Morgunblaðið - 01.02.1980, Blaðsíða 12
12
MORGUNBLAÐIÐ, FÖSTUDAGUR 1. FEBRÚAR 1980
Ég er himinlif andi
66
— sagði sá fyrsti, sem keypti bjór í
Fríhöfninni samkv. nýrri reglugerð,
sem heimilar ferðamönnum að fara
með 12 flöskur af bjór inn í landið.
Á SJÖTTA tímanum í gær streymdu farþegar flugs 801 frá
Luxembourg til Chicago með millilendingu einn af öðrum inn í
Fríhöfnina. Sá fyrsti, sem kom inn, var Kristinn Benediktsson.
Honum var auðsjáanlega ekki kunnugt um hina nýju reglugerðar-
breytingu — það er, að farþegar sem koma til landsins megi taka
með sér 12 flöskur af bjór. Hann gekk að iéttvínstegundum og
blaðamaður skundaði því til hans og spurði hvort hann hygðist
ekki færa sér í nyt nýjar reglugerðarheimildir — og taka með sér
bjór inn í landið. „Hvað ertu að segja, er búið að breyta þessu?“
spurði hann forviða. Blaðamaður sýndi honum skilti þar sem það
stóð svart á hvítu, að heimilt væri að taka bjór. „Þetta kemur mér
sannarlega á óvart — en ég er alveg himinlifandi," sagði hann og
tók hjórflöskur úr staflanum. „Er ég sá fyrsti. Þetta er heilmikil
upplifun,“ sagði Kristinn og varð þar með fyrsti íslendingurinn til
að taka með sér bjór inn í landið samkvæmt hinni nýju reglugerð.
iA 1
Ágúst Ágústsson — starfsmenn hans fá næg verkefni við að hlaða
„Virðingarverð
breyting“
„Þetta er virðingarverð breyting
en hafa verður í huga, að lög eru
lög og reglugerð í sjálfu sér breytir
þeim ekki. Það hefði verið ósann-
gjarnt og bagalegt gagnvart far-
mönnum og flugliðum að taka af
þeim bjórinn og því tel ég þessa
reglugerðarbreytingu mjög já-
kvæða — þetta eru menn að mínu
skapi,“ sagði Teitur Jónsson, einn
íslenzku farþeganna, sem komu til
landsins með DC-8 þotu Flugleiða í
gærkvöldi.
„Vissi að búið var að
breyta reglugerðinni“
„Ég frétti í morgun í Luxem-
bourg hjá starfsmönnum Flug-
leiða, að búið væri að breyta þessu.
Ég er mjög ánægð með þessa
breytingu. Hér er verið að koma í
veg fyrir misrétti. Annars sést
ánægja mín bezt af því, að ég fór
beint í bjórinn og tók minn
skammt," sagði Eva Albertsdóttir,
einn farþega með flugi 801.
„Eitt skreí framávið“
„Ég hef komið hingað fjórum
sinnum áður og í sannleika sagt
hef ég aldrei getað skilið bjórbann-
ið ykkar hér á meðan þið leyfið
söiu sterkra víntegunda," sagði
P.R. Brouwer, starfsmaður hol-
lenska sendiráðsins í Lundúnum,
sem jafnframt hefur með íslenzk
málefni að gera. Og hann bætti við:
„En batnandi mönnum er bezt að
lifa. Þetta er skref framávið. Og
það er nú gott til þess að vita, að
þegar ég kem hingað til lands í
framtíðinni get ég haft með mér
alvörubjór."
„Meiri vinna
fyrir okkur“
„Þessi reglugerðarbreyting hef-
ur aukna vinnu í för með sér fyrir
okkur," sagði Ágúst Ágústsson,
framkvæmdastjóri fjármála
Fríhafnarinnar, í viðtali við
blaðamann. „Verzlunarplássið er
lítið og það veldur erfiðleikum.
Bjórinn er plássfrekur og það þarf
að endurnýja lagerinn ört.“
Verða fleiri tegundir á boðstól-
um en nú eru? „Það er þegar mikil
ásókn frá umboðsmönnum bjórs.
Það, sem við gerum nú, er að
kanna þessi mál ofan í kjölinn.
