Morgunblaðið - 09.11.1979, Blaðsíða 15
MORGUNBLAÐIÐ, FÖSTUDAGUR 9. NÓVEMBER 1979
15
og bönn felld úr gildi
Tvær nýjar
s t órv ir k j anir
— stóriðja
heilbrigðisstofnana verði hér tekin
til sérstakrar athugunar og þar
verði fleiri aðilum en hinu opinbera
búin betri skilyrði til að reka slíkar
stofnanir.
Atvinnufyrirtækjum í eigu ríkis-
ins verði breytt í hlutafélög og
hlutaféð selt starfsmönnum, al-
menningi eða sveitarfélögum að
hluta eða í heild. Söluandvirði
þeirra verði varið til að aðstoða við
að koma á fót nýjum atvinnufyrir-
tækjum með hlutafjárframlögum og
til framkvæmda.
4. Aukinn sparnaður, hag
kvæmari fjárfesting
Dregið verði úr opinberri íhlutun í
starfsemi fjármagnsmarkaðarins,
hann verði efldur og aðstæður á
hverjum tíma fái að hafa eðlileg
áhrif til jafnvægis milli framboðs og
eftirspurnar. Unnið verði að því að
koma á skipulegum verðbréfa- og
peningamarkaði hér á landi.
Starfsemi ríkisbankanna og opin-
berra fjárfestingalánasjóða verði
endurskoðuð með það fyrir augum
að styrkja stjórnun þeirra, auka
aðhald, koma á eðlilegri verkaskipt-
ingu og tryggja, að fé sé ráðstafað
til þjóðhagslega arðvænlegrar fjár-
festingar og rekstrar. Öllum at-
vinnugreinum verði gert jafn hátt
undir höfði við lánveitingar og
eðlilegt tillit sé tekið til félagslegra
þarfa. Fjár til starfsemi fjárfest-
ingalánasjóða atvinnuveganna verði
fyrst og fremst aflað á innlendum
fjármagnsmarkaði og af eigin fé
þeirra, en dregið úr framlögum frá
ríkissjóði.
5. Traust búseta og
bættar samgöngur
um land allt
Greiðar og hagkvæmar samgöngur
eru ein af undirstöðum öflugs at-
vinnulífs til sjávar og sveita. Sjálf-
stæðisflokkurinn vill hefja nýtt átak
í vegagerð og telur það vera for-
gangsverkefni uppbyggingarstarfs-
ins í kjölfar allherjaratlögu gegn
verðbólgunni. Annars vegar verði
byggðakjarnar landsins tengdir með
sem öruggustum hætti. Hins vegar
verði hafist handa svo fljótt sem
aðstæður leyfa við að leggja aðal-
vegi landsins bundnu slitlagi. Þetta
ásamt markvissri atvinnuþróun er
mikilvægasti þátturinn í árang-
ursríkri byggðastefnu.
m
6. Bændur verði sjálfstæð-
ir atvinnurekendur
Framleiðsla búvöru skal taka mið
af þjóðhagslegu gildi hennar þegar
til lengri tíma er litið og þörfum
þjóðarinnar fyrir afurðir landbún-
aðarins. Komið verði smám saman á
jafnvægi milli framboðs og eftir-
spurnar eftir búvörum á innlendum
markaði. Jafnframt verði gerðar
ráðstafanir til að auka framleiðni í
landbúnaði og auka verðmæti og
fjölbreytni framleiðslunnar, þannig
að framleiðsla fyrir innlendan
markað á vel reknum búum skili
arði. Bændum verði sköpuð skilyrði
til þess að vera sjálfstæðir atvinnu-
rekendur, sem taki eigin ákvarðanir
um framleiðslu sína í samræmi við
kostnað aðfanga og eftirspurn neyt-
enda. Um leið verði stefnt að
samkeppni fyrirtækja, sem vinna úr
landbúnaðarvörum, um gæði og
vöruval svo og meiri hagkvæmni í
rekstri þeirra.
7. Fiskvernd, betri nýting
sjávarfangs
Sjálfstæðisflokkurinn leggur
áherslu á mikilvægi sjávarútvegsins
fyrir íslenskt efnahagslíf og telur að
hann sé og verði einn af hyrn-
ingarsteinum íslensks þjóðfélags.
