Morgunblaðið - 10.12.1991, Blaðsíða 40
40
MORGUNBLAÐIÐ ÞRIÐJUDAGUR 10. DESEMBER 1991
Þrotabú Fjöreggs:
Islandsbanki mun
að líkindum kaupa
bústofn og lausafé
VIÐRÆÐUR bústjóra þrotabús
alifuglabúsins Fjöreggs á Sval-
barðsströnd og Islandsbanka um
kaup bankans á bústofni og til-
heyrandi lausafé eru langt komn-
------»■■♦.♦------
Stúlka kastaði
sér í sjóinn
Sjóbjörgunarsveitin á Akureyri
var kölluð út aðfaranótt sunnu-
dags vegna stúlku sem fleygði sér
í sjóinn. Stúlkunni varð ekki meint
af volkinu.
Stúlkan, sem er um tvítugt, kast-
, aði sér í sjóinn í höfninni við Torfu-
nefsbryggju. Lögreglumenn fóru út
á eftir henni á gúmmíbjörgunarbát
og þá var sjóbjörgunarsveit Slysa-
vamafélagsins einnig kölluð út vegna
atviksins.
Um helgina var brotist inn í versl-
unina Notað og nýtt við Hólabraut.
Geislaspilara og hjópiflutningstækj-
um var stolið í innbrotinu.
Þá varð harður árekstur tveggja
fólksbíla á mótum Þórunnarstrætis
og Hrafnagilsstrætis laust eftir há-
degi í gær. Farþegi í öðrum bílnum
vvar fluttur á sjúkrahús en hann fékk
þungt höfuðhögg.
ar og má búast við að bankinn
taki við _ rekstri búsins innan
skamms. íslandsbanki keypti jörð
og fasteignir þrotabúsins, eftir
að hæstbjóðandi, Anny Larsdótt-
ir, hafði ekki staðið við tilboð sitt.
Arnar Sigfússon bústjóri þrota-
búsins sagði að viðræður hefðu stað-
ið yfir við forráðamenn bankans og
ætti hann ekki von á öðru en samn-
ingar um kaup hans á bústofni og
tilheyrandi lausafé næðust. Kvaðst
hann vænta þess að innan skamms,
jafnvel seinnipart þessarar viku
myndi íslandsbanki taka við rekstri
búsins, en Kaupféjag Eyfirðinga
hefur leigt reksturinn fram til þessa.
Islandsbanki keypti fyrir skömmu
jörðina Sveinbjarnargerði og fast-
eignir á henni fyrir 65 milljónir
króna, eða eftir að ljóst var að hæst-
bjóðandi, Anny Larsdóttir, myndi
ekki standa við tilboð sitt upp á
65,1 milljón króna.
Um 30 þúsund kjúklingar eru á
búinu og nokkur þúsund hænur.
Arnar taldi að öll Ijármunaleg rétt-
indi og þar með framleiðslurétturinn
fylgdu þrotabúinu. Hann sagðist
ekki að svo stöddu geta gefið upp
verð það sem bankinn mun greiða
fyrir bústofn og lausafé, en hver
gripur yrði seldur á ákveðnu verði
eftir aldri og verðmæti.
Morgunblaðið/Magnús J. Mikaelsson
*
Arni áritar
Árni Tryggvason leikari og trillukarl var á ferðinni á heimaslóðum
um helgina, en hann og Ingólfur Margeirsson, er skrifaði sögu hans
Lífróður árituðu bókina í Brekku á laugardagskvöld. Fjöldi fólks
heilsaði upp á þá félaga í Brekku, en fyrr um daginn höfðu þeir
áritað bókina í bókabúðum á Akureyri og á sunnudag héldu þeir til
Húsavíkur í sömu erindagjörðum. Á myndinni lætur gamall Hríseying-
ur, Unnur Björnsdóttir, vel að leikaranum.
íþróttasamband fatlaðra:
Tvær slúlkur fá silf-
urmerki fyrir íþróttir
RUT Sverrisdóttir og Sigurrós Karlsdóttir voru á föstudag sæmdar
einu æðsta heiðursmerki íþróttasambands fatlaðra, silfurmerkinu, en
þær hafa báðar staðið sig afar vel á íþróttasviðinu.
Ólafur Jensson, formaður íþrótta-
sambands fatlaðra, sagði að þær Rut
og Sigurrós væru á allan hátt til
fyrirmyndar. „Við sæmdum þær
} silfurmerkinu fyrir frábær afrek í
íþróttum, góða ástundun og æfingar
auk þess sem þær eru á allan hátt
til fyrirmyndar og eiga því þetta
merki fyllilega skilið,” sagði Ólafur.
Rut á heimsmet í 200 metra bak-
sundi í sínum flokki, auk fjölmargra
annarra meta. Þá hefur hún verið
valin í A-flokk vegna undirbúnings
Olympiuleikanna í Barcelona á Spáni
næsta sumar. Sigurrós. hóf sinn
íþróttaferil í sundi, en hefur á síð-
ustu árum einkum æft og keppt í
boccia og borðtennis þar sem hún
hefur staðið sig vel.
Ólafur gat þess að á Akureyri
væri kröftug starfsemi í sambandi
við íþróttir fatlaðra og vekti aðdáun
hve vel væri unnið á því sviði. Lions-
klúbburinn Hængur styddi vel við
bakið á íþróttafélaginu Ákri og héldi
árlega svokallað Hængsmót sem
væri eitt eftirsóttasta íþróttamót sem
haldið er á landinu. Þá styddi Kiwan-
isklúbburinn Kaldbakur dyggilega
við íþróttafélagið Eik, sem er íþrótta-
félag þroskaheftra.
