Morgunblaðið - 29.11.1983, Blaðsíða 21

MORGUNBLAÐIÐ, ÞRIÐJUDAGUR 29. NÓVEMBER 1983
29
Halldór Ásgrímsson, sjávarútvegsráðherra, og Þorsteinn Gíslason, fiskimálastjóri, hlýöa á erindi Geirs Arnesen frá Rannsókna-
stofnun fiskiðnaðarins.
Varasamt að selja
fískiskip úr landi
— segir fiskimálastjóri, Þorsteinn Gíslason
„RÆTUR vanda sjávarútvegsins
eru margþættar, sumar óviðráðan-
legar, aðrar heimatilbúnar. Þyngst
vegur aó sjálfsögðu hin geigvænlega
olíuverðshækkun undanfarinna ára,
en þungt vegur að sjálfsögðu mesti
bölvaldur aldarinnar, okkar heima-
tilbúna verðbólga, fylgikvillar henn-
ar og kolvitlaust vísitölukerfi,“
sagði fiskimálastjóri Þorsteinn
Gíslason meðal annars í ræðu sinni
á fiskiþingi í gær.
„Hér hafa að undanförnu verið
erlendir áhugamenn um kaup á
sumum okkar beztu fiskiskipa og
bjóða óraunhæft smánarverð.
Hvað neyðast aðþrengdir útgerð-
armenn til að gera? Það hefur
aldrei verið talin góð búhyggja að
selja beztu mjólkurkýrnar úr
fjósinu. Skipin eru of mörg í dag,
hvort þau verða það á morgun
getur enginn svarað með fullri
vissu. Það má ekki henda okkur
að standa eftir með úr sér gengin
og lífshættuleg skip til sóknar á
einum af hættulegustu fiskimið-
um heimsins. Það verður að gera
íslenzkri skipasmíði kleift að
anna viðhaldi og endurnýjunar-
þörf hvers tíma með því að fjar-
lægja þröskuldinn milli þess inn-
lenda og erlenda, sem er fjár-
magnskostnaðurinn. Það er því
varasamt að selja skipin úr landi.
Við eigum vinnufúsar hendur
og hugvit, sem bölsýni augna-
bliksins má ekki lama. Erfingjar
okkar verða að fá tækifæri til
framhaldsmenntunar við æðstu
menntastofnanir okkar á breiðari
grunni en hingað til í þeim grein-
um sjávarútvegs, sem krefjast
þess, því aðstæðurnar heimta enn
sem fyrr fjölhæfa þúsundþjala-
smiði. Sjávarútvegurinn er okkar
stóriðja, happdrættisspil en ekki
námurekstur. Vinningarnir koma
alltaf, en því miður ekki með
jöfnu millibili. Því eins og einn
okkar mætasti fiskiskipstjóri
sagði nýlega, gengur þorskurinn
ennþá þegjandi í ála. Ósk mín er
sú, að á þessu þingi berum við
gæfu til að finna leiðir og ná sam-
komulagi í þeim málum, sem bíða
okkar," sagði Þorsteinn Gíslason.
Bellmania —
bók um Bellmann
— Síðasta bók Sigurðar Þórarinssonar
„BELLMANIA" nefnist bók sem
væntanleg er frá bókaútgáfunni
ísafold innan skamms. Höfundur
bókarinnar er Sigurður Þórarins-
son jarðfræðingur, sem lést fyrr á
árinu, og er þetta síðasta verk
hans. Sigurður var sem kunnugt
er þekktur vísindamaður í sinni
grein, en meðal íslendinga var
hann þó ekki síður eða jafnvel
enn frekar þekktur fyrir söng-
texta sína, sem margir voru á
hvers manns vörum og eru enn.
Leó E. Löve framkvæmda-
stjóri Isafoldar sagði, þegar
Morgunblaðið spurðist fyrir um
hina nýju bók, að vitað hefði
verið að Sigurður leitaði sér oft
hvíldar frá umfangsmiklum vís-
indastörfum við að semja og
þýða söngtexta. „Bellmania var
eitt síðasta verkið sem Sigurður
lauk við,“ sagði Leó, „og er helg-
að Bellman, því skáldi sem stóð
hjarta hans næst. Bókin hefur
að geyma vandaða ritgerð um
Bellman, kvæði hans, bakgrunn
þeirra og íslenskar þýðingar á
þeim. Þrettán þýðingar á kvæð-
um hins sænska skálds eru í
bókinni, ásamt nótum, gítar-
gripum og fjölda mynda. Sig-
urður þýddi sjálfur um helming
kvæðanna, en aðrir þýðendur
eru Hannes Hafstein, Jóhannes
Benjamírtsson, Jón Helgason,
Kristján Jónsson og Árni Sigur-
jónsson, sem jafnframt sá um
útgáfu bókarinnar. — Bókin er
að mínum dómi allt í senn,“
sagði Leó Löve, „skemmtirit,
fræðirit og söngbók."
