barist er um úrslita-
sætin og því til mikils að vinna.