Morgunblaðið - 01.02.1980, Blaðsíða 18

18
MORGUNBLAÐIÐ, FÖSTUDAGUR 1. FEBRÚAR 1980
Kosningarnar á Filippseyjum:
Meiri háttar sig
ur Marcosar
Manilla, Filippseyjum 31. jan. AP.
EINS OG ráð hafði verið fyrir
gjört virðist flokkur Marcosar
Filippseyjaforseta, Nýja þjóðfél-
agshreyfingin, ætla að vinna
stórsigur í fyrstu bæja og sveita-
stjórnarkosningum, sem haldnar
eru i landinu, síðan herlög tóku
þar gildi.
Þó segir að andstæðingar for-
setans hafi þó unnið umtalsverðan
sigur á eynni Mindano, en þar
hefur iðulega jaðrað við uppreisn-
arástand síðan Marcos lýsti yfir
herlögum fyrir átta árum.
Einn helzti fjandmaður Marcos-
ar fékk og meirihluta í Zambonga-
bæ og í nokkrum öðrum sveitafé-
lögum fengu gagnrýnendur Marc-
osar meira fylgi en vænzt hafði
verið fyrirfram. Svo virðist sem
kosningarnar hafi farið fram með
þokkalegum friði og ekki hefur
heyrzt neitt um kosningasvik ell-
egar siíkt.
Enn gustar
um Nordli
Osló, 31. jan.
Frá fréttaritara Mornunhlaðsins
J.E. Laurie.
ÓVEÐURSBLIKUR hefur dregið
á loft eina ferðina enn i norskum
stjórnmálum og miklar deilur
milli Nordlis forsætisráðherra og
Reiulf Steen formanns Verka-
mannaflokksins gætu leitt til
þess að Nordli segi af sér emb-
ætti.
Mikil gagnrýni hefur verið
stefnt að Nordli, einkum frá
norska Alþýðusambandinu og
kemur hún í kjölfar afsagnar Tors
Aspengrens, fyrrv. formanns sam-
takanna, úr miðstjórn, Verka-
mannaflokksins. Aspengren'sagði
af sér, m.a. vegna þess að Nordli
réði ráðuneytisstjóra sem ekki var
félagi í Verkamannaflokknum né
meðlimur í norska Alþýðusam-
bandinu.
Þá hafa verið óánægjuraddir
innan flokksins með forystu
Nordlis í kosningunum síðustu og
sagt hann hafi þar ekki staðið sig
sem sæmdi forsætisráðherra og
hefur þessi gagnrýni ekki hvað
sízt komið frá framámönnum Al-
þýðusambandsins. Tilkynnt hefur
verið að fundur verði haldinn
þann 25.febrúar milli fulltrúa
sambandsins og stjórnarinnar.
Miklar vangaveltur eru uppi um
að Verkamannaflokkurinn muni
ekki láta Nordli leiða flokkinn í
stórþingskosningum 1981 og á
landsfundi hans verði skipt um
formann.
Rússar vilja
kaupa áburð
frá S-Afríku
Jóhannesarborví 31.jan. AP.
SOVÉTMENN reyna nú af al-
efli að fá keyptan áburð frá
Suður Afríku. að því er blaðið
Beeld í Jóhannesarborg greindi
frá i dag. Segir þar að Sovét-
menn séu albúnir að greiða
meira en 100 dollara per tonn
yfir markaðsverði, ef það
mætti verða til að greiða fyrir
kaupunum. en hins vegar vilja
þeir sfður að skriflegur samn-
ingur sé gerður um áburðinn.
Opinberlega fordæmir stjórn
Sovétríkjanna Suður Afríku og
minnihlutastjórn hvítra manna
þar og Suður Afríka rauf sam-
band við Sovétríkin fyrir meira
en 20 árum vegna ágreinings.
Suður Afríkumenn hafa ásakað
Sovétmenn fyrir að þjálfa svert-
ingja í hernaði gegn stjórnvöld-
um og útvega samtökum þeirra
vopnabúnað til að steypa stjórn-
inni úr sessi. Engu að síður hafa
óopinber viðskipti landanna átt
sér stað fyrr, meðal annars hafa
Sovétmenn keypt þaðan dem-
anta. AP fréttastofan segir að
Sovétmenn hafi komið tilboði
sínu um áburðarkaupin áleiðis
fyrir meðalgöngu aðila í Mar-
okkó.
ÞETTA GERÐIST 1. FEBRÚAR
1979 — Ayatollah Khomeini snýr
aftur til Iran eftir rúmlega 14 ára
útlegð.
1959 — Kosningaréttur kvenna
felldur í þjóðaratkvæði í Sviss.
