Morgunblaðið - 15.03.1998, Blaðsíða 17
MORGUNBLAÐIÐ
LISTIR
SUNNUDAGUR 15. MARZ 1998 17
Glaumgosinn
McNally og Fab-
ergé-eggið dýra
Wooster og Wimsey
ERLENDAR
BÆKUR
Lawrence Sanders: McNally tekur
áhættu, „McNally’s Gamble". Berkley
International Edition 1997. 358 siður.
Spennusagnahöfundurinn Law-
rence Sanders hefur á næstum 30
ára ferli sent frá sér hverja met-
sölubókina af annarri. Sú fyrsta var
„The Anderson Tapes“ frá árinu
1970 sem samnefnd kvikmynd var
gerð eftir með Sean Connery í aðal-
hlutverki. Síðan hefur Sanders ver-
ið iðinn við kolann og skrifað hátt á
fjórða tug spennusagna og segja út-
gefendur hans að bækurnar hafí
verið prentaðar í 50 milljón eintök-
um og verið gefnar út í ríflega tutt-
ugu löndum.
Sjö af bókum hans fjalla um ein-
staklega skemmtilegan glaumgosa
og piparsvein sem heitir Archy
McNally og glæpamál hverskonar
sem hann leysir á Palm Beach. Sú
nýjasta heitir „McNally’s Gamble“
sem kannski mætti þýða sem
McNally tekur áhættu og kom út í
vasabroti í lok síðasta árs. Er um
heilmikinn skemmtilestur að ræða
þar sem Archy þessi er hin spaugi-
legasta týpa og aukapersónumar
margar kostulegar skrípamyndir,
einkum faðir glaumgosans, auk þess
sem glæpamálið sjálft er á léttum
nótum og yfír því einhver gamaldags
stássstofurólegheit.
Sanders er fyndinn penni sem líkt
hefur verið við Dorothy Sayers, höf-
und bókanna um Peter Wimsey lá-
varð, og jafnvel P. G. Wodehouse.
METSÖLUHÖFUNDURINN
Lawrence Sanders er sagður
hafa selst í 50 milljónum ein-
taka en nýjasta saga hans
heitir McNally tekur áhættu.
Segir t.d. í bókadómi í The New
York Times um Áhættuna að
McNally sé einskonar sambland af
einni frægustu sögupersónu Dashiell
Hammetts, Nick Charles, og Bertie
Wooster úr Wodehouse-sögunum.
Það er ekki leiðum að líkjast. Eins
og Charles er McNally klókur mann-
þekkjari og einkaspæjari og eins og
Wooster er hann kominn af mjög
sæmilega efnuðu fólki og er gersam-
lega óforbetranlegur letingi nema
sem samkvæmisljón og kvennamað-
ur. Hann er altso 37 ára gamall og
býr enn í foreldrahúsum, drattast á
lappir einhvemtímann fyrir hádegi,
er sífellt að úða í sig fínum vínum og
frægum réttum, fer kannski á
kontórinn og kannski ekki og býður
fógrum konum út að borða og gefur
þeim dýrar gjafír. Glaumgosinn lif-
andi kominn og hann veit af því.
Klæðnaður er honum sérstakt
áhugamál og hann hefur þá reglu að
þegar syrtir í álinn sé best að mæta
til leiks óaðfinnanlega klæddur.
Hann starfar sem spæjari á lög-
fræðistofu föður síns og fær nú það
verkefni að komast að því hvort ver-
ið sé að féflétta eina af ríku kerling-
unum á Pálmaströnd. Henni hefur
verið boðið að kaupa á a.m.k. hálf-
virði eitt af hinum svokölluðu Fa-
bergé-eggjum sem smíðuð voru fyr-
ir rússnesku keisarafjölskylduna
upp úr aldamótunum. Það verður
verkefni letingjans að komast að því
hvort þeir sem hafa milligöngu um
söluna séu svikahrappar. Morð er
framið og jafnvel mannrán áður en
yfir líkur og gosinn McNally lendir í
lífshættu en þó aldrei fyrr en vel er
liðið á daginn.
