Morgunblaðið - 07.09.1991, Blaðsíða 4
4
MORCUN&LAÐIÐ LAUGAKDAGUR 7. SEPTEMBER 1991
Hitaveitan tekur erlent
lán til að greiða skuldir
STJÓRN veitustofnana Reykjavíkur tók í gær þá ákvörðun að
leggja til við borgarráð að Hitaveita Reykjavíkur fái heimild til
að taka erlent lán til þriggja ára að upphæð 450 milljónir króna
til að greiða skuldir sínar við Rafmagnsveitu Reykjavíkur og borg-
arsjóð. A fundinum var jafnframt ákveðið að mæla með því að
haldið yrði áfram framkvæmdum við Perluna á Öskjuhlíð.
Páll Gíslason, formaður stjómar
veitustofnana, sagði að á fundin-
um hefðu komið fram vonbrigði
stjórnarmanna með hve kostnaður
við Perluna á þessu ári hefði farið
fram úr áætlun. Hins vegar hefði
stjórnin ákveðið að mæla með því
að framkvæmdum við húsið yrði
haldið áfram, enda væri mikill
hluti þeirra samningsbundinn og
þau verk, sem ekki væru samning-
ar um, kostuðu aðeins milli 15 og
20 milljónir króna.
Stjómin samþykkti á fundinum
ályktun vegna málsins, sem hljóð-
ar svo: „Stjóm veitustofnana átel-
ur, að kostnaður vegna Perlunnar
í ár hefur farið svo langt fram úr
áætlun. Þó er rétt að benda á, að
í skýrslu hitaveitustjóra kemur
fram, að hinn aukni kostnaður
stafí aðallega af breytingum, sem
gerðar hafa verið, einkum á veit-
ingaaðstöðu, sem nú er ætluð fyr-
ir allan þann mikla fjölda gesta,
sem húsið sækir heim, í stað veit-
ingastaðar fyrir fáa áður. Breyt-
ingar eru allar til bóta og til þess
fallnar að auka notagildi hússins
og gera það aðgengilegra og meira
aðlaðandi fyrir allan almenning.“
Að sögn Páls Gíslasonar kom
fram á fundinum, að frá opnun
Perlunnar hefðu komið um 16
þúsund matargestir á veitinga-
staðinn á efstu hæðinni, milli 60
og 70 þúsund hefðu neytt veitinga
á hæðinni þar fyrir neðan og um
4 þúsund manns hefðu komið
þangað á sýningar. Til viðbótar
hefðu milli 80 og 90 þúsund manns
komið í húsið til þess að skoða það
og njóta útsýnisins.
Á fundinum í gær fjallaði stjórn
veitustofnana einnig um vanda
Hitaveitunnar vegna skulda við
Rafmagnsveituna og borgarsjóð.
Ákveðið var að leggja til við borg-
arráð að fyrirtækið fengi að taka
erlent lán að upphæð 450 milljón-
ir króna til þriggja ára til að greiða
þessar skuldir. Páll Gíslason segir
að einnig hafí verið lagðar fram
áætlanir um frestun þess að
byggja ofan á hús fyrirtækisins
við Grensásveg og frestun fram-
kvæmda við birgðastöð þess, og
samkvæmt áætlunum ætti að vera
hægt að ná jafnvægi í rekstri á
tveimur til þremur árum.
VEÐUR
I DAG kl. 12.00
Heimild: Veöurstofa Islantís
(Byggt á veöurspá kf. 16.15 í geer)
VEÐURHORFUR í DAG, 7. SEPTEMBER
YFIRLIT: Fyrir suðsuðaustan land er víðáttumíkið, en heldur minnk-
andi 1037 mb háþrýstisvæði en 1015 mb smálægð við Jan Mayen
á austurleið.
SPÁ Vestlæg eða suðvestlæg átt, hæg um landið sunnanvert en
kaldi sums staðar norðanlands og á Vestfjörðum. Á Suðvestur-
og Vesturlandi verður skýjað og þokuloft. Um austanvert landið
og víða norðanlands verður léttskýjað, allt að 20 stiga hiti að degin-
um en sums staðar svalt að næturlagi.
VEÐURHORFUR NÆSTU DAGA:
HORFUR Á SUNNUDAG :Hæg suðvestlæg átt og fremur hlýtt,
einkum á Suðaustur- og Austurlandi. Skýjað um vestanvert landið
og líklega dálítil súld en bjart veður austanlands.
HORFUR Á MÁNUDAG: Hægviðri og skýjað um mestallt land en
víðast þurrt. Lítið eitt kólnandi í bili. Svarsími Veðurstofu íslands
— Veðurfregnir: 990600.
