Morgunblaðið - 02.03.1985, Blaðsíða 18

18
MORGUNBLAÐIÐ, LAUGARDAGUR 2. MARS 1985
Svar og skýringar
til ráðuneytisstjóra
Talsmaður kerfis hins opinbera
í Arnarhvoli kveður sér hljóðs á
fjórðu síðu Mbl. hinn 1. þ.m. Grein
ráðuneytisstjóra dómsmála ber
svipmót þess sem þarf að skýra út
fyrir fólki óþægilegan hlut. Það er
bæði skiljanlegt og mannlegt að
góðir embættismenn hins opin-
bera signi sig frá sakargiftum eins
og þeim er fram koma í lögreglu-
konumálinu.
Ekki skal um það deilt að í máli
þessu var í einu og öllu farið eftir
kjarasamningum og gildandi lög-
um.
Þorsteinn veit allan aðdraganda
að málinu og m.a. það að margt er
á undan gengið áður en stjórn
Landssambands lögreglumanna
ákveður að leita til dómstóla.
Dómstólar eru sá vettvangur sem
leitað er til þegar þrautreynt er að
ekki er annað að hafa en haldlaus
fyrirheit, falleg bros og þægilega
framkomu þeirra sem samið er
við.
óréttlætið fellst hins vegar í
þeirri staðreynd að barnshafandi
lögreglukona verður að sæta því
að verða hýrudregin ef henni
„verður á“ að ganga með barn í
lögreglustarfi.
I umræddu tilfelli hafði lög-
reglumaðurinn starfað sem slíkur
til jafns við aðra félaga sína um 7
ára skeið. Það er alkunna að
launakjör lögreglumanna byggj-
ast að verulegum hluta á vaktaá-
lagi og aukavinnu. Þegar konur
voru kallaðar til starfa í lögregl-
una mátti gera ráð fyrir að að því
kæmi að þær ælu börn, enda gerð
krafa um að umsækjendur um lög-
reglustarf séu á þeim aldri sem
eðlilegur þykir til barneigna.
Konur í lögreglustarfi búa við
þá sérstöðu að þær verða að skipta
um starf í upphafi meðgöngu, ör-
yggis þeirra vegna og ófæddra
barna þeirra. f þessu tilfelli fór
vinnuveitandinn fram á að hin
þungaða lögreglukona skipti um
starf, úr vaktavinnu, yfir í dag-
vinnu. Við þessa breyttu vinnutil-
högun rýrnuðu laun hennar um
helming. Af henni var tekið vakta-
álag og gæsluvaktaálag, auk þess
sem hún hafði ekki lengur tök á að
standa aukavaktir til jafns við
karlkyns vinnufélaga sína. í grein
Þorsteins Geirssonar segir orð-
rétt: „Það er hins vegar rétt að
með því að fara úr lögreglumanns-
starfinu í sektarinnheimtu,
minnkaði yfirvinnan veruiega og
að því leyti má segja að hún hafi
haft rýrari laun, þar sem ekki var
um jafn mikla aukavinnu að ræða,
en hún þurfti heldur ekki að hafa
fyrir því að vinna hana“ (Letur-
breyting greinarh.) Hér er einmitt
komið að kjarna málsins. Hver
heldur því fram að hin þungaða
lögreglukona hafi ekki viljað
vinna aukavinnu? Staðreyndin er
sú að henni var ekki gert kleift að
vinna aukavinnu til jafns við það
sem hún áður hafði. Mistökin fel-
ast einfaldlega í því að vinnuveit-
andinn taldi sig ekki hafa starf
sem hæfði hennar ástandi og fól í
sér vaktavinnu og rétt til auka-
vinnu. Það skal tekið fram að um-
rædd lögreglukona bað aldrei um
breytingu á vinnutilhögun. Það
skal einnig áréttað að hún var
ekki veik heldur barnshafandi og
þarf ekki glöggskyggnan mann til
þess að sjá að þungun er einungis
tímabundið og eðlilegt líkamlegt
ástand. Auk þess leyfir undirrituð
sér að benda háttvirtum fulltrúa
dómsmálaráðuneytis á 33. gr.laga
um réttindi og skyldur starfs-
manna ríkisins sem hljóðar svo:
„Skylt er starfsmanni að hlíta lög-
um, er hann tók við starfi enda
hafi breytingin ekki áhrif til skerð-
ingar á launakjörum hans (Leturbr.