1958 — Egyptaland og Sýrland
stofna Arabíska sambandslýðveld-
ið.
1946 — Trygve Lie kosinn fram-
kvæmdastjóri SÞ.
1942 — Vidkun Quisling verður
forsætisráðherra Noregs = Bretar
hörfa til Singapore.
1924 — Bretar viðurkenna Sovét-
stjórnina.
1922 — Washington-ráðstefnan
samþykkir takmarkanir á kafbáta-
hernaði og beitingu eiturgass.
1908 — Carlos I Portúgalskonung-
ur og ríkisarfinn vegnir í Lissabon
og Manuel II verður konungur.
1907 — Stríð hefst milli Honduras
og Nicaragua.
1903 — Hafnbanni á Venezúela
aflétt.
1899 — Fáni Bandaríkjanna dreg-
inn að húni á Guam.
1896 — Uppreisn hefstgegn Tyrkj-
um á Krít.
1881 — Þjóðernissinnaðir herfor-
ingjar gera uppreisn í Egyptalandi.
1793 — Frakkar segja Bretum og
Hollendingum stríð á hendur.
1790 — Hæstiréttur Bandaríkj-
anna settur.
1734 — Ófriður milli Tyrkja og
Persa hefst.
1727 — Stríð milli Englendinga og
Spánverja hefst.
1587 — Elísabet Englandsdrottn-
ing undirritar tilskipun um aftöku
Maríu Skotadrottningar.
Afmæli — Sir Edward Coke, ensk-
ur stjórnmálaleiðtogi (1552—1634)
= Feodor Chaliapin, rússneskur
söngvari (1873—1938) = Hugo von
Hofmannsthal, austurrískt skáld
(1884—1929) = Victor Herbert,
bandarískt tónskáld (1859—1924).
Andlát — Agúst II konungur af
Póllandi 1733.
Innlent — 1904 Heimastjórn =
1935 Áfengisbanni aflétt = 1313 d.
Jörundur bp Þorsteinsson = 1643 f.
Sigurður Björnsson lögmaður =
1785 d. Hálfdan meistari Einarsson
= 1930 íslandsbanka lokað vegna
hættu á sparifjárflótta = 1934
Fyrsta óperettan frumflutt á
íslandi = 1945 Vinnuheimili SÍBS
að Reykjalundi stofnað = 1959
„Þór“ færir fyrsta erlenda togar-
ann („Valafell") til hafnar = 1979
Ráðherraskýrsla = 1874 f. Björg
Blöndal.
Orð dagsins — Áður en eitthvað er
keypt er ráðlegt að spyrja hvort
ekki er hægt að komast af án þess
— John Lubbock, enskur stjörnu-
fræðingur (1803—1865).
Nýleg mynd frá Dýraspítala Watsons. Þrátt fyrir auglýsinguna hefur starfsemi spitalans verið stopul
og þar hefur ekki verið starfandi dýralæknir síðan Dýraspítalinn tók til starfa 1975. (Uósm. rax>.
Þrír dýralæknar vilja leigja
Dýraspítala Watsons
Þrír dýralæknar í Reykjavík, þeir Brynjólfur
Sandholt, héraðsdýralæknir, Helgi Sigurðsson, sam-
starfsmaður hans og Eggert Gunnarsson, leituðu
fyrir nokkru eftir því við stjórn Dýraspitala Watsons
í Reykjavík, að þeir fengju spítalann á leigu með
tilheyrandi tækjum, t.d. í eitt ár. Höfðu þeir í huga að
stofna með sér samstarf um smádýra- og hrossalækn-
ingar og byrja starfsemina í dag, 1. febrúar. Öskuðu
þeir eftir svari fyrir 23. janúar, en það hefur enn ekki
borizt.
Morgunblaðið ræddi í gær
við Brynjólf Sandholt og var
hann fyrst spurður um emb-
ætti héraðsdýralæknis í
Reykjavík og afstöðu hans til
starfsemi Dýraspítala Wat-
sons.
— Síðustu 4—5 ár hefur
dýralæknisþjónusta í
Reykjavík breytzt mikið eða
frá því að vera þjónusta við
þá sem stunda sveitabúskap
og yfir í að vera stöðugt
meira tengd smádýrum og
sporthestum, sagði Brynjólf-
ur. — Með þessari breytingu
hefur maður orðið æ bundn-
ari Stór-Reykjavíkursvæðinu.
Einnig varð breyting á þessu
embætti er annar dýralæknir
bættist við fyrir hálfu öðru
ári og við það komu önnur
viðhorf upp.
— Þegar þessi dýraspítali
var gefinn hingað var ég einn
við störf hér og treysti ég mér
ekki til að starfa við hann.
