Morgunblaðið - 07.04.1998, Side 9

MORGUNBLAÐIÐ
ÞRIÐJUDAGUR 7. APRÍL 1998 B 9
KNATTSPYRNA
Juve stöðvaði sigurgöngu Lazio
JUVENTUS stöðvaði sigur-
göngu Lazio á sunnudaginn en
þá mættust liðin í ítölsku 1. deild-
inni. Það var markahrókurinn Fil-
ippo Inzaghi sem gerði eina mark
leiksins á Ólympíuleikvanginum í
Róm. Þar með endurheimti Juve
efsta sætið, en Inter hafði skotist
þangað í nokkrar klukkustundir
eftir sigur á Sampdoria.
Lazio hefur verið á mikilli sigl-
ingu og fyrir leikinn á sunnudaginn
hafði liðið leikið 24 leiki án þess að
tapa. Eftir fremur daufan fyrri
hálfleik þar sem Lazio var betra
liðið, náði Juve forystu á 60. mínútu
þegar Inzaghi gerði sitt 15. mark í
deildinni, skallaði í netið úr miðjum
vítateig eftir hornspyrnu. Juventus
er einu stigi á undan Inter en liðin
leika í Tórínó sunnudaginn 26. apr-
fl.
Það má segja að með tapinu séu
vonir Lazio um meistaratitil úr sög-
unni, en liðið varð síðast meistari
1974. Sigur hefði þýtt að Lazio
hefði verið stigi á undan Juve, en
þess í stað er Juve fimm stigum á
undan þegar sex umferðir eru eftir.
„Við lékum vel, en mikflvægi sig-
ursins kemur aðeins í ljós ef við
vinnum Piacenza um næstu helgi,“
sagði Marcello Lippi, þjálfari Juve,
eftir sigurinn.
Lazio náði sér ekki á strik eftir
markið, ekki heldur eftir að Sven-
Göran Eriksson, þjálfari liðsins,
sendi tvo sóknarmenn inná undir
lokin til að freista þess að jafna.
Lazio hafði leikið í 745 mínútur án
þess að fá á sig mark þegar Inzaghi
skoraði. Rétt undir lok leiksins
munaði þó ekki miklu að Lazio tæk-
ist að jafna. Diego Fuser átti
snaggaralegt skot og boltinn fór í
varnarmann en Peruzzi, markvörð-
ur Juve, bjargaði meistaralega.
„Lazio átti ekki skilið að tapa.
Við lögðum okkur alla fram og vor-
um ekkert síðri en Juve, þar tfl
Nedved var rekinn útaf,“ sagði
Eriksson eftir tapið.
Inter vann Sampdoria 3:0 með
mörkum Benoit Cauets og Luigi
Sartors, sem skoruðu með tveggja
mínútna millibili, og Ronaldos.
Sampdoria var mun betra fyrir hlé
en tókst ekki að skora og voru
áhangendur Inter mjög óhressir
með frammistöðu sinna manna.
„Það er mikilvægt að sigra, sér-
staklega á þessum árstíma þegar
sígui- á seinni hlutann. Þá er mikil
spenna í öllum leikjum og allt getur
gerst," sagði Luigi Simoni, þjálfari
Inter.
Fyrsta mark Inter kom eftir
frábæran undirbúning Ronaldos,
hann splundraði vörn Sampdoria
og sendi síðan boltann til Cauets
sem skoraði. Ronaldo gerði síðasta
mark leiksins og hefur nú gert 19
mörk í deildinni eins og þeir Oliver
Bierhoff hjá Udinese og
Alessandro Del Piero hjá Juvent-
us, en þeir eru markahæstir á ítal-
íu.
Eusebio Di Francesco tryggði
Roma sigur á Atalanta og eru Róm-
verjar í fjórða sæti deildarinnar þar
sem Udinese tapaði öðrum leiknum
í röð. Rómverjar voru ekkert að
tvínóna við hlutina og skoruðu eftir
þrjár mínútur, en Atalanta hafði
ekki fengið á sig mark á heimavelli
síðan 18. janúar. Leikmenn
Atalanta reyndu eins og þeir gátu
að jafna og sóttu hart að marki
Rómverja og eitthvað hlaut að láta
undan. Boltinn vildi ekki inn og
Michael Konsel, markvörður Roma,
varð að yfirgefa völlinn með tvo
fingur brotna eftir samstuð við
Marco Sgro.
