Morgunblaðið - 16.03.1985, Blaðsíða 37

MORGUNBLAÐID, LAUGARDAGUR 16. MARZ 1985
37
Á jeppum í
Grímsvötn
Texti og myndir: HJÖRTUR STEFÁNSSON
Sídla janúar vorum við nokkrir félagar í 4x4-klúbbnum { miklum
feróahug. Þar sem vid höfðum ferdast áður um landið þvert og endilangt,
var markið ekki sett lágt, stefnt skyldi á Grímsvötn, lengst inni á
Vatnajökli. Hafa skal það í huga að ekki er vitað um ferðir manna í
Grímsvötn áður á þessum árstíma.
Lagt var af stað úr Reykjavík
seint á föstudagskvöldi 25.1. og
ekið sem leið liggur inn að Sig-
öldu. Leiðin var greiðfær, nær
sem að sumarlagi og það var
ekki fyrr en komið var inn að
Þórisvatni sem fór að vera ein-
hver snjór sem talist gat. Færið
var gott og mikið harðfenni
vegna mikilla frosta, sem höfðu
verið á þessum slóðum síðast-
liðnar vikur, eða 20—30°C.
Veður var ágætt aðfaranótt
laugardagsins, nokkur vindur en
þó ekki skafrenningur, svo
mögulegt var að fylgja kennileit-
um og vegarstikum, þar sem þær
stóðu upp úr snjó. Komið var að
skálum Jöklarannsóknarfélags-
ins inni í Jökulheimum um sjö-
leytið á laugardagsmorguninn
eftir átta tíma ferð úr Reykja-
vík.
Næsti áfangi ferðarinnar voru
Grímsvötn, sem eru u.þ.b. 60 km
inni á Vatnajökli í um 1700 m
hæð. Lagt var á jökulinn
skömmu fyrir hádegi eftir nokk-
urra stunda hvíld.
Fyrst í stað sóttist ferðin vel,
þar sem jökullinn var þéttur og
ósprunginn. En er ofar dró og
líða tók á daginn jókst bæði
hrtðarmuggan og lausamjöllin á
jöklinum svo skyggnið varö nán-
ast ekkert, þar sem allt rann
saman í hvítan vegg. Það sem
gerði mögulegt að halda ferðinni
áfram lengra inn eftir jöklinum
var að meðferðis var Loran-C-
staðsetningartæki, sem nota
varð til að fylgja fyrirfram val-
inni leið. Sfðustu 5—10 km voru
gífurlega torsóttir og varð að
beita bílunum til hins ýtrasta,
en loks var komist inn f Grims-
vötn. Þar var stansað sem allra
styst þvf veðrið var farið að
versna, skafrenningur að aukast
og farið að skyggja. Einungis var
Við vegvísana inni á hálendinu, þar aem vegurinn greinist frá Sigöldu í Veiðivötn annars vegar og upp í Jökul
beima hins vegar. Helgi Þ. Kristjánsson og Hjörtur Stefánsson við einn bflanna.
unnið við viðhald á og lesið af
mælitækjum, sem eru við
Grímsvötn.
Leiðin til baka af jökli f Jökul-
heima sóttist hraðar, þar sem
förin frá því fyrr um daginn
voru til að styðjast við og þurfti
því ekki að nota Loran-tækið til
staðsetningar. Komið var f skála
í Jökulheimum um miðnættið.
Það voru þreyttir og ánægðir
menn sem lögðust til hvíldar þá
nótt.
Lagt var af stað heim á leið
skömmu eftir hádegi á sunnu-
dag. Ferðin sóttist seint þar sem
mikill skafrenningur var, um
átta vindstig og ofankoma.
Komst hópurinn loks heilu og
höldnu til Reykjavíkur um mið-
nættið á sunnudagskvöld.
Vetrarferðir eru varasamar
eins og mörg dæmi sýna okkur,
þess þá heldur jökulferðir og er
frumskilyrði þegar farið er f
slíka ferð að menn séu á traust-
um farartækjum, með góð fjar-
skipta- og staðsetningartæki og
með meiri matarforða og þekk-
ingu á landi sínu en þeir gera ráð
fyrir að þurfa að nota.
Þátttakendur í þessari ferð
voru 6 félagar úr ferðaklúbbnum
4x4. Þeir fóru á þremur bílum,
Scout, Toyota Landcruiser og
Willy’s.
