Morgunblaðið - 08.10.1998, Blaðsíða 36

36 FIMMTUDAGUR 8. OKTÓBER 1998
MORGUNBLAÐIÐ
+
MORGUNBLAÐIÐ
FIMMTUDAGUR 8. OKTÓBER 1998 37
Jltorginfipiffifrifr
STOFNAÐ 1913
ÚTGEFANDI: Árvakur hf„ Reykjavík.
FRAMKVÆMDASTJÓRI: Hallgrímur B. Geirsson.
RITSTJÓRAR: Matthías Johannessen,
Styrmir Gunnarsson.
UTANAÐKOMANDI
VANDI
ÞROUNIN í alþjóðlegum efnahagsmálum vekur víða
ugg. Að sögn Halldórs Ásgrímssonar utanríkisráð-
herra snerust umræður á fundi í þróunarnefnd Alþjóða-
bankans einkum um efnahagskreppuna í Asíu og þær „af-
leiðingar sem hún getur haft fyrir heiminn allan“.
Geir Haarde fjármálaráðherra, sem sat ársfund Alþjóða-
bankans, víkur að sama efni hér í blaðinu í gær: „Menn
hafa miklar áhyggjur af því ástandi sem skapast hefur í al-
þjóðlegum efnahagsmálum vegna erfiðleikanna í Asíu og
Rússlandi, sem hafa valdið því að hagvöxtur í ár verður á
heimsvísu aðeins 2% en ekki 4% eins og spáð var.“
Bill Clinton, forseti Bandaríkjanna, kvað og sterkt að
orði á fundi bankans: „Við horfumst í dag í augu við senni-
lega erfiðasta efnahagsvanda um hálfrar aldar skeið.“
I fréttabréfi Fjárfestingarbanka atvinnulífsins er vöng-
um velt yfir nýrri og lakari spá Alþjóðagjaldeyrissjóðsins
um horfur í efnahagsmálum heimsins og sagt: „Af ofan-
sögðu er eðlilegt að velta því fyrir sér hvort hagvöxtur á
Islandi á næsta ári sé einfaldlega ekki ofmetinn og þar
með tekjuafgangur ríkisins“.
Geir Haarde fjármálaráðherra sagði á hinn bóginn í til-
vitnuðu viðtali við blaðið í gær, að þrátt fyrir áhyggjur
manna af því ástandi sem skapast hefur í alþjóðlegum
efnahagsmálum, sé „ekki um neina heimskreppu að ræða
eins og var árið 1929“ og „menn telji mögulegt að vinna sig
út úr þessum vanda ... og hafi til þess ýmis úrræði“. Hann
segir og að ekki blasi við að kreppan í Asíu hafi bein áhrif
hér: „Við höfum notið góðs af lægra olíuverði þar sem eft-
irspurn hefur minnkað í Asíulöndum en hins vegar verður
líka eitthvað minni eftirspurn eftir vörum okkar og verðið
getur lækkað ...“
Á heildina litið virðist bjart yfir íslenzku atvinnu- og
efnahagslífi næstu misserin. Engu að síður er rétt að fylgj-
ast grannt með þróun mála í Asíu, S-Ameríku, Rússlandi
og í alþjóðlegum efnahagsmálum, sem vissulega hefur
áhrif hér sem annars staðar. Göngum hægt um gleðinnar
dyr í efnahagsuppsveiflu okkar. Það getur verið erfiðara
að varðveita hagsæld en afla hennar.
EES-REGLUM KLÚÐRAÐ
NEFND lögfræðinga, sem starfaði á vegum forsætis-
ráðherra, hefur komizt að þeirri niðurstöðu að alvar-
legir annmarkar séu á því að lögleiðing reglna Evrópska
efnahagssvæðisins hér á landi hafi fylgt meginreglum ís-
lenzkrar stjórnskipunar. Þetta er alvarlegt mál og getur
valdið íslenzka ríkinu óþægindum og kostnaði.
Oft á undanförnum árum hafa ráðherrar verið snupraðir
af dómstólum og umboðsmanni Alþingis fyrir að hafa sett
reglur, sem ekki áttu sér lagastoð. Nú kemur í ljós í áliti
nefndar forsætisráðherra, að fjölmargar EES-reglur, sem
skerða frelsi eða innihalda almennar réttarreglur, sem að
borgurunum snúa, hafa verið lögleiddar hér á landi án þess
að gætt hafi verið að því hvort í settum lögum séu efnisleg-
ar heimildir fyrir reglum af þessu tagi.
Þá segir nefndin dæmi um að tilskipanir ESB séu lög-
leiddar hér í heild án þess að unnar hafi verið úr þeim full-
nægjandi lagareglur, eins og tilskipanirnar geri jafnvel
sjálfar ráð fyrir. Þá hafi stundum verið lögleiddar hér ýms-
ar skyldur, sem binda hendur Islendinga, án þess að þeim
fylgdu margvíslegar undanþágur, sem Evrópurétturinn
gerir ráð fyrir. Loks hafi birting á fjölmörgum EES-gerð-
um ekki verið í samræmi við kröfur stjórnarskrár og ís-
lenzkra laga.
í ljósi þessara niðurstaðna verður að telja líklegt að ein-
staklingar eða fyrirtæki, sem hafa talið sér íþyngt með ein-
hverjum reglum EES, telji vænlegt til árangurs að höfða
mál á hendur stjórnvöldum með þeim rökum að rangt hafi
verið að lögleiðingu reglnanna staðið og þær séu því ekki
gildandi réttur hér á landi.
Ur slíkum málum munu dómstólar skera, en nú ríður á
að farið verði eftir tillögum nefndarinnar og lögð vinna í að
fara yfir alla EES-löggjöfina og gera á henni nauðsynlegar
úrbætur til að réttarstaða einstaklinga og fyrirtækja fari
ekki á milli mála. Auðvitað er mannfæð og fjárskorti ís-
lenzku stjórnsýslunnar að verulegu leyti um áðurnefnda
annmarka að kenna. Það er sennilega kominn tími til að
menn viðurkenni að sívaxandi alþjóðlegt samstarf útheimt-
ir bæði mannskap og peninga og búa verður ráðuneytin í
stakk til að sinna því með sómasamlegum hætti, réttarör-
yggis borgaranna vegna.
Hillir undir löggjöf um alþjóðlega viðskiptamiðstöð hér á landi

Morgunblaðið/Kristinn
VILHJÁLMUR Egilsson kynnir tillögur um alþjóðlega viðskiptamiðstöð á Islandi.
ingar hafi ekki í sama mæli og marg-
ar aðrar þjóðir nýtt skattkerfið til að
laða að atvinnustarfsemi. Skatta-
breytingar á Islandi á undanförnum
árum hafi fyrst og fremst miðað að
því að skapa atvinnulífinu almennt
samkeppnishæf starfsskilyrði. Á ein-
staka sviðum hafi íslenska skattkerf-
ið farið halloka í samkeppni við er-
lend skattkerfi. Starfsemi hafi flust
úr landi og byggst upp annars stað-
ar.
„Ef vel tekst til má reikna með að
erlendir aðilar komi til landsins til
þess að setja upp alþjóðleg við-
skiptafélög í þriðju landa viðskiptum
með sjávarafurðir, ekki eingöngu
vegna skattalegra hvata heldur líka
vegna aðgangs að aðstöðu og fólki
rneð sérþekkingu á þessu sviði,“ seg-
ir í frumvarpinu. I kringum starf-
semi af þessum toga skapist ótal
möguleikar fyrir aðra aðila til þjón-
ustu, t.d. varðandi sölu á vélum, hug-
búnaði, flutninga-, trygginga- og
fjármálaþjónustu.
Nefndina, sem samið hefur frum-
varpið og greinargerðina, sem hér
hefur óspart verið vitnað til, skipuðu
Valur Valsson bankastjóri, Vilhjálm-
ur Egilsson alþingismaður, Tryggvi
Jónsson endurskoðandi, Brynjólfur
Bjarnason forstjóri, Halldór J. Krist-
jánsson, núverandi bankastjóri
Landsbankans, og Jóhannes Geir
Sigurgeirsson, stjórnarformaður
Landsvirkjunar. Með þeim störfuðu
Davíð Scheving Thorsteinsson og
Baldur Guðlaugsson hæstaréttarlög-
Viðskipti við
erlenda birgja
og kaupendur
Sú hugmynd, að setja hér á fót viðskiptamið-
stöð með alþjóðlegum viðskiptafélögum sem
stunda viðskipti við erlenda aðila með þær
vörur sem eiga uppruna sinn erlendis og
falla ekki undir EES-samninginn, er ekki ný
af nálinni, Pétur Gunnarsson kynnti sér
greinargerð nefndar þeirrar sem nú hefur
skilað frumvarpi til laga um málið.
1 Alþjóðlegt viðskiptafélag er staðsett
á íslandi og starfar eftir settum reglum.
2 Eigendur fyrirtækisins geta verið
íslenskir eða erlendir en ekki má
kaupa né selja íslenskar afurðir.
4 ...og selurt.d. a 5 Varan má koma til fslands,
fiskinn í Frakklandi n en þá einungis til umskipunar.
u Þ.e. hún má ekki koma inn í landið.
ML
IGREINARGERÐ með drög-
um að frumvarpi til laga um
alþjóðleg viðskiptafélög, sem
nefnd skilaði forsætisráð-
herra og iðnaðarráðherra
formlega í fyrradag, kemur fram að
áður hafi verið skipuð nefnd til að
kanna málið. Sú skilaði af sér áliti
1992 og þótti þetta ekki fýsilegur
kostur, m.a. vegna þess að þá stóðu
yfir samningar um aðild Islands að
Evrópska efnahagssvæðinu og var
talið að slík lagasetning gæti truflað
það ferli.
Nefndin sem nú hefur skilað áliti
teiur hins vegar að ýmislegt hafi
breyst síðan 1992 og að
margt sem leiddi til nið-
urstöðunnar þá eigi
ekki lengur við. Nú sé
rétt að stefna að því að
koma hér upp alþjóð-
legri viðskiptamiðstöð á
borð við Jersey eða
Sviss, en ekki á