Morgunblaðið - 28.03.1981, Blaðsíða 35

MORGUNBLAÐIÐ, LAUGARDAGUR 28. MARZ 1981
35
Martinus
— In memoriam —
Fæddur 11. ágúst 1891.
Dáinn 8. mars 1981.
Hinn stórkostlegi danski lífs-
spekingur Martinus hefur hvatt
hið jarðneska svið, rúmlega ní-
ræður að aldri. Martinus var
fæddur 11. ágúst 1890 í Sindal
Vendsyssel, Danmörku. Af föður
sinum hafði hann engar spurnir,
og missti bláfátæka, einstæða
móður 11 ára gamall. Eftir það
ólst hann upp hjá frændfólki sínu.
Öll skólaganga hans voru 3 mán-
uðir í barnaskóla þess tíma. Fram
að þrítugs aldri var hann ósköp
venjulegur ungur, hæglátur mað-
ur, sem vann á skrifstofu mjólkur-
bús.
En þá skeði undrið, sem átti
eftir að gerbreyta lífi hans. Kvöld
eitt í mars árið 1921 sat hann í
herbergi sínu og reyndi að íhuga
hugtakið „Guð“. Varð hann þá
fyrir geisi sterkri hugljómun, og
næstu kvöld endurtók þetta sig
aftur og aftur þangað til að hann
öðlaðist „alheimsvitund" (Cosmic
consciousness). Vitund hans var
orðin ótæmandi andleg uppspretta
á sjálfri sér. Martinus hefur
skrifað litla bók um þessa reynslu
sína, sem er alveg einstæð lesning,
og kallar hana „upphaf köllunar
minnar".
Það tók Martinus nokkur ár að
ná fullkomnu valdi á þessari nýju
skynjun sinni, sem er hreint
innsæi (intuition) og hefjast
handa um að skrifa þær bækur,
sem gert hafa hann að einstæðum
rithöfundi guðdómlegra verka. Ör-
lítil tilvitnun úr umræddri bók:
„Það sem verður lesandanum
grundvallaratriði, eru því ekki
þær andlegu skynjanir, sem mér
hafa hlotnast, heldur áhrif þau,
sem þær hafa skapað, því að hver
óháður og frjálshuga maður, sem
til þess er siðferðilega hæfur,
getur sjálfur fundið þau að meira
eða minna leyti. Þessi áhrif
mynda höfuðatriðin í boðskap
mínum: Sköpun raunhæfra,
stærðfræðilegra alheims grein-
inga, fullkomlega óhagganleg and-
leg vísindi, sem bera uppi byrjandi
myndun nýrrar hugarstefnu,
nýrrar menningar, þar sem réttur
skilningur á lífinu, hárfín kær-
leikslögmál þess, æðstu heimsrök
og höfuðniðurstaða: „allt er harla
gott“, breytist úr draumsýnum í
raunhæft líf, áþreifanlegar stað-
reyndir, aðgengilegar hverjum
þeim manni, sem hefur nægilega
þróaða eða þroskaða vitsmuni og
tilfinningar."
Höfuðverk Martinusar er Bók
lífsins (Livets bog) í 7 þykkum
bindum, á fjórða þúsund blaðsíð-
ur, ásamt fjölda annarra bóka,
stórra og smárra um ýmis sérsvið
svo sem Logik o.fl. Einnig gerði
hann fjölda littáknmynda til skýr-
ingar á fræðum sínum. Gefnar
hafa verið út 3 táknmyndabækur
og eru fleiri væntanlegar. Síðustu
árin vann Martinus að miklu
ritverki, sem við aðdáendur hans
bíðum eftir með óþreyju að út
komi.
Þýddar hafa verið á íslensku af
Þorsteini heitnum Halldórssyni 2
bækur með 40 fyrirlestrum eftir
Martinus, einnig 2 táknmynda-
bækur, útgefnar af Leiftri. Fleira
er til í íslenskri þýðingu, en
óútgefið.
í Kaupmannahöfn er stofnun,
sem ber nafn hans „Martinus

institut" og er þar miðstöð fræða
hans. Einnig er þar prentsmiðja
og bókaútgáfa. Tímaritið Kosmos
kemur út 16 sinnum á ári á
mörgum tungumálum þ.á m. esp-
eranto, einnig hafa nokkrar bækur
hans verið prentaðar þar og gefn-
ar út á ýmsum tungumálum. Á
Norður-Sjálandi er stór miðstöð
(Martinus center) með fjölda
sumarhúsa og fyrirlestrasal. Þar
er sumarskóli, og sækir þangað
sívaxandi fjöldi fólks á sumrin
hvaðanæva að úr heiminum.