Ljósm. Hjörtur Stefánsson
Medal áfalla á leidinni var að tvö dekk fóru af felgum er ekið var á ójafnri íshellu.
Bflar og fólk framan við skálana í Jökulheimum, frá vinstrí Guðni Ingimarsson, Þorvarður
Hjalti Magnússon, Helgi Kristjánsson, Friðgeir Jónsson og Snorrí Ingimarssom.
Bridge
Arnór Ragnarsson
Bridgedeild Breid-
firðingafélagsins
Bjarni og Sveinn Jónssynir
sigruðu með yfirburðum í 48
para barometerkeppninni sem
lauk sl. fimmtudag. Hlutu þeir
880 stig yfir meðalskor sem eru
tæp 19 stig í hverri umferð.
Lokastaðan varð annars þessi:
Bragi Erlendsson
— Ríkarður Steinbergsson 691
Halldór Jóhannesson
— Ingvi Guðjónsson 611
Gísli Víglundsson
— Þórarinn Árnason 590
Baldur Ásgeirsson
— Magnús Halldórsson 523
Baldur Árnason
— Sveinn Sigurgeirsson 474
Hans Nielsen
— Lárus Hermannsson 473
Birgir Sigurðsson
— öskar Karlsson 454
Albert Þorsteinsson
— Stígur Herlufsen 365
Jóhann Jóhannsson
— Kristján Siggeirsson 362
Næsta keppni deildarinnar
verður hraðsveitakeppni og er
skráning hafin í símum 72840,
42571 eða 36721.
Spilað er í Hreyfilshúsinu, ú.
hæð, á fimmtudögum kl. 19.30.
Bridgefélag
Hveragerðis
Nú er aðeins einni umferð
ólokið í sveitakeppninni og er
staða efstu sveita þessi:
Einar Sigurðsson 138
Kjartan Kjartansson 114
Hans Gústafsson 106
Stefán Garðarsson 95
Björn Eiríksson 71
Sturla Þórðarson 69
Keppninni lýkur á fimmtudag-
inn kemur í Félagsheimili ölfus-
inga. Spilamennskan hefst kl.
19.30.
Bridgefélag
Kópavogs
Sl. fimmtudag lauk Butler-
tvímenningskeppni félagsins.
Síðasta umferðin var þannig að
efstu pör úr sitt hvorum riðli
spiluðu innbyrðis um efstu sæt-
in.
Úrslit urðu eftirfarandi:
Vilhjálmur Sigurðsson
— Vilhjálmur Vilhjálmsson 174
Oddur Hjaltason
— Jón Hilmarsson 174
Ármann J. Lárusson
— Sigurður Sigurjónsson 173
Guðm. Theódórsson
— Ingimar Valdimarsson 164
Sigurður Norðdahl
— Steindór Guðmundsson 162
Bernódus Kristinsson
— Þórður Björnsson 149
Eins og sjá má var keppnin
um efstu sætin mjög jöfn og
spennandi í lokin.
Fimmtudaginn 21. marz hefst
Board-a-match sveitakeppni, en
það er sveitakeppni með útreikn-
ing eins og i tvímenningi. Að-
stoðað verður eins og frekast er
unnt við myndun sveita.
Bridgedeild Barð-
strendingafélagsins
Staðan eftir 18. umferðir í
barómeterkeppni félagsins:
Guðmundur Jóhannsson
— Jón Magnússon 177
Björn Þorvaldsson
— Þorgeir Jósefsson 156
Ragnar Þorsteinsson
— Helgi Einarsson 155
Ragnar Hermannsson
— Hjálmtýr Baldursson 133
Friðjón Margeirsson
— Valdimar Sveinsson 127
Ágústa Jónsdóttir
— Guðrún Jónsdóttir 99
Þórarinp Árnason
— Ragnar Björnsson 98
ísak Sigurðsson
— Finnur Thorlacíus 87
Næstu 6 umferðir verða spil-
aðar mánudaginn 18. mars og
hefst keppni stundvislega kl.
19.30. Spilað er í Síðumúla 25.
— Innihurðir —
Allar geröir — allar stæröir, ómálaöar, plastlagöar og
spónlagöar. Leitiö tilboöa — sýnishorn á staönum.
Trésmiðja
Hverageróls hf.
Verksmiðja.
Sími 99-4200.
Múlasel hf. Reykjavík
Söluskrifstofa.
Síðumúla 4, 2. hssö.
Sími 686433.
3|ítiRnMB|g*