Eins og málum er háttað nú þarf
að skera kassa í tvennt til að fá
tólf bjóra umbúðir. Því væri hent-
ugt að fá 12 flösku kassa með
haldi. I framtíðinni vonumst við til
að geta haft algengustu tegundir
og síðan eitthvað úrval minna
þekktra tegunda." Hvað voru
margir bjórkassar seldir á síðasta
ári? „Það voru 19 þúsund kassar
Eva Albertsdóttir — fór beint í
bjórkassana.
Brouwer — „hef aldrei getað
skilið bjórbannið um leið og þið
hafið selt sterka drykki“.
seldir, það er 12 flösku kassar. Þar
af voru 6 þúsund kassaneldir í
gegnum barinn. Það verður því
væntanlega mikil aukning í bjór-
sölu.“
„Vinsæl ráðstöfun“
„Það hefur iðulega komið fyrir,
að fólk hafi viljað koma bjór inn í
landið, einkum útlendingar. Þeir
hafa átt erfitt með að skilja þetta
og kallað þetta hreinan barbar-
isma,“ sagði Friðrik Sigfússon,
tollfulltrúi á Keflavíkurflugvelli.
„Hvað sjálfan mig snertir þá er ég
sammála Davíð Scheving Thor-
steinssyni, Ég er á móti misrétti —
að einhverjir hópar hafi forrétt-
indi fram yfir aðra. í sjálfu sér er
mér sama hvort bjór er seldur eða
ekki.“ Hefur þessi breyting áhrif á
ykkar störf hér.“ Um það er enn of
snemmt að segja — reynslan
verður að skera úr um það en
auðvitað liggur í augum uppi, að
nú mega allir, tvítugir og eldri,
fara með bjór inn í landið og það í
sjálfu sér er breyting."
„Fæ ekki séð að
þetta standist
fyrir lögum“
„Ég efast um lögmæti þessarar
reglugerðarhreytingar,“ sagði
Kristján Pétursson, deildarstjóri.
„Ef einhver færi í mál við ráðherra
fyrir hönd ráðuneytisins þá er ég
upp bjórkössum í framtiðinni.
Myndir Mbl. Kristján
efins um að þessi reglugerð stand-
ist fyrir lögum. Lög eru lög og
reglugerðir breyta þeim ekki. En
ég er á móti forréttindum og að
mínu mati ætti nú með sömu
rökum að selja bjór í ÁTVR og á
veitingahúsum." Ertu á móti
bjórnum? „Nei, það er ekki þar
með sagt. Ég vil leyfa sölu bjórs og
þá í ÁTVR og á veitingahúsum —
þannig að allir sitji við sama borð
en ekki bara að ferðamenn, far-
menn og flugliðar sitji að krásun-
um.“
Þess má geta, að af þeim 17 sem
komu til landsins í gær með flugi
801 keyptu 15 bjór.
Teitur Jónsson — hampar bjórkassa.
Davíð fær öl í
þakklætisskyni
„ÉG FÉKK í dag sendan bjór-
kassa og auk þess sendi einn
farþega, sem komu með Luxem-
bourgarvélinni í dag, mér sex
bjóra — helming bjórskammts-
ins. Það er líkt með honum og
ekkjunni forðum í sögunni um
SIGHVATUR Björgvinsson fjár-
málaráðherra undirritaði i gær
nýja reglugerð um tollfrjálsan
farangur ferðamanna og far-
manna við komu frá útlöndum,
sem heimilar ferðamönnum að
kaupa tólf flöskur af öli og má
hver flaska innihalda allt að
háifum lítra. Fyrstur til að lesa
reglugerðina,/, með undirskrift
ráðherrans vai*/Davíð Scheving
Thorsteinsson.
„Pening ekkjunnar“. Það er í
sjálfu sér ekki mikið að gefa 6
bjóra en þegar sá hinn sami á
aðeins 12 þá kalla ég það
höíðinglega gjöf,“ sagði Davíð
Scheving Thorsteinsson í viðtali
við blaðamann.
„Þá hef ég fengið mörg skeyti,
þar sem fólk þakkar mér að hafa
riðið á vaðið í þessu réttlætism-
áli. Sérstaklega þótti mér vænt
um svohljóöandi skeyti: „Til ha-
mingju með ölið — kærar þakk-
ir. Nokkrar Loftleiðaflugfreyj-
ur“. En fólk á ekki að þakka mér
— ég er þess óverðugur. Það var
Sighvatur Björgvinsson, fjár-
málaráðherra, sem setti þessa
reglugerð og hann á þakkir
skildar," sagði Davíð ennfremur.