Morgunblaðið - 23.01.1982, Blaðsíða 15
MORGUNBLAÐIÐ, LAUGARDAGUR 23. JANÚAR 1982
15
svædi með villtum gróðri og gangstígum og bekkjum þar sem
fólk getur fengið sér göngutúr innan um villta náttúru í
miðjum ys og þys stórborgarinnar. Morgunblaðið hitti að
máli nokkra íbúa við Austur og Vesturbrún og innti þá eftir
áliti þeirra á aukinni byggð í holtinu og hugmyndum þeirra á
framtíð holtsins.
Ljówm. IMbl. KrÍNtján.
Elísabet Brynjólfsdóttir:
„Það má hvergi
vera opið svæði
f borginni, þá þarf
að eyðileggja það“
„Mér finnst að holtið eigi að friðlýsa. Það er orðið eitt af mjög fáum
útivistarsvKðum í borginni og það væri synd að eyðileggja það,“ sagði
Elísabet Brynjólfsdóttir í samtali við Mbl. en hún hefur búið við Austurbrún
frá 1957. „Þá var hér allt í kring eins og holtið er núna,“ sagði Elisabet.
hér í hverfinu fóru einn daginn út
á holt og tóku sér grjót sem þeir
notuðu til að byggja sér lítinn
kofa. En litli kofinn stóð ekki lengi
því innan viku kom maður frá
borginni og bannaði krökkunum
að hreyfa við grjótinu í holtinu.
Og þeir tóku grjótið og fóru með
það aftur upp á holtið, Svo á að
fara að umturna öllu saman svona
allt í einu.
Gamla fólkið héðan af dvalar-
heimilinu missir vissulega mikið
ef farið verður að byggja í holtinu.
Það er þeirra helsta göngusvæði,
en kannski verður stungiö upp í
það dúsu og það fær kannski lóð.
Ég vinn sjálf á Hrafnistu og þar
eru forráðamenn gamla fólksins á
því að friðlýsa eigi svæðið, því það
missir svo mikið þegar byggt verð-
ur á því. En það má hvergi vera
opið svæði í þorginni, þá þarf að
byggja á því og eyðileggja," sagði
Elísabet Brynjólfsdóttir í lokin.
„Hér kemur ákaflega mikið af
útlendingum og skoðar sig um,
krakkar leika sér mikið í holtinu
eins og þeir hafa gert alla tíð og
gamla fólið af dvalarheimilinu
fær sér labbitúra um holtið og sest
oft niður stund og stund.
Okkur var sagt að aldrei ætti að
hreyfa við holtinu. Og þegar við
vorum yngri og vorum að byggja
meö lítil auraráð þurftum við að
borga stórpening vegna vatns- og
skolplagna sem við þurftum að
leggja alla leið niður á Kambsveg
því ekki mátti hreyfa við holtinu.
Ég segi fyrir mig að ég ætla að fá
þann kostnað endurgreiddan. Mér
dettur ekki annað til hugar ef þeir
ætla nú að fara að byggja á holt-
inu, þegar okkur hafði áður verið
sagt að þar ætti aldrei að byggja
meir.
Svo er eitt nokkuð kaldhæðnis-
legt við þetta. Ég man þegar
krakkarnir mínir og aðrir krakkar
Pétur Símonarson:
„Get ekki
orðið
reiðari út
í annað“
„Eg er því mjög mótfallinn að
borgin fari að fylla holtið hérna af
steypu. Þeir hafa þegar sett þessa
þrjá skýjakljúfa og það er alveg
nóg,“ sagði Pétur Símonarson íbúi
við Austurbrún, í samtali við Mbl.
þegar hann var inntur eftir áliti sínu
á þeim framkvæmdum sem í bígerð
eru á óbyggða svæðinu, sem um-
kringt er af Austur og Vesturbrún í
Reykjavík. Pétur hefur búið við
Austurbrún síðan hann byggði húsið
sitt þar árið 1955 eða í ein 27 ár.
„Það er meira vit í að hafa grjót-
ið ósnert en byggja á því stein-
kumbalda. Það tekur sennilega
óralangan tíma að byggja húsin og
því fylgja sprengingar og annað
ónæði því holtið er ein stór klöpp.
