Morgunblaðið - 21.11.1995, Blaðsíða 28

28 ÞRIÐJUDAGUR 21. NÓVEMBER 1995
MORGUNBLAÐIÐ
MENNTUN
Margmiðlunar-
tölva færð
háskólanum
LIONSKLÚBBURINN Víðarr af-
henti í liðinni viku Námsráðgjöf
Háskóla íslands að gjöf veglega
margmiðlunartölvu handa fötluðum
stúdentum. Þetta er fyrsta tölvan
sem Háskóli íslands eignast sem
sérstaklega er útbúin og ætluð fyr-
ir fatlaða stúdenta.
Fötluðum stúdentum við Háskóla
íslands (HÍ) hefur fjölgað verulega
á undanfömum árum að því er for-
svarsmenn háskólans upplýsa. Hef-
ur það gerst í kjölfar breytinga og
aukinnar þjónustu fyrir nemendur
með sérþarfir á framhaldsskólastigi
en þessar töjvur hafa gert æ fleirum
fötluðum nemendum kleift að ljúka
stúdentsprófi og hefja háskólanám.
Notkun tölvu með sérbúnaði í
fyrirlestrum og prófum sem og við
heimanám er í mörgum tilfellum
forsenda þess að fatlaðir nemendur
geti stundað nám við háskólann.
Sérbúnaður þessi er lyklaborð með
blindraletri, öflugt hljóðkort með
heymartækjum og hljóðnema og
sérstök leiðréttingaforrit.
Við afhendingu tölvunnar kom
fram að Háskóli íslands fagnar því
að stofnanir og félög í samfélaginu
eigi frumkvæði að því að leggja
háskólanum og hinum fötluðu nem-
endum lið með þessum hætti.
„Nemendur hafa fram til þessa
komist í tölvuver en þeir hafa ekki
haft aðgang að sérútbúnum tölvum,
sem hafa möguleika á að taka ný
lyklaborð, hljóðdiskum eða annað
sem þeir þurfa á að halda,“ sagði
Ásta Ragnarsdóttir.
Morgunblaðið/Ásdís
MARGRÉT Sigurðardóttir, nemandi i heimspeki við Háskóla íslands og formaður Dyslexíufélagsins,
situr við tölvuna sem félagar í Lionsklúbbnum Víðari afhentu háskólanum. Auk fulltrúa Víðars eru á
myndinni Sveinbjöm Bjömsson háskólarektor og Ásta Ragnarsdóttir forstöðumaður Námsráðgjafar HÍ.
Háskólaráð markar stefnu um fatlaða nemendur
Rúmlega 50 nemendur
þurfa sérstök úrræði
MEÐ samþykkt Háskólaráðs frá því
í sumar hefur verið mörkuð stefna
um hvaða úrræðum eigi að beita
vegna fatlaðra nemenda við Háskóla
íslands (HÍ). „Þarna er m.a. kveðið
á um að beita nýjum aðferðum í
sambandi við próf og að hafa aðbún-
að í fyririestrum sem sniðinn er að
þörfum fatlaðra einstaklinga. Áður
var undir einstökum kennurum kom-
ið hvort hliðrað var málum fyrir þá
nemendur sem I hlut áttu,“ sagði
Ásta Ragnarsdóttir forstöðumaður
Námsráðgjafar HÍ.
Ásta segir að á þeim árum sem
farið hafa í að byggja upp sérstaka
þjónustu við fatlaða hafi starfsmenn
staðið frammi fyrir þeirri spumingu,
hvort háskólinn væri að láta af
námskröfum með því að breyta út
af hefðbundnum leiðum. „Þarna hef-
ur hnífurinn staðið í kúnni. Hitt er
annað mái, að það er alls ekki rétt,
því hægt er að gera ótal margt án
þess að láta af námskröfum," sagði
Ásta.
Ymsum aðferðum er beitt til að
auðvelda fótluðum nemendum nám
eins og að hljóðrita fyrirlestra, ljósrita
glósur með stærra letri, velja hentugt
kennsluhúsnæði, hliðra námsskipun,
hægja á námsframvindu o.fl.
