Morgunblaðið - 14.11.1991, Blaðsíða 59

MORGUNBLAÐIÐ FIMMTUDAGUR 14. NOVEMBER 1991
59

VELVAKANDI
SVARAR í SÍMA
B91282 KL. 10-12
FRÁ MÁNUDEGI
TIL FÖSTUDAGS ,
Itf KKTII B~1 Mffl TiJL
Þessir hringdu ...
Tónlistardagar
Dómkirkjunnar
ólöf vildi koma á framfæri
þökkum fyrir tónlistardaga Dóm-
kirkjunnar sem nú standa yfir.
Hún sagði söng Sigríðar Ellu hafa
verið yndislegan á fyrsta kvöldi
tónlistardaganna einnig hefði kór-
inn verið frábær.
Ánægðar með grein Njarðar
Njarðvík
Ragna hringdi og vildi bera
fram þakkir til Njarðar Njarðvík
fyrir grein hans „Minn minnsti
bróðir” í Morgunblaðinu 6. nóv.
Hún sagðist vera ánægð með efn-
ið og það ætti mikið erindi til
fólksl
D.G. vildi einnig hrósa grein
Njarðar og hún vildi beina því til
þeirra sem væru að skammast út
í sambýlin viðs vegar um borgina
hvort þeir hugleiddu aldrei að
þeir gætu þurft á þeim að halda
fyrir einhvern þeim náinn? Hún
benti á að á Eyrarbakka væri
fangelsi og aldrei hefði heyrst
æðruorð frá íbúunum þar. Hún
vildi einnig taka undir með grein
Rannveigar Tryggvadóttur í
Morgunblaðinu 7. nóv. þar sem
hún bendir á að handboltahöll sé
ekki endilega það sem Islendingar
þurfi einna helst.
Sleppa Faðir vor
Mundi vildi kvarta yfir því að
prestarnir slepptu að fara með
faðirvorið í lok bænastundarinnar
í útvarpinu á morgnanna. Honum
fannst mikið vanta þegar ekki
væri endað á því að fara með
faðirvorið. Hann sagði gott fyrir
fólk að vakna við bænina á
morgnana.
Mótmæli til
heibrigðisráðherra
Anna vildi mótmæla orðum
heilbrigðisráðherra þess efnis að
aðal lyfjahækkun elli- og örorku-
lífeyrisþega væri vegna ávana-
lyfja. Hún spyr ráðherra hvort
calcium sandos töflur séu ávana-
lyf? Hún segist hafa þurft að taka
þessar töflur í áraraðir vegna
hraðrar úrkölkunar og beinþynn-
ingar og líkaminn vinni best úr
þessum töflum og tilgangslaust
sé að nota annað í slæmum tilfell-
um. Áður en hætt var að niður-
greiða lyf var kostnaður vegna
þessara taflna fyrir árið 5.475
krónur en eftir að niðurgreiðsla
féll niður er sami kostnaður
34,748 krónur og Anna segir heil-
brigðisráðherra geta reiknað út
hversu mikil prósentuhækkun það
sé.
Dúkkurnar hennar Ástu
Jón á Skúlagötunni spyr Ástu
Guðjónsdóttur hvenær hún ætli
að ná í dúkkurnar sem eru hjá
honum?
Týndi sjali
Ásta týndi sjali s.l. sunnudag
er hún fór á tónleika í Langholts-
kirkju. Einnig gæti komið til
greina að sjalið hefði týnst þegar
hún kom við á Miklubraut 46.
Sjalið er jafnt á alla kanta, þunnt
ullarsjal, svart með rauðum rós-
um. Upplýsingar um sjalið má
gefa í síma 23794.
Reiðhjóli stolið
Aðfaranótt laugardagsins 2.
nóv. var Muddy Fox fjallareið-
hjóli stolið frá Hellisgötu í Hafnar-
firði. Hjólið er rautt með gulum
lási og öðrum gráum og hnakkur-
inn er vafinn með rauðu lím-
bandi. Finnandi vinsamlegast skili
hjólinu á lögreglustöðina í Hafn-
arfirði.
Bakpoki hvarf úr bifreið
Rauður bakpoki hvarf úr Volvo-
bifreið sem stóð við Öldugötu að-
faranótt sunnudags. í bakpokan-
um var meðal annars peysa og
smádót. Upplýsingar um pokann
má gefa í síma 650566.
íþróttahöll og listasafn
Skattborgari hringdi og sagði
að ekki ætti að byggja íþróttahöll
vegna sparnaðarástæðna og hún
gæti verið ágætt dæmi um það
hvort ríkisstjórnin ætlaði að spara
eða ekki. Hann sagði flesta í
kringum sig á sama máli. Eins
taldi hann að ríkið ætti ekki að
taka Listasafn Siguijóns upp á
sína arma af sparnaðarástæðum.
Það gæti ekki gengið til lengdar
að ríkið tæki allt sem fólki dytti
í hug upp á sína arma. í þessu
ætti að fylgja bandarísku aðferð-
inni það er að áhugamenn um
safnið ættu að sjá um að halda
rekstrinum uppi.
Svartur leðurjakki
Svartur leðuijakki tapaðist á
Laugaveginum aðfarnótt sl. laug-
ardags. Finnandi vinsamlegast
hringi í síma 621161. Fundarlaun
í boði.
