Morgunblaðið - 06.12.1985, Blaðsíða 64
ómissandi
SUDFEST lÁNSrRAUST
FOSTUDAGUR 6. DESEMBER 1985
VERÐ í LAUSASÖLU 40 KR.
Matthías Bjarnason um stjóm Hafskips:
Hefði átt að fara fram á
gjaldþrotaskipti fyrir löngu
Verður beiðni um gjaldþrotaskipti samþykkt á stjórnarfundi Hafskips í dag?
MATTHÍAS Bjarnason, banka- og viðskiptaráðherra segir að stjórnendur
Hafskips hefðu fyrir mörgum mánuðum átt að leggja fram beiðni um að fyrir-
tækið yrði tekið til gjaldþrotaskipta.
Samkvæmt heimildum Morgunblaðsins má búast við að tillaga um að
Hafskip hf. leggi fram beiðni um gjaldþrotaskipti verði lögð fyrir stjórn
Hafskips í dag. Búist var við að slík tillaga yrði til umfjöllunar á stjórnarfundi
í gær, en af því varð ekki.
„Þessar yfirlýsingar komu mér
algjörlega á óvart. Þessi mál heyra
undir mig, en ekki forsætisráð-
herra,“ sagði Matthías Bjarnason í
gær um yfirlýsingar Steingríms
Hermannssonar forsætisráðherra
um að ríkisstjórnin væri sammála
um að ítarleg rannsókn þyrfti að
fara fram á viðskiptum Hafskips
og Útvegsbankans.
„Allar líkur benda til þess að
Hafskip verði tekið til gjaldþrota-
skipta, og þá er það auðvitað skipta-
ráðandi sem tekur þar við stjórn
mála. Hann lætur rannsaka hvert
einasta atriði sem hann telur að
þurfi rannsóknar við,“ sagði Matt-
hías er hann var spurður með hvaða
hætti viðskipti Hafskips og Útvegs-
bankans yrðu rannsökuð. „Eg
treysti skiptaráðanda alveg til þess
að rannsaka allt hugsanlega sak-
næmt athæfi bæði fyrirtækisins og
viðskiptabankans, eins og honum
ber skylda til að gera,“ sagði Matt-
hías. Matthias sagði það sína skoð-
un að stjórnendur Hafskips hefðu
fyrir löngu átt að vera búnir að
biðja um að fyrirtækið væri tekið
til gjaldþrotaskipta. „Þeir hefðu átt
að biðja um það fyrir mörgum
mánuðum. Eg held að það viti það
hvert einasta mannsbarn að Haf-
skip er gjaldþrota," sagði Matthías,
„og þá hvílir sú skylda á forráða-
mönnum félagsins að gera félagið
upp. Ef það er ekki gert, þá verða
einhverjir aðrir að gera það, því
þetta gengur ekki lengur."
íslenzka skipafélagið rifti í fyrra-
dag kaupsamningi þeim sem það
gerði við Hafskip um kaup á ís-
landssiglingum Hafskips. Það verð-
ur því þrotabú Hafskips sem Eim-
skip kaupir eignirnar af.
DAGAR
TILJÓLA
Flugfargjöld
og rútu-
miðar hækka
í DAG hækka far- og farmgjöld í
innanlandsflugi, fargjöld meó sér-
leyfisbifreiðum, þjónustugjöld
skipafélaga og möl og sandur. Verð-
lagsráð hefur heimilað hækkanir á
þessari þjónustu um 5—8‘/2%.
Far- og farmgjöld í innanlands-
flugi hækkuðu um 5%. Sem dæmi
má nefna að fargjald báðar leiðir
til Akureyrar, með flugvallar-
skatti, hækkar úr 4.194 í 4.402 kr.,
til Egilsstaða úr 5.588 í 5.866 kr.,
til Vestmannaeyja úr 2.736 í 2.872
kr. og til ísafjarðar úr 3.918 í 4.112
krónur.
Fargjöld með sérleyfisbifreiðum
hækka um 5—6%. BSÍ hafði ekki
gengið frá nýrri verðskrá í gær,
en búast má við að farið til Akur-
eyrar hækki úr 1.110 í 1.170 kr.,
til Stykkishólms úr 550 í 580 kr.,
til Borgarness úr 300 í 315 kr. og
til Hafnar í Hornafirði úr 1.220 í
1.290 krónur.
Þjónustugjöld skipafélaganna,
þ.e. vöruafgreiðslugjöld og fleira,
hækka um 8 !4*% og sandur og möl
hjá Björgun hf. um 5%.
Borgarstjóm:
Byggt verði hús fyrir
tiiraunir í líftækni
SAMÞYKKT var á borgarstjórnarfundi í gærkvöldi að reisa hús til tilrauna-
framleiðslu á sviði líftækni og efnaiðnaðar. Húsið verður 250 fermetrar og
staðsett á landi ríkisins í grennd við rannsóknastofnanir atvinnuveganna á
Keldnaholti. Þetta er árangur af samstarfí atvinnumálanefndar borgarinnar
og Háskóla íslands.
