Morgunblaðið - 14.02.1982, Blaðsíða 8
56
MORGUNBLAÐIÐ, SUNNUDAGUR 14. FEBRÚAR 1982
,1982 Greater New York Automobile Show“ bílasýningin he
í þessum glæsivagni ók Bandaríkjaforseti þegar hann fór um götur
New York árid 1952 og vakti athygli sýningargesta, aó því er virtist fyrir
þær sakir einar.
Stærsta bílasýning veraldar, „1982 Greater New York Auto-
mobile Show“, sem nýlega var haldin í New York hefur aö
margra dómi mikið yfirbragö sölumennsku, þ.e. framleið-
endur víðs vegar að úr heiminum fylla sýningarsali af nýju ár-
gerðunum, sem ætlað er að slá í gegn, enda voru á sýningunni á
dögunum liðlega 600 nýir bílar. Þessi fjöldaframleiddu bílar kost-
uðu á bilinu 5.500—30.000 Bandaríkjadollara stykkið og þótti
mörgum nóg um, þegar verðið er farið að nálgast 30.000 dollar-
ana. Menn kipptust því heldur betur við, þegar þeir spurðu um
verð á bílum í „antíkdeild“ sýningarinnar, þar sem til sýnis voru
ýmsir fáséðir kjörgripir. Þar var verðlagið á bilinu
40.000—250.000 Bandaríkjadollara á hvert stykki, væru gripirnir
á annað borð til sölu, sem ekki var í öllum tilfellum. Það fór ekki
framhjá manni við göngu um sýningarsalina, að „antíkdeildin"
var alla tíð full út úr dyrum. Fólkið haföi greinilega mun meiri
áhuga á að láta sig dreyma um kjörgripina, sem þar var að sjá,
og skyldi engan undra við að skoða meðfylgjandi myndir. Reynd-
ar má skjóta því að, áður en lengra er haldið, að gestir sýningar-
innar að þessu sinni voru liðlega 1,4 milljónir manna, sem er
mesti gestafjöldi frá upphafi. A síðasta ári sáu um 1,2 milljónir
manna sýninguna. Þó hér að framan sé alltaf talað um „antík-
deildina“ þýðir það í raun ekki endilega, að um tuga ára gamla
bíla sé að ræða. Það eru fjölmargir bílasmiðir víðs vegar um
heiminn, sérstaklega í Bandaríkjunum, sem hafa það að atvinnu,
að smíöa „nýja-gamla“ bíla, sem hægt er að selja söfnurum og
þeim sem hafa efni á því að vera öðru vísi en „hinir“. Þessir
gömlu bílar eru handsmiðaðir að mestu leyti og er greinilegt við
skoðun þeirra, að mjög er til þeirra vandað. Það er tvennt ólíkt
að skoða handbragðið á þeim og handbragðið á fjöldafram-
leiddu bílunum, jafnvel þótt þeir vönduðustu úr þeim flokki séu
teknir. Að mínu mati voru það tveir bílanna, sem báru höfuð og
herðar yfir aðra hvað glæsileika snerti, en það voru „The Golden
Spirit" frá Zimmer-fyrirtækinu bandaríska og svo hinn síungi
Excalibur frá bandaríska framleiðandanum Vintage. Enda vöktu
þessir glæsivagnar óneitanlega mesta athygli sýningargesta.
„The Golden Spirit" kostar litla 200.000 Bandaríkjadollara í
beztu útfærslu og Excaliburinn um 150.000 Bandaríkjadollara í
beztu útfærslu. Annars tala meðfylgjandi myndir sínu máli.
„The Golden Spirit", sá bíll sem vakti hvaö mesta athygli sýningargesta.
Þessi MP Laeffe er óneitanlega eigulegur, „en því miöur ekki til sölu“, sagði eigandinn.
Texti og myndir: Sighvatur Blöndahl
Þessi Bedford var seldur
ítölskum auómanni fyrir
liölega 70 þúsund doliara
meöan undirritaöur stóð
við.
Gömlu og „gömlu-nýju“ bflarnir
vöktu langmesta athygli gestanna