Martinus ferðaðist vítt og breitt
um heiminn, og hélt þúsundir
fyrirlestra um fræði sín. Hann fór
til Indlands og Japan í austri og
Englands og íslands í vetur. Hann
kom 6 sinnum til Islands og hélt
fyrirlestra í Reykjavík og á Akur-
eyri. Var honum eitt sinn boðið að
halda fyrirlestur á prestaþingi í
Reykjavík, sem hann gerði við
góðar undirtektir. Forseti Islands,
hr. Ásgeir Ásgeirsson, bauð hon-
um til Bessastaða, og ymis annar
sómi var honum sýndur. Ferðaðist
hann talsvert um landið og varð
hann stórhrifinn af landi og þjóð,
og einlægur íslandsvinur alla tíð.
Eignaðist fjölda vina og aðdáenda
hér.
Martinus er löngu heimskunnur
meðal þeirra er láta sig andleg
mál nokkru skipta, og fer frægð
hans vaxandi mjög að verðleikum.
Mig langar að vitna í umsagnir
nokkurra þekktra manna um
hann.
Hinn heimsfrægi rithöfundur
og dulspekingur Dr. Paul Brunton
lætur m.a. svo um mælt um
Martinus og kenningar hans:
„Gildi hverrar hreyfingar verður
að dæma eftir áhrifum hennar.
Hin siðferðilegu áhrif af kenning-
um Martinusar eru fortakslaust
góð. Þetta er vafalaust þeirri
staðreynd að þakka, að
áhangendur hans eru sí og æ
hvattir til að hætta að kenna
öðrum um ófarir sínar og óheppni
heldur rannsaka eigin skapgerð,
þar sem hinna sönnu orsaka er að
leita. Þetta leiðir óhjákvæmilega
af sér stöðuga viðleitni til þess að
treysta skapgerðina og ná stjórn á
tilfinningunum, og það hefur
blessun í för með sér bæði fyrir
viðkomandi persónur og nánasta
umhverfi þeirra ... Um hann
(Martinus) má segja, að það að
kynnast honum er sama og að
opna honum rúm í hjarta sínu.
Hann er lifandi ímynd þeirrar
visku, ósérplægni og kærleika sem
myndar innsta kjarnann í sið-
ferðilegri og raunhæfri kenningu
hans ....“ Sr. Árelíus Níelsson í
Morgunblaðinu 9. júní 1955:
„.. .Martinus er meðal dular-
fyllstu persónuleika í heimi núlif-
andi fólks ... Frjálslyndi hans,
dirfska og innsæi varpa nýju og
áður óþekktu ljósi yfir ýmis tor-
skilin atriði ritningarinnar og
tilverunnar. Öll tilveran er ritning
hans, skrifuð fingri Guðs með
eilífri fegurð speki og kær-
leika ...“ Martinus notaði hvorki
tóbak né áfengi á sinni löngu ævi,
einnig var hann jurtaæta allt sitt
líf. Hann lifði eins heilbrigðu og
fullkomnu lífi og hugsast gat,
enda starfsþrek hans með ólíkind-
um og allt hans lífsverk fullkomið
og stórkostlegt.
Undirritaður átti þess kost að
kynnast honum persónulega náið
við síðustu heimsóknir hans til
Islands, og einnig síðastliðið
sumar í Kaupmannahöfn, þegar
ég flutti honum kveðjur íslend-
inga í stórri afmælisveislu, sem
honum var haldin í Falkoner
Centret í K.B.H. í tilefni níræðis-
afmælis hans. Þar voru yfir 1200
manns viðsvegar að úr heiminum
honum til heiðurs. Þar flutti
Martinus mikla ræðu, og sagði að
þetta væri síðasta sinn, sem hann
kæmi fram opinberlega, og mátti
skilja að hann væri að kveðja
aðdáendur sína hinstu kveðju, sem
er komið á daginn.
Það mætti skrifa mikið og langt
mál um Martinus og fræði hans,
af nógu er að taka, en það verður
ekki gert að sinni. Nú þegar hann
hefur kvatt okkur og horfið til
æðri heima, er ég þakklatur for-
sjóninni fyrir að hafa þekkt hann
og fengið að lesa verk hans, sem ég
kynntist ungur. Martinus var
sannkristinn maður og lifði full-
komlega samkvæmt því. Allt hans
líf var kærleikur í anda Jesú
Krists, enda sagði hann oft að
kristindómurinn væri einasta von
mannkynsins ... — Minningarat-
höfn um Martinus fer fram í
konsertsalnum i Tivoli í K.B.H.
sunnudaginn 29. mars.
Finnbjörn Finnbjörnsson,
Yrsufelli 11, R.