í máli Magnúsar L. Sveinssonar
formanns atvinnumálanefndar,
kom fram að mikil gróska væri í
rannsóknum á sviði líftækni og
efnaiðnaðar. Áhugi væri hjá
mönnum að fylgja því eftir. Enn-
fremur sagði Magnús: „Fyrst og
fremst skortir húsnæði og tækja-
búnað fyrjr tilraunaframleiðslu í
líftækni og efnaiðnaði. í tilefni
þess að bæði Háskólinn og Reykja-
vikurborg eiga merkisafmæli á
næsta ári tel ég að þetta sé verðugt
framlag af há'fu borgarinnar."
Stefnt er að því að Háskólinn
reki þetta hús og kom fram í ræðu
Magnúsar að vonir standa til að
sá rekstur standi undir sér og verði
jafnvel arðbær.
/ Botnssulum
í björtu veðri
TVEIR verkfræðingar frá Verk-
fræðistofunni Hnit þeir Guðmundur
Hafberg, Jón Þór Björnsson og
Franz Ploder mælingamaður voru
flutti með þyrlu í Botnssúlur í
gærmorgun í björtu og fögru veðri.
Tilefni feröarinnar var að gera
mælingar á fjallinu, en þær eru lið-
ur í mælingum sem verkfræðistofan
vinnur nú að fyrir nýja kortagerð af
höfuðborgarsvæðinu í mælikvarðan-
um 1:25.000.
Morininbl*J)i«/RAX
Sjálfstæðísflokkur
boðar stjómarslit
Verði þingsályktunartillaga um breytta
afstöðu íslands hjá S.Þ. samþykkt
ÞORSTEINN Pálsson fjármálaráðherra gekk síðdegis í gær á fund Stein-
gríms Hermannssonar forsætisráðherra og tilkynnti honum að ef þingsá-
lyktunartillaga kæmi fram á Alþingi þess efnis að íslendingar breyttu
afstöðu sinni hvað varðar hjásetu i atkvæðagreiðslu á þingi Sameinuðu
þjóðanna um tillögu Svíþjóðar og Mexíkó um frystingu kjarnorkuvopna,
og hlyti samþykki á Alþingi með einhverjum atkvæðum framsóknarþing-
manna, þá segðu allir ráðherrar Sjálfstæðisflokksins af sér ráðherradómi.
Fjármálaráðherra gerði þetta
eftir að þingflokkur Sjálfstæðis-
flokksins hafði fjallað um málið,
og komist sameiginlega að þeirri
niðurstöðu, að ef slík tillaga, sem
Ólafur Ragnar Grímsson boðaði
á þingi í gær að yrði flutt, væri
samþykkt á Alþingi liti Sjálf-
stæðisfíokkurinn á það sem van-
traust á stefnu utanríkisráðherra.
Því lægi beint við að ráðherrar
Sjálfstæðisflokksins segðu af sér
ráðherradómi ef slík tillaga væri
samþykkt.
„Það hlýtur að verða til at-
hugunar hjá okkur alþýðubanda-
lagsmönnum að leggja fram
þingsályktunartillögu um þetta
mál. Við munum skoða það nánar
nú um helgina í ljósi þessarar
umræðu og undirtekta, hvernig
að slíku máli verður staðið," sagði
Hjörleifur Guttormsson í samtali
við Morgunblaðið í gærkveldi.
í utandagskrárumræðu á Al-
þingi í gær um tillögu Svíþjóðar
og Mexíkó um frystingu kjama-
vopna, sem kemur til endanlegrar
atkvæðagreiðslu á þingi Samein-
uðu þjóðanna innan tveggja vikna
var hart deilt á það að ísland,
eitt Norðurlandanna hefði setið
hjá við atkvæðagreiðsluna 20.
nóvember sl. Geir Hallgrimsson
utanríkisráðherra svaraði gagn-
rýninni á þann hátt að ákveðin
atriði ' samþykkt Alþingis frá því
í vor um stefnu íslendinga í af-
vopnunarmálum kæmu í veg fyrir
að ísland gæti samþykkt tillögu
Svíþjóðar og Mexíkó. Páll Péturs-
son, þingmaður Framsóknar-
flokksins var einn þeirra þing-
manna sem gagnrýndi stefnu
utanríkisráðherrans í þessu máli,
og varð gagnrýni hans m.a.
kveikjan að ofangreindri sam-
þykkt þingflokks Sjálfstæðis-
flokksins. Auk Páls er talið að
þeir Haraldur ólafsson og Ingvar
Gíslason báðir úr þingflokki
Framsóknarflokksins væru þess
fýsandi að greiða atkvæði með
tillögu Alþýðubandalagsins, en
líklegt er talið að aðrir þingmenn
Framsóknarflokksins fylgdu
Steingrími Hermannssyni for-
manni Framsóknarflokksins í
þessu máli, en hann lýsti yfir
stuðningi sínum við stefnu utan-
ríkisráðherra í utandagskrárum-
ræðunni í gær.
Þingflokkur Framsóknar-
flokksins mun hafa brugðist hart
við hótun fjármálaráðherra, því
ákveðinn var nýr þingflokksfund-
ur framsóknarmanna í gærkveldi.
Fundurinn stóð enn þegar Morg-
unblaðið reyndi um miðnætti að
afla frétta af fundinum.
Sjá nánar frásögn á þingsíðu
bls. 36.