Sigurður skrifar meðal ann-
ars í bókinni: „Menn veigra sér
æ meir við að skyggnast fram í
tímann og fortíðin fjarlægist og
fyrnist æ hraðar. Kvikt sem
dautt telst gamalt og gleymist
löngu fyrr en áður var. Á slík-
um tímum er það undantekning,
sem jaðrar við undur, að skáld
sem hvarf af sjónarsviðinu fyrir
nær tveimur öldum, skuli enn
Sigurður Þórarinsson.
vera svo lifandi og vinsælt með
þjóð sinni, að keppt getur við
vinsælustu núlifandi skáld og
trúbadúra og á það hlustað af
öllum stéttum og á öllum ald-
ursskeiðum. Slíkt skáld er Carl
Michael Bellman."
Loðnuveiðin:
4.830 lestir
sl. sólarhring
TÍU loðnuveiðiskip tilkynntu um
afla á síðasta sólarhring og nam afl-
inn samtals 4.830 lestum. Engin
loðnuveiði var hins vegar um helgina
vegna brælu á miðunum, samkvæmt
upplýsingum sem Mbl. fékk hjá
Loðnunefnd í gær.
Skipin sem tilkynntu afla í gær
voru þessi: Pétur Jónsson með 550
lestir, Höfrungur með 530,
Grindvíkingur með 650, Kap II
með 570, Svanur með 250, Hilmir
II 530, Víkurberg 450, Albert 600,
Örn 400 og Gísli Árni var með 300
lestir. Samtals eru þetta 4.830
lestir, eins og áður gat.
Korchnoi hafði frumkvæðið
— Kasparov varðist vel
20. — Bxd5!
Smyslov grípur tækifærið og los- ,
ar sig við slæma biskupinn. Það eru
ekki bara ungu strákarnir sem geta
reiknað.
21. exd5 — r4, 22. Bxc5 — Rxc5, 23.
Rxc5 — exd3, 24. Hxe8 — Rxe8, 25.
Rxd3
Nú hefur Ribli vaknað upp við
vondan draum, því eftir 25. Dxd3 —
Rc7! (En ekki 25. - Rf6, 26. Re4! -
Rxd5??, 27. Dxd5! og vinnur), jafnar
svartur taflið.
25. - Dxd5, 26. De2 - Rf6, 27. Rf4
— Db7, 28. Hc4?!
Þangað á hrókurinn ekkert er-
indi, en það hefur verið erfitt fyrir
Ribli að bíta í það súra epli að vera
búinn að missa niður óskastöðu.
28. — He8, 29. Dd3 — a5, 30. h3 —
Bg7, 31. Hc5 - Re4, 32. Hc2 — Rf6,
33. He2
Ribli sættir sig við orðinn hlut og
fljótlega fjarar skákin út í jafntefli.
33. - Hxe2, 34. Rxe2 - Dd7, 35. Db3
— Re4, 36. Dc2 — Df5, 37. Red4 —
Dd5, 38. Dc8+ — Bf8, 39. Kg2 —
Kg7, 40. Dc6 — Dxc6, 41. Rxc6 —
Rc5, 42. Rxa5 — Rxa4, 43. b3 — Rc3,
44. Re5 — f6. Jafntcfli.
Skák
Margeir Pétursson
ENNÞÁ heldur Korchnoi forystunni í
einvígi sínu við Gary Kasparov, því
biöskákinni úr fjóröu umferö lauk í
gær meö jafntefli. Korchnoi hefur nú
tvo og hálfan vinning gegn einum og
hálfum vinningi Kasparovs. Áskorand-
inn fyrrverandi vann fyrstu skákina
en síðustu þremur hefur lokið með
jafntefli. Þaö er ekki nóg meö að
Korchnoi hafi fleiri vinninga, hann
hefu einnig haft frumkvæðiö í nærri
öllum skákunum. Sú fjóröa var engin
undantekning þar á. Korchnoi fékk
betri stöðu eftir byrjunina og hélt
henni fram í endatafl, en í 27. leik
fann Kasparov snjalla mótspilsleiö
sem reyndist nægja til jafnteflis.
