Morgunblaðið - 20.07.1983, Blaðsíða 29
MORGUNBLAÐIÐ, MIÐVIKUDAGUR 20. JÚLÍ 1983
29
Hestar
Þrír nýliðar í lands-
liði íslands í hestaíþróttum
Gunnar Arnarson á Galsa frá Sólheimatungu.
Reynir Aöalsteinsson á Sprota frá Torfastööum.
Valdimar Krlstlnsson
Þá er búið að fá úr því skor-
ið, hverjir sjá um að verja heið-
ur íslands á komandi Evrópu-
móti, en eins og áður hefur
komið fram, var haldin úrtöku-
keppni um það á Hellu síðast-
liðinn fimmtudag og fóstudag.
Keppt var í sjö keppnisgrein-
um hestaíþrótta, tölti, fimm-
gangi, fjórgangi, 250 metra
skeiði, gæðingaskeiði, frjálsum
hlýðniæfingum og víðavangs-
hlaupi. Svokölluð EM-nefnd
var skipuð síðastliðið haust og
var henni falið að sjá um og
skipuleggja ajla þætti er sneru
að þátttöku íslands í Evrópu-
móti á íslenskum hestum.
Tvöföld umferð var í úrtök-
unni og fengu keppendur að
vera með ótakmarkaðan fjölda
hesta fyrri daginn, en seinni
daginn með aðeins einn. Eins og
búist var við fyrirfram, var
keppnin æsispennandi frá upp-
hafi til enda. Valið var í sveit-
ina samkvæmt þar til gerðum
lykli með það fyrir augum að
sem sterkust sveit yrði send á
Evrópumótið. Var allur út-
reikningur nokkuð flókinn og
þurftu keppendur jafnt sem
áhorfendur að fylgjast vel með
gangi mála, ef þeir vildu vita
með vissu hver staðan væri
hverju sinni. Vafalaust hefði
verið gott að hafa tölvu- og
sjónvarpsskerm á staðnum,
svipað og gert var á fjórð-
ungsmótinu á Melgerðismelum
nú fyrir stuttu.
Lárus trompaði
atvinnumennina
Sjö hestar og menn voru vald-
ir, en þeir eru eftirtaldir: Stiga-
hæstúr fyrir tölt, fimmgang,
hlýðniæfingar og skeið saman-
lagt varð Tómas Ragnarsson á
Fjölni frá Kvíabekk. Stigahæst
fyrir tölt, fjórgang, hlýðniæf-
ingar og víðavangshlaup varð
norska stúlkan Olil Amble á
Blika frá Höskuldsstöðum, en
hún hefur verið búsett hérlend-
is síðastliðin tvö ár og er meðal
annars núverandi íslandsmeist-
ari í tölti. Gunnar Arnarson á
Galsa frá Sólheimatungu kom
inn í sveitina fyrir árangur sinn
í tölti og fimmgangi samanlagt,
en hann varð að vísu ekki stiga-
hæstur í þessum greinum, því
bæði Eyjólfur ísólfsson á Krák
frá Selfossi og Aðalsteinn Aðal-
steinsson á Baldri frá Sandhól-
um voru stigahærri, en þeir
unnu sér einnig sæti í liðinu
fyrir aðrar greinar. Stigahæst-
ur fyrir fjórgang og tölt sam-
anlagt varð Lárus Sigmundsson
á Bjarma frá Kirkjubæ. Segja
má, að árangur Lárusar sé það
sem kom hvað mest á óvart í
úrtökunni að þessu sinni.
Eyjólfur tsólfsson á Krák
kemur inn í sveitina fyrir ár-
angur sinn í tölti eingöngu, en
einmitt þetta sæti olli töluverð-
um misskilningi bæði fyrir úr-
tökuna og meðan á henni stóð.
