Morgunblaðið - 06.03.1991, Blaðsíða 46
-46
MORGUNBLAÐIÐ
IÞROTTIR
MIÐVIKUDAGUR 6. MARZ 1991
KNATTSPYRNA
Torpedo er afkvæmi stalin-
ískrar íþróttahefðar í Sov-
étríkjunum. Það er stofnað 1924
og er félag málmiðnaðarverka-
manna í Moskvu. Liðið hefur
þrisvarorðið meistari 1960,1965
og 1975. Fimm sinnum hefurþað
orðið bikarmeistari, síðast 1988.
Liðið er ekki með þeim þekktustu
í Sovétríkjunum en þrír leik-
manna þess hafa leikið lands-
leiki. Þekktustu leikmenn eru
markvörðurinn Maleríj Sarítsjev,
fyrirliðinn Alexander Polukarov
. og miðheijinn Juríj Tíishkov sem,
til allrar hamingju fyrir Bröndby,
verður ekki með vegna meiðsla.
Valentín ívanov heitir þjálfar-
inn og segja kunnugir að íslensk-
ir femínistar myndu ekki flokka
hann undir „mjúkan karlmann".
Hann er búinn að vera þjálfari
hjá liðinu síðan 1967(!) og þar
áður hafði hann verið leikmaður
í 20 ár hjá félaginu. Alls lék
hann 286 leiki og skoraði 124
mörk sem er met. Hann á að
baki 59 landsleiki fyrir Sovétrík-
Morten Olsen, þjálfari Bröndby. Liðinu gekk mjög vel í Evrópukeppninni í
haust — sló m.a. út þýska liðið Eintracht Frankfurt eftir að hafa sigrað það 5:0
á heimavelli.
Lyginni líkast
Knattspymuliðið Brondbyer-
nes IF, í daglegu tali kallað
Bröndby, var stofnað árið 1964
þegar 2 lið úr Bröndby hverfinu
í V-Kaupmannahöfn sameinuð-
ust. Liðið hóf keppni í sem svar-
aði til 7. deildar ef hermt er upp
á íslenskar aðstæður og siðan
hefur leiðin verið greið upp á við.
1981 komst Iiðið í fyrsta sinn í
1. deild og hefur verið þar síðan.
Bröndby varð Danmerkurmeistari
í fyrsta sinn árið 1985. Síðan
hefur liðið orðið meistari 1987,
1988 og nú síðast 1990 með mikl-
um yfirburðum.
Þekktustu ieikmenn Bröndby
eru eflaust Laudrupbræðurnir
Michael og Brian sem eru með
bestu leikmönnum Evrópu í dag.
Faðir þeirra Finn Laudrup var
einnig þjáifari og leikmaður hjá
liðinu á miklum uppgangstimum.
Arangur Bröndy í Evrópukeppni
er mjög góður. Alls hefur liðið
leikið 20 leiki og unnið 9, gert 6
jafntefli og tapað aðeins 5 sinnum.
Markatalan er 31-20.
- Árið 1972 var Per Bjerregárd
kosinn formaður í félaginu og er
það að margra mati mikið örlaga-
atvik í sögu félagsins. Bjerregárd,
sem er læknir að mennt, var áður
leikmaður í félaginu og hefur fé-
lagið verið hans ær og kýr síðan.
Stjórn deildarinnar er mjög sam-
hent og mannabreytingar afar
fátíðar þar á bæ. Annars er
Bröndby orðið meira en knatt-
spyrnufélag heldur er það fyrir-
tæki sem hefur gefið út aimenn-
ingshlutafé og fyrir dyrum stend-
ur að byggja risahótel og heilsu-
miðstöð á vegum þess. Hlutafé-
lagið hefur gengið vel og gengi
bréfanna hefur margfaldast í
verði frá því þau voru fyrst sett
á markað 1987.
Að sögn Finn Andersen, fram-
kvæmdastjóra félagsins þá er það
félaginu mikils virði að bæjar-
stjórnin í Bröndby er mjög sam-
taka félaginu í öiium sínum
ákvörðunum. Borgarstjórinn í
Bröndby, sósíaldemókratinn Kjeld
Rasmussen var einmitt formaður
í félaginu á undan Bjerregárd og
nú fyrir skemmstu lýsti hann því
yfir að ráðist yrði í framkvæmdir
að fullgera völl með sæti fyrir
20.000 manns. þess má geta að
í Bröndby búa um 46.000 manns
og varla þarf að taka fram að
mjög fullkomin flóðljós eru við
völlinn.
