Morgunblaðið - 24.10.1993, Blaðsíða 20

20
MORGUNBLAÐIÐ SUNNUDAGUR 24. OKTÓBER 1993
_______KYIKMYNDIR/Háskólabíó frumsýnir á næstunni kvikmyndina___________
„Beflfly & Joon“ sem er allóvenjuleg mynd um ástarsamband ungs fólks sem ekki
er í einu og öllu eins og fólk er flest.
Ástínþekkir
engin landamæri
HÁSKÓLABÍÓ tekur á næstunni
til sýninga kvikmyndina Benny
& Joon með Johnny Depp og
Mary Stuart Masterson í aðai-
hlutverkum. Þetta er rómantísk
ástarsaga á mörkum ráunveru-
leikans um ungt fólk sem ekki
gengur að öllu leyti heilt til skóg-
ar, og er þema myndarinnar í
stuttu máli það að allir eigi
möguleika á að finna sér lífs-
förunaut við hæfi.
T OON Perl (Mary Stuart
Masterson) er falleg og
gáfuð ung kona sem búin
er listrænum hæfíleikum en
á við geðræn vandamál að
stríða. Hún býr í vernduðu
umhverfí hjá bróður sínum
Benny (Aidan Quinn), en
hann er bifvélavirki sem
leggur allt kapp á að veija
hana fyrir umheiminum. Inn
í líf þeirra systkinanna kem-
ur á óvæntan hátt hinn
kostulegi Sam (Johnny
Depp), en hann er ekki eins
og fólk er flest. Hann er
haldinn óslökkvandi dálæti á
meisturum þöglu myndanna,
og þá sérstaklega þeim
Charlie Chaplin og Buster
Keaton, sem hann tekur sér
til fyrirmyndar og reynir að
lifa sig inn í. Þótt lífstaktur
hans sé þannig ekki eins og
þeirra sem eðlilegir teljast,
þá kemur í ljós að hann er
Línurnar lagðar
Leikstjóri Benny & Joon, Jeremiah Chechik, leiðbeinir þeim Johnny
Depp og Aidan Quinn við tökur á myndinni.
ekki einn á báti. Joon reynist vera sú
manneskja sem nær að lifa í sama takti
og hann, og saman fínna þessir óvenjulegu
einstaklingar hina sönnu ást.
Höfundurinn fyrrverandi trúður
Handritshöfundur Benny & Joon er‘
Barry Berman, sem útskrifaðist úr trúða-
skóla Ringling Brothers Barnum and
Bailey og kom hann fram með hinum
fræga sirkus þeirra um gjörvöll
Bandaríkin sem trúður í eitt ár.
Hugmyndin að sögunni um Benny &
Joon kviknaði á þessum tíma, en
handritið skrifaði hann þó ekki fyrr en
fimm árum síðar þegar hann var fluttur
til Hollywood og hafði lagt
handritsgerð fyrir sig. Handritið kom
fljótlega fyrir augu framleiðenda
myndarinnar þeirra Susan Arnold og
Donnu Roth, sem sáu samstundis að
Verndarhendi
BENNY (Aidan Quinn) heldur verndarhendi yfir systur
sinni sem á við geðræn vandamál að stríða, en sú við-
leitni hans verður til þess að hann á það á hættu að
missa hana fyrir fullt og allt.
Furðufugl
SAM rekur óvænt á fjörur systkinanna og reynist hann
vera hinn mesti furðufugl.
full ástæða var til að koma
því á hvíta tjaldið. Þær fengu
kanadíska leikstjórann Jer-
emiah Chechik til liðs við sig
en hann hafði áður leikstýrt
einni kvikmynd í fullri lengd,
en það var „National
Lampoons Christmas Vac-
ation“ með Chevy Chase í
aðalhlutverki, sem hann
gerði árið 1989. Hann hafði
áður getið sér góðan orðstír
fýrir auglýsingamyndir og
tónlistarmyndbönd, en hann
hefur unnið til margvíslegra
verðlauna á því sviði. Meðal
þeirra listamanna sem hann
hefur gert myndbönd fyrir
eru Phil Collins, Whitney
Houston, Van Halen og Hall
& Oates.
Ekkert markmið að
vera hjartaknúsari
HINN 31 árs gamli Johnny
Depp hefur lýst því yfir að
hann hafi það ekki að neinu
sérstöku markmiði að skipa sér
á bekk með hjartaknúsurum í
Hollywood á borð við Tom Cru-
ise, en hvað sem því líður þá
er það engu að síður staðreynd
að hann er í dag talinn vera
meðal hæfileikaríkustu og vin-
sælustu kvikmyndaleikaranna
af yngri kynslóðinni .
