Morgunblaðið - 01.09.1996, Blaðsíða 30

30 SUNNUDAGUR 1. SEPTEMBER 1996
MORGUNBLAÐIÐ
'
KVIKMYNDIR/Háskólabíó og Sambíóin sýna nú myndina Twister með Helen Hunt
og Bill Paxton í aðalhlutverkum. Leikstjóri er Jan De Bont en meðal framleiðenda þessarar
stórmyndar, sem slegið hefur í gegn vestanhafs, eru Steven Spielberg og Michael Crichton.
Veður-
fræðingar
í ham
FLESTIR eru þannig gerðir
að þeim stendur ótti af
hvirfilbyljum og storm-
sveipum. Á þeim svæðum jarðar-
innar þar sem þess konar náttúru-
hamfarir geisa er talið skynsam-
iegt að taka enga áhættu heldur
bíða af sér veðrið niðri í kjallara
eða á öruggum stað. En það vilja
ekki allir vera skynsamir og forð-
ast áhættu. Þeir eru til sem vit-
andi vits sækja á þau svæði þar
sem hvirfilbylja er von og bíða
eftir því að fari að hvessa. Það eru
spennufíklar sem æða í adrenalín-
vímu til móts við hringiðu eyði-
leggingarinnar og leggja sig í
bráða lífshættu og segjast vera að
reyna að skilja þetta náttúrufyrir-
bæri og vonast til þess að mann-
kynið geti einhvern tímann fundið
tækni til að virkja og hemja þessa
ógnarkrafta. Þetta eru hetjurnar í
Twister; veðurfræðingar að eltast
við banvæna hvirfilbyiji. Útkoman
er ein vinsælasta kvikmynd sum-
arsins vestanhafs.
Aðalleikendur Twister eru Helen
Hunt og Bill Paxton. Helen er þekkt
t.d. úr kvikmyndunum Waterdance,
Kiss of Death og Peggy Sue Got
Married, en er ein þekktasta sjón-
varpsstjarna Bandaríkjanna og er
vinsælust þar í landi fyrir leik í
hinni geysivinsælu sjónvarpsseríu
Mad About You.
Leikaraferill Bill Paxton tók
flugið þegar hann aðstoðaði Tom
Hanks við að lenda Appollo 13.
Áður lék hann m.a í One False
Move og Trespass.
Helen og Bill leika Jo og Bill
Harding, veðurfræðinga og hjón,
sem hafa fjarlægst og eru komin
að því að skilja þegar örlögin taka
í taumana og áður en varir eru þau
lögð af stað saman til þess að bjóða
dauðanum birginn einu sinni enn í
eltingaleik við hvirfilbyl um sléttur
Oklahoma.
Þar er von á mesta óveðri sem
sögur fara af í hálfa öld og Jo von-
ast til að komast þar í tæri við ijöl-
marga hvirfilbylji. Óveðrið í Okla-
homa gefur henni og félögum henn-
ar færi á að ljúka sínum rannsókn-
um, leysa gátuna og skrá nöfn sín
gylltu letri í sögu veðurfræðinnar.
Tregur í taumi slæst tilvonandi
fyrrverandi eiginmaður hennar,
Bill, í hópinn ásamt nýrri kærustu
sinni (Jami Gertz). En það er annar
hópur veðurfræðinga á svipuðu róli
í sínum rannsóknum og Jo og Bill
Harding. Helstu keppinautar hjón-
anna um veðurfræðilegan ódauð-
leika, dr. Jonas Miller (Cary Elwes)
og félagar, eru einnig mættir til
Oklahoma, með betri tæki og meiri
peninga.
Báðir hóparnir vilja reyna að
koma sendi inn í miðju hvirfilbylj-
anna til þess að fá þar aðgang að
ómetanlegum gögnum um hegðun
þessara fyrirbæra. Skilningur á
þeim gæti komið í veg fyrir millj-
arða tjón og bjargað lífi þúsunda.
Það er því mikið í húfi og einhveij-
ir veðurfræðingar gætu þurft að
fórna lífi sínu í þágu framfaranna.
Myndin er sögð byggja á störfum
raunverulegs fólks, sem hefur að-
setur á því svæði miðvesturríkja
Bandaríkjanna, sem kallast Dalur
hvirfilbyljanna, Tornado Valley.
Þar er á ferð hópur ofurhuga sem
er sendur á vettvang þegar óveðri
er spáð. Veðurstofan getur aðeins
spáð um líkurnar á hvirfilbyl en
ekki sagt fyrir um hættuna með
vissu.