Finn Andersen sagði það
ánægjulegt að íslendingar sýndu
félaginu áhuga. Reyndar sagði
hann Bröndby hafa átt ánægjuleg
viðkynni við Fram í Reykjavík í
mörg ár og fyrir skemmstu voru
nokkrir Framarar í heimsókn hjá
félaginu. Hann vonaðist til að
Bröndby kæmi til íslands einhvern
tíma og léki þar.
„Asgeir var
stórkost-
legur
leikmaður"
- segir Morten Olsen, þjálfari Bröndby
og fyrrum fyrirliði danska landsliðsins
Hákon
Gunnarsson
skrífar
frá Danmörku
ÞAÐ er fremur hráslagalegur
febrúardagur í Bröndbyhverf-
inu í Kaupmannahöfn. Á hinu
glæsilega íþróttasvæði flagg-
skips danskrar knattspyrnu,
Bröndby — sem er eina Norð-
urlandaliðið sem enn er með í
Evrópukeppninni — er að hefj-
ast æfingaleikur gegn Malmö
FF, því kunna sænska liði.
Völlurinn er harður og erfitt er
fyrir leikmenn að ná upp spili.
Það kemur mest frá Dönunum og
byggist mikið kringum John „Faxe“
Jensen og þeir ná að
skapa sér nokkur
færi. Vandséð er
hvernig Bent Christ-
ensen fór að því að
verða markakóngur dönsku deildar-'
innar síðustu 2 árin auk þess að
hafa gert 8 mörk fyrir Bröndby í 14
Evrópuleikjum því færin sem hann
klúðrar í tvígang voru þess eðlis að
miðlungs firmasenter á íslandi hefði
misst sæti sitt.
Svíarnir eiga nokkrar skyndisókn-
ir og í tvígang ná þeir að skora hjá
Peter Schmeichel landsliðsmarkverði
Dana.
„Det bli’r i orden mod Torpedo“
segir gamall gæðalegur Dani á hlið-
arlínunni brosandi en á hinum enda
vallarins er annar maður sem ekki
er eins kátur. Þar er Morten Olsen
þjálfari brúnaþungur og eftir leik er
hann umkringdur blaðamönnum sem
fylgja Bröndby liðinu hvert fótmál
fram að leiknum gegn sovéska liðinu
i kvöld.
Hann hafði fallist á að tala við
útsendara Morgunblaðsins utan dag-
skrár og hann heilsaði brosandi,
greinilega búinn að segja mönnum
sínum til syndanna og tilbúinn að
taka við fyrstu spurningunni.
Hvaða möguleika telur þú að
Bröndby eigi í leikjunum gegn
Torpedo frá Moskvu?
„Af þeim 8 liðum sem eftir eru í
keppninni þá var þetta liðið sem ég
vildi fá. Þeir eru í sömu vandræðum
og við, að hafa hlé á deildarkeppn-
inni þann tíma sem er liðinn frá því
síðasta umferð var í Evrópukeppn-
inni 11. desember. Þar sem við eigum
heimaleikinn fyrst ættu möguleikar
okkar að gera góðir, ég segi 60%
gegn 40%
Torpedo er gott lið sem ég er bú-
inn að sjá nokkrum sinnum. Það
þarf gott lið til að slá lið eins og
GAIS Gautaborg, AS Mónakó og
Sevilla út úr Evrópukeppni. Þetta er
dæmigert sovéskt lið, tæknilegt og
reynt. Það tekur ekki mikla áhættu
en refsar illilega ef við gerum mis-
tök. Það er líka áberandi að í kjölfar
perestrojku hafa sovéskir spilarar að
meiru að keppa. Ef þeir standa sig
vel fá þeir kannski samning fyrir
vestan. Það þýðir fjármagn í vasann
og hvatinn því meiri en áður.“
Er ekki erfitt að ná upp stór-
klúbbi á evrópskan mælikvarða
vð þær aðstæður sem dönsk félög
búa við. Áhugamennsku og sumar-
keppnistímabil?