Úrræði sem notuð eru við próf eru
til dæmis lengri próftími, upplestur
prófs, próftaka í einrúmi, munnlegt
próf o.fh „Þeir sem eru til dæmis
með skerta orku í hendi þurfa lengri
tíma og aðrar aðstæður en þeir sem
glíma ekki við slíkt. Með þessu er
háskólinn alls ekki að draga úr kröf-
um sínum heldur einungis að mæta
þörfum fatlaðra. Fólk sem á erfitt
um tjáningu vegna fötlunar er t.d.
hægt að prófa munniega í stað skrif-
lega.“
52 þurfa úrlausn
Á vegum Námsráðgjafar eru 52
nemendur sem þurfa ýmissa úrræða
við vegna mismunandi fötlunar og
eru sumir nemendur haldnir fleiri en
einni fötlun. Átján nemendur eru
haldnir dyslexíu (les- eða skrifblindu)
en þeir hafa allir mismunandi veik-
leika. Með sálræn vandkvæði þannig
að telst til fötlunar eru 14 nemend-
ur, 13 eru haldnir langvarandi veik-
indum og 10 nemendur eru hreyfi-
hamlaðir, auk þess eru nemendur
haldnir annars konar fötlun eins og
blindu, heyrnarleysi og fleira.
Má búast við að fötluðum nemend-
um fjölgi enn frekar í háskólanum á
næstu árum vegna mikils íjölda
þeirra í framhaldsskóla. Einungis á
höfuðborgarsvæðinu eru 262 fram-
haldsskólanemar sem búa við ein-
hvers konar fötlun. Þar af eru 207
haldnir dyslexíu, 28 eru heyrnar-
skertir, 14 eru hreyfihamlaðir og 7
nemendur eru blindir eða sjónskertir.
Færri nemendur fylla aðra flokka.
Spurð hvort skólinn hafi aðstöðu
til að taka á móti miklum fjölda fatl-
aðra nemenda á næstunni sagði Ásta
að heilmikið þyrfti að gera til viðbót-
ar innan skólans. „Við erum að
byggja aðstoðina upp smám saman,
koma okkur upp ákveðnum vinnu-
reglum, sem stefna að því að tryggja
að sem minnst fari úrskeiðis," sagði
hún en bætti við að einnig skipti
máli að upplýsa kennara, nemendur
og aðstandendur um hvaða mögu-
leikar væru í boði.“
Hún tók þó fram að breyting væri
að verða í skólakerfinu, einkum varð-
andi nemendur með dyslexíu, þannig
að þeir væru greindir mun fyrr. Hins
vegar gætti enn fordóma hjá almenn-
ingi og væri nauðsynlegt að fá aukna
umræðu um þessa fötlun. „í stað
þess að flokka nemendur sem tossa
er hið þveröfuga að koma í ljós. All-
ir þeir dyslexíunemendur, sem komn-
ir eru á háskólastig, eru með háa
Fatlaðir nemendur
við Háskóla íslands
Fatlaöir nemendur eru 52,
sumir eiga við fleiri en
eina fötlun að etja
Tegund fötlunar tilfella
Blinda/Siónskerðina 2
Dyslexia 18
Fjðifötlun
Heyrnarskerðing 1
Hreyfihömlun 10
Lanqvarandi veikindi 13
Málteysi 1
Sálræn vandkvæðt 14
Samtals: 60
greindarvísitölu. Fæstir hafa fengið
aðra fyrirgreiðslu en þá að aðstand-
andi hafi setið með nemandanum
tímunum saman og aðstoðað hann
við nárnið."
Sérstakur sjóður
í framhaldi af þessum málum hef-
ur verið leitað samstarfs við mennta-
málaráðuneyti um að stofna sér-
stakan sjóð til að standa straum af
viðbótarkostnaði vegna nauðsyn-
legra úrræða. „Þjónustan getur verið
mjög dýr. Til dæmis getur kostað
um 100 þúsund krónur að lesa stóra
líffræðibók inn á band fyrir blindan
einstakling. Við reynum einnig að
fá bækur erlendis, sem er ódýrara,
en það er ekki alltaf hægt. Kostnað-
urinn til lengri tíma verður því mjög
mikill," sagði Ásta Ragnarsdóttir.
