Morgunblaðið - 06.05.1987, Blaðsíða 53

MORGUNBLAÐIÐ, MIÐVIKUDAGUR 6. MAÍ 1987 53
Íslandsglíman 1987:
Þrjú brögd færðu
Eyþóri sigur
Úrslit í glímu eiga aldrei að vera jafntefli
ÞESSI 77. keppni um GrettisbeltiA fór fram f íþróttahúsi KHÍ laugardaginn 2. maí. Níu voru skráðir til
keppninnar, en 8 mættu. Helgi Bjarnason KR gat ekki glímt. Árni Þ. Bjarnason KR varð að hætta keppni
eftir fjórar viðureignir. Hafði unnið eina. Eyþór Pétursson, umf. Mývetningi, vann Grettisbeltið og titilinn
Glímukappi íslands. Hann vann Íslandsglímuna 1983. Að lokinni aðalkeppni stóðu hann og Ólafur H.
Ólafsson jafnir með 5,5 vinning. Til þrautar glímdu þeir og vann Eyþór. I aðalkeppninni sótti Eyþór 6
tegundir bragða, sem hann sótti 13 sinnum, en 3 brögð færðu honum sigur (klofbr. v. 2, klofbr. h.1 og
krækja 2). Ég hefi ekki fyrr sóð Eyþór sækja klofbrögð eins mikið og eitt sérlega hátt og glæsilegt.
Morgunblaðið/Einar Falur ingólfsson
• Eyþór Pétursson, glímukappi íslands 1987.
Rætt er nú af alvöru, að afnema
jafnglími úr glímukeppni. Ég hefi
verið því lengi meðmæltur. Viður-
eign í glímu er einvígi. Úrslit slíks
eiga aldrei að vera jafntefli. Dóm-
ararnir þrír eða sérstakir stiga-
dómarar eiga að kveða á um sigur
viðfangsmanna að lokinni fullri
lotu, án þess aö úrslit hafi fengist.
Hefði slík breyting á glímulögum
verið komin á þegar þeir Ólafur
og Eyþór luku fullri lotu án úrslita
í aðalkeppninni, þá hefði komið til
að dómarar úrskurðuðu öðrum
hvorum sigur. Hefði ég verið einn
slíkra dómara, hefði ég dæmt
.Ólafi sigurinn. Hann sótti átta sinn-
um þrennskonar brögð á Eyþór,
sem Eyþór náði að verjast uppi
en einu sinni með handvörn í gólfi
og annað sinn fékk hann byltu,
sem var dæmd af, því Ólafur datt
fram á lófa, þvert yfir Eyþór, og
taldist of langt sótt. Eyþór varðist
vel, sem reiknast honum afrek í
viðureign gegn jafn sókndjörfum
viðfangsmanni og Ólafi. í fang-
brögðum vegur vörn ekki eins
þungt og sókn. Eyþór beitti ekki
Ólaf nema þrisvar verulegri sókn.
Hann náði ekki að beita sínum
skæðu lágbrögðum. Hann náði
Ólafi aldrei af fótunum.
Ólafur sótti ákafar
Ólafur H. Ólafsson tók sem Ey-
þór 6 tegundir bragða í aðalkeppn-
inni, sem hann sótti og útfærði 21
sinni. Sigurbrögð hans urðu 4
(hælk. hægri á vinstri 2, klofbragð
v. 1, lausamjöðm h. 2 og með
vinstra 1). Þetta voru allt fögur
glæsibrögð. Viðfang þeirra glímu-
kappanna um beltið í aukakeppni
var karlmannlegt, drengilegt og
glímt af færni og kunnáttu. Þeir
náðu að halda góðri reisn og rétta
sig upp frá gagntogi. Ólafur sótti
ákafar í upphafi og beitti hábrögð-
um. Leggjabragð sótti hann eitt
sinn svo snöggt, að hann féll á
bæði hné og hönd. Eyþó. varðist
léttilega, tók sig á með sókn og
hóf sókn krækju, leggjabragðs og
hnéhnykks. Ólafur á til í snúningi
og færslu fóta að hvor öðrum í
stígandi að standa hælum of náið.
Slíkt atvik notaði Eyþór sér með
því að leggja á hann hælkrók fyrir
báða. Ólafur var þessu snögga
bragði óviðbúinn. Kom engum
vörnum við, hvorki í stöðu né með
handvörn í gólfi. Ekki var séð að
hann héngi í belti Eyþórs, og tæki
hann með sér. Viðbragöið var svo
snöggt, að Eyþór stóð ekki og féll
áfram, nam niðri með framhand-
legg og kannske snert hann með
bringu. Eftir að hafa borið sig sam-
an dæmdi dómnefndin Ólafi byltu.