greinarh.) eða réttindum. Sama er
um breytingar, er yfirmaður
ákveður, en þeirri ákvörðun má
skjóta til ráðherra."
Það er eðlilegt, að talsmenn
hins opinbera hampi lögum og
paragröffum. En þeir verða þá að
muna eftir málsgreininni: „Allan
sannleikann og ekkert nema
sannleikann.“
Það er öldungis óverjandi að
konur í lögreglustarfi skuli þurfa
að sæta því að missa verulegan
hluta tekna sinna þann stutta
tíma sem þær ganga með börn sín.
Þess vegna hlýtur stjórn LL að
fagna yfirlýsingu ráðuneytisstjóra
dómsmála að fyrirhuguð sé breyt-
ing á reglugerð, sem væntanlega
myndi fela í sér að óréttlæti á
borð við þetta endurtaki sig ekki.
Dagblöðin eru vettvangur
frjálsrar umræðu og skoðana-
skipta en stefnumarkandi mál
eins og þetta er varðar rétt þung-
aðrar konu látum við þá skera úr
um sem treyst er fyrir ákvörðun
réttlætis í þessu landi.
Ragnheiður Davíðsdóttir
flokksstjóri og stjórnar-
maöur í Landssambandi
lögreglumanna.
Flugleiðir:
Samkeppni
um matseðil
á Saga-
farrými
FLUGLEIÐIR hafa efnt til sam-
keppni meðal veitingahúsanna um
matseðil í „Saga class“ flugvéla fé-
lagsins, sem er svokallað betra far-
rými í vélunum. Að sögn Gunnars
Olsen, deildarstjóra farþegaþjón-
ustu Flugleiða, hafa samkeppnis-
gögn verið send til veitingahúsanna
og er skilafrestur til 21. mars næst-
komandi.
Gunnar Olsen sagði að leikregl-
ur samkeppninnar miðuðust við
að maturinn væri hentugur í flug
og auðvelt að fá hann í miklu
magni auk gæða hráefnis. Gengið
er út frá þremur flokkum, það er
heitum morgunverði, köldum há-
degisverði og heitum kvöldmat,
með forréttum, aðalréttum og eft-
irréttum. Dómnefnd skipa Hilmar
B. Jónsson ritsjóri Gestgjafans,
Jónas Kristjánsson ritstjóri DV
og Einar Olgeirsson hótelstjóri á
Esju. Þeirra veitingahúsa, sem
verða valin, verður getið á mat-
seðli „Saga-class“ ásamt því að
upplýsingar um þau verða birtar í
flugblaðinu „Atlantica". Gunnar
Olsen vildi koma því á framfæri
að ef einhverjir aðilar, sem telja
sig samkeppnisfæra, hafa enn
ekki fengið gögn geta þeir sett sig
í samband við hann eða Jón G.
Sigurðsson í Keflavík.
i verði
Eins og þú veist, þá hefur dollarinn styrkt
mjög stöðu sína undanfarna mánuði. Þetta hefur
leitt til verðlækkunar sænsku krónunnar, og þar
með gert okkur mögulegt að bjóða Volvo-bíla
á enn lægra verði.
Volvosalurinn er opinn alla virka daga
frá kl. 9.00 til 18.00, og á laugardögum
frá kl. 13.00 til 17.00.
SUÐURLANDSBRAUT 16 - SÍMI 35200