Morgunblaðið - 19.02.1980, Blaðsíða 25

MORGUNBLAÐIÐ, ÞRIÐJUDAGUR 19. FEBRÚAR 1980
25
• Bandaríski skauta-
hlauparinn Eric Heiden á
möguleika á að hreppa
fimm gullverðlaun á 01-
ympíuleikunum. Hann hef-
ur þegar fengið tvenn.
Telja má víst að hljóti
hann fimm verði hann
maður leikanna.
Hreint ótrúlega lítill
munur í 15 km göngunni
— Svíinn Wassberg sigraði
og setti ólympíumet
JAFNARA hefði það ekki(getað
orðið. Aðeins einn hundraðasti úr
sekúndu skildi að gull- og silfur-
verðiaunahafana í 15 km göngu á
leikunum í Lake Placid. Svíinn
Thomas Wassberg sigraði
finnska risann Juha Mieto, en
naumt var það. Tími Wassbergs
var 41:57,63 mín. en Mieto fékk
tímann 41:57,64. Keppnin milli
þeirra var allan tímann geysilega
spennandi og mátti ekki á milli
sjá hvor myndi hreppa gullið.
Ove Aunli frá Noregi varð þriðji
á 42:28,62. Þetta var því mikill
sigur fyrir Norðurlöndin sem
áttu þrjá fyrstu menn.
I fjórða sæti í göngunni varð
Sovétmaðurinn Nikolai Zimyatov,
sigurvegari í 30 km. Fékk hann
tímann 42:33,9 mín. Fimmti varð
líka Sovétmaður Beliaev á 42:46,02
mín.
Wassberg hóf gönguna síðastur
af 64 keppendum og vissi því
nákvæmlega hvaða millitímum
hann þurfti að ná til þess að sigra
í göngunni. Hann lagði hart að sér
og náði að setja nýtt ólympíumet
og sigra. Eftir gönguna sagði
Wassberg að það hefði verið sann-
gjarnt að þeir hefðu báðir fengið
gullverðlaun. Finninn Mieto lét
engin vonbrigði í ljós þegar hon-
um varð ljóst að hann hafði
hafnað í öðru sæti. Sagði aðeins:
Ef ég hefði byrjað á eftir honum
hefði mér tekist að stela af honum
sigrinum.
Úrslit í 15 km skiðagöngu:
Thomas Wassberg Svíþj. 41:57,63
Juha Mieto Finnlandi 41:57,64
Ove Aunli Noregi 42:28,62
Nikolai Zimyatov Sov. 42:33,09
Beliaev Sovétríkjunum 42:46,02
Bandaríkjamaðurinn Bill Koch
sem af mörgum var talinn sigur-
stranglegur hafnaði í 16. sæti,
fékk tímann 43:38,56.
Röð íslensku keppendanna varð
þessi:
Haukur Sigurðss. 47:44,00 nr.47
Þröstur Jóhanness. 49:37,55 nr.51
Ingólfur Jónsson 50:51,00 nr.54
i á verðlaunapallinum. Heiden fyrir
íolm.
• ólafsfirðingurinn Haukur Sigurðsson náði bestum tíma af islensku
keppendunum í 15 km skíðagöngunni. Haukur varð í 47. sæti fékk
timann 47.44,00 mín. Alls kepptu 63 og 61 lauk keppni.
Það eru margir kallaðir en fáir
útvaldir á Ólympíuleikum. T.d. beindust
augu margra að Annie Borchink frá
Hoílandi, sem kom öllum á óvart í 1500
metra hlaupinu. Hún varð þó að láta sér
lynda 6. sætið að þessu sinni, fékk
tímann 1:27,24. Bandaríkjamenn biðu
spenntir þegar elskan þeirra, Beth Heid-
en, tók á rás, en hún náði aðeins 5.
sætinu á tímanum 1:27,01. En það var
Karin Enke sem hafnaði í fjórða sæti,
hún fékk tímann 1:26,66.
imHir gull-
og stefnir
m í viðbót
Þriðja sætið hreppti Silvia Albrecht
frá Austur-Þýskalandi en tími hennar
var 1:26,46. Merkilegt er þó, að þrátt
fyrir að gamla Evrópumetið félli hér
| ' ellefu sinnum, stóð heimsmetið, sett
1975, óhaggað. Tatiana Averina á það
met, en þá hljóp hún vegalengdina á
1:23,46.