Bologna gerði út um leikinn við
Udinese á fjórum fyrstu mínútun-
um, fyrst Rússinn Igor Shalimov
eftir 30 sekúndur og síðan landi
hans Igor Kolyvanov úr vítaspyrnu
eftir fjórar mínútur.
Reuters
ALEN Boksic, króatíski framherjinn frábærí hjá Lazio, með knöttinn í leiknum gegn Juventus en Frakkinn Zinedine Zidane, potturinn
og pannan í spili efsta liðsins, sækír að honum. Hollendingurinn Edgar Davids er í baksýn.
Barcelona
að stinga af
BARCELONA jók forskot
sitt í spænsku deildinni upp í
átta stig með 2:1 sigri á
Oviedo því á sama tíma gerði
aðalkeppinauturinn, Real Ma-
drid, aðeins jafntefli við At-
hletic Bilbao í slökum leik.
Barcelona hefur nú 64 stig úr
31 leik en Madrídarbúar eru
með 56 stig þrátt fyrir að hafa
leikið einum leik fleira, en alls
leika Spánverjar 38 umferðir í
1. deildinni.
Luis Enrique Martinez
gerði sitt 17. mark á leiktíð-
inni er hann kom Barcelona á
bragðið á 32. mínútu. Eftir
að hafa fengið sendingu frá
Albert Ferrer vippaði hann
yfir markvörð Oviedo, Esteb-
an Andres, af stuttu færi.
Níu mínútum síðar var annar
markahrókur Barcelona á
ferðinni, Rivaldo, er hann
gerði sitt 18. mark á keppnis-
tímabilinu. Hollendingurinn
Michael Borgarde minnkaði
muninn á 68. mínútu fyrir
Ovideo er hann skoraði
sjálfsmark án þess að Ruud
Hesp, markvörður og sam-
verkamaður, fengi rönd við
reist. Barcelona leikur í
kvöld við Real Betis í Sevilla,
viðureign sem frestað var í
desember.
Man. Utd. á réttri leið
MEISTARAR Manchester United gerðu góða ferð til Blackburn í
gær og unnu heimamenn 3:1 á Ewood Park. Þar með er United
með sex stiga forystu á Arsenal á toppi ensku úrvalsdeildarinnar
en Lundúnarliðið á þrjá leiki til góða.
CHRIS Sutton gerði 17. deild-
armark sitt á tímabilinu, skor-
aði úr vítaspyrnu fyrir Blackburn
eftir liðlega hálftíma leik, en Gary
Neville var brotlegur, togaði Da-
mien Duff niður i teignum. Andy
Cole lék 100. leik sinn fyrir United
og jafnaði með glæsilegu marki
snemma í seinni hálfleik, lék á
varnarmanninn Stephan Henchoz
hægra megin í teignum og renndi
boltanum í hornið fjær niðri með
vinstri fæti. 23. mark kappans á
tímabilinu en hann hafði reyndar
aðeins gert eitt mark í síðustu 12
úrvalsdeildarleikjum. Þegar lið-
lega stundarfjórðungur var til
leiksloka náði David Beckham að
senda fyrir mark heimamanna frá
hægri. Boltinn fór til Pauls Scho-
les, sem var í línu við fjærstöng, í
hnéð á honum og þaðan í netið.
Ekki beint glæsilegt en mikilvægt
fyrir United. Beckham innsiglaði
síðan sigurinn með marki á síðustu
mínútu.
Arsenal og Liverpool léku ekki í
deildinni um helgina, en baráttan
um sæti í Evrópukeppninni heldur
eigi að síður áfram á meðal þeirra
sem fyrir neðan eru. Kapphlaupið á
milli Chelsea og Leeds um fjórða
sætið heldur áfram en bæði liðin
höfðu betur í viðureignum sínum
með eins marks mun. I botnbarátt-
unni bar það helst til tíðinda að
Tottenham og Everton gerðu jafn-
tefli eins og Wimbledon og Bolton.