Þau markmið sem flokkurinn vill
nú leggja áherslu á eru þríþætt:
í fyrsta lagi að vinna að endur-
reisn ofveiddra fiskstofna og fullri
nýtingu vannýttra stofna í íslenzkri
fiskiveiðilögsögu.
I öðru lagi að tryggja varanlegan
hámarksafrakstur hinna ýmsu fisk-
stofna og annarra sjávardýra með
samræmdum líffræðilegum og efna-
hagslegum aðgerðum, þannig að sem
mest samræmi verði milli afrakst-
ursgetu stofnanna og afkastagetu
fiskiskipastólsins.
I þriðja lagi að bæta nýtingu og
framleiðni fiskiðnaðar og stuðla að
meiri verðmætasköpun alls sjávar-
fangs og fjölga með þeim hætti
störfum í sjávarútvegi.
8. Iðnvæðing
Iðnaður mun á næstu árum gegna
stórauknu hlutverki í atvinnulífi
þjóðarinnar. Innlendum iðnaði verði
sköpuð skilyrði til að auka fram-
leiðni sína og fara inn á nýjar
brautir, svo að hann styrkist og geti
greitt há laun, bæði í samkeppni við
innflutning og á erlendum markaði.
Gerðar verði ráðstafanir til þess að
hann njóti jafnrar aðstöðu og
starfsskilyrða og aðrar innlendar
atvinnugreinar og erlend iðnfyrir-
tæki. Hraðað verði á næsta kjör-
tímabili áframhaldandi uppbygg-
ingu þeirra stóriðjufyrirtækja, sem
fyrir eru hér á landi, og þegar verði
hafinn undirbúningur að einu nýju
stórfyrirtæki á sviði rafefnaiðnaðar
og stefnt að því, að framkvæmdir
við það geti hafist á kjörtímabilinu.
Stefnt verði að því að almenningur
eignist hlutafé í því og einnig þeim
stóriðjufyrirtækjum, sem fyrir eru í
landinu, en að öðru leyti ráðist
samstarf við erlenda aðila á þessu
sviði af því, sem hagkvæmt er talið á
hverjum tíma.
9. Stórátak til að nýta
innlendar orkulindir
í óbeisluðum orkulindum landsins
eru fólgin gífurleg verðmæti. Orku-
lindir þessar eyðast ekki, þótt þær
séu hagnýttar, beldur endurnýjast
sífellt. Sjálfstæðisflokkurinn telur
bæði eðlilegt og nauðsynlegt að nýta
þessar auðlindir til að byggja upp
atvinnulíf og bæta lífskjör þjóðar-
innar. Skipulag orkumála verði við
það miðað, að frumkvæði sveitarfé-
laga, einstaklinga og fyrirtækja
þeirra fái notið sín á þessu sviði.
Hraðað verði nýtingu jarðvarma og
raforku til húshitunar og iðnaðar og
stefnt að því að íslendingar verði
sjálfum sér nógir í orkuframleiðslu
fyrir aldamót. Ennfremur verði á
kjörtímabilinu ráðist í tvær stór-
virkjanir vegna uppbyggingar stór-
iðju auk minni framkvæmda til að
auka raforkuvinnsluna á næstunni.
Annars vegar verði án tafar ráðist í
stækkun Búrfellsvirkjunar um
100MW og tilheyrandi miðlun í
Þjórsá þannig að hægt sé að ráðast
sem allra fyrst í stækkun þeirra
stóriðjufyrirtækja, sem fyrir eru í
landinu. Hins vegar verði ráðist í
nýja stórvirkjun, sem tekin yrði í
notkun á árinu 1985, og myndi mæta
vexti innlendá orkumarkaðarins og
sjá nýju stóriðjufyrirtæki fyrir
orku. Haldið verði áfram af fullum
krafti rannsóknum á orkulindum -
landsins, og gengið verði frá frum-
hönnun og umhverfiskönnun á öll-
um hagkvæmustu virkjunarkostum
í fallvötnum landsins.
Stefna Sjálfstæðisflokks í efnahags- og atvinnumálum