Dagurinn var allur ásetinn og
ekki mögulegt að þar yrði
neinn dauður tími, en ég
hafði lofað því fólki, sem
hafði með dýraspítalann að
gera, að strax og annar dýra-
læknir kæmi til starfa hér
væri meiri möguleiki á að
hefja störf við spítalann.
— Þetta mál, sem nú er til
umræðu, á sér langan aðdrag-
anda og í tæp tvö ár hefur
staðið í samningum. í fyrra
gerði ég stjórn spítalans til-
boð um að ég tæki að mér
forstöðustarf á spítalanum og
ynni þar ásamt hinum dýra-
lækninum ákveðinn tíma á
dag, t.d. 3 tíma á dag að
minnsta kosti, og auk þess
aðgerðir á öðrum tíma, bak-
vaktir og slíkt. Því var hafnað
á þeim forsendum að að-
standendur spítalans töldu
nauðsynlegt að hafa mann í
fullu starfi á spítalanum, sem
hefði þá opið 8 tíma á dag.
Slíkt tel ég ekki raunhæft og
Brynjólfur Sandholt héraðs-
dýralæknir.
vildi hafa opið ákveðna tíma
á dag, en að hægt yrði að
sinna öðrum verkefnum utan
þess tíma eins og gerist hjá
öðrum, sem eru við þjónustu,
t.d. læknum, lögfræðingum og
prestum. Það tilboð, sem ég
sendi þeim síðastliðið vor, var
gert að tilstuðlan og með
samþykki landbúnaðarráðu-
neytisins.
— Síðan gerið þið þrír
tilboð um leigusamning f
byrjun þessa árs.
— Já, okkur datt í hug að
gera þeim þetta tilboð um að
leigja aðstöðu spítalans og
þar með yrði fullreynt, að
tilgangi hinnar höfðinglegu
gjafar Mark Watsons, að
dýralækningar hæfust á
spítalanum yrði náð og gáfum
stjórninni frest til 23. janúar,
en hefur ekki verið svarað
ennþá. Við höfðum í hyggju
að reka hann þrír á þeim
sama grundvelli og ég hafði
áður boðið, þ.e. að hafa opið
ákveðna tíma á dag og þá t.d.
einhver kvöld milli 5 og 7. Það
segir sig sjálft, að ef gera
þarf aðgerðir þá viljum við
gera þær utan venjulegs
þjónustutíma, en síðan yrðum
við á venjulegum bakvöktum.
— Ég vil, að það komi
fram, að íslenzkir dýralæknar
vilja starfa þarna á þessum
forsendum og við teljum í
samræmi við álit manna, sem
vel þekkja til slíkrar starf-
semi, að þessi rekstur sé
nægjanlegur. Mín framtíðar-
sýn er sú, að þessi þjónusta
geti verið bundin við þennan
stað. Þar verði einnig komið
upp aðstöðu til aðgerða á
hrossum, sem er brýnt, að-
staða til að geyma gæludýr
verði bætt og fleiri brýn
verkefni mætti nefna.
— Rætt hefur verið um
möguleika á að ráða erlenda
dýralækna til að sjá um
rekstur spítalans.
— Það er rétt, að bent
hefur verið á möguleika og
vissan áhuga á að ráða dansk-
an dýralækni til starfans. Við
teljum hins vegar að fyrir því
sé ekki fjárhagslegur grund-
völlur að taka laun manns,
sem miðast væntanlega við
laun danskra dýralækna, út
úr rekstrinum.
— Ég tel það eina raun-
hæfa grundvöllinn fyrir
rekstrinum, að launin greiði
hið opinbera og þessi þjón-
usta verði ekki miklu dýrari
en hún er í dag, þó að
spítalinn taki til starfa. Það
er fráleitt að setja upp tvö-
eða þrefalt verð fyrir það eitt
að færa þjónustuna úr þeirri
aðstöðu, sem ég hef á mínu
heimili, og upp á spítalann.
Eini möguleikinn er, að öll sú
þjónusta, sem er á þessu
svæði, verði bundin héraðs-
dýralækni til að ekki sé sam-
keppni á milli um viðskipta-
vinina.
— Mín skoðun er sú, að
rekstrargrundvöllur þessa
spítala verði best tryggður á
þann hátt, að laun dýralækna
verði greidd af hinu opinbera,
að aðrar tekjur sem koma
inn, aðstöðugjöld fyrir þjón-
ustu, standi undir almennum
rekstrarkostnaði, og í þriðja
lagi, að þau félög, sem eru
aðilar að þessu sjálfseignar-
félagi, sjái um fjársöfnun til
kaupa á tækjum og uppbygg-
ingu spítalans, sagði Brynj-
ólfur Sandholt héraðdýra-
læknir að lokum.