Morgunblaðið - 22.02.1987, Qupperneq 35

MORGUNBLAÐIÐ, SUNNUDAGUR 22. FEBRÚAR 1987
35
Tveir bílar í smíðum fyrir
íslenskan rallökumann
„ÞAÐ stóð til að ég keppti í National Breakdown-rallinu í Eng-
landi á vegum Skoda þar í landi, en því miður er bíllinn sem
kemur frá Chemopetrol-Iiðinu í Tékkóslóvakíu ekki alveg klár.
Það er líka orðinn of lítil tími til stefnu, því hætt er við að toll-
yfirvöld í Tékkóslóvakíu séu ekki nægjanlega hraðvirk til að ég
geti sótt bilinn í hvelli,“ sagði Gunnlaugur Rögnvaldsson í sam-
tali við Morgunblaðið. Hann er nýkominn heim frá Tékkóslóvakíu
og Austurríki frá keppni í akstursíþróttum á vegum tékkneska
Chemipetrol-liðsins.
„Það er ólán að geta ekki keppt
í fyrstu keppninni í Englandi, því
ég stefni á að sigra minn vélar-
flokk (0-1300 cc) í bresku meist-
arakeppninni. Skoda ökumaður-
inn John Haugland hefur unnið
þennan flokk undanfarin ár, en
hann ekur nú öflugri bíl og í öðr-
um flokki. Ég fæ bíl frá Chempop-
etrol-liðinu til notkunar í
Vestur-Evrópu, en auk þess er
verið að smíða bíl, sem ég ætla
að nota í Ljómarallinu hérlendis
og í Englandi síðar á árinu. Er
hann kraftmeiri og betur búinn.
Þrír bílar verða frá Chemopetrol-
liðinu í Ljómarallinu og hafa
yfirvöld í Tékkóslóvakíu veitt öku-
mönnum liðsins leyfi til íslands-
farar. Það hefur kostað mikla
undirbúningsvinnu," sagði Gunn-
laugur.
Næsta mál á dagskrá hjá mér
gagnvart tékkneskum yfirvölduin
er að fá leyfi til að aka með að-
stoðarökumanninum Pavel
Sedivy. Samkvæmt lögum er
bannað að Tékki keppi með út-
lending í rallakstri, en við höfum
alltaf fengið undanþágu. í Barum
Valsaka Zima rallinu vakti það
úlfúð hjá einhveijum kerfisköll-
um, að við kepptum saman, en
ég vona að það rætist úr þessu
máli á farsælan hátt. Pavel er
besti aðstoðarökumaður, sem ég
hef haft. Hann hefur ekið með
nokkmm af bestu ökumönnum
Tékkóslóvakíu og sér því mínar
veiku hliðar og hjálpar mér að
bæta mig. Undir hans leiðsögn
hef ég aukið hraðann mikið og
finnst slæmt að hann getur ekki
keppt með mér vestantjalds, það
er líka bannað. Þetta er því mjög
flókið allt saman og ég er að leita
að aðstoðarökumanni fyrir Vest-
urlöndin."
„Aksturinn í síðustu keppni
gekk vel, við vorum í tuttugasta
sæti af tæplega áttatíu bílum, sem
Morgunblaðið/J.Sedlák
Fyrsta keppni ársins hjá Gunnlaugi var í Tékkóslóvakíu og ók Tékkinn Paul Sedivy með honum.
Voru þeir í tuttugasta sæti, en féllu úr leik 300 metrum frá lokum siðustu sérleiðarinnar.
Gunniaugur í vélarsal annars Skoda-bílsins sem er í smíðum fyr-
ir hann til notkunar í Vestur-Evrópu. Annar bíllinn verður með
100 hestafla vél, hinn 130.
enn voru með, en við höfðum æft
á leiðunum í fjóra daga og skrifað
leiðarlýsingu. Pavel var ánægður
með akstursmátann, en telur mig
tapa tíma á mjög hröðum köflum,
þar sem hræðslan við nærstadda
áhorfendur dró oft úr mér. Ég
komst þó yfir það í þessari keppni
og bíð spenntur eftir næstu keppni
í Tékkóslóvakíu, sem er á mal-
biki. Snjórinn í keppninni núna
hentaði mér vel, ég var búinn að
æfa mig heima og stoð því vel
að vígi. Annar Skoda-ökumaður
hjá öðru liði, Tékkinn Miroslav
Abraham, er uppáhalds andstæð-
ingur minn, við stríðum hvor
öðrum fyrir keppni og í síðustu
keppni skiptumst við á að vera
fyrir framan. Hann lauk keppni
en við urðum að hætta 300 metr-
um frá lokum síðustu sérleiðarinn-
ar. Það var ekkert sárt fyrir mig,
ég hafði fengið góða æfingu og
sjálfstraust sem er mikilvægt fyr-
ir sumarið. Pavel varð hinsvegar
vondur, henti felgulykli langt út
í móa og bölsótaðist á tékknesku
í lengri tíma . . .“
„Það eru horfur á því að ég
dvelji mikið erlendis á árinu, þijár
keppnir í Tékkóslóvakíu eru á
dagskrá, fímm í Englandi og ég
er að leita að skemmtilegum röll-
um á meginlandinu. Ég er því
farin að rýna í tékkneskar
orðabækur til að læra málið, en
passa mig að tala ensku á landa-
mærum Tékkóslóvakíu til að valda
ekki óþarfa misskilningi," sagði
Gunnlaugur.