Skipulagið gæti
verið betra í
Lake Placid
ÞAÐ er mikil vinna samhliða þvi
að skipuleggja heila Olympíu-
leika, enda hefur raunin í Lake
Placid orðið sú. að skipuleggjend-
urnir ráða ekki neitt við neitt,
allt er i molum varðandi aðbúnað
áhorfenda, þúsundir manns hafa
ekki einu sinni séð þær greinar
sém það borgaði allt upp í 60
Bandarikjadali fyrir að sjá. Held-
ur hefur ástandið batnað upp á
síðkastið, en var vægast sagt
hræðilegt.
Ofan á allt saman bætist mikill
vetrarkuldi síðustu dagana. yfir
20 stiga frost og jökulkaldur
vindur i þokkabót, þannig að
hitastigið samsvarar allt að 40
gráðu frosti. 300 rútur eru á
stöðugum þönum fram og aftur
um svæðið, en þrátt fyrir að
fremur treg sala hafi verið i
miðum, dugar rútufjöldinn eng-
an veginn. Fyrir vikið eru þær að
meðaltali 1—2 klukkustundum á
eftir áætlun hverju sinni, og
þegar bíða þarf í 20 — 30 stiga
gaddi, fer hrollur um fólk, enda
hafa verið mikil brögð að því að
fólk hafi hreinlega kalið. Margt
áhorfenda er ekki búið til útiveru
að vetri, „hér er fólk sprangandi
um í strigaskóm og berfætt í
sandölum ' sagði Iloward Clarke,
talsmaður Olympíunefndar Lake
Placid.
Mikill straumur aðkomufólks
er að Lake Placid og eykur það á
ringulreiðina. Lögregla staðar-
ins hefur sett upp vegartálma
þar sem hver einasta bifreið er
stöðvuð. Ekki er ölium hleypt
inn, fer það eftir því hvort
viðkomandi fólk hefur keypt sér
miða á einhverja grein og hvort
fólkið er nægilega vel búið til
þess að fylgjast með greinunum,
þar sem ógerningur er að aka
bifreiðum á keppnisstaði. Kuld-
inn er slikur. að eftir brunkeppn-
irnar hefur orðið að nudda kinn-
ar keppenda til að koma i veg
fyrir kal.
SIGURVEGARINN í 15 km göngu Wassberg (63) á endasprettinum í
göngunni. Á bak við hann sést i Norðmanninn Ove Aunli sem hafnaði
í þriðja sæti. Símamynd AP.
Haukur náði
bestum tíma
ÍSLENSKU skíðagöngumennirn-
ir kepptu í 15 km göngu á
sunnudag. Luku þeir allir
keppni. Ilaukur Sigurðsson Ól-
afsfirði náði bestum árangri,
gckk á 47 mínútum 44 sekúndum
og hafnaði í 47. sæti. Þröstur
Jóhannesson varð í 54. sæti fékk
tímann 50.51.50 og Ingólfur
Jónsson varð í 54. sæti fékk
tímann 50.51.50. Alls kepptu 63
en 61 lauk kcppni. Skíðagöngu-
mennirnir keppa næst í 50 km
göngu en hún fer fram laugar-
daginn 23. febr.
XIII OLYMPIC
OOOWINTER
XXVCAMES
LAKE
PLACID
1980
FINNSKI skiðagöngu-
maðurinn Juha Mieto er
risi vexti. um 2 metrar á
hæð og vegur um 100 kg.
Hann varð í öðru sæti í 15
km göngunni og í
sjöunda sæti í 30 km.
Hann stefnir nú að því að
sigra í 50 km göngunni.
Á myndinni sést Mieto
kasta mæðinni eftir erf-
iða göngu.

1L