Það á frekar að gera holtið að
útivistarsvæði bæði fyrir íbúana
hér í kring og dvalarheimilið. Það
er eitt af örfáum útivistarsvæðum
sem eftir er í Reykjavík og það er
mín skoðun að flytja eigi villtar
Pétur Símonarson. „Það er meira vit
í að láta grjótið ósnert, en að byggja
á því steinkumbalda."
plöntur og gróður á svæðið, koma
fyrir bekkjum og gera malarstíga.
Ég og margir aðrir íbúar hér í
hverfinu höfum boðist til að gera
það allt í sjálfboðavinnu.
Við vorum ekkert að mótmæla
þegar þeir byggðu hér skýjakljúf-
ana enda ná þeir ekki mikið inn á
holtið, en það var ógurlegur hávaði
þegar þeir voru byggðir og níðst
var á okkur með sprengingum og
brambolti, því holtið er ekkert ann-
að en klöpp og það þarf að sprengja
fyrir öllu. Það á víst að verða eins
með þetta útivistarsvæði og önnur
sem voru hér í borginni eitt sinn.
Þau sem ekki var malbikað yfir var
steypt á, en við viljum vernda þetta
holt og hafa það eins og það hefur
verið frá upphafi til eilífðar.
Það var eitt sinn sagt við okkur
að holtið yrði látið óhreyft um ald-
ur og ævi og við sem byggðum
hérna fyrst, fengum ekki einu sinni
að leggja yfir það vatns- og skolp-
lagnir heldur urðum við að fara
með allar leiðslur miklu lengri leið
niður að Kambsvegi og borga það
allt sjálf. Það átti aldrei að snerta
við holtinu. Og svo fær maður þetta
í hausinn einmitt þegar hverfið,
eftir öll þessi ár, er að komast í
jafnvægi og farið að verða rólegt í
kringum það. Þá skellur þetta á.
Maður getur ekki orðið reiðari út í
annað,“ sagði Pétur Símonarson að
lokum.
„Spilaðu
hana hátt“
Hljóm-
plotur
Finnbogi Marinósson
*
Saxon
DENIM AND LEATHER
CARRERE 2934 138
Fyrir mig og ugglaust fleiri er
hafa gaman af kraftmiklu rokki,
þá er það góð frétt að hljóm-
sveitin Saxon hafi sent frá sér
nýja plötu. Saxon er í hópi
þeirra bresku hljómsveita er
flokkaðar hafa verið undir það
ljóta orð: bárujárn. I þessum
hópi eru t.d. Judas Priest,
Girlschool og Rainbow.
Saxon var stofnuð árið 1978 en
um svipað leyti var uppgangur
þessara hljómsveita nokkur.
Fyrsta platan kom svo út 1979 og
hét einfaldlega „Saxon“. Önnur
plata þeirra kom svo út vorið ’80
og bar nafnið „Wheels of Steel“,
en af þeirri plötu var lagið „747“
(Strangers in the Night) valið
eitt af bestu lögum þess árs af
lesendum „New Musical Ex-
press“. Þriðja stóra platan kom
út sama ár og var hún beint
framhald af plötunni á undan,
„Strong Arm of the Law“.
Seint á síðasta ári sendi Saxon
frá sér nýja plötu, „Denim and
Leather" og er það ansi tákn-
rænt, því félagar þessara
hljómsveita og þó sérstaklega
aðdáendur þeirra klæða sig í fátt
annað en gallabuxur og leður-
jakka. Allt frá stofnun hefur
Saxon verið óbreytt. Hún er
skipuð 5 mönnum og er helsti
talsmaður þeirra Biff, söngvari.
Á nýju plötunni eru 9 ný lög.
Tónlistin á fyrri plötunum var
hrátt og hratt rokk, en eftir að
hafa rennt annarri hliðinni í
gegn, þá voru vonbrigðin nokkur.
Gamla „sándið“ virtist vera með
öllu horfið, en í stað þess var
hljómsveitin að spila einhverja
blöndu af bresku og amerísku
rokki, blanda sem ég hefði aldrei
trúað-að óreyndu að ætti eftir að
hljóma vel. En viti menn, eftir
nokkra hlustun kom í ljós, að
þessi blanda hljómaði ekki svo
illa hjá Saxon, og þegar vel var
hlustað, leyndist gamli hljómur-
inn undir öllu saman. Lögin eru
ekki eins hröð nú og áður, nema
„Fire in the Sky“ sem myndi
sóma sér vel á gömlu plötunum.
