Morgunblaðið - 19.07.1979, Page 22

22
MORGUNBLAÐIÐ, FIMMTUDAGUR 19. JÚLÍ1979
Þessi mynd er tekin á sunnudeginum í Stornaway. Eins og fram kemur í pistlinum
var þó lítil umferð.
Frá höfninni í Stornaway. Eins og sjá má er floti þeirra ekki það sem kalla má af
nýjustu gerð.
Vestmannaeyjar — Suðureyjar:
Leiðinlegt veður, leki og biluð sjálfs-
stýring settu mark sitt á ferðina
BLAÐINU hefur borizt eftirfarandi fréttapistill frá áhöfninni á
skútunni Bonny frá ísafirði, sem er á leið til Miðjarðarhafsins.
Sigldi hún, eins og áður hefur komið fram í blaðinu, án
stofnmasturs frá Reykjavík til Skotlands. En iátum þau sjálf segja
ferðasöguna:
Erum við á réttri leið? Bárður, Kristfn og Gunnar við leiðarreikn-
ing.
Það var galvösk áhöfn, sem
lagði af stað frá Vestmannaeyj-
um til Skotlands eftir viðburðar-
lausa ferð frá Reykjavík. Veðrið
var frekar ieiðinlegt, grenjandi
rigning og mótvindur og ekki
batnaði skapið, þegar sjálfsstýr-
ingin bilaði og fyrirsjáanlegt var
að við þyrftum að sitja við
„rattið" alla leið.
Enn versnaði ástandið þegar
timburmaðurinn tilkynnti, að
skipið væri hriplekt, þar sem að
pakkning með stefnisröri væri
farin og tilkynnti skipstjórinn,
að skynsamlegast væri að snúa
við til Eyja. Kom þá mikill kurr í
mannskapinn og benti hann
„kallinum" á, að miðað við önnur
undangengin áföll væri þetta
aðeins lítilræði, þar sem ágætis
lensidælur væru í skipinu, og var
því haldið stefnunni 126° (sam-
kvæmt leiðarreikningi) eftir sem
áður.
Fljótlega tókst að gera við
sjálfsstýringuna og upp rann
morgunn með vestlægan vind og
var mannskapurinn ekki seinn á
sér að drífa upp rennandi blaut-
ar sængur og yfirhafnir frá
kvöldinu áður til þurrkunar.
Fram eftir degi hélst vindur
suðvestan 3—4 vindstig og höfðu
menn orð á því að gott væri að
hafa stórsigluna í slíkum
draumabyr, en við urðum að
sætta okkur við að hún væri
brotin, og önnur fengist ekki
fyrr en í Troon. Leið nú dagur að
kveldi, án tíðinda, og nótt fór í
hönd með vaxandi vindi, 5—6
vindstigum og talsverðum sjó,
ásamt veltingi og ágjöf. Skyndi-
lega heyrðist kall frá vaktmanni
„ship ohoj“ og reyndist það vera
færeyski báturinn Lækur TV
141, sem var á leið til fiskveiða
við Grænland. Með talstöðvar-
sambandi fengum við upp
Corantölur og vorum við þá 170
mílur suðaustur af Vestmanna-
eyjum, á réttri leið. Bar nú fátt
til tíðinda þann daginn, nema
það, að Elli kokkaði franskan
rétt, sem áhöfnin kunni vel að
meta.
Vissum af landi
framundan eins og
víkingarnir forðum
Þriðji dagurinn leið með um-
ræðum við vélagný og velting um
hversu gott væri að hafa uppi
segl og reiða í ljúfum byr og er
erfitt að lýsa muninum á þessu
tvennu.
Á fjórða degi fór vindur vax-
andi þar til komið var hvass-
viðri, en skapið hélst gott þar
sem menn körpuðu um hvaða
bjórtegund væri bezt og endaði
rimman á því, að allar tegundir
skyldu prófaðar, þegar komið
væri í skozka höfn. Dimmt var
yfir og lélegt skyggni, útvarps-
skilyrði voru fyrir neðan allar
hellur og gekk illa að miða út
radiovitann Butt of Lewis. En
eins og víkingarnir forðum viss-
um við af landi framundan af
fuglalífi og breytingu á öldulagi.
Rýndu menn út í sortann og sáu
alls kyns hillingar, allt frá fjall-
garði og niður í sjónpípu á
rússneskum kafbáti og þegar
kall barzt ofan af þiljum um að
land væri framundan var bara
hlegið. En land var það og það
Herbrides-eyjar, en þangað var
einmitt ferðinni heitið og um 102
klst. eftir að ferðin hófst frá
Vestmannaeyjum komum við til
Stornaway, aðfararnótt laugar-
dags í roki og náttmyrkri.
Minntu okkur
á landann
Strax að morgni var lagt af
stað upp á krárnar til að skera
úr um viss ágreiningsefni og
komumst við að ákveðinni niður-
stöðu. Rak okkur í rogastanz,
þegar við sáum drykkjumenn-
ingu eyjarskeggja, sem minnti
okkur ósegjanlega á okkur ís-
lendinga. Var okkur vel tekið og
/akti það mikinn fögnuð þegar
ikipstjórinn okkar söng og dans-
iði að hætti kósakka með mikl-
um tilþrifum. Áttum við hvert
bein í Skotunum og eftir að
barnum var lokað bauð vertinn
okkur í partí. Fóru nú sumir að
ympra á því, að fara niður í
skútu og skoða kortin til að vera
viss um að við værum í útland-
inu, svo lík var skemmtana-
menningin þeirri sem við áttum
að venjast.