McNally frábær
Sanders er háðskur vel þegar
hann lýsir þankagangi aðalpersón-
unnar en það skemmtilegasta við
McNally er að hann gerir sér full-
komna grein fyrir því lífi sem hann
lifir og hvernig það er á margan hátt
sérkennilegt fyrir mann á þessum
aldri. Hann talar jafnvel um það
beint við lesandann og ávarpar hann
og áréttar suma hluti við hann.
Stundum er eins og lesandinn virki
eins og prestur í skriftastól að hlýða
á McNally segja frá duttlungum sín-
um og syndum og auðvitað er honum
fyrirgefið allt, jafnvel þótt hann geti
ekki énn reiknað út prósentur á
vasareikni.
Spaugilegast af öllu er samband
hans við fóður sinn, sem er einstak-
lega strangur lögmaður og aristókrat,
næstum prússneskur í háttum, og
þykir eflaust lítið til sonarins koma án
þess samt að sýna það of mikið.
McNally ber takmarkalausa virðingu
fyrir honum og fer ávallt af fundi
hans fullur lotningar. Aðrar persónur
lífga einnig upp á söguna eins og
Binky Watrous, iðjulaus vinur
McNallys, og kærasta spæjarans sem
alltaf er til í tuskið.
McNally tekur áhættu er
skemmtilestur hreinn og klár.
Glæpamálið er ekki verri uppfylling
en hvað annað en það sem heldur
lesandanum ánægðum er frábært
skopskyn Sanders.
Arnaldur Indriðason
MaelaborS m. viiaróferS
Stillanleg bök a aftursætum ásamt armpuöum
PRB diskahemlar á öllum hjálum
Hraöanæmt vökvastýri
(Þyngist meft auknum hraöa)
Brettakantar
11/2" Hækkun
Veltistyri
Gasdemparar
Mercedes-Benx velbunaöur
Leöurklætt stýri og skiptihnuöur
Hraöatengdur biötími á þurrkum
Hæöarstilling á framljásum
Rll-Season gull aöalljosaperur
Rafstýröur millikassivelbunaöur
Sjálfstæö fjöörun
Dana/Spicer hásincjar, SPICER
sérpantaöar fyrir islenskar
aöstæöur
UMBODSAÐILAR:
Bflasala Akureyrar
Eyrarsteypa fsafirði
Bílasala Baldurs Sauðárkróki
ÖRYGGl
VAGNHÖFÐA 23 • 112 REYKJAVÍK • SÍMI 587-0-587
Fyrirlestrar
um myndlist
JÓN Bergmann Kjartansson mynd-
listarmaður talar um eigin myndlist
og hugmyndir í Málstofu Laugar-
nesi mánudaginn 16. mars kl. 12.30.
Einar Garbaldi myndlistarmaður
heldur fyrirlestur um tengsl lyndis-
lesturs og myndlistar í Barmahlíð,
Skipholti 1, miðvikudaginn 18. mars
kl. 12.30. Fyrirlesturinn nefnist
„Hreyfingar hugans“.
Maður í
mislitum sokk-
um í 25. sinn
25. SÝNING á leikriti Ammundar
Bachmann, Maður í mislitum sokk-
um, verður í Risinu, Hverfisgötu
105, sunnudaginn 15. mars.
Snúður og Snælda frumsýndi
leikritið 1. febrúar sl. en þetta er
fyrsta leikrit Ammundar Bachman.
I fréttatilkynningu segir að vegna
mikillar aðsóknar verði leikritið
sýnt til og með 22. mars.
Þorbjörg Eiðsdóttir
Sýning á
leirmunum
í Skotinu
NÚ STENDUR yfir sýning iá leir-
munum og myndum eftir Þorbjörgu
Eiðsdóttur í Skotinu, Félagsmið-
stöð aldraðra í Hæðargarði 31.
Þorbjörg hefur stundað leirmót-
un hjá Sigríði Ágústsdóttur, leið-
beinanda í félagsmiðstöð aldraðra á
Norðurbrún, og era allir munimir
handmótaðir úr jarðleir og há-
brenndir. Myndimar eru unnar
bæði með vatnslit- og silkimálaðar.
Sýningin stendur til 20. mars er
opin á virkum dögum frá kl.
9-16.30.