Twister er kvikmynd þar sem
hraði, spenna_ og tæknibrellur eru
í fyrirrúmi. Ábyrgð á útkomunni
ber Hollendingurinn Jan De Bont,
sem átti að baki langan feril sem
eftirsóttur myndatökumaður þegar
hann þreytti frumraun sem leik-
stjóri í Speed þar sem Keanu Reev-
es og Sandra Bullock voru í aðal-
hlutverkum. Twister er önnur kvik-
myndin sem hann leikstýrir.
„Ég vildi að þessi kvikmynd yrði
eins raunveruleg og mögulegt væri
og vildi þess vegna að hún yrði
tekin úti á víðáttunni þar sem
hvirfílbyljimir geisa. Ég vildi að
áhorfendur fengju á tilfinninguna
að þeir væru þátttakendur í þessari
mynd, fyndist þeir tilheyra þessum
hópi fólks sem eltist við storminn,"
segir Jan De Bont. „Ég hef gaman
af því að segja frá hlutum sem
gerast í raunveruleikanum. I mín-
um huga er lífið eins og hasar-
mynd; það er spennandi og það
í HRINGIÐU stormsins. Bill Harding (Bill Paxton) og Jo
Harding (Helen Hunt) reyna að komast í skjól.
HVIRFILBYLUR í aðsigi.
HELEN Hunt, Bill Paxton, Jami Gertz og Cary Elwes
eru aðalleikarar Twister.
reyni ég að laða fram í mínum
myndum."
De Bont segir að stjörnur
myndarinnar séu ekki aðeins Hunt,
Paxton, Cary Elwes og Jami Gertz,
sem leikur kærustu Bills. Fimmta
stjarnan er í titilhlutverkinu, hvirfil-
bylur sléttunnar, sem Bandaríkja-
menn kalla Twister. „Það er ekkert
dramatískara, gjöfulla og kröftugra
en náttúran. Enginn getur keppt
við hana, hvorki með leik, skrifum
né leikstjórn. Það sigrar enginn
himnana. Þar mætir egóið ofjarli
sínum,“ segir leikstjórinn.
Jan De Bont hefur látið vel að
hrífa áhorfendur með í spennuatrið-
um. Um leyndardóm þess segir
hann þetta: „Ég vil helst taka kvik-
mynd frá sjónarhorni áhorfandans.
Ég sé sjálfan mig alltaf fyrir mér
í sæti í kvikmyndahúsi og spyr
mig: hvað vil ég sjá núna? Ég set
myndavélar á þessa óvenjulegu,
óvæntu staði til þess að draga
áhorfendur inn í atburðarásina. Eg
er eins og hver annar áhorfandi sem
borgar 550 krónur fyrir miðann
sinn. Ég vil skemmta mér í bíó.
Ef ég hef ekki gaman af mynd-
inni, hvers vegna ætti þá einhver
annar að skemmta sér yfír henni?“
Handrit myndarinnar er hið
fyrsta sem Michael Crichton skrifar
ásamt eiginkonu sinni Anne-Marie
Martin. Crichton er sem kunnugt
er höfundur metsölubókanna um
Júragarðinn, Congo, Rising Sun og
Disclosure, sem allar hafa jafn-
framt orðið að kvikmyndum sem
hlotið hafa metaðsókn. Crichton er
einnig höfundur og framleiðandi
sjónvarpsþáttanna ER, Bráðavakt-
arinnar. Steven Spielberg vinnur
nú að kvikmynd eftir nýjustu bók
kappans, The Lost World.
Hjónin ákváðu að skrifa eitthvað
um hvirfilbylji. „Umijöltunarefnið
er sjónrænt í eðli sínu,“ segir
Crichton. „Hvirfilbylur er kröftugur
og óútreiknanlegur og endist aðeins
í fáar mínútur. Þetta er tilvalið
umfjöllunarefni fyrir kvikmynd."
Þess vegna lá strax fyrir að verið
væri að semja kvikmyndahandrit
en ekki bók. Hjónin lögðust í ítar-
legar rannsóknir á byljum og því
fólki sem eltist við þá; rannsóknar-
aðferðum þess og talsmáta.
Twister er framleidd af fyrirtæki
Steven Spielbergs, sem er einn
framleiðenda myndarinnar, ásamt
samstarfskonu sinni til margra ára,
Kathleen Kennedy, Michael Cricht-
on og fleirum.
Þessu gengi hefur ekki brugðist
bogalistin frekar en fyrri daginn.
Með Jan De Bont við stjórnvölinn
og nafn Spielbergs, Kennedy og
Helen Hunt sem þekkta aðstand-
endur myndarinnar sló Twister í
gegn vestanhafs, tók inn fúlgur fjár
þegar hún var frumsýnd fyrri part
sumars. Ásamt myndunum Missi-
on: Impossible og Independence
Day, er Twister mest sótta mynd
sumarsins vestanhafs.