Bræðrabyltan var þeim báðum að
kenna, en engin sök fundin hjá
öðrum fremur en hinum og sækj-
andi því látinn njóta bragðsins.
Þessa viðureign var ég glaður að
fá að sjá, því að hún er ein sú
besta, sem sést hefur lengi. Bjarna
Felixsyni má glímusagan þakka,
að þessi viðureign varðveitist í
upptöku.
Kjartan Lárusson, umf. Hvöt,
skjaldarhafi hérðassamb. Skarp-
héðinn varð þriðji með 3,5 vinn-
inga. Þessi áhugasami glímufröm-
uður, arftaki Sigurðar
Greipssonar, og kennari þeirra
efnilegu ungu glímumanna, sem
upp á síðkastið hafa verið að koma
fram á glímuvettvanginn, þarf að
taka glímulaginu þar eystra tak.
Losa það við þunga og göngu fram
og aftur í stað stígandi réttsælis.
Álúta stöðu til vinstri þarf að rétta.
Kjartan sýndi í viðureignum sínum
tvívegis bragðfléttur. Þær sáust
ekki hjá öðrum. Hann sótti 5 teg-
undir bragða og klofbrögð með
sinn hvorum fæti færðu honum
þrjá sigra.
Jóhannes Sveinbjörnsson varð
4. meö 3 vinninga. Þessi álitlegi
ungi glímumaður úr Þingvallasveit
(félagi í umf. Hvöt) þarf að venja
sig af álútri undinni stöðu til vinstri
og að vera boginn um mjaðmir.
Gamla hábragðavörnin að spyrna
með rist á læri viðfangsmanns
verður Jóhannes að læra að er
gagnslaus vörn. Hann hefur náð
sérstæðri sókn lausamjaðmar með
vinstri. Mikil mjaðmavinda og bak-
fetta. Bragðið er aö verða honum
einhæft. Hann vann með því tvo
andstæðinga. Þann þriðja vann
hann þó á hælkrók fyrir báða.
Formaður héraðssambands S-
Þingeyjarsýslu var einn þeirra
þriggja, sem sóttu mótið frá umf.
Mývetningi. Kristján Yngvason
hefur lengi þar nyrðra boriö velferð
glímunnar fyrir brjósti. Hann vann
sér 2,5 vinninga á mótinu. Sótti 5
mismunandi brögð. Tvö þeirra,
klofbragð og lausamjöðm bæði
með vinstra, færðu honum sigra.
Hann gerði jafnt við Kjartan. Þeir
eru um margt áþekkir glímumenn.
Hjörtur Þráinsson frá umf. Mý-
vetningi hefur oft glímt snarpar.
Hann stendur vel að glímu og virð-
ir stígandina. Undravert hve svo
vanur glímumaður ber oft hönd
skakkt fyrir sig í gólf og eyðileggur
fyrir sér með skakkri sókn hælkrók
hægri á hægri. Hann tók krókinn
í allt níu skipti. Einu sinni má segja
að hann færði honum sigur. Það
var er hann átti við Árna Þ. Bjarna-
son en þá tók Hjörtur leggjarbragð
í framhaldi af honum. Hjörtur náði
einum vinningi, er hann lagði Jón
Birgi á utanfótar hælkrók, sem
hann sótti nokkuð hátt upp á kálf-
ann.
Jón Birgir Valsson KR, unglingur
eins og Jóhannes, vann enga viður-
eign, enda ekki að vænta. Hann
virðist æfingarlítill, því að hann
mæddist fljótt.
Mótið setti og sleit Hörður
Gunnarsson. Katrín Gunnarsdótt-
ir, sem á sæti í framkvæmdastjórn
ÍSÍ, spennti Grettisbeltið á Eyþór
og afhenti önnur verðlaun. Ingvi
Guðmundsson var glímustjóri, en
yfirdómari Sigurjón Leifsson. Mót-
ið var stjórn GLÍ til sóma. í
mótsskrá voru birt nokkur atriði
úr sögu Grettisbeltisins.
Þorsteinn Einarsson
hjálpartækjasýning
Fötlun87 8;10 maí
Aðstandendur: ÖB(, Styrktarfélag lamaðra ogfatlaðra, Sjálfsbjörg, landssamband og Reykjavíkurfélag.
Landssamtökin Þroskahjálp, Hjálpartækjabankinn, Svæðisstjórnir um málefni fatlaðra, Reykjavík og Reykjanesi.
A föstudaginn opnar sýning á hjálpartækj-
um og hjálpargögnum fyrir fatlaða á öllum
aldri, í Borgarleikhúsinu í Reykjavík.
• Yfir 30 aðilar sýna.
• Fræðsluerindi innlendra og erlendra fyrir-
lesara.
• Kvikmyndir.
• Skemmtidagskrá laugardag
og sunnudag.
• Aðgangur er ókeypis.