Morgunblaðið - 17.08.1980, Blaðsíða 15

MORGUNBLAÐIÐ, SUNNUDAGUR 17. ÁGÚST 1980
47
Guðmundur Halldórsson
Magnússkógum 75 ára
Á árunum 1898 til 1939 bjuggu
hjónin Halldór Guðmundsson og
Ingibjörg Sigríður Jensdóttir í
Magnússkógum, Hvammssveit,
Dalasýslu. Þau eignuðust 13 börn
og komust 10 þeirra til fullorðins-
ára. Þau voru þessi: Elísabet og
Kristín, húsfreyjur í Reykjavík,
Magnús bóndi á Ketilsstöðum,
Sigríður húsfreyja á Orrahóli,
Sigurjens bóndi í Svínaskógi, Sal-
björg húsfreyja á Spágilsstöðum,
Guðmundur bóndi í Magnússkóg-
um, Snorri húsasmíðameistari í
Reykjavík, Jensína forstöðukona
húsmæðraskólans á Laugarvatni
og Jóhanna, búsett í Hveragerði.
Auk þess ólst bróðursonur Ingi-
bjargar, Alfons Odsson, bifreiðar-
stjóri í Reykjavík, upp hjá þeim
hjónum frá fimm ára aldri.
Af þessum heiðurshjónum, Hall-
dóri og Ingibjörgu, er mikil saga
og merkileg, þó að hún verði ekki
skráð hér. Raunar er hún óskráð,
en geymd í minni þeirra samferða-
manna, sem af þeim höfðu góð
kynni á langri leið. Þau bjuggu
allan sinn búskap í Magnússkóg-
um. Það var þeirra heimkynni,
þeirra jörð, sem þau erjuðu og
unnu til æviloka. Þar uxu börn
þeirra úr grasi. Byrjuðu snemma
að vinna öll verk, sem gera þurfti.
Orð fór af dugnaði þeirra, kjarki
og áræði. Öll fjölskyldan var
einkar samhent og traust. Syst-
kinin tóku mikinn og góðan þátt í
félagslifi innan sveitar og sýslu,
meðan þau voru heima. Síðan
dreifðist hópurinn, svo sem verða
vill. Til náms og starfa var haldið.
Dugnaðurinn brást ekki, kjarkur-
inn bilaði aldrei og uppgjöf var
óþekkt fyrirbæri í fjölskyldunni.
Tryggðin við gamla vini, átthaga
og æskuheimili, hefur alla tíð
verið óbrigðul. Sem dæmi um þá
trúmennsku nefni ég aðeins alla
þá atorku, sem þau systkinanna,
sem búsett hafa verið í Reykjavík,
hafa sýnt í störfum á vegum
Breiðfirðingafélagsins frá fyrstu
tíð. En fjölmörg önnur dæmi
mætti nefna af svipuðum toga.
Árið 1939 tók Guðmundur Hall-
dórsson við búskap í Magnússkóg-
um af foreldrum sínum. Þar hefur
hann búið allan sinn búskap.
Hann er fæddur 16. ágúst 1905 og
getur því í dag litið yfir langan og
farsælan æviveg. Kona Guðmund-
ar er Ólöf Jónasdóttir frá
Oddsstöðum í Hrútafirði.
Börn þeirra:
1. Ingibjörg Sigríður, húsfreyja
og kennari i Rvík, gift Magnúsi
Pálssyni, smið. Þau eiga 2 börn.
2. Jónas Kristinn, rafvirki í
Búðardal, kvæntur Sigurbjörgu
Jónsdóttur. Þau eiga 2 börn.
3. Halldór, bóndi í Magnússkóg-
um (nýbýli), kvæntur Guðrúnu
Guðmundsdóttur. Þau eiga 2 börn.
4. Arndís, húsfreyja í Hvera-
gerði, gift Helga Þorvaldssyni,
kennara.
5. Guðjón, bóndi í Magnússkóg-
um II, kvæntur Jóhönnu Björgu
Jóhannsdóttur. Þau eiga 2 börn.
6. Jensína, húsfreyja á Hellis-
sandi, gift Andrési Jónssyni, vél-
stjóra.