„Að vísu eru þetta erfiðleikar. Við
höfum spilað um 20 æfingaleiki í
fríinu við allar aðstæður. A grasi,
möl, sandgrasi og oft á freðnum
völlum. Þetta hefur kallað á meiðsli
og önnur vandræði. Hinsvegar þá eru
dönsk félagslið í sókn, ekki hvað síst
vegna framlags Bröndby við að
stofna til hreinnar atvinnumennsku.
Annað mjög mikilvægt atriði er að
breyting verður á danskri deilda-
keppni við að 1. deildin verður nú
einungis með 10 liðum — Superliga-
en — en áður voru liðiin 14. Þetta
eykur samkeppni og gerir deildina
betri en áður. Það verður auðveldara
fyrir dönsku liðin að fá sína bestu
menn til að leika heima í staðinn
fyrir einhver miðlungs féiög í Evr-
ópu.“
Kemur það danska landsliðinu
til góða líka?
„Alveg örugglega. Það verður
betra að hafa sem flesta sem spila
heima, en að aðeins þeir allra bestu
séu hjá bestu félögunum í Evrópu.
Ég er bjartsýnn á að dönsk knatt-
spyrna eigi eftir að komast í sviðs-
ijósið á ný. Við hjá Bröndby erum
að minnsta kosti að gera okkar til
að svo megi verða", segir Morten
Olsen og lagði þunga áherslu á
síðustu setninguna.
Hver er helsti munurinn á
danskri knattspyrnu og evr-
ópskri?
„Hann er talsverður. Hér er spilað-
ur harðari fótbolti og barátta er
meiri en víða annarsstaðar. Það er
að vísu erfitt að alhæfa um svona
hluti. Hvert land á sínar hefðir og
það er bara alveg ágætt. Að mínu
mati er besta knattspyrnan spiluð
af 4-5 bestu liðunum á Italíu enda
er mesta fjármagnið þar.“
Þekkir þú eitthvað til íslands
og íslenskrar knattspyrnu?
Það færist breitt bros yfir andlit
Mortens því sennilega hefur hann
aldrei fengið þessa spurningu í öllum
sínum húndi-uðum blaðaviðtala.
„Já, já hvort ég geri. Ég þekki
Arnór Guðjohnsen vel, spilaði með-
honum í Anderlecht, hann er núna
hjá Bordeaux í Frakklandi. Góður
lejkmaður. Þá spilaði ég gegn Pétri
Péturssyni í Belgíu — hann er stór-
hættulegur miðherji. Pétur spilar
núna á Islandi er það ekki? Eðvalds-
son er þekktur í Þýskalandi og svo
er góður leikmaður í Sviss [Sigurður
Grétarsson, innsk.]. En Ásgeir Sigur-
vinsson er sér á parti hjá ykkur,
samt sem áður. Hann var stórkost-
legur knattspyrnumaður. íslenska
landsliðið hefur líka staðið sig betur
en það ætti í rauninni að gera en
þið hafið notið góðs af því sem ég
nefndi áðan. Margir ykkar leikmanna
hafa verið hjá virkilega góðum félög-
um erlendis og svo hafið þið rétta
hugarfarið."
Að lokum, Morten Olsen. Hefur
þú komið til íslands?
„Nei, því miður, mig hefur lengi
langað þangað og ég vona svo sann-
arlega að ég komist fljótlega. Þar
er örugglega gott fólk og sérstök
náttúra. Skilaðu kveðju til Islendinga
frá mér og okkur hér í Bröndby."
Því er hér með komið á framfæri
og Morten Olsen kveður með hlýlegu
handtaki. Hans bíða erfið verkefni
hjá Bröndby og flestír Danir bera
þá von í bijósti að hann taki fljótlega
við danska landsliðinu og hefji það
til þeirrar reisnar sem hann var per-
sónugervingur fyrir sem-leikmaður.
Sjálfur hefur hannsagt að sá tími
komi kannski síðar en hann sé samn-
ingsbundinn Bröndby til 1993 og
hann sé vanur að standa við samn-
inga sína. Dæmigert svar frá manni
sem gerir meiri kröfur til sín en ann-
arra.