Morgunblaðið - 07.07.1983, Blaðsíða 15
MORGUNBLAÐIÐ, FIMMTUDAGUR 7. JÚLÍ 1983
15
„Ekkert verra en
lognið fyrir miga
— segir franskur ævintýramaður
á seglskútu f Reykjavíkurhöfn
Michael Deuff um borð í skútu sinni f Reykjavíkurhöfn. Ljósmynd Mbi. köe
„ÞAÐ ER menningin sem heillar
mig hér — hvar sem gripið er niður
er mikið um að vera. Allir að fást við
Guðrún Árnadóttir
einhverja menningarstarfsemi,“
sagði Michael Deuff, franskur efna-
verkfræðingur, sem hingað er kom-
innn siglandi á seglskútu sinni frá
Le Havre f Frakklandi, í viðtali við
Mbl. Hann hóf ferð sína 9. júní síð-
astliðinn og sigldi fyrst norður eftir
Bretlandi til Irlands, en tók síðan
stefnuna á ísland og lenti fyrst f
Vestmannaeyjum, þar sem hann
hafði tveggja daga viðdvöl með eyja-
skeggjum.
„Ég er í þriggja mánaða fríi frá
störfum og ákvað því að nota
tækifærið. Ég smíðaði þessa skútu
sem er átta metra löng á tæpum
þremur árum í frístundum, en hef
ekki lært neitt sérstaklega til sjós
nema af bókum. Þetta er í fyrsta
skipti sem ég sigli yfir Atlantshaf-
ið — það þarf góðan, traustan bát
í siglingu sem þessa og þó ég hafi
áður smíðað tvær minni skútur
hvarflaði ekki að mér að reyna að
sigla þeim lengra en rétt milli
hafna í Frakklandi."
— En hvað með veður?
„Ég hef hreppt hin ýmsu veður,
en það er allt í lagi svo framarlega
sem ekki er logn. Það er ekkert
jafn erfitt og að sitja um borð i
seglskútu úti á reginhafi og hreyf-
ast ekki úr stað ... Þá reynir á
þolrifin. Ég myndi kannski ekki
segja að ég væri einmana á svona
siglingum, en það er alltaf jafn
gott að ná landi ... “
Deuff hyggst sigla umhverfis ls-
land á næstu vikum á skútu sinni
„Passe-Piérre" og hefur jafnvel í
huga að sigla til Jan Mayen ef veð-
ur verður hagstætt og farsælir
vindar. En hann gerir engin lang-
tímaplön ... vonast aðeins eftir
siglingaveðri og brosir.
Fékk gull-
verðlaun
Manitóba-
háskóla fyrir
námsárangur
GUÐRÚN Arnadóttir lauk síðastlið-
ið vor námi í iðjuþjálfun frá Mani-
toba-háskólanum f Kanada. Tók
Guðrún Bs.-gráðu og hlaut hæstu
einkunn. Voru henni veitt gullverð-
laun skólans eins og öðrum nemend-
um sem skara fram úr í sinni grein.
Iðjuþjálfaraprófi lauk Guðrún
1978, en starfaði hún síðan hjá
Styrktarfélagi lamaðra og fatl-
aðra og á Grensásdeild Borgar-
spítalans. Fékk hún þannig þá
starfsreynslu sem þarf til að upp-
fylla inntökuskiiyrði fyrir Bs.-
nám í iðjuþjálfun.
Guðrún hefur störf að nýju á
Grensásdeild Borgarspítalans í
september nk.
Töluvert
af eins árs
kolmunna
Rannsóknarskipið Árni Friðriks-
son kom nýlega úr 12 daga leiðangri
á miðin milli Islands og Færeyja til
könnunar á kolmunnagöngum og
umhverfísháttum.
Bílabraut - stórar og litlar hringekjur.
Lest - kastleikir - bangsatombólur.
Bauer loftfimleikaflokkurinn
á mótorhjólum og sveiflumöstrum.
Athuganir í þessum leiðangri á
kolmunnaslóð austur af landinu
við mjög svo óregluleg skil heitra
og kaldra hafstrauma, sýndu, seg-
ir í fréttatilkynningu frá Haf-
rannsóknarstofnuninni, að eins
árs kolmunna (árgangur ’82) gætti
töluvert við góð átuskilyrði í heita
sjónum. Líklega er um meira eða
minna staðbundinn fisk að ræða.
Eiginlegur göngufiskur fannst
ekki nema í litlum mæli fyrir
norðaustan Færeyjar, eða sunnan
og austan við kalda sjóinn. Sá
fiskur gengur vart á Islandsmið
heldur miklu austar. Virðist þessi
niðurstaða vera í samræmi við
óvenju mikla víðáttu kalda sjávar-
ins til austurs í vor. Áætlað er að
halda þessum rannsóknum á kol-
munnaslóð næst íslandi áfram á
næsta ári, segir í fréttatilkynning-
unni.
Nýtt skemmtiatriði.
Eldgleypirinn og fakírinn Thomas Arens
sýnir listir sínar kl. 17:00 daglega.
Notið góða veðrið
nú eru aðeins fjórir dagar eftir.
Tívolí Miklatún