Þegar skákin fór í bið voru enn
frekari umskipti fyrirsjáanleg enda
fór svo að samið var um jafntefli án
þess að einum einasta leik væri leik-
ið. Það var greinilegt að Korchnoi
lét öryggið sitja í fyrirrúmi, hann
forðaðist alla áhættu enda með
vinning yfir í einvíginu. Á hinn bóg-
inn fékk Kasparov ekkert svigrúm
til að flækja taflið og varð að sætta
sig við að verjast í heldur verra
endatafli obbann af skákinni. Enn
einu sinni hefur Korchnoi því tekist
að þvinga „sínum stíl“ upp á meist-
arann unga, sem er þekktastur fyrir
frábæra útreikninga sína í flóknum
stöðum og frumlegar leikfléttur.
Að sögn Eric Schillers, fréttarit-
ara Mbl. á einvígjunum í London,
leizt stórmeisturunum á einvíginu
illa á svörtu stöðuna eftir byrjun-
ina. Zoltan Ribli, keppandi í hinu
einvíginu, var á staðnum til að
fylgjast með, en hann er einmitt
mikill sérfræðingur í byrjun þeirri
sem upp varð á teningnum. Honum
leist þunglega á stöðu Kasparovs
eftir snjalla millileiki Korchnois,
17. Ra5 og 18. Rc6. Sama sagði
Gennadi Sosonko, hollenskur stór-
meistari, sem sérhæfir sig í þessari
byrjun.
En Kasparov reyndist vandanum
vaxinn, þó róleg baráttan hafi
sennilega ekki fallið honum í geð, og
uppskar jafntefli.
Næsta skák verður tefld í dag kl.
16 og hefjast skákskýringar í hús-
næði Skáksambandsins að Lauga-
vegi 71, 3. hæð, kl. 17.30. Þá hefur
Kasparov hvítt og verður fróðlegt
að sjá hvernig hann mun reyna að
hleypa stöðunni upp, en það þarf
hann að gera til að geta sigrast á
einfaldri og traustri taflmennsku
Korchnois.
4. skákin
Hvítt: Viktor Korchnoi
Svart: Gary Kasparov
Katalónsk byrjun
1. d4 - d5, 2. c4 - e6, 3. Rf3 - Rf6,
4.g3
4. Rc3 leiðir til hefðbundins
drottníngarbragðs.
- Be7, 5. Bg2 - 04), 6. 04) — dxc4
Lokaða staðan sem kemur upp
eftir 6. — c6 er Kasparov ekki að
skapi.
7. Dc2 — a6, 8. Dxc4 — b5, 9. Dc2 —
Bb7, 10. Bd2
Hugmyndin á bak við þetta af-
brigði er að eftir 10. — Rbd7, 11.
Ba5! lendir svartur í klemmu.
— Be4, 11. Dcl — Rc6
Karpov lék 11. — Dc8 gegn Sos-
onko í Tilburg um daginn og náði
ekki jafntefli fyrr en eftir mikinn
barning.
12. Be3 — Rb4
Nýr leikur. Gligoric lék 12. — Hc8
gegn Smejkal í Vrsac í september og
fékk slæma stöðu eftir 13. Rbd2 —
Bd5, 14. Hdl - Ra5,15. Dc3!
13. Rbd2 — Bb7, 14. Bg5 — Hc8, 15.
a3 — Rbd5, 16. Rb3 — h6, 17. Ra5! —
Ba8, 18. Rc6 — Bxc6, 19. Bxf6 — Bb7!
19. - Bxf6, 20. Dxc6 - Dd6, 21.
Hfcl — Re7, 22. Dc5 er greinilega
hagstætt hvítum.
20. Bxe7 — Dxe7, 21. Dc5
Leikið eftir hálfrar klukku-
stundar umhugsun. Svartur hótaði
að sölsa til sín frumkvæðið eftir 21.
- c5.
— Dxc5, 22. dxc5 — Re7, 23. a4 — b4,
24. Rd4 — Bxg2, 25. Kxg2 — Hfd8,
26. Hfdl — Hd5, 27. Rc2!
27. — Hb8!
Miklu sterkara en 27. — Hxc5, 28.
Rxb4 - a5, 29. Rd3 - Hc2, 30. e3 og
næst 31. Hacl með mun betri stöðu,
eða 27. — Rc6?, 28. Hxd5 — exd5, 29.
Hdl — Hd8, 30. Rd4! með óskastöðu
á hvítt.
28. Hxd5 — Rxd5, 29. Rd4 — Re7, 30.
Hdl — Kf8
30. — Hd8 kom einnig sterklega
til greina, en Kasparov kýs að halda
hrókunum á borðinu.
— Kf8, 31. Rb3 — Rc6, 32. f4 — Ke7,
33. Kf3 — g6, 34. Hd2 — f6, 35. Ke4
— f5+, 36. Kd3 — e5, 37. e4 — Ke6,
38. Ke3 — exf4+, 39. gxf4 — g5, 40.
Rd4+ — Rxd4, 41. Hxd4 og hér var
samið jafntefli án frekari tafl-
mennsku.