■s
SvavarE. Arna-
son - Minning
Fæddur 27. maí 1928
Dáinn 15. febrúar 1987
„Kallið er komið,
komin er nú stundin,
vinaskilnaðar viðkvæm stund.
Vinimir kveðja
vininn sinn látna,
er sefur hér hinn síðsta blund.“
(V. Briem.)
Svavar Eyjólfur Ámason var
fæddur í Reykjavík 27. maí 1928,
sonur hjónanna Árna Ingvarssonar
og Jakobínu Jónsdóttur á Skóla-
vörðustíg 17 og síðar á Brávalla-
götu 48. Ámi lést fyrir um það bil
20 árum, en Jakobína er núna 82
ára er hún má sjá á bak elskuðum
syni sínum.
Systkini Svavars eru Kristjana
Stella, Pétur, Garðar og Jón Ingv-
ar, sem er látinn (1957).
Svavar byijaði snemma að vinna
fyrir sér og stundaði alla algenga
vinnu bæði til sjós og lands, en lítið
varð úr skólagöngu af hans hálfu.
Lífið sjálft var hans skóli.
Árið 1960, 30. júní, kvæntist
hann fallegri og góðri stúlku, Elísa-
betu Jónasdóttur (f. 27. janúar
1930), dóttur hjónanna Sigríðar
Svanhvítar Sigurðardóttur og Jón-
asar Gunnars Guðjónssonar,
Skúlagötu 66, Reylqavík.
Hófu þau búskap á Nesvegi 5.
Eignuðust þau einn son, Sævar
Eyjólf (f. 21. maí 1964).
Með mikilli vinnu og atorku gátu
þau byggt sér ágæta íbúð í Hraun-
bæ, sem þau síðan seldu og fluttu
r.ot.&ni'unó4 miöH löcnié.
í nýja íbúð á Vesturbergi 102.
Bjuggu þau þar síðan, þar til Elsa
andaðist 14. maí 1979 eftir langvar-
andi veikindi. Var það mikið áfall
fyrir Svavar að missa Elsu því hún
hafði verið honum góður lífsföru-
nautur. Sævar var þá 15 ára og
er það ljóst, að það er óhörðnuðum
unglingi á viðkvæmum aldri mikil
lífsreynsla að missa móður sína.
Þegar Svavar missti Elsu var
hann nýorðinn starfsmaður hjá
Reykjavíkurborg, sem baðvörður í
Breiðagerðisskóla og hefur hann
starfað þar óslitið þar til hann lést
15. febrúar sl., en hann hafði átt
við vanheilsu að stríða sl. 2 ár.
Svavar var mjög vel Iiðinn í starfi
sínu, samviskusamur og skapgóður,
barngóður og mikið snyrtimenni.
Ég átti því láni að fagna að kynn-
ast honum fyrir mörgum árum, og
þá í gegnum mág hans og bræður,
og hefur hann öll þessi ár reynst
hinn besti drengur og verið mér
góður kunningi þó leiðir hafí ekki
lengi legið saman.
Með Svavari er fallinn í valinn
maður sem margt hefur þurft að
þola í lífinu. Hann tók mótlæti með
karlmennsku. Hann minnir mig á
Gunnlaug ormstungu er hann sagði:
„Eigi skal haltur ganga meðan báð-
ir fætur eru jafnlangir."
Slíka menn er gott að þekkja og
að þeim er mikil eftirsjá.
Ég þakka Svavari samfylgdina í
lífínu, margan greiða og vináttu.
Ég vil votta syni hans, Sævari,
móður, systur og bræðrum, svo og
öðrum ættingjum, innilega samúð.
„Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.“
(V. Briem.)
Útför Svavars fer fram frá
Fossvogskapellu mánudaginn 23.
febrúar kl. 13.30.
Guðjón S. Sigurðsson
Digranes-
prestakall
Sóknarprestur Digranespre-
stakalls. Messa i dag í Kópavogs-
kirkju kl. 14 en ekki kl. 11 eins og
misritast hefur í blaðinu í gær.
Birting af-
mælis og
minningar-
greina
Morgunblaðið tekur af-
mælis- og minningargreinar
til birtingar endurgjaldslaust.
Tekið er við greinum á rit-
stjórn blaðsins á 2. hæð í
Aðalstræti 6, Reykjavík og á
skrifstofu blaðsins í Hafnar-
stræti 85, Akureyri.
Athygli skal á því vakin, að
greinar verða að berast með
góðum fyrirvara. Þannig verður
grein, sem birtast á í miðviku-
dagsblaði að berast síðdegis á
mánudegi og hliðstætt er með
greinar aðra daga.
Mikil áhersla er á það lögð
að handrit séu vel frá gengin,
vélrituð og með góðu línubili.
MEÐEINU
SÍMTALI
er haegt að breyta innheimtu-
aðferftinni. Eftir það verða
gnTOnTOMrifiTTTTiriiffff.y
viðkomandi greiðslukorta
■msism
Œm
SÍMINN ER
691140
691141
InnflyQi&itdl
Amerika
Evrópa
Asia
Ástralía/suÖur heimskautiÖ
Nefndu staÖinn og viö sjáum um flutningana
fljótt, örugglega en ódýrt.
á
r.
5
r
skipaafgreiösla jes zimsen hf
Hafnarhúsinu v/hliðina á tollstöðinni. S: 13025-14025.
FRAKTÞJÓNUSTA - TOLLSKJÖL - HRAÐSENDINGAR