Morgunblaðið - 09.11.1997, Síða 21

MORGUNBLAÐIÐ
SUNNUDAGUR 9. NÓVEMBER 1997 21
Reuters
MAKOTO Kobayashi, yf irmaður framkvæmdanef ndar Vetrarólympíuleikanna í Nagano,
til vinstri, hellsar upp á Marc Hodler, forseta alþjóðaskíðasambandslns.
Ágreining-
ur um brun-
brautina í
Nagano
MIKILL ágreiningur er milli Alþjóða
skíðasambandsins, FIS, og fram-
kvæmdanefndar Vetrarólympíuleik-
anna í Nagano um brunbrautina á
leikunum, sem fram fara í febrúar
á næsta ári. Alþjóða skíðasambandið
krefst þess að brautin verði lengd,
en Japanir eru alfarið á móti því.
Þetta þrætuepli hefur tekið mikinn
tíma í sambandi við undirbúning
ieikanna.
Marc Hodler, forseti alþjóðaskíða-
sambandsins, og Makoto Kobayashi,
formaður framkvæmdanefndar leik-
anna í Nagano, hafa þráttað um
brunbrautina á fundum sínum meira
og minna í heilt ár án árangurs.
Kobayashi er einn valdamesti emb-
ættismaður í japönsku stjórnkerfi
og þykir mjög íhaldssamur. Hann
tekur ekki í mál að lengja brunbraut-
ina og segir að því ráði umhverfis-
sjónarmið. Hodler þykir líka fastur
fyrir og hefur meðal annars hótað
að fella niður keppni í bruni verði
Japanir ekki að ósk skíðasambands-
ins. Þeir eru báðir lögfræðingar að
mennt og forðast helst að horfast í
augu á fundum enda ekki á sömu
bylgjulengd í skoðunum sínum.
Hodler segir brautina, þar sem
Japanir hafa sett rásmarkið í 1.680
metra hæð, ekki fullnægja þeim
kröfum sem gerðar eru til brun-
brautar á Ólympíuleikum. Hann vill
að rásmarkið verði fært upp í 1.800
metra hæð eins og svissneski brun-
kappinn Bernhard Russi hafí upp-
haflega hannað brautina. Það sem
mælir gegn því að færa rásmarkið
ofar er að brunbrautin er þá komin
inn á friðað svæði - þjóðgarð og
það er bannað í Japan, þó svo al-
menningur renni sér þegar á skíðum
á þessu umdeilda svæði.
Á fundi lögfræðinganna um síð-
ustu helgi var ákveðið að endanleg
ákvörðun um lengd brunbrautarinn-
ar yrði tekin á fundi í Japan 20.
nóvember. Hodler, sem er 72 ára
og hefur verið forseti FIS síðan
1951, er viss um hver niðurstaðan
verður á fundinum. Hann er mála-
maður góður enda talar hann
frönsku, ensku, ítölsku og þýsku.
ÍÞRÓTTIR
Kobayashi, sem ávallt notast við
túlk sér til halds og trausts, talar
aðeins eitt og eitt orð í ensku og
notar þau þegar hann gerir að gamni
sínu og segir þá gjarnan: „No com-
ment.“ Þeir hafa sent hvor öðrum
tóninn í fjölmiðlum og baðst Hodler
m.a. afsökunar á því sem haft var
eftir honum í japönsku dagblaði, þar
sem hann líkti Kobayashi við Fidel
Castro, einræðisherra Kúbu.
Gian Franco Kasper, fram-
kvæmdastjóri Alþjóðaskíðasam-
bandsins, segir að japanska ólymp-
íunefndin verði að beygja sig undir
kröfu FIS. „Við munum halda okkur
við kröfuna um að brautin nái upp
í 1.800 metra hæð eins og við höfum
gert undanfarin þrjú ár. Við munum
að sjálfsögðu ekki bijóta japönsk
lög, en það eru um 600 þúsund
skíðamenn sem renna sér á þessu
umdeilda svæði á hveiju ári. Það
þarf því enginn að segja mér að 70
brunkappar muni skaða náttúruna,"
sagði Franco Kasper. „Þetta verður
ákveðið 20. nóvember. Boltinn er
nú hjá framkvæmdanefnd leikanna
í Nagano, það er hennar að taka
ákvörðun en þetta er ekki einkamál
Makoto Kobayashi," sagði fram-
kvæmdastjóri FIS.
Ákærur á
hendur A-
Þýskalandi
felldar niður
ÁKÆRUVALDIÐ í Berlín hefur
ákveðið að falla frá ákærum á hend-
ur fímm sundþjálfurum í fyrrum
Austur-Þýskalandi, en þeir voru
ákærðir á dögunum fyrir að hafa
gefið íþróttamönnum sínum ólögleg
lyf er þeir æfðu undir leiðsögn
þeirra. Ástæðan fyrir því að fallið
er frá ákærunum er sú að íþrótta-
mennirnir voru ekki undir lögaldri
þegar lyfin voru gefín og um leið
að þeir hafi haft vitnesku, a.m.k.
grun, um verið væri að gefa þeim
hormónalyf.
„Af þeirri ástæðu að áhrif þess-
ara steralyfja eru lítilsháttar á
menn og sökum þess að engar sann-
arnir hafa komið fram um að börn-
um og unglingum hafí verið gefín
þessi efni þá var rétt að falla frá
ákæru,“ sagði Rúdiger Tretow, for-
seti þýska sundsambandsins, DSV.
Mál þjálfaranna fimm eru á með-
al átta annarra sem verið hafa til
rannsóknar og snerta þjálfara og
lækna hjá sundfélaginu SC Dynamo
Berlin sem starfaði í austurhluta
Berlínar fyrir hrun Berlínarmúrsins
1989. Á meðal þeirra mála sem enn
er verið að rannsaka er grunur á
hendur fjórum þjálfurum félagsins
sem talið er að hafí gefíð ungmenn-
um undir lögaldri lyf án vitneskju
þeirra eða foreldra. Fjórmenning-
arnir sem um er að ræða eru Rolf
Glaesser, Volker Frischke, Dieter
Lindemann og Dieter Krause, en
sá síðastnefndi er kominn á eftir-
laun og hættur þjálfun.
Eg fæ aldrei gluggaumslög.
Eg fæ i>jónustu!
Þess vegna er ég í Vörðunni!
L
Landsbanki l'slands
Elnstaklingsviðskipti
T r a u s tið er hjá þér og ábyrgðin hjá okkur