Stúdentaráð ályktar
um E1 Salvador
MORGUNBLAÐINU hefur borizt
eftirfarandi fréttatilkynning:
„Á fundi Stúdentaráðs Háskóla
íslands þ. 20. mars sl. var samþykkt
eftirfarandi ályktun vegna ástands-
ins í E1 Salvador:
Við styðjum baráttu Lýðræðisfylk-
ingárinnar, FDR, við að bæta kjör
íbúa E1 Salvador, og við að koma á
lýðræðislegu stjórnarfari í landinu.
Við skorum á íslensk stjórnvöld að
þau mótmæli framkomu yfirvalda E1
Salvador gagnvart íbúum landsins,
en herinn, ásamt ógnarsveitum, hef-
ur farið með ofbeldi um landið,
ofbeldi, sem hefur ekki síst beinst
gegn stúdentum.
Við heitum á íslensk stjórnvöld að
skora á Bandaríkjastjórn að hætta
stuðningi við herforingjastjórnina í
E1 Salvador.
Jafnframt mótmælum við því, að
alþjóða peningamálastofnanir verði
notaðar til að aöstoða herforingja-
stjórnir sem ríkja í óþökk íbúanna."
Sumaráætlunin
flýgur um landið
Komiö - Hringið - Skrifið
Urvals umboðsmenn um land allt.
Aðalskrifstofa: Úrval viö Austurvöll, 91-26900/ 28522
Keflavík: Nesgarður hf., Faxabraut 2, 92-3677/ 3899
Akranes: Ólafur B. Ólafsson, Skólabraut 2, 93-1985
Borgarnes: Þóra Björgvinsdóttir, Garðavík 1, 93-7485
Stykkishólmur: Axel Björnsson, Víkurflöt 9, 93-8202
Patreksfjörður: Flugleiðir hf., Aðalstræti 6, 94-1133
ísafjöröur: Gunnar Jónsson, Aöalstræti 22, 94-3164
Bolungarvík: Margrét Kristjánsdóttir, 94-7158
Flateyri: Jónína Ásbjörnsdóttir, Eyrarvegi 12, 94-7674
Sauðárkrókur: Árni Blöndal, Víðihlið 2, 95-5223
Húsavík: Ingvar Þórarinsson, Garöarsbraut 9, 96-41234
Siglufjörður: Birgir Steindórsson, Aðalgötu 26, 96-71301
Akureyri: Ferðaskrifstofa Akureyrar hf., 96-25000
Egilsstaöir: Ferðamiðstöð Austurlands, Selás 3, 97-1499
Orðsending
til félagsmanna
Mjólkurfélags Reykjavíkur
Aðalfundir félagsdeilda M.R. fyrir áriö 1980 veröa
haldnir sem hér segir:
Innri-Akraneshrepps-, Skilmannahrepps-, Hvalfjarð-
arstrandarhrepps-, Leirár og Melasveitardeildir
Mánudaginn 6. apríl kl. 14.00 í félagsheimilinu
Fannahlíð, Skilmannahreppi.
Kjósardeild
Þriöjudaginn 7. apríl kl. 14.00 í félagsheimilinu
Félagsgarði.
Bessastaða-, Garða- og Hafnarfjarðardeildir
Miðvikudaginn 8. apríl kl. 14.00 í samkomuhúsinu
Garðaholti.
Vatnsleysustrandar-, Gerða- og Miðnesdeildir
Fimmtudaginn 9. apríl kl. 14.00 að Neðri-Brunna-
stöðum Vatnsleysuströnd.
Mosfellssveitardeild
Mánudaginn 13. apríl kl. 14.00 í félagsheimilinu
Hlégaröi.
Kjalarnesdeild
Þriöjudaginn 14. apríl kl. 14.00 í félagsheimilinu
Fólkvangi.
Reykjavíkurdeild
Miðvikudaginn 15. apríl kl. 20.30 í skrifstofu M.R.
Laugavegi 164.
Aöalfundur félagsráös
verður haldinn föstudaginn 1. maí kl. 12.00 að Hótel
Sögu.
Stjórn Mjólkurfélags Reykjavíkur.
■mFIMLEIKAR ^^m^^^K^mi^^^^mmmmmmmmm^^mm^mmmm^amm^ma^m^ FIMLEIKARan
íslandsmeistaramót í fimleikum 1981
íslandsmeistaramót í fimleikum veröur haldiö í íþróttahúsi
Kennaraháskóla íslands viö Stakkahlíö sem hér segir:
Laugardaginn 28. marz kl. 14.30, skylduæfingar kvenna og
karla.
Sunnudaginn 29. marz kl. 14.30, frjálsar æfingar kvenna og
karla.
Komið og sjáið spennandi keppni.
Fimleikasamtand íslands.