Eins og nú hefur verið sagt varð
það hlutskipti Guðmundar að
halda áfram búskap á jörð for-
eldra sinna. Því hlutverki hefur
hann sinnt með prýði. Aldrei legið
á liði sínu. Helgað því alla krafta
sína. Og Ólöf kona hans hefur ekki
látið sinn hlut eftir liggja. Þeim
hjónum hefur búnast vel. Landar-
eign Magnússkóga (áður Silfra-
skóga) nær frá botni Hvamms-
fjarðar upp með Glerá langt til
fjalls. Þar er sauðland gott. Guð-
mundur hefur alltaf átt fallegt fé,
enda glöggur fjármaður, svo sem
Halldór faðir hans, og góður
fjárræktarmaður. Guðmundur er
kappsamur dugnaðarmaður og
fyrirmyndar bóndi. Aldrei hefur
hann sótt eftir völdum né vegtyll-
um. Þó hefur hann tekizt á hendur
ýmsar borgaralegar skyldur og
störf í þágu sveitar og sýslu. Og
hann bregzt engum, sem eignast
trúnað hans. En hann hefur fyrst
og fremst lagt höfuðkapp á að sjá
búi sínu borgið, byggja og rækta
jörð sína og bæta á allan hátt. Þar
búa nú tveir synir hans með
honum, ásamt fjölskyldum sínum,
eins og fyrr er ritað.
Það er oft haft á orði, að land
okkar sé harðbýlt og lítils arðs að
vænta, þó að mikið sé á sig lagt.
Og satt er, að „það agar oss
strangt með sín ísköldu él, — en á
samt til blíðu. — Það meinar allt
vel.“ —
Sá maður, sem leggur sig allan
fram við störf sín, lifir í sátt við
land sitt og umhverfi og bregzt
aldrei skyldum sínum, hlýtur að
eiga góðar sigurhorfur, þegar litið
er fram á veginn. Guðmundur í
Magnússkógum hefur nú lagt þrjá
aldarfjórðunga að baki. Á þessum
sumardegi vil ég ekki láta hjá líða
að þakka afmælisbarninu fyrir
góð kynni og senda honum beztu
heillaóskir frá mér og fjölskyldu
minni. Þó að hann verði að heiman
í dag, veit ég að hann kemur fljótt
heim aftur og rís árla með sól að
morgni til nýrra starfa.
Friðjón Þórðarson.
Afmæliskveðja þessi til Guð-
mundar átti að birtast i blaðinu i
gær, en varð eftir. — Biður
blaðið hlutaöeigandi afsökunar á
þeim leiðu mistökum.

Tilboðsverö: 489.000 kr
Áður: 795.000 kr
306þúsund
krónaverðlækkun
á Electroiux kselískápum
í takmaikaðan tóna!
Við höfum fengið sendingu af hinum afarvinsælu
Electrolux kæliskápum með sérstökum kjörum. Þess vegnagetum við
boðið kæliskápa á lægra verði en áður.
Ath. Tilboðsverðið á aðeins við kæliskápa úr þessari
einu sendingu.
Electrolux heimilitæki fást
Akranes: Þóröur Hjálmsson,
Borgarnes: Kf. Börgfiröinga.
Patreksfj.: Baldvin Kristjánsson,
Isafjörður: Straumur hf.,
Bolungarvlk: Jón Fr. Einarsson,
Blönduós: Kf. Húnvetninga,
Sauðárkrókur: Hegri sf.,
Siglufjöröur; Gestur Fanndal,
Ólafsfjörður: Raftækjavinnustofan sf.,
Akureyri: K.E.A.,
á þessum útsölustöðum:
Húsavík. Grímur & Árni,
Vopnafjörður: Kf. Vopnfiröinga,
Egilsstaðir: K.H.B.,
Seyðisfjörður: Stálbúðin,
Eskifjörður: Pöntunarf. Eskfirðinga,
Neskaupsstaöur: Kr. Lundberg,
Höfn: K.A.S.K.,
Þykkvibær: Fr. Friðriksson,
Vestmanneyjar: Kjarní sf.,
Keflavík: Stapafell hf.
VörumarkaDurinn hf.
lÁRMÚLAIa
S:86117
íslandsmótið I. deild
Laugardalsvöllur í kvöld kl. 19.00.