Morgunblaðið - 17.04.1996, Blaðsíða 12

12 MIÐVIKUDAGUR 17. APRÍL 1996
MORGUNBLAÐIÐ
AKUREYRI
Bæjarstjórn hefur ekki markað stefnu varðandi sölu á hlutabréfum í ÚA
Allt er betra en að halda
fyrirtækinu í óvissu
Listasafnið
Mikil aðsókn
á sýningar
GREINILEGT er að sýningarnar
tvær í Listasafninu á Akureyri, þar
sem kvenlíkaminn er í öndvegi, höfða
til bæjarbúa og gesta, en um 600
manns lögðu leið sína í safnið um
heigina.
Annars vegar eru sýndar á fjórða
tug módelmynda eftir Gunnlaug
Blöndal undir yfirskriftinni „Konan
og nekt hennar" og hins vegar ljós-
myndir eftir bandaríska ljósmynd-
arann Bill Dobbins, en sýning hans
ber yfirskriftina „Stálkonan".
Stöðugur straumur
„Það er alveg gríðarlegur áhugi á
þessum sýningum," sagði Haraldur
Ingi Haraldsson, forstöðumaður
Listasafnsins á Akureyri. „Það var
stöðugur straumur fólks á safnið alla
helgina og biðröð um tíma upp stig-
ann hérna hjá okkur. Það er greini-
legt að þessar sýningar höfða til al-
mennings, en ég geri ráð fyrir að
næst á eftir sýningu á verkum Errós
dragi þessar sýningar að sér flesta
gesti.“
Sýningarnar í Listasafninu á Ak-
ureyri standa til 30. apríi næstkom-
andi, en safnið er opið alla daga
nema mánudaga frá kl. 14 til 18.
ENGAR SKÝRAR línur um afstöðu
bæjarstjórnar Akureyrar varðandi
sölu á hlutabréfum sínum í Utgerð-
arfélagi Akureyringa liggja fyrir
aðalfund ÚA sem haldinn verður
næstkomandi mánudag. Bæjarfull-
trúar minnihlutans í bæjarstjórn
telja miður að engar ákvarðandi liggi
fyrir fundinum um hvað Akureyrar-
bær ætli sér og segja bæjarstjórn
valda félaginu mikilli óvissu.
Meirihluti bæjarstjórnar sam-
þykkti að selja öll seljanleg hluta-
bréf í eigu Framkvæmdasjóðs Ak-
ureyrarbæjar í tengslum við gerð
fjárhagsáætlunar. Oskað var eftir
greinargerðum frá Landsbréfum og
Kaupþingi Norðurlands um sölu
hlutabréfa bæjarins í fyrirtækinu,
þær bárust í mars og voru ræddar
í bæjarráði í síðustu viku sem og
einnig beiðni stjórnar ÚA um við-
ræður um kaup á að minnsta kosti
10% af heildarhlutafé í félaginu.
Bæjarráð frestaði að taka ákvörðun
um söluna á fundinum.
Úlfakreppa
Sigríður Stefánsdóttir, Alþýðu-
bandalagi, sagði að mikill titringur
hefði orðið eftir yfirlýsingu meirihlut-
ans um að selja bréfm í ÚA, bæði
meðal bæjarbúa og hluthafa. „Fólk
hefur verið að bíða eftir hvað bæjar-
stjórn ætlaði að gera í málinu og
margir undrast að nánast ekkert
hefur verið um málið raAt í bæjar-
ráði. Við áttum von á að meirihlutinn
kæmi fram með einhveijar hugmynd-
ir um hvemig staðið yrði að málum
og forseti bæjarstjórnar hefur lýst
því yfir að lína bæjarstjómar yrði að
liggja fyrir á aðaifundinum. Það er
ljóst að engin slík lína verður kynnt
á þeim fundi,“ sagði Sigríður og
bætti við að fyrirtækið væri í úlfa-
kreppu vegna þessa máls, erfitt væri
að taka ákvarðanir varðandi rekstur-
inn meðan óvissan ríkti.
„Það hefur ekki verið mörkuð skýr
stefna um eignarhald bæjarins í fyrir-
tækinu og ekki verður hægt að upp-
lýsa á aðalfundinum hver stefna
bæjarstjórnar er,“ sagði Sigurður J.
Sigurðsson, Sjáifstæðisflokki, og
einnig að fulltrúi bæjarins á fundin-
um myndi ekki tala í umboði bæjar-
stjórnar. Hann nefndi að í skýrslum
um sölu hlutabéfanna kæmi fram að
hæst verð fengist yrðu þau seld á
almennum markaði og í því lægju
hagsmunir bæjarins til skemmri tíma
litið en til lengri tíma væri farsælast
að fyrirtækið efldist og dafnaði á
Akureyri.
„Það er allt betra en halda fyrir-
tækinu í óvissu, en það er ekki við
minnihlutann að sakast þó þessi staða
sé nú uppi á borðinu," sagði Sigurður.
Guðmundur Stefánsson, Fram-
sóknarflokki sagði brýnt að taka
ákvörðun í málinu, því fyrr því betra
og sjálfur hefði hann gjarnan viljað
að ákvarðanataka væri að baki. Sín
skoðun væri að bærinn ætti að selja
bréfín, það væri heppilegast bæði
fyrir bæinn og fyrirtækið. „Sé fyrir-
tækið í úlfakreppu, þá er það ekki
vegna þessa máls, það eru alvar-
legri hlutir sem þar liggja að baki,“
sagði Guðmundur og benti á þá stað-
reynd að sjávarútvegsfyrirtæki víða
um land væru að skila hagnaði, sum
umtalsverðum, en hið sama væri
ekki uppi á teningnum hvað ÚA
varðaði.
