Morgunblaðið - 12.10.1986, Blaðsíða 25
MORGUNBLAÐE), SUNNUDAGUR 12. OKTÓBER 1986
25
Sólheimar í Grímsnesi
Þroskahjálp ályktar um
Sólheima í Grímsnesi
Ályktun sagnfræðikennara:
Fagna ákvörðun
menntamálaráðherra
ASI treystir
Hjálpar-
stofnuninni
MIÐSTJÓRN ASÍ samþykkti
ályktun varðandi málefni Hjálp-
arstofnunnar kirkjunnar á fundi
sínum 9. október, þar sem lögð
er áhersla á að allri tortryggni
á starf stofnunarinnar verði eytt.
í heild er ályktunin svohljóðandi:
„Miðstjóm Alþýðusambands ís-
lands þakkar Hjálparstofnun kirkj-
unnar það ómetanlega starf sem
hún hefur unnið á liðnum árum í
þágu nauðstaddra víða um heim.
Sérstaklega þakkar miðstjóm það
góða samstarf sem tókst um Pól-
landssöfnunina haustið 1981, því
það mikla átak snerist ekki aðeins
um að tryggja soltnum mat, heldur
gafst tækifæri til að sýna siðferði-
legan samstöðu íslensku þjóðarinn-
ar með kúguðu fólki.
Miðstjóm leggur áherslu á að
allri tortryggni á starf stofnunar-
innar verði eytt og lýsir því yfír að
hún treystir kirkjunni til að gera
þær ráðstafanir sem til þarf.
Það er mikilvægt að ekki verði
truflun á starfsemi Hjálparstofnun-
arinnar og að Hjálparstofnunin geti
eftir sem áður haldið uppi þróttm-
iklu starfi og treyst á víðtækan
stuðning almennings í landinu".
Á stjórnarfundi Landssamtak-
anna Þroskahjálp 3. október sl.
var eftirfarandi ályktun sam-
þykkt.
„Landssamtökin Þroskahjálp
beina því til Félagsmálaráðherra
að vegna þeirrar miklu umræðu sem
fram hefur farið undanfarið um
Sólheima í Grímsnesi og alvarlegrar
gagmýni á stjómun stofnunarinnar
hlutist ráðherra til um að gerð verði
ítarleg úttekt á allri starfsemi Sol-
heima.
Jafnframt telja samtökin brýnt
að fyrir liggi skýr stefna um upp-
byggingu og rekstur Solheima til
frambúðar og að tryggt sé að sú
stefna sé í samræmi við almenna
stefnumörkun í málefnum fatlaðra
í landinu.
MORGUNBLAÐINU hefur borist
ályktun kennara í sagnfræði við
Háskóla íslands sem samþykkt
var á fundi við heimspekideild
þann 19. september s.l.. Þar er
ákvörðun menntamálaráðherra
um að láta endurreisa stöðu
rannsóknarlektors í sagnfræði
m.a. fagnað.
Ályktunin er svöhljóðandi:
Fundur kennara í sagnfræði við
Háskóla íslands, 19. september
1986, fagnar þeirri ákvörðun
menntamálaráðherra, Sverris Her-
mannssonar, að láta endurreisa
stöðu rannsóknarlektors í sagn-
fræði. Það er mikilvægt fyrir
sagnfræðirannsóknir að til séu stöð-
ur rannsóknarlektora í tengslum við
Sagnfræðistofnun Háskóla Islands,
og þá helst fleiri en ein.
Arið 1981 ákvað þáverandi
menntamálaráðherra að neita að
auglýsa lausa til umsóknar stöðu
rannsóknarlektors í sagnfræði, sem
þá var ekki skipuð, og hefur þess-
ari óheppilegu ákvörðun ekki verið
haggað ennþá, þótt ákveðið skref
hafi nú verið stigið til að endurreisa
stöðuna. Fundurinn harmar að ráð-
ið skuli hafa verið í stöðuna án
þess að hún hafí verið auglýst eins
og lög mæla fyrir. Aðstæður geta
varla réttlætt undantekninguna,
sem hér var gerð. Eins og málum
var háttað fengu hvorki dómnefnd
né heimspekideild tækifæri til að
meta hæfí manna til að gegna stöð-
unni líkt og lög og reglugerð
háskólans segja til um.
Það er sérstaklega mikilvægt að
ákvæðum laga um auglýsingu stöðu
sé fylgt við háskóla til að standa
vörð um reisn fræðigreinar og frelsi
hennar til að þróast eðliega.
Jafnframt bendir fundurinn á að
staða kennslumála í sagnfræði við
Háskóla íslands breytist á engan
hátt við stofnun eða endurreisn
rannsóknarlektorsstöðu í greininni.
Eftir sem áður er meir en helming-
ur allrar kennslu í sagnfræði í
höndum stundakennara. Þörfín á
fleiri kennarastöðum í sagnfræði
er þannig brýn.
KJðRBÓKIN:
VÍSASTA LEIÐIN
AÐSETTUMARKI
Ef þú setur markið hátt og
hyggur á góða fjárfestingu í
framtíðinni er Kjörbók
Landsbanka íslands einmitt
fyrirþig.
Kjörbókin er óbundin og
örugg ávöxtunarleið. Hún
ber háa vexti sem leggjast við
höfuðstólinn á sex mánaða
fresti. Til þess að tryggja að
Kjörbókareigendur njóti
ávallt hagstæðustu kjara er
kjohbók
ávöxtunin ársfjórðungslega
borin saman við ávöxtun
bundinna sex mánaða vísitölu-
tryggðra reikninga og hag-
stæðari leiðin valin.
Settu þér markmið og byrjaðu
strax að leggja inn á Kjörbók.
Landsbanki
íslands
Banki allra landsmanna 1100 ár