TAKN:
x Norðan, 4 vindstig:
" Vindörin sýnir vind-
0 Hitastig:
10 gráður á Celsíus
stefnu og fjaðrirnar •
Heiðskírt vindstyrk, heil fjöður V Skúrir
er 2 vindstig. *
V Él
Léttskýjað / / / / / / / Rigning 5EE Þoka
/ / / _____ Þokumóða
Hálfskýjað * / * •> } •> Súld
Skýjað / * / * Slydda / * / oo Mistur
* * #_ 4 Skafrenningur
Alskýjað * * * * Snjókoma * * * K Þrumuveður
VEÐUR VÍÐA UM HEIM
kl. 12:00 í gær að ísl. tíma
Akureyri Reykjavík hiti 17 10 veður léttskýjað súld
Bergen 11 skúr
Helsinki 9 skúr
Kaupmannahöfn 15 léttskýjað
Narssarssuaq 7 súld
Nuuk 6 rlgning
Parfs 20 skýjað
Stokkhólmur 8 skúr
Þórshöfn 13 léttskýjað
Algarve 26 léttskýjað
Arnsterdam 16 skýjað
Barcelona 26 mistur
Berlín 18 léttskýjað
Chicago 26 léttskýjað
Feneyjar 26 þokumóða
Frankfurt 20 léttskýjað
Glasgow 16 léttskýjað
Hamborg 16 léttskýjað
London 19 léttskýjað
Los Angeles 22 alskýjað
Lúxemborg 18 skýjað
Madríd 23 skýjað
Malaga 28 skýjað
Mallorca 32 skýjað
Montreal 24 skýjað
NewYork vantar
Orlando vantar
París 19 skýjað
Madeira 26 léttskýjað
Róm 26 léttskýjað
Vín 15 súld
Washington 30 skúr
Winnipeg 17 léttskýjað
\
Steingrímur Viktorsson blæs í póstlúðurinn þegar póstlestin
lagði af stað úr Austurstræti.
Ölfusárbrú 100 ára:
Póstferð farin frá
Reykjavík til Selfoss
Selfossi.
LAGT var af stað í póstferð frá Reykjavík áleiðis til Selfoss í
gær. Ferðin er farin í tilefni af 100 ára vígsluafmæli Ölfusárbrú-
ar. Aðalhátiðahöldin vegna afmælisins fara fram á morgun, sunnu-
dag. Meðal gesta verður frú Vigdís Finnbogadóttir forseti íslands..
Það var hestamannafélagið
Sleipnir og Frímerkjaklúbbur Sel-
foss sem stóðu fyrir póstferðinni
og gáfu út sérprentuð umslög í
tilefni hennar. Umslögin verða
síðan stimpluð með sérstökum
póststimpli sem verður í notkun
I afgreiðslu Pósts og síma í
Tryggvaskála á sunnudag þegar
póstlestin kemur á Selfoss.
Magnús L. Sveinsson, forseti
borgarstjómar Reykjavíkur, og
Bryndís Brynjólfsdóttir, forseti
bæjarstjórnar Selfoss, ávörpuðu
póstana í upphafí ferðarinnar og
óskuðu þeim góðrar ferðar austur
fyrir fjall. Magnús gat þess að
Reykjavík og Selfoss tengdust
ótvírætt með brúarbyggingunni
fyrir 100 árum, með betri sam-
göngum og síðan hefði Tryggvi
Gunnarsson verktaki við brú-
arsmíðina 1891 verið bæjarfull-
trúi í Reykjavík á sínum tíma.
Síðan blés Steingrímur Viktors-
son í póstlúðurinn og lestin hélt
af stað. Með honum í för voru
Ólafur Ólafsson og Guðjón Gunn-
arsson.
í dag kl 14.00 fer fram Brúar-
hlaup á Selfossi, 5 km skemmti-
skokk, 10 km óg 21 km hlaup
ásamt 10 km hjólreiðum. Hlaupið
hefst við Ölfusárbrú og endar á
Tryggvatorgi. Grillveisla Hafnar
hf. verður við lok hlaupsins. Þá
fer síðasti heimaleikur Selfoss í
knattspyrnu fram á Selfossvelli
klukkan 16.00, kvikmynd um
sögu Selfoss verður sýnd nokkr-
um sinnum í samkomusal Sand-
víkurskóla og í kvöld verður sér-
stakur brúardansleikur hjá Hotel
Selfoss. Sögusýning er og opin í
Tryggvaskála kl 14—21.00
— Slg. Jóns.
Morgunblaðið/Sigurður Jónsson
Slökkviliðsmenn og nágrannar við hreinsunarstörf í brunarústunum.
Útihús á Vatnsholti
brunnu til kaldra kola
Selfossi.
ÚTIHÚS á bænum Vatnsholti í Villingaholtshreppi gjöreyðilögðust
af eldi í gærmorgun og allt sem í þeim var, m.a. ríflega 6 þúsund
baggar af heyi. Eldsins varð vart um sexleytið en þá voru húsin
alelda og þök failin. Engar skepnur voru í húsunum utan 20 hænur
sem brunnu inni. Húsin voru brunatryggð en ekki er vitað um elds-
upptök. Ljóst er að um stórtión er að ræða.
ar-Útihúsin standa skammt frá íbúð-
húsinu sem ekki var í neinni hættu
vegna eldsins. Um var að ræða fjós,
hlöðu og súrheysturn. Eftir brun-
ann standa steinveggimir einir eft-
ir, annað er brunnið. Heyið er ónýtt
af eldi og vatni.
Það var fólk á bæ í þriggja kíló-
metra ijarlægð sem varð eldsins
vart og lét íbúana og slökkviliðið
vita. Slökkvilið frá Selfossi kom á
staðinn rúmlega sex um morguninn
en þá voru þökin fallin og húsin
alelda. Greiðlega gekk að slökkva
og komast fyrir eldinn.
Páll Árnason bóndi í Vatnsholti
sagðist gera ráð fyrir að byggja
húsin upp aftur. Éjósið var nýtt
undir hross en engin mjólkurfram-
leiðsla er á bænum. „Það var heppi-
legt að við vorum ekki á útreiðum
í gærkvöldi því þá hefðu hross ver-
ið sett inn í fjósið," sagði Páll. En
hann er með hrossabúskap á jörð-
inni og nokkur geldneyti sem voru
úti þegar eldurinn kom upp.
Sig. Jóns.