Morgunblaðið - 29.09.1991, Síða 43
MORGUNBLAÐIÐ
FÓLK í FRÉTTUM u
29.' SEPTEMBER 1991
43
NÝÖLD
„EF BREYTA A HEIMINUM
ÞARF AÐ BYRJA Á SJÁLFUM SÉR“
Fyrir nokkrum mánuðum voru
formlega stofnuð Nýaldarsamtök-
in á fjölmennum fundi. Samtök
þessi eru eins og nafnið bendir til
samtök þeirra einstaklinga sem
vilja lifa samkvæmt þeirri sann-
færingu að í gangi séu miklar
breytingar á öllu lífi mannaá jörð-
inni. Kominn sé tími til að „læra
af meisturunum en ekki að dýrka
þá“, eins og Guðlaugur Bergmann
verslunarmaður og einn stjórnar-
manna samtakanna sagði í sam-
tali við Morgunblaðið í vikunni.
N
ýaldarfólk segir að framundan
tímabil mikilla breytinga,
enda séu allir spádómar frá Opin-
berunarbókinni og fram á þennan
dag um þær miklu breytingar sem
framundan eru. Nefnilega nýöldina
margumtöluðu. Samkvæmt skilningi
nýaldarfólks eru miklar líkur á að
Island eigi stóru hlutverki að gegna
í framtíðinni. Hér á að vera upp-
spretta mikillar andlegrar vakningar,
en tíminn leiðir í ljós hversu hratt
eða hægt slíkt gengur eftir. Og hvort
það gengur eftir yfirleitt. Guðlagur
var spurður hvemig á því stóð að
nýaldarfólk hafí talið nauðsynlegt
að stofna samtök af þessu tagi.
„Þessi samtök urðu til af nauðsyn.
Þær breytingar sem spað hefur verið
eru þegar byrjaðar og munu stig-
magnast á þessum áratug. Margir
spádómar tala um heimsendi en við
teljum að svo verði ekki heldur verði
heimsbreytingin svo mikil að fyrir
marga verði það sem heimsendir.
Flest eða öll erum við mjög trúuð .
Hjá mörgum okkar er píramídinn
ákveðið tákn og við segjum að það
skipti ekki máli hvar þú byijar að
klýfa píramídann því þó við séum
langt hvort frá öðru í upphafi ferð-
ar, þá nálgumst við hvert annað
meira og meira eftir því sem ofar
dregur og endum á sama stað í óskil-
yrtum kærleika og ljósi. Það að klífa
píramídann er að þroska sjálfan sig
til þess að komast aftur til uppruna
síns, til guðs. Gífurlega margir telja
sig vita hvar eigi að kiífa píramídann
og telja sína leið þá einu færu. Marg-
ar bækur, margar ræður, mörg nám-
,skeið, kvikmyndir og fleira hafa ver-
ið búin til um það hvernig klífa eigi
píramídann. Fæstir þeir sem telja sig
Morgunb!adid/kga
Stjórn Nýaldarsamtakanna og starfsfólk, sitjandi f.v. Guðmundur Einarsson verkfræðingur, Guðrún
G. Bergmann verslunarmaður, Guðný M. Heiðarsdóttir starfsmaður samtakanna, Jose Stevens sálfræð-
ingur og fyrirlesari, og Ólöf Davíðsdóttir nuddari. Aftari röð f.v., Einar Aðalstcinsson tæknifræðing-
ur, Guðlaugur Bergmann verslunarmaður, Guðrún Óladóttir reikimeistari, Finnbjörn Gislason bankamað-
ur og Jörundur Guðmundsson bókaútgefandi.
vita um eina réttu leiðina eru raunar
að klífa píramídann. Við teljum það
ekki skipta neinu máli hvort þú ferð
leið Jesú Krists, Múhameðs, Búddá
eða annarra meistara, ef þú aðeins
klífur píramídann, því við endum öll
á sama stað. Svona hreyfing á alls
staðar undir högg að sækja. Kirkjun-
armenn sumir hveijir reyna eins og
þeir geta að grafa undan henni og
sömuleiðis sumir innan heilbrigðis-
yfirvalda. Einstaklingar sem við get-
um kallað þekkingarpostula eru einn-
ig á fullri ferð með andóf gegn þessu.
A íslandi er landlæg virðing fyrir
þekkingu. Fellur þar undir lög, ljóð,
form o.s.frv., en það er stór munur
á þekkingu og visku. Umsvif þessara
aðila voru orðinn slík og skrumskæl-
ingin svo mikil, svo mikil firra komin
í það sem skrifað var og sagt, að
við sem aðhyllumst nýaldarstefnuna
töldum áríðandi að stofna þessi sam-
tök. Við höfum notað síðustu mánuði
til að búa til markmið og finna leiðir
til að vinna að þeim.“ En hvers vegna
telur nýaldarfólk að fólk úr fyrr-
greindum hópum" séu að ráðast á
hina nýju hugmyndafræði?
„Meginástæðan er sú, að gangi
nýaldarhugmyndafræðin eftir verður
mikið að breytast. Þeir sem eru
staðnaðir í kerfinu sætta sig sjaldan
við breytingar og þær breytingar sem
fram undan eru, eru svo miklar að
öll kerfi munu riðlast á einn eða
annan hátt. Við trúum á betri heim,
nýja öld, “ segir Guðlaugur. En hver
eru markmiðin?
