Morgunblaðið - 14.08.1982, Blaðsíða 21
MORGUNBLAÐIÐ, LAUGARDAGUR 14. ÁGÚST 1982
21
Hópurínn í Þórshöfn: AðalheiAur Kjartansdóttir, Flosi Jónsson, Eiríkur Ingvarsson, Kiri Elísson, Einar Guðmannsson, Freyr Aðalsteinsson, Gylfi Gíslason,
Ólöf og Jóhannes Hjilmarsson hjónakorn, Eyþór Hauksson, Garðar Gíslason og unnusta hans, Didda, Kristinn Einarsson.
Lyftingamenn varnarlausir í styrk-
leika sínum gagnvart veðurguðunum
Strandaglóparnir fyrir ntan Cessna-vélina sem flntti þi heim til íslands. Fri
vinstrí: Flosi, Didda, Garðar, Eyþór, Einar, Kristinn og Kiri.
Færeyjaferð
norðlenskra
lyftingamanna:
Eftir Kára Elison
Akureyrskir lyftingamenn biðu í 4
sólarhringa i Reykjavík eftir flugveðri
til Færeyja, þar sem þoka hamlaði
Rugi.
/Etlunin var að halda keppni og sýn-
ingu í lyftingum og kraftlyftingum i
Ólafsvökunni, og kynna frændum vor-
um Færeyingum þessar íþróttagreinar
í fyrsta skipti. Lvftingar hafa litið verið
stundaðar þar með keppni fyrir aug-
um. l*ó eru þar nokkrir efnilegir
ihugamenn í lyftingafélagi sem heitir
þvi skemmtilega nafni Bragðið, en
Færeyingar segja gjarnan að hraustur
maður sé bragðinn.
Laugardaginn 31. júlí, þegar þokan
hafði loks sýnt þá velvild að þoka sér
til hliðar, var flogið af stað áleiðis til
Færeyja. llópurinn samanstóð af 7 öfl-
ugum lyftingamönnum og 5 öflugri
fylgdarmönnum, þar af 3 fulltrúar
kvenpenings. llpphaflega var gert ráð
fyrir 17 manna hópi, en biðin í Reykja-
vík reyndi hinsvegar svo mjög á þolrif
manna að 5 litlir negrastrákar heltust
úr lestinni.
Eftir um 2 stunda flug, var lent á
Vogey seinni hluta dags í sól og
blíðskaparveðri. Þá höfðum við
loksins hina langþráðu færeysku
grund undir fótum. 10 mínútum síð-
ar var eins og hendi væri veifað,
þoka lagðist yfir á örskammri
stund, og allt flug lá niðri þangað til
daginn eftir. í svartaþoku var farið
með rútu til bæjar sem heitir Vest-
manna og þaðan tekin ferja til
Straumeyjar, stærstu eyju Færeyja.
í sjóferðinni gerðist það markverð-
ast að enginn okkar varð hið
minnsta sjóveikur, að vísu var ferj-
an aðeins 10 minútur á leiðinni.
Þegar til Þórshafnar var komið,
höfuðstaðar Færeyja, tók á móti
hópnum velunnari okkar, Akureyr-
ingurinn Eiríkur Ingvarsson, for-
maður íslendingafélagsins í Fær-
eyjum. Hann hafði ásamt Flosa
Jónssyni allan veg og vanda af hin-
um mikla undirbúningi fyrir heim-
sókn okkar. Fyrsta verkefni okkar
var að líta á allar aðstæður í
Fimleikahöllinni þar sem lyft-
ingarnar skyldu fara fram. Skotið
var á stuttri ráðstefnu og ákveðið að
daginn eftir, á sunnudag, færi fram
keppni, en á mánudeginum sýning.
Það sem eftir lifði kvölds var notað
í að koma upp lyftingapallinum og
lokið við annan nauðsynlegan undir-
búning. Á meðan á dvöl okkar stæði
hafði Eiríkur útvegað hópnum til
afnota eina stóra íbúð í tvíbýlishúsi,
sem var í eigu byggingarfélags þess
sem hann vinnur hjá í Þórshöfn.
