Morgunblaðið - 29.04.1995, Blaðsíða 52

MICROSOFT. einar j.
WENDOWS- SKÚLASONHF
MORGUNBLAÐIÐ, KRINGLAN I, 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBL<á>CENTRUM.IS / AKUREYRI: HAFNARSTRÆTI 85
LAUGARDAGUR 29. APRÍL 1995
VERÐ í LAUSASÖLU 125 KR. MEÐ VSK
Framhaldsfundur um Síldarsmuguna í Reykjavík á þriðjudag
Mælzt til að síldar-
flotinn verði í höfn
ÍSLENZK stjórnvöld mælast til þess
að síldarflotinn haldi sig í höfn og
haldi ekki til veiða í Síldarsmug-
unni fyrr en eftir framhaldsfund
Islands, Noregs, Rússlands og Fær-
eyja um stjórn veiða í Síldarsmug-
unni, sem haldinn verður í Reykja-
vík næstkomandi þriðjudag. Þar
verður reynt að semja um bráða-
birgðaaðgerðir til að hindra að fleiri
lönd komist inn í veiðarnar í Síldar-
smugunni.
Fundi landanna fjögurra, sem
hófst í Ósló á fimmtudag, lauk í
gær. Einkum var rætt um hvort
mögulegt væri að ná bráðabirgða-
samkomulagi um stjórn veiðanna á
þessu ári, og ákveðið að ræða þann
möguleika nánar í Reykjavík eftir
helgina.
Styrkir stöðuna gagnvart
öðrum ríkjum
Þorsteinn Pálsson sjávarútvegs-
ráðherra sagði í samtali við Morg-
unblaðið að jákvæður andi hefði
verið í viðræðunum í Ósló. Þess
vegna hefði verið ákveðið að halda
fundinum áfram í Reykjavík.
Þorsteinn sagði að ef bráða-
birgðasamkomulag næðist, myndi
það styrkja stöðu landanna fjögurra
gagnvart öðrum aðilum. „Stóra
hættan er sú að nýir aðilar komi
þarna inn og geri hlut allra rýrari.
Auðvitað eru engar tryggingar í því
efni, en því betur sem þessar þjóð-
ir, sem teljast eigendur stofnsins,
standa saman, þeim mun meiri líkur
eru á að þær geti varið hann sam-
eiginlega fyrir öðrum,“ sagði hann.
Skip allra halda sig heima
Samkvæmt kjarasamningum
eiga skip að vera í höfn 1. maí, á
frídegi verkalýðsins. Sjávarútvegs-
og utanríkisráðherra áttu í gær-
morgun fund með lögfræðingi
Landssambands útvegsmanna og
fulltrúum allra sjómannasamtak-
anna, þar sem þeir fóru fram á að
síldarskipin færu ekki að nýju til
veiða í Síldarsmugunni fyrr en eftir
að viðræðunum í Reykjavík lyki.
„Þeir tóku því vel,“ sagði Þorsteinn.
Hann sagði að íslenzk stjórnvöld
teldu sig hafa fullvissu fyrir því að
Norðmenn, Rússar og Færeyingar
myndu jafnframt halda sínum skip-
um heima. „Norðmenn hafa til
dæmis fullyrt að þeir munj gera það
gagnvart sínum skipum. Það verður
eitt og það sama að gilda fyrir alla,“
sagði Þorsteinn.
Deilur um Smugu
höfðu ekki áhrif
Halldór Asgrímsson utanríkis-
ráðherra sagðist telja að fundurinn
hefði gengið vel og gott væri til
þess að vita að hægt hefði verið
að halda hann án þess að deilur
um veiðar í Smugunni hefðu þar
áhrif á. „Það er mat okkar að rétt
sé að halda þessu áfram og þess
vegna var sú ákvörðun tekin að
beina því til skipanna að veiðar
væru ekki stundaðar á meðan til-
raun væri gerð til að ná samkomu-
lagi. Vonandi heldur þetta áfram í
þessum anda. Við bjóðum Norð-
menn, Rússa og Færeyinga vel-
komna til Reylqavíkur," sagði Hall-
dór.
Morgunblaðið/Rúnar Þór
Flotkví afhent
FLOTKVÍIN sem Akureyrarhöfn
hefur keypt af skipasmíðastöð-
inni í hafnarbænum Klaipeta í
Litháen verður formlega afhent
ytra næstkomandi þriðjudag, 2.
maí.
Samið hefur verið við Harri
Borthen og Co A/S í Noregi um
drátt á flotkvínni frá Klaipeta til
Akureyrar, en tilboð þeirra var
upp á tæpar 8 miHjónir króna.
Búist er við að taki um hálfan
mánuð að draga kvinna þessa
leið en hún verður væntanlega
komin til Akureyrar í kringum
20. maí næstkomandi.
Unnið er að gerð kvíarstæðis
norðan skipasmíðaskemmu
Slippstöðvarinnar en því verki
verður lokið í byrjun júní.
Lést í vél-
sleðaslysi
UNGUR maður úr Garðabæ
lést í vélsleðaslysi á Akureyri
í gær.
Maðurinn sem var 21 árs
gamall ökumaður vélsleða ók
á streng í girðingu og er talið
að hann hafí látist samstundis.