„Markmið samtakanna eru fjórþætt
og eru skráð í lög þeirra. Markmiðin
eru í fyrsta lagi að stuðla að þroska
einstaklingsins, í öðru lagi að efla
virðingu fyrir sjálfum okkur, öðrum,
og lífinu í heild. í þriðja lagi að leita
leiða til þess að umburðariyndi, sam-
hygð og óskilyrtur kærleikur verði í
fyrirrúmi í öllum samskiptum. Og í
fjórða lagi að auka skilning manna
á þeirri staðreynd að til þess að
breyta heiminum til hins betra verð-
ur hver einstaklingur að byrja á sjálf-
um sér og vilji hann skapa persónu
sem er heil og í jafnvægi þá þarf
hann að rækta líkamann, þroska
hugann og næra andann. “ En hvern-
ig stendur til að ná markmiðunum
er spurt að lokum og Guðlaugur seg-
ir:
„Með margvíslegum hætti. Til
dæmis með því að stuðla að stofnun
andlegra Thiðstöðva og styðja við
bakið á þeim sem fyrir eru, þar sem
staðið er m.a. fyrir ráðstefnum, nám-
skeiðum, fræðslufundum, hugleiðslu,
bænahringum og fleiru þess háttar.
Við höfum til dæmis tekið í notkun
fyrstu andlegu miðstöðina, á þriðju
hæð Laugavegs 66. Þar hafa samtök-
in aðsetur og aðstöðu til sinnar starf-
semi. Svo er á döfinni að stuðla að
stofnun einskonar skóla sem byði
t.d. upp á eftirfarandi námsefni:
mataræði, líkamsþjálfun, heilun, sið-
fræði, vistfræði, andleg fræði af
ntörgum toga eða með öðrum orðum
allt það sem gæti stuðlað að fram-
gangi tnarkmiða samtakanna.
-Nefna má einnig sameiginleg út-
breiðslumál í fjölmiðlum og stofnun
útgáfu nýaldartímarits. Þá munurn
við stuðla að skilningi á markmið-
unum í öllum sviðum þjóðlífsins svo
sem í stjómmálum, menntamálum,
trúmálum, heilbrigðismálum og
fleira þess háttar. Tengingar við er-
lend félög, samtök og einstakling:
verða einnig mikils virði.
-Það er erfitt að koma í veg fyrir
að einstaklingar geri ógagn í nafni
nýaldar eins og menn hafa gert í
gegn um aldirnar í nafni frelsis, lýð-
ræðis, trúar og friðar svo eitthvað
sé nefnt og því kemur til greina að
athuga hvort hægt sé að koma á
hæfnismati af einhverju tagi á starf-
semi leiðbeinenda í málefnum nýald-
ar. Fleira í þessum dúr mætti nefna,
það eru margar dyr opnar og rétt
að reka nefið í gættina á þeim öllum
og vita hvert þær liggja,“ sagði Guð-
laugur Bergmann að lokum.
OPERA
Magnúsi Baldvinssyni
hælt í hástert
Magnús Baldvinsson bassi fékk
rífandi góða dóma fyrir hlut
sinn í verki eftir Smetana sem ber
á ensku heitið
„The Bartered
Bride“. Magnús
söng hlutverk
hjónabandsmiðl-
arans Kecal, en
verkið var flutt í
Stem Grove tón-
leikahöllinni í
Kaliforníu.
Magnúsar var
sérstaklega get-
ið í nokkrum
dagblöðum á
svæðinu og
Morgunblaðinu
hefur borist úr-
klippur úr tveim-
ur þeirra, „The
San Mateo Ti-
mes“ og „The
San Francisco
Chronicle".
Gunnhildur Sörensen
Magnús Baldvinsson
æðismaður
íslands í San Francisco var meðal
áhorfenda og hún sagði við Morg-
unbjaðið^að.lsjendingar gætu verið
stoltir af Magnúsi. hann stæði sig
frábærlega vel.
Marylin Tucker, óperugagnrýn-
andi „San Fran-
cisco Chronicle"
ritar, að Magnús
hafi sungið hlut-
verk Kecals jneð
þeim hætti að
tekið var eftir.
Hún getur þess
að Magnús hafi
lært í háskólan-
um í Indiana og
tækni hans að
ná blaðrandi
orðaflaum Kec-
als hafí verið
aðdáunarverð.
Judy Richter rit-
ar gagnrýni í
„The San Mateo
Times“ og lofar
einnig Magnús.
Hún segir hann
ungan og upp-
rennandi bassa með tilkomumikla
sviðsframkomu og vítt raddsvið sem
geti vart annað en batnað enn með
árunum.
Hinn eini og sanni
Stórútsölumarkaður
Bíldshöfða 10
Verður
framlengdur
um eina viku
nú lækka verðin
enn meira!
Steinar, Karnabær, Sonja,Vinnufatabúðin, Partý, Bombey, Strikið, Kókó/
Kjallarinn, Stúdíó, Saumalist, Theodóra, Árblik, Blómalist, Karen og Madam
FRÍTT KAFFI - VIDEÓHORDI FYRIR RÖRHIIIV
-ÓTRÚLEGT VERÐ
Fjöldi fyrírtækja - gífuriegt vöruúrvai
Með/águ verði, mik/u vöruúrvaliogþátttöku fj'ö/da fyrirtækja hefurstór-
útsöiumarkarðurinn svo sannariega s/egið igegn og stendurundirnafni.
Opnunartimi: Föstutiaga kl. 13-19. Laugardaga kl. 10-16. Aðra daga kl. 13-18