Ekki rúmaði hún þó alla svo vel
færi. Því var Jóhannesi Hjálmars-
syni og Ólöfu konu hans boðið að
gista heima hjá fjölskyldu einni.
Þar sem Jóhannes er alger reglu-
maður á áfenga drykki, var það
skemmtileg tilviljun þegar í ljós
kom að það var heima hjá manni
þeim er starfar sem yfir-bjórbrugg-
ari Færeyja.
Sunnudagurinn 1. ágúst rann upp
með fögrum þokuslæðingi. Keppnin
hófst síðan að áætluðum tíma
klukkan 3.30 með setningarathöfn.
Eirikur kynnti keppendur og sagði
frá tildrögum heimsóknarinnar, og
sagði m.a. að vonandi yrði hún mikil
lyftistöng fyrir lyftingarnar í Fær-
eyjum. Allar æfingaáætlanir manna
höfðu vitanlega raskast mikið vegna
seinkunarinnar. Undirbúningur
lyftingamanna fyrir mót er geysi-
lega nákvæmur upp á dag, bæði
hvað varðar æfingar og mataræði.
Biðin í Reykjavík og öll óvissan um
hvenær flogið yrði gerði því
mönnum talsverða skráveifu. í
keppninni kom það svo fljótlega í
Ijós að keppendur höfðu misst
spennu úr vöðvunum. Heildar
árangurinn varð því ekki eins góður
og vonast hafði verið eftir. Þó tókst
greinarhöfundi að setja eina ís-
landsmet keppninnar með dyggum
stuðningi hinna fjölmörgu líflegu
áhorfenda.
Úrslit keppninnar urðu annars
þessi:
Keppnin þótti takast mjög vel og
var framkvæmd öll til fyrirmyndar.
Kvöldinu eyddu menn í afslöppun og
gengu síðan snemma til náða, því
morgundagurinn beið með þung lóð
í skauti sér.
Á mánudag, þegar stírurnar
höfðu verið nuddaðar úr augum, var
gengið niður í miðbæ. Þar fengu
menn sér saðningu, versluðu og
skoðuðu sig um. Þórshöfn fannst
okkur vinalegur og fallegur bær, en
mikla athygli okkar vakti, hve húsin
voru snyrtileg og umhverfi þeirra.
Um kvöldið klukkan 7.30 hófst
sýningin. Áhorfendur voru nú mun
fleiri en daginn áður og nær troð-
fylltu höllina. Tvíburarnir Garðar
og Gylfi Gíslasynir sýndu lyftingar.
Garðar var nú hinn frískasti og
jafnaði Islandsmet unglinga í jafn-
hendingu 90 kg flokks, er hann lyfti
175 kg undir miklu lófataki áhorf-
enda. Jóhannes Hjálmarsson vakti
óskipta athygli og hrifningaralda
fór um salinn þegar hann lyfti 270
kg í réttstöðulyftu, en það er langt
yfir gildandi heimsmeti í hans
flokki öldunga. Þessi árangur hans
fæst þó ekki staðfestur þar sem ekki
var um löglega keppni að ræða.
Freyr Aðalsteinsson sýndi það að
hann er með sannkallaðar járn-
greipar, er hann lyfti 190 kg með
annarri hendi í réttstöðulyftu. Þess
má geta að hinn 120 kg þungi Svíi,
Wigholm, sem vann keppnina Vík-
ingur Norðurlanda í vor, lyfti einnig
190 kg í þessari grein. Flosi Jónsson
og greinarhöfundur sýndu bekk-
pressu, sem endaði með því að
greinarhöfundi tókst að lyfta 151
kílói, eða 'k kg yfir Islandsmetinu
frá deginum áður.
Ætlun okkar var sú að fá ein-
hverja „bragðvísa" heimamenn til
að prófa sig í réttstöðulyftu. Þá brá
svo við að enginn gaf sig fram, þrátt
fyrir ítrekaðar áskoranir. Þarna
voru nokkrir stæðilegir Færeyingar
að fylgjast með, en ekki fengust þeir
til að lyfta hvernig sem reynt var.