Tohnny Depp vakti fyrst
verulega athygli fyrir
að leika unglingslöggu í
sjónvarpsseríunni „21 Jump
Street", sem sýnd hefur ver-
ið á Stöð 2, en hann sló þó
ekki í gegn fyrir alvöru fyrr
en hann lék aðalhlutverkið í
kvikmyndinni „Edward
Scissorhands", sem Tim
Burton leikstýrði. Depp ætl-
aði sér upphaflega alls ekki
að leggja stund á kvik-
myndaleik, heldur var það
tónlistin sem hann ætlaði sér
að gera að lifíbrauði. Tónlist-
aráhuginn vaknaði hjá hon-
um ungum þar sem hann var
að alast upp í borginni Mir-
amar í Flórída, en þar stofn-
aði hann rokksveit sem
kallaðist Kids. Hljómsveitin
öðlaðist þó nokkrar vinsældir
á heimaslóðum, og það varð
Sviðsvön
MARY Stuart Masterson er fyrir löngu orðin
sviðsvön, en hlutverk hennar sem Joon er hið
stærsta sem henni hefur hlotnast til þessa.
Hæfileikaríkur
JOHNNY Depp þykir í dag vera meðal hæfileikarík-
ustu leikara af yngri kynslóðinni.
til þess að meðlimir hennar
ákváðu að halda til Los Ang-
eles og freista gæfunnar
þar. Upp úr samstarfí þeirra
slitnaði hins vegar skömmu
eftir að komið var til stór-
borgarinnar, og þá tók Depp
að reyna fyrir sér sem leik-
ari samkvæmt ráðleggingu
góðs vinar.
Það leið ekki á löngu þar
sem honum bauðst nokkuð
bitastætt hlutverk, en það
var í hryllingsmyndinni
vNightmare on Elm Street".
I kjölfarið fylgdu hlutverk í
myndunum „Slow Burn“,
„Private Resort", og óskars-
verðlaunamyndinni „Plat-
oon“. í framhaldi af því
bauðst honum hlutverkið í
sjónvarpsþáttunum „21
Jump Street“, og þar með
var ísinn brotinn. Aðalhlut-
verkið í „Edward Scissor-
hands“ stóð honum til boða
og færði það honum frægð
um víða veröld, enda naut
sú kvikmynd mikilla vin-
sælda á sínum tíma. Næsta
mynd sem hann lék í var
„Cry-Baby“, sem John Wat-
ers leikstýrði, og næsta
mynd sem hann kemur til
með að sjást í er mynd Emir
Kusturica, „Arizona Dre-
am“, en í henni leikur hann
á móti Jerry Lewis og Faye
Dunaway, og því næst fá
áhorfendur að beija hann
augum í mynd sænska leik-
stjórans Lasse Halström,
„Gilbert Grape“.
Johnny Depp tekur sjálfan
sig mátulega hátíðlega, en
hann segist aðeins hafa
áhuga á því sem hann er að
gera hveiju sinni og ekki
vera með nein sérstök áform
varðandi framtíðina.
Með leikarablóð í æðum
Mary Stuart Masterson sem
leikur Joon var ung að árum
þegar hún fékk sitt fyrsta
hlutverk, en hún var aðeins
sjö ára gömul þegar hún kom
fram í kvikmyndinni „The
Stepford Wives“, sem gerð
var eftir skáldsögu Ira Levin.
Hún er dóttir leikstjórans
Peters Masterson og
leikkonunnar Carlins Glynn,
og því má með sanni segja
að hún hafí fæðst með
leikarablóð í æðunum. Hún
hefur verið viðloðandi leiklist
bæði í kvikmyndum og á
leiksviði frá unga aldri, en
fyrsta stóra kvikmynda-
hlutverkið fékk hún í mynd-
inni „Somekind of Wonder-
ful“, en í henni lék hún á
móti Eric Stoltz. Þá hefur
hún meðal annars leikið á
móti Sean Penn í myndinni
„At Close Range“ og í kvik-
myndinni „Fried Green
Tomatoes" fór hún með stórt
hlutverk. Leikkonan hefur
nýlega lokið við að skrifa
sitt fyrsta kvikmyndahandrit
og vonast hún til að geta
leikstýrt kvikmynd byggðri
á því á næsta ári.