Aftur á móti er „Princess of the
Night“ gott dæmi um þá nýju
stefnu sem hljómsveitin virðist
hafa tekið. Önnur lög eru nokkuð
góð, en af þeim ber helst að
nefna „Play it Loud“. Eitt af því
sem kemur á óvart þegar hlýtt
er á plötuna, er það hve Biff
söngvari nýtur sín mun betur nú
en áður. Það hefur viljað brenna
við að krafturinn í gítarspilinu
hafi kæft rödd hans, en nú er
hún skýr og kemst vel til skila.
Það kemur í ljós að hann er
miklu betri söngvari en ég hafði
haldið áður. Allur hljóðfæraleik-
ur er góður, eir þar er engan sér-
stakan að nefna, því allir eru
þeir frekar jafnir að gæðum.
Galli plötunnar er sá, að oft eru
útsetningar af ódýrara taginu.
Sérstaklega er hvimleitt að
heyra hvað oft er kastað til
hendinni við jafnvægi milli
hljóðfæra og færslu þeirra fram
og til baka í grunni. Þetta hefur
það í för með sér að lögin eru
ekki eins sterk og þau gætu ann-
ars orðið.
í heildina er þetta ekki slæm
plata. Að vísu gæti hún verið
mun betri með ögn meiri vinnu,
en hafi einhver áhuga á að
kynna sér skemmtiiegt sam-
bland af amerísku rokki og
bresku, þá er „Denim and Leath-
er“ tilvalin.
FM/AM
Um 1000 hafa
pantað eða far-
ið í skíðaferðir
SAMKVÆMT upplýsingum kynn-
ingardeildar Flugleiða eru nú að
hefjast sérstakar ferðir til Mexíkó
og tekur ferðin um hálfan mánuð.
Aðaldvalarstaðurinn í þessum ferð-
um verður Acapulco á Kyrrahafs-
strönd Mexíkó. Þá standa Flugleiðir
einnig að skíðaferðum ásamt ýmsum
ferðaskrifstofum og er þá flogið til
Luxemborgar, síðan farið með leigu-
flugi til Miinchen, og dreifist skíða-
fólkið þaðan á hina ýmsu skíðastaði
í nágrenninu.
Skíðaferðir Islendinga til Mið-
og Suður-Evrópu hófust 27. des-
ember, en þá fór hópur til ítölsku
Alpanna. 9. og 16. janúar sl. héldu
aðrir hópar síðan til Austurríkis.
Mikil aukning hefur verið á skíða-
ferðum Islendinga frá því í fyrra.
Um 1000 manns hafa nú pantað
eða farið í skíðaferðir og er útlit
fyrir að um 12—13 hundruð
manns komi til með að bregða sér
á skíði í vetur, en síðasta ferðin
verður farin 20. mars. Flugleiðir
hafa ákveðið að fljúga sérstakt
leiguflug til Múnchen næsta vetur
vegna þessarar miklu aðsóknar.
Hársnyrting listgrein?
- hársnyrtisýning á Broadway
ÞRIDJUDAGINN 2. febrúar verdur
haldin hársnyrtisýning í skemmti-
staðnum Broadway. A þessari sýn-
ingu munu koma fram á annað
hundrað sýningarfólks, sem starfs-
menn á um tuttugu hársnyrtistofum,
hafa unnið við.
Munu þar verða sýndar greiðsl-
ur og klippingar sem ýmist eru
notaðar daglega eða óvenjulegar
greiðslur.sem sýna hugmyndaflug
þeirra sem að hársnyrtingu
starfa.
Hársnyrtisýningar hafa vakið
athygli hér á landi sem og erlend-
is, hafa þær oft komið fólki til að
spyrja sem svo: „Er hársnyrting
listgrein?"
Á þessari sýningu munu Karon
samtökin sýna fatatískuna og
Torfi Geirmundsson sýna hár-
toppa fyrir karlmenn.