Slysið varð laust eftir kl.
14 í gærdag, á túni vestan
Borgarsíðu á Akureyri. Hann
var einn á ferð á vélsleða sín-
um þegar slysið varð.
Maðurinn hugðist taka þátt
í vélsleðamóti í Hlíðarfjalli um
helgina. Mótinu hefur verið
frestað.
Morgunblaðið/Emilía
Landsvirkjun áætlar að verð til ÍSAL hækki
Tekjur hækka
um 300 millj.
STJORNENDUR Landsvirkjunar
telja að afkoma fyrirtækisins verði
mun hagstæðari árið 1995 en í
fyrra. Áætlanir Landsvirkjunar gera
m.a. ráð fyrir að tekjur af raforku-
sölu til stóriðju aukist um tæplega
300 millj. kr. á yfirstandandi ári
miðað við seinasta ár og verði 2.170
millj. kr.
Fram kom í ræðu Jóhannesar
Nordal, stjórnarformanns Lands-
virkjunar, á ársfundi fyrirtækisins
í gær, að tekjur Landsvirkjunar
hefðu aukist á seinasta ári, einkum
vegna batnandi afkomu Jámblendi-
félagsins og frá ÍSAL, vegna teng-
ingar raforkuverðs við verð á áli,
sem hefur farið ört hækkandi. I
máli Halldórs Jónatanssonar, for-
stjóra Landsvirkjunar, kom fram að
gert sé ráð fyrir að meðalverð til
ISAL hækki úr 13,22 mill á kíló-
wattstund í 17 mill á þessu ári eða
um 28,6% vegna hækkandi álverðs.
Raforkuverð til ÍSAL hefur ekki
verið svo hátt frá árinu 1989.
Jóhannes Nordal sagði að því
stefnt að niðurstaða fengist í við-
ræðum við Alusuisse-Lonza um
stækkun álbræðslunnar í Straums-
vík fyrir mitt þetta ár.
Aðalsamningamaður Alusuisse
sagði í samtali við Ríkisútvarpið í
gær að ekkert ætti að standa í vegi
fyrir að samningaviðræðum lyki í
meginatriðum í næsta mánuði.
■ Ársfundur Landsvirkjunar/6.
-Prófin nálgast
KENNSLU stúdentsefna í fram-
haldsskólum landsins er að ljúka
þessa dagana og á dimission sem
var í Menntaskólanum við Hamra-
hlíð í gær skrýddust nemendur
alls kyns furðufatnaði í tilefni
dagsins. Framundan er svo próf-
lesturinn og prófin áður en hægt
er að setja upp hvíta kollinn.
Sinueldar við
Stórhöfða
SLÖKKVILIÐIÐ var kallað út
klukkan ellefu í gærkvöldi vegna
mikilla sinuelda á stóru svæði í
grennd við sjúkrastöð SÁÁ við Stór-
höfða í Reykjavík. Skömmu síðar
var slökkviliðið einnig kallað út
vegna elds í íbúðarhúsi í Laugardal.
Sijórnarformaður Granda ræddi möguleika á veiðigjaldi á aðalfundi
Hallast að stofngjaldi
fyrir varanlegan veiðirétt
STJÓRNARFORMAÐUR Granda hf., Árni Vil-
hjálmsson prófessor, segir að sá háttur á töku
veiðigjalds, sem hann hallist helst að, sé að núver-
andi handhöfum veiðiréttar sem vilja taka við
tryggum varanlegum veiðirétti verði gert að
greiða gjald í eitt skipti fyrir öll fyrir hlutdeild
sína í aflamarki. Nefnir hann sem dæmi að 50
kr. gjald á hvert tonn aflakvóta Granda hf. myndi
gera 700 milljónir kr. í stofngjald og 7% ársvext-
ir af því þýddu 50 milljóna kr. greiðslu á ári.
Á aðalfundi Granda í gær tók Árni fram að
þessar hugleiðingar væru á sína ábyrgð þar sem
ágreiningsmál um fiskveiðistjórnun hafí lítið ver-
ið á dagskrá stjórnarfunda Granda hf. Hann
sagði að sem hreinast aflamarkskerfi væri talið
best til þess fallið að ná sem mestri hagkvæmni
við fískveiðar og sagði að það kerfi ætti hug sinn.
Þann veiðirétt sem greitt væri fyrir einsinnis-
gjald sagði Árni að væri unnt að taka eignar-
námi síðar með góðum fyrirvara, t.d. ef forsend-
ur veiðigjaldsins reyndust verulega rangar.
Kæmu þá fullar bætur fyrir, sem tækju mið af
upphaflegu gjaldi.
„Þeir sem þess óskuðu ættu kost á láni til
fjölmargra ára, enda yrðu boðnar fram viðun-
andi tryggingar, og yrði Iánið með fullum vöxt-
um, hinum sömu fyrir alla. Tekjur samfélagsins
yrðu þá fólgnar í vöxtum af lánunum og því fé,
sem kynni að verða staðgreitt. Með slíku kerfi
væri verið að færa framtíðararðinn af auðlind-
inni inn í nútíðina," sagði hann.
■ Aðalfundur Granda/16