Kom þessi hlédrægni frænda vorra
okkur mjög á óvart. Síðasta sýn-
ingaratriðið var tveggja manna
réttstöðulyfta. Lóðin sem Færey-
ingar áttu voru það fyrirferðarmikil
að Freyr og Flosi komu „aðeins“ 300
kg á stöngina. Þeir lyftu síðan því
hlassi nokkrum sinnum léttilega.
Á eftir var heimsókninni slitið
formlega með ræðu Eiríks, en hann
talar færeysku eins og innfæddur
væri og var aðaltúlkur okkar. Sýn-
ingin virtist hafa fallið í góðan jarð-
veg. Vorum bæði við og félagar
okkar hjá Færeyska lyftingafélag-
inu mjög ánægðir með hvernig til
tókst.
Á þriðjudag hófst heimferðin.
Hún varð í svipuðum skrautstíl og
annað sem á undan var gengið. Þeg-
ar við komum í flugstöðina á Vogey
fengum við óvænta ábót á ferðalag-
ið. Þá er við ætluðum að bóka okkur
inn í Fokker-vél Flugleiða sem við
áttum pantað far með til íslands,
kom heldur betur babb í bátinn.
Starfsfólkið varð felmtri slegið og
rak upp stór augu sem undirskálar
væru. Okkur var nú sagt að við ætt-
um ekki pantað far með vélinni og
því kæmumst við ekki með henni,
þar sem hún væri fullbókuð þegar.
Eftir að málið var athugað betur,
kom snilldarskipulag Flugleiða í
ljós. Fokker-vélin sem við komum
með til Færeyja á laugardag var lát-
in bíða í 2 stundir eftir því að við
kæmum aftur og færum með henni
samdægurs tilbaka til íslands! Alveg
frábært! Málin þróuðust hinsvegar
þannig að 5 sæti losnuðu með vél-
inni og af einskærri náð fengu 5
okkar þau sæti. Við hin sem eftir
urðum, neyddumst til að hírast á
hóteli um nóttina við lítinn orðstír.
Morguninn eftir, miðvikudaginn
4. ágúst, var send eftir okkur 9 sæta
Cessna-vél frá Sverri Þóroddssyni.
Síðan má segja að allt hafi gengið
eins og í sögu og komumst við
klakklaust heim til Islands rétt eftir
hádegið. Þrátt fyrir allt fannst
mönnum ferðin hin ánægjulegasta.
Aðstaða og viðurgerningur allur var
heimamönnum mjög til sóma. Mun
verða stefnt að því að styrkja þau
tengsl sem nú komust á og hafa lyft-
ingaleg samskipti við Færeyinga í
náinni framtíð.
Kiri Elísson
Lyftingar
Flokkur 75 kg Líkams- þyngd Snörun Jafn- hending Saml. kg
Freyr AdaltrteinwMn 75,0 120 140 260
Eyþór Haukstton Flokkur 90 k|{ 67,9 60 87,5 147,5
Gylfi Gulwon 88,0 135 170 305
Gardar Gislanon Kraftlyftingar 90,0 132,5 luetti 305
Flokkur 67,5 kK Líkam.s- þyngd Hnéb. Bekk- presNa í.slm. Rétt Ntl. Samanl.
Kári KIÍNNon Flokkur 82,5 kg 67,5 217,5 150,5 240 605
FIoní JónsNon Flokkur 100 kg 8U 205 125 220 550
Johannes Hjálmarason 96,5 230 130 260 620
í góðum félagsskap. Fri vinstrí: Didda, Krístimi Einarsson, Eirfkur Ingvarsson, for-
maður íslendingafélagsins í Færeyjum, Garðar og Gylfi Gíslasynir.
Freyr Aðalsteinsson að lyfta 1M kg einbendis i
réttstöðulyftu.
Freyr Aðalsteinsson og Flosi Jónsson, formaður
Lyftingariðs Akureyrar, lyfta 300 kg i tveggja
manna réttstöðulyftu.