Morgunblaðið/Rúnar Þór
Ljós kveikt á jólatrénu á Ráðhústorgi
Ljós voru kveikt á jólatrénu á Ráðhústorgi á laugar-
daginn. Jólatréð, sem er hið myndarlegasta, er gjöf
frá Randes, vinabæ Akureyrar í Danmörku, en þetta
er í fjórða sinn sem bæjarbúar fá jólatré að gjöf frá
vinabæ sínum. Blásarasveit Tónlistarskólans lék jóla-
lög, kór Akureyrarkirkju söng, Sigurður Jóhannes-
son ræðismaður Dana á Akureyri flutti ávarp sem
og Halldór Jónsson bæjarstjóri. Þá brugðu jólasvein-
ar á leik og gengið var í kringum tréð. Umhverfis-
deild Akureyrarbæjar hefur veg og vanda af uppsetn-
ingu jólatrésins sem og jólaskreytinga í bænum og
sagði Árni Steinar Jóhannsson umhverfisstjóri að
vegna reynslu fyrri ára væru nú notaðar lágspennu-
perur í jólatrénu, sem engum nýtist. „Perunum hef-
ur meira og minna verið stútað eða stolið á undan-
förnum árum og því brugðum við á þetta ráð nú,”
sagði hann.
Héraðsráð Eyjafjarðar:
Frestar svari til ráðherra
um framtíð Kristnesspítala
HÉRAÐSRÁÐ Eyjafjarðar hefur
óskað eftir fresti til að svara fyrir-
spurn heilbrigðisráðherra varð-
andi framtíðar rekstrarform
Kristnesspítala. Nefnd sem ráð-
herra skipaði í ágúst skilaði því
áliti fyrir skömmu að farsælast
væri að spítalinn yrði að sjálf-
stæðri stofnun með sérstaka
stjórn og fjárveitingu. Verði til-
lagan samþykkt verða sveitarfé-
lögin í Eyjafirði eigendur 15%
fasteigna og búnaðar spítalans og
munu þau greiða 15% fjárfesting-
akostnaðar sem til fellur í fram-
tíðinni.
Álit nefndarinnar var kynnt á
fundi héraðsráðs á föstudag, en fyr-
ir lá fyrirspurn frá Sighvati Björg-
vinssyni heilbrigðisráðherra til sveit-
arstjórna í Eyjafirði varðandi rekstr-
arform spítalans, en í tiljögu nefnd-
arinnar kom fram að auk þess sem
spítalinn yrði að sjálfstæðri stofnun
yrði leitað samkomulags við hlutað-
eigandi sveitarfélög um starfsemina
og þátttöku í fjárfestingakostnaði.
Heilbrigðisráðherra óskaði eftir
svari við fyrirspurn sinni fyrir 10.
desember, en gert hafði verið ráð
fyrir að Kristnesspítali gæti orðið
að sjálfstæðri stofnun um næstu
áramót.
Guðný Sverrisdóttir formaður
Hérðasnefndar Eyjafjarðar sagði að
á fundi héraðsráðs á föstudag hefði
verið ákveðið að fá að fresta því að
svara fyrirspurninni fram á næsta
ár, en málið verður rætt að nýju á
fundi ráðsins 20. desember. Guðný
sagði að mönnum hefði 'fundist fyrir-
varinn of skammur og vildu sicoða
málið betur áður en ákvörðun yrði
tekin.
Skipulagsnefnd:
Fundur um skipulag
suðurhluta Oddeyrar
SKIPULAGSNEFND Akureyrar-
bæjar efnir til kynningarfundar
með íbúum og húseigendum á
suðurhluta Oddeyrar um deili-
skipulag Oddeyrar annað kvöld,
miðvikudagskvöldið 11. desemb-
er. Fundurinn verður í Húsi aldr-
aðra á Lundargötu 7 og hefst kl.
20.30.
Morgunblaðið/Rúnar Þór
Frá afhendingfu silfurmerkis Iþróttasambands fatlaðra, frá vinstri
Camilla Th. Hallgrímsson varaformaður, Ólafur Jensson formaður,
Sigurrós Karlsdóttir og Rut Sverrisdóttir.
Nefndin hefur látið vinna frumtil-
lögur að deiliskipulagi íbúðabyggðar
sunnan Eiðsvallagötu, en skipulags-
svæðið afmarkast af Glerárgötu,
Eiðsvallagötu, Hjalteyrargötu og
Strandgötu. Mikilvægt er talið að
halda kynningar- og umræðufund
um skipulagið áður en endanlegar
tillögur verða unnar. Á næstu vikum
verður unnið að lokatillögu skipu-
lagsnefndar að svæðinu, sem síðan
verður auglýst skv. skipulagslögum
þannig að þeir sem við það vilja
gera athugasemdir fái til þess tæki-
færi.
Skipulagshöfundar munu útskýra
frumtillögur sínar og svara fyrir-
spurnum ásamt skipulagsnefnd. í
hugmyndunum sem fyrir liggja fel-
ast bæði áform um viðhald og styrk-
ingu bæjarhlutans þannig að gömul
hús fái að standa áfram og endurnýj-
un hluta byggðarinnar með nýbygg-
ingum. Tillaga er um slíka endurnýj-
un á svæðinu milli Lundargötu og
Glerárgötu. Einnig er í frumdrögum
gert ráð fyrir nýbyggingum austast
í hverfinu á svæðum meðfram Hjalt-
eyrargötu.