Leeds heldur enn í vonina um að
komast í Evrópukeppnina á næstu
leiktíð. Með 2:1 sigri á Barnsley er
sú von alls ekki óraunhæf, en það
var enginn glæsileiki yfir sigrinum
því sigurmarkið var sjálfsmark
Adrians Moses tíu mínútum fyrir
leikslok. Enn eina ferðina lauk
Barnsley leik einum færri þvi
Búlgarinn Georgi Hristov var rek-
inn af leikvelli á síðustu mínútunni,
en áður en til þess kom hafði hann
náð að skora eina mark liðsins, jafn-
aði skömmu fyrir leikhlé.
„Barnsley hefur leikið ágætlega í
síðustu umferðunum og staða liðs-
ins væri allt önnur hefði liðið leikið
svona í fyrri hluta mótsins," sagði
George Graham, knattspymustjóri
Leeds eftir leikinn.
Leikmenn Chelsea heimsóttu
Derby á sunnudaginn og gerði Gi-
anluca Vialli sjö breytingar á liði
sínu frá því sem tók þátt í leiknum
við Vicenza í Evrópukeppni bikar-
hafa á fimmtudaginn. Einn þeirra
sem kom inn í hópinn var John
Harley, 18 ára gamall piltur. Hann
lagði upp sigurmarkið sem gamli
refurinn Mark Hughes gerði með
skalla á 37. mínútu. Roberto di
Matteo var næm því að auka mun-
inn í fyrri hálfleik er skot hans frá
miðju fór í'étt framhjá, en skotið tók
hann eftir að Russell Hoult hafði
hætt sér langt út úr marki sínu.
Þetta var þriðja tap Derby í röð í
deildinni og þar með hafa vonir um
sæti í Evrópukeppninni orðið að
engu. Derby er nú í 8. sæti deildar-
innar með 45 stig, en Chelsea er í
fjórða sæti, hefur 51 stig eins og
Leeds, en er með hagstæðara
mai-kahlutfall.
Everton heimsótti Tottenham á
White Hart Lane en þar hefur lið-
inu ekki tekist að sigra í tólf og hálft
ár. Þegar síðhærður franskur leik-
maður skorar á White Hart Lane
fagna heimamenn venjulega því þá
er það David Ginola sem á í hlut. En
á laugardaginn fógnuðu heimamenn
ekki þegar síðhærður franskur leik-
maður skoraði á 24. mínútu, því það
var Michael Madar, leikmaður
Everton, en ekki Ginola. Chris
Armstrong gerði vonir Liverpool-
liðsins um að sigra loks á White
Hart Lane að engu er hann jafnaði
á 74. mínútu og þar við sat. Stigin,
og tap Bamsley, þýða að Everton
er þremur stigum frá fallsvæðinu
og Tottenham fjórum, en útlitið er
döklrt hjá Barnsley.
„Ég held að úrslitin hafi verið
sanngjörn. Við vörðumst mjög vel
og Armstrong var réttur maður á
réttum stað. Nú er hver leikur hjá
okkur eins og bikarúrslitaleikur,"
sagði Howard Kendall, knatt-
spyrnustjóri Everton, eftir jafn-
teflið. „Madar er markaskorari, það
fer ekkert á milli mála því hann hef-
ur skapað sér ágæt færi í öllum
leikjum okkar,“ sagði Kendall um
markaskorarann.
PSG
bjargaði
tímabilinu
LEIKMENN PSG björguðu
leiktiniabilinu fyrir sig og fé-
lagið með því að sigra í deild-
arbikarkeppninni. PSG vann
Bordeaux í vítaspyrnukeppni
eftir að staðan hafði verið 1:1
eftir 90 mínútna leik og 2:2
eftir framlengingu.
Brasihska varnarmannmum
Paulo Gralak og franska sókn-
armanninunt Jean-Pierre Pap-
in tókst ekki að skora úr sín-
um vítaspymum, en þeir vom
fyi-stir til að spyrna fyrir Bor-
deaux. Leikmenn PSG skor-
uðu hins vegar úr öllum sínum
spymum og fögnuðu sigri.
Papin skoraði glæsilegt
mark í framlengingu en skaut
yfir í vítakeppninni. Vincent
Fernandez, markvörður PSG,
varði hins vegar frá Gralak.
Það virðist henta Bordeaux
illa að leikir endi í víta-
spymukeppni því liðið tapaði
einnig í úrslitum í fyrra, þá
fyrir Strassborg.