Sunnudagurinn sem í hönd fór
/ar dauflegur, allt var lokað og
illir Skotar innandyra, engu
íkara en að bærinn væri yfirgef-
ínn. Það var annað sem vakti
furðu okkar í þessum bæ, en það
voru „dúfurnar" á torginu. Þær
voru stórar, gráar og gargandi
með gula gogga, grunsamlega
líkar máfunum hér heima, enda
reyndust þær vera mávar við
nánari athugun. Fannst okkur
aldeilis furðulegt að þeir virtust
lifa á brauðmolum, sem til
þeirra var hent og virtust þeir
lifa í sátt og samlyndi við fólkið í
bænum.
Hér reiknum við með að dvelja
í tvo daga þar til ferðinni verður
haldið áfram til Troon, þar sem
stórsiglan verður sett upp, og
ferðinni haldið áfram suður á
bóginn.
Beztu kveðjur.
Áhöínin á Bonny
Vinabæjarmót í Hveragerði með
þátttökuum 170norrænnagesta
Dagana 27. — 29. júlí n.k. verður
haldið vinabæjarmót í Hveragerði,
og sækja það um 170 norrænir
gestir frá vinabæjum Hveragerðis á
Norðurlöndunum, en í vinabæjar-
keðjunni eru eftirtaldir bæir: Sig-
dal í Noregi. Örnsköldsvik í Sví-
þjóð, Áánekoski í Finnlandi,
Brande í Danmörku og Tarp í
Suður-Slésvík, en Hveragerði er
eina bæjarfélagið hér á landi sem
hefur vinabæjartengsl við danska
íbúða í Slésvík.
Norræna félagið í Hveragerði var
stofnað árið 1958, og allt frá upphafi
hafa verið góð samskipti við vinabæ-
ina, og það ekki síst nú á síðustu
árum, og t.d. árið 1978 fór hópur úr
Hveragerði á vinabæjarmót í Sví-
þjóð og árið áður á vinabæjarmót í
Finnlandi.
Hinir erlendu gestir koma til
landsins nú þann 19. júlí, og munu
ferðast um landið og síðan mætast í
Hveragerði fimmtudaginn 26. júlí.
Frá vinabæ Hveragerðis í Svíþjóð,
Örnsköldsvík, kemur m.a. 50 manna
unglingasymfóníuhljómsveit, sem
mun halda tónleika á ýmsum stöðum
í samvinnu við deildir Norræna
félagsins og Tónlistarfélög þar sem
þau eru. Þannig verða tónleikar:
19. júlí í Selfossbíói, 20. í Ara-
tungu, 21. í Borgarnesi, 22. í Stykkis-
hólmi, 24. á Höfn í Hornafirði, 26. á
Hvolssvelli, 27. í Menntaskólanum
við Hamrahlíð, auk tónleika í Hvera-
gerði í tengslum við vinabæjarmótið.
Hljómsveit þessi hefur hlotið góða
dóma, og leikur tónlist við allra
hæfi. Þannig að þrátt fyrir árstím-
ann, er vonast eftir góðri þátttöku á
tónleikana. Nafn hljómsveitarinnar
er KOMSEO.
Vinabæjarmótið sjálft hefst svo í
Hveragerði föstudaginn 27. júlí, þar
sem oddviti Hveragerðishrepps,
Þórður Snæbjörnsson, mun bjóða
gesti velkomna. Síðan verður farið í
skoðunarferð um Hveragerði og
stofnanir og fyrirtæki skoðuð, m.a.
Elli- og dvalarheimilis Ás, Heilsu-
hæli NLFI, Garðyrkjuskóli ríkisins,
Kjörís, Eden, Blómaskáli Páls Mich-
elsen og fiskeldistöðin á Öxnalæk í
Ölfusi.
Á laugardeginum verður síðan
farið í skoðunarferð um Suðurland,
Skálholt — Gullfoss — Geysir —
Laugarvatn — Þingvellir, og um
kvöldið verður skemmtun í íþrótta-
húsinu í Hveragerði, fyrir Hvergerð-
inga og gesti, þar sem sænska
hljómsveitin mun m.a. leika og
fimleikahópur danskra stúlkna frá
vinabæ Hveragerðis í Danmörku
sýna listir sínar.
Á sunnudeginum 29. júlí verður
fyrir hádagið samnorræn guðsþjón-
usta í Hveragerðiskirkju, og verður
sérstaklega til hennar vandað, og
hefur sóknarpresturinn í Hveragerði
séra Tómas Guðmundsson og
Kirkjukór Hveragerðiskirkju annast
þann undirbúning, í samvinnu við
séra Christian Karstoft í Tarp.
Eftir hádegið munu fulltrúar
Norrænu félaganna, sveitarstjórnar-
manna og ungmennafélaga halda
fundi, þar sem m.a. verður rætt um
hvernig auka megi samstarfið á
hinum ýmsu sviðum á miili bæj-
anna. Um kvöldið verður síðan loka-
hóf í Hótel Hveragerði, fyrir gesti og
gestgjafa, en þar munu ýmsir
skemmtikraftar úr Ilveragerði koma
fram, auk þess sem ávörp verða
flutt.
Norrænu gestirnir, á annað
hundrað, munu gista á einkaheimil-
um, og eru þau yfir þrjátíu heimilin í
Hveragerði sem verða með norræna
gesti vinabæjardagana. Ungmennin
gista aftur á móti í Barnaskólanum,
og hefur verið sköpuð þar mjög góð
aðstaða til að taka þar á móti þeim,
en þar mun m.a. Kvenfélag Hvera-
gerðis sjá um veitingar fyrir þau.
Frmaður Norræna félagsins í
Hveragerði er Grétar J. Unnsteins-
son, skólastjóri.
Hveragerði. Þangað munu koma um 170 gestir frá vinabæjum Hveragerðis á Norðurlöndunum
á vinabæjarmót sem hefst á morgun, föstudag.