Skólameistarafé-
lag um launamál
Vilja að
kjaranefnd
úrskurði
FÉLAGAR í Skólameistarafélagi
íslands hafa óskað eftir því að
kjaranefnd úrskurði um kjör þeirra,
en mikil óánægja er bæði innan
Skólameistarafélagins svo og
Skólastjórafélags Islands um launa-
kjör æðstu stjórnenda. Er skóla-
meisturum og skólastjórum raðað í
launaflokka með tilliti til stærðar
skóla.
Að sögn Margrétar Friðriksdótt-
ur, formanns Skólameistarafélags
íslands, hafa skólameistarar ekki
verkfallsrétt og engan fulltrúa í
samninganefnd HÍK, sem fer með
samningsrétt skólameistara. „Það
tíðkast yfirleitt ekki að undirmenn
semji fyrir yfirmenn sína. Því finnst
okkur eðlilegt að kjaranefnd úr-
skurði um laun okkar eins og laun
annarra forstöðumanna hjá ríkinu,"
sagði hún.
Hún benti jafnframt á að nánast
ekkert tillit væri tekið til viðbótar-
menntunar sem skólastjórar afli sér
með háskólanámi eða á einstökum
námskeiðum. „Það virkar ekki
hvetjandi fyrir menn að afla sér
viðbótarmenntunar,“ sagði hún.
skólar/námskeið
tölvur
■ Tölvunámskeið
- Windows 3.1
-Windows3.11 ásamt Mail og Scedule
- Word 6.0 fyrir Windows og Macintosh
- WordPerfect 6.0 fyrir Windows
- Excel 5.0 fyrir Windows og Macintosh
- PageMaker 5.0 f. Windows/Macintosh
- Access 2.0 fyrir Windows
- PowerPoint 4.0 f. Windows/Macintosh
- Tölvubókhald
- Novell námskeió fyrir netstjóra
- Word og Excel uppfærsla og framhald
- Unglinganám, Windows eða forritun
- Windows forritun
- Internet grunnur, frh. eða HTML skjðl
Kennt er á nýjustu útgáfur og veglegar
kennslubækur fylgja öllum námskeióum.
Upplýsingar og skráning í síma
561-6699.
Ql Tolvuskóli Reykiavíkur
,lí*«rjíöMum 28. simi 669«.
■ Tölvuskóli í fararbroddi.
ÖU hagnýt tölvunámskeió.
Fáóu senda námsskrána.
tungumái
■ Enskunám f Englandi
Við bjóðum enskunám við einn virtasta
málaskóla Englands. Skólinn sér þér fyrir
fæði og húsnæði hjá enskri fjölskyldu. Um
er að ræða alhliða ensku, 18 ára og eldri,
2ja til 11 vikna annir; unglingaskóla, júlí
og ágúst, 13-17 ára, 4ra vikna annir; við-
skiptaensku, 2ja og 4ra vikna annir.
Allar nánari upplýsingar gefur
Jóna María Júlíusdóttir eftir
kl. 18 í síma 462 3625.
Vagnarí
skólaakstri
ílagi
STARFSMENN Vélamiðstöðvar
Reykjavíkurborg-ar hafa yfirfar-
ið þær 6-7 bifreiðar sem notaðar
eru til skólaaksturs á vegum
borgarinnar. Niðurstaðan varð
sú að ástand þeirra var fullnægj-
andi.
Að sögn Viktors Guðlaugsson-
ar forstöðumanns Skólaskrif-
stofu Reykjavíkur kom ábending
frá utanaðkomandi aðila um að
kanna ástand vagnanna. „Við
brugðumst strax við, sendum
vagnana til Vélamiðstöðvarinnar
og ekkert óeðlilegt kom í ljós
við þá skoðun,“ sagði hann.
Morgunblaðið/RAX
SKÓLABÍLAR á höfuðborgarsvæðinu hafa nýlega verið
yfirfarnir og fannst ekkert athugavert.