Var þetta sæti ætlað keppanda
sem hlyti hæsta stigahlutfall úr
einni grein, tölti, fjórgangi eða
fimmgangi. Eyjólfur hlaut 82,9
stig í töltinu, eða 69% af mögu-
legri hámarkseinkunn. Aðal-
steinn Aðalsteinsson á Baldri
varð stigahæstur fyrir fimm-
gang og skeið. Baldur sýndi á
sér nýjar og góðar hliðar þarna
í úrtökunni og átti það við allt í
senn, töltið, fimmganginn og
skeiðið. Skeiðaði hann 250
metrana á 22,2 sekúndum og er
Tómas Ragnarsson á Fjölni frá Kvíabekk.
ekki ósennilegt að þeir félagar
komi til með að blanda sér í
baráttuna um Evrópumeistara-
titilinn í fimmgangi og skeiði.
Sjöundi liðsmaðurinn er svo
Reynir Aðalsteinsson á Sprota
frá Torfastöðum og koma þeir
inn í liðið fyrir árangur í skeiði.
Segja má, að Reynir hafi komist
með annan fótinn í liðið þegar
Sproti skeiðaði á stórmótinu í
Reykjavík helgina áður á 22,2
sek.
Fimmgangshestar
sterkir að venju
Eftir að val sveitarinnar ligg-
ur fyrir, spyrja menn gjarnan
hvort við teflum fram nógu
sterku liði, því eftir Evrópumót-
Ljósmyndir VK
ið í Larvík í Noregi voru flestir
sammála um að hestarnir sem
komu frá íslandi væru ekki
nógu góðir. Fyrirfram var búist
við að okkar veika hlið yrðu
fjórgangshestarnir eins og svo
oft áður, og sú virðist hafa orðið
raunin, en óneitanlega bindur
maður nokkrar vonir við Olil
Amble á Blika, en til þess að
þær vonir rætist, þarf Olil eins
og flestir, ef ekki allir í liðinu,
að laga ýmsa smávægilega
galla. Undanfarin þrjú Evrópu-
mót hafa íslendingar unnið
Evrópumeistaratitilinn í sam-
anlögðu og þá á fimmgangs-
hestum. Nú hefur sú breyting
orðið á, að keppt verður um tvo
samanlagða Evrópumeistara-
titla, það er fimmgangshestar
sér og fjórgangshestar sér.
Ætla verður möguleika okkar
stóra fimmgangsmegin og ber í
því sambandi að nefna Tómas
og Fjölni, sem telja verður lík-
legasta til afreka. Eyjólfur á
Krák og Gunnar á Galsa eiga
líka fræðilega möguleika, en
þar sem skeiðgeta Galsa og
Kráks er ekkert á við það sem
Fjölnir hefur skilað, verður að
telja möguleika þeirra hverf-
andi á þessum titli.
Adalsteinn ekki
meö í töltinu?
Allar líkur eru á því að Aðal-
steinn fái ekki að taka þátt í
töltinu þegar út kemur, því að-
eins fimm hestar frá hverju
landi fá að taka þátt í hverri
grein og þau Tómas, Olil, Gunn-
ar, Lárus og Eyjólfur eiga for-
gangsrétt á þátttöku í töltinu,
því val þeirra í liðið grundvall-
aðist meðal annars á árangri í
þeirri grein. Aðalsteinn kemur
hins vegar inn í liðið fyrir
árangur sinn í fimmgangi og
skeiði. En komi upp sú staða að
Aðalsteinn fái inni í töltinu,
verður að telja hann mjög sig-
urstranglegan í samanlögðu
keppninni, auk þess sem óhætt
er að veðja á hann bæði í
fimmgangi og skeiði.
Áður en langt um líður, verð-
ur liðið kallað saman í æfingar-
búðir. Ekki hefur verið ákveðið
hvar þær verða, en búast má við
að í þeim fari bæði hestum og
mönnum fram, því liðsmenn
munu væntanlega hjálpast að
við að leysa hin ýmsu vandamál
í sambandi við þjálfun hest-
anna. Umsjónarmaður „Hesta"
mun væntanlega sækja þessar
æfingarbúðir heim og fylgjast
með gangi mála þar.
Olil Amble á Blika fri Höskuldsstöðum.
Eyjólfur ísólfsson i Krik fri Selfossi.
Lirus Sigmundsson i Bjarma fri Kirkjubæ.
Aóalsteinn Aöalsteinsson i Baldri fri Sandhólum.