„Ég get ekki séð annað en það
sé beinlínis nauðsynlegt fyrir félagið
að það skipti um eigendur, sem þá
geta fært því eitthvað meira en
bærinn gerir,“ sagði Guðmundur.
Skíðastaðatrimm
í Hlíðarfjalli
Enn eitt
bikarmótið
flutt til
Akureyrar
SKÍÐASTAÐATRIMM - íslands-
gangan 1996 fer fram í Hlíðarfjalli
laugardaginn 20. apríl nk. og hefst
gangan við Strýtu kl. 14. Þátttakend-
ur geta valið um tvær vegalengdir, 5
eða 20 km.
Skráning fer fram í Skíðahótelinu
á keppnisdag milli kl. 12 og 13.30.
Þátttökugjald er kr. 1000 fyrir kepp-
endur og kr. 500 fyrir aðra þátttak-
endur en ókeypis fyrir börn 12 ára
og yngri.
Þá fer fram í Hlíðarfjalli um helg-
ina bikarmót SKÍ í alpagreinum í
flokki 13-14 ára pilta og stúlkna.
Keppt verður í svigi og stórsvigi og
hefst keppni kl. 10.30 laugardag og
sunnudag. Bikarmót þetta átti að
fara fram á Seyðisfírði en vegna snjó-
leysis þar er það flutt til Akureyrar.
Dalvík er varastaður fyrir mótið
en þar er einnig snjóleysi. Það eru
engu að síður Dalvíkingar, í samvinnu
við SRA og starfsfólk Skíðastaða í
Hlíðarfjalli, sem sjá um framkvæmd
mótsins. Gert er ráð fyrir að um 150
keppendur mæti til leiks.
Ketilshúsið
Lesið í ísinn
„LESIÐ í ísinn“ er heiti á sýn-
ingu sem opnuð verður í Ketil-
húsinu við Kaupvangsstræti
næstkomandi laugardag, 20.
apríl, kl. 14.
Þar verða sýndir borkjamar
úr Grænlandsjökli sem vísinda-
menn á vegum Vísindasjóðs
Evrópu boruðu árin 1990-’92.
Djúpt í Grænlandsjökli leynast
marghátt'aðar upplýsingar sem
fram að þessu hafa verið huldar
mönnum en líta nú fyrst dagsins
ljós. I borkjörnunum má fínna
mikið af upplýsingum um lofts-
lag, veðurfar og atburði sem
höfðu áhrif á Iíf fólks, dýra og
jurta, s.s. eldgos, skógarelda,
styrk geimgeislunar og fleira.
Einnig um það hvemig maður-
inn hefur bragðist við og haft
áhrif á þróun náttúrannar.
íslendingar áttu aðild að verk-
efninu, en tveir íslenskir vísinda-
menn tóku þátt í því fyrir ís-
lands hönd og var annar þeirra,
Sigfús J. Johnsen prófessor,
stjórnandi boranarinnar.
Menntamálaráðherra Dan-
merkur opnar sýninguna að við-
stöddum sendiherra Dana á Is-
landi, menntamálaráðherra Is-
lands og bæjarstjóra Akureyrar.
Sýningin verður opin frá kl.
14 til 18 alla daga og stendur
til 28. apríl næstkomandi.
Morgunblaðið/Kristján
Adalfundur
r
Utgerðarfélags Akureyringa hf.
verður haldinn mánudaginn 22. april 1996
í matsal félagsins og hefst kl. 16.00.
Fundarefni:
1. Venjuleg aðalfundarstörf
2. Lagabreytingar.
3. Önnur mál.
Arsreikningur fyrir árið 1995
liggur frammi á skrifstofu félagsins
til sýnis á skrifstofutíma.
Stjórn Útgeróarfélags Akureyringa hf.
Agæt bleikjuveiði á Pollinum
AKUREYRINGAR nota veður-
blíðuna til útivistar og í gær var
til að mynda hópur fólks að
reyna við silung á stöng á Pollin-
um, sunnan Leiruvegar. Afla-
brögð voru ágæt og voru menn
að fá allt upp í þriggja punda
sjógenginn silung. Einnig var
nokkuð um niðurgöngufisk en
veiðimennir gerðu minna af því
að hirða hann, enda er sá silung-
ur frekar magur.
Almennur félagsfundur
í Útvegsmannafélagi
Norðurlands
verður haldinn næstkomandi fimmtudag,
18. apríl, kl. 15.00, að Hótel K.E.A.
Stjórn útvegsmannafélags Norðurlands.
Formanna-
fundur
aldraðra
LANDSSAMBAND aldraðra stend-
ur fyrir formannafundi á Akureyri
á morgun fimmtudag og á föstu-
dag. Fundurinn sem fram fer í
Húsi aldraðra hefst kl. 13 á morg-
un.
Fjölmörg erindi verða flutt á
fundinum og á meðal fyrirlesara
er Olafur Olafsson, landlæknir sem
mun hefja sitt mál kl. 10 á föstudag.