Salt á hjólreiðabrautir
Jóhann í Breiðholtinu hringdi
og vildi kvarta yfir því að það
vantaði svo víða salt á hjólreiða-
brautir og gangbrautir. Það væri
ekki síður mikilvægt að saltbera
fyrir hjólandi fólk og gangandi
heldur en fyrir ökumenn. Hann
sagði einnig vera mikinn misbrest
á því að hjólreiðabrautirnar væru
sópaðar og á sex vikum hefði
hann sprengt dekkin á hjólinu sínu
fjórum sinnum og tvívegis vegna
glerbrota.
Meira um verslunarferðir:
Neikvæð umræða hættuleg þjóðinni
írlandsfari hringdi í Velvakanda
þann 5. nóvember, en hann var
nýkominn úr verslunarferð, tjáði
hann blaðinu að flest allt fólkið í
hópferðinni hefði keypt barnafatn-
að og það á helmingi lægra verði
en hér. Ekki ætlar undirritaður
að mótmæla því að hægt sé að
versla ódýran fatnað á írlandi en
staðreyndin er samt sú að harla
lítill verðmismunur er á vönduðum
fatnaði. Verðviðmiðun er allsendis
óraunhæf nema verið sé að bera
saman nákvæmlega sama fatnað
frá sama fyrirtæki. Verðm-
ismunurinn orsakast þannig ekki
af því að kaupmaðurinn hér heima
sé svikahrappur og okrari eins og
alltof margir hér á Fróni vilja telja
sér trú um, heldur af því að ekki
er verið að bera saman sömu
gæði og þar að auki er barnafatn-
aður á írlandi hvorki tollaður né
ber hann nokkurn virðisaukaskatt,
aftur á móti á Islandi er auk mik-
ils- flutningsgjalds til landsins þá
þarf að borga 20% toll til ríkisins
(þar sem megnið af þessari vöru
á írlandi er framleitt utan Efna-
hagsbandalagsins) og þar að auki
24,5% virðisaukaskatt sem leggst
á allt (innkaupsverð + tollur +
flutningsgjald + álagning).
Það kostar nefnilega mikla pen-
inga að viðhalda svo dæmi sé nefnt
velferðakerfinu einnig mennta-
kerfinu og að hafa samgöngumál
í sæmilegu Iagi og einhveijir verða
að borga það. Ég skil ekki
hugsanagang þeirra mörgu stjórn-
málamanna sem ganga hart fram
í því að innheimtaþessimiklúgjöld
af fólki sem verslar hér innan-
lands, en síðan að það sé allt í
lagi að fólk borgi enga tolla bara
ef það er svo vinsamlegt að leggja
því lið að flytja verslun og við-
skipti úr landi.
Það mun koma í ljós innán tíðar
hjá okkur að þjóð sem ekki getur
viðhaldið verslun og viðskiptum í
sínu eigin landi er í vanda stödd.
Augljóst er að yfirmaður tollsins
á Keflavíkurflugvelli, þ.e.a.s.
hæstvirtur utanríkisráðherra, set-
ur ekki undir sama hatt „Jón og
séra Jón”.
Hitt sem írlandsfarinn heldur
fram að eina fólkið sem voru með
mörgu töskurnar þegar þeir gengu
gegnum tollinn hafi verið smá-
kaupmenn í Reykjavík. í því sam-
bandi vil ég taka fram að ég þekki
Kalkoff-hjól-
ið sem hvarf
Hefur einhver fundið hjólið
mitt?
Yndislega ljósbláa Kalkoff-hjól-
ið mitt (með hvítri körfu framan
á) hvarf á Kaplaskjólsveginum
fyrir nokkrum vikum og ég sakna
þess mjög! Ef einhver góðhjartað-
ur hefur rekist á það er hann vin-
samlegast beðinn að láta mig vita
í síma 20807.
Ef þú sem tókst það ert með
samviskubit skal ég ekkert verða
reið og fyrirgefa þér ef þú skilar
því! fio' £ 'Kii.íi:j.c. u ui: ,u ; ■ 1
engan alvörukaupmann hér á landi
sem gerir innkaup sín í gegnum
írland og ennþá síður að þeir geri
þar innkaupin í gegnum smásala.
Að mínu mati þá er þessi sí-
fellda neikvæða umræða hér á
landi um menn og málefni, þjóð-
inni stórhættuleg.
Lyftum höfði því þá mun birta
í kringum okkur og fólkinu í land-
inu mun farnast betur.
Kaupmaður í Reykjavík.
Nýkomnir
öóruvísi kvenskór
Litur: Svartur Stærðir: 36-41
Verð: 4.395,- 5% staðgr.afsl.
Póstsendum samdægurs
oppskórinn
VELTUSUNDI • SIM1:21212
SIEMENS
■
Fjölhœf hrœrivél!
MK4450
Blandari, grænmetiskvöm og hakka-
vél fylgja með.
• Allt á einum armi.
• Hrærir, þeytir, hnoðar, blandar,
brytjar, rífur, hakkar og sker.
• ísl, leiðarvísir og uppskriftahefti.
• Einstakt verð: 15.300,- kr.
SMITH & NORLAND
NÓATÚNI4 - SÍMI28300
■
iii
NY PLATA
Ný hljomplata
er iræntanleg
i verslanir í da
I
.1
dreifing; SKÍFAN
Hljómsveit Gisla, ÞÓRGISL (Cisli, Þórir Baldursson, Pétur Crétarsson,
Tryggvi Hubner, Herdis Hallvardsdóttir.) heldur tónleika í PÚISÍnum I
kvöld kl. 22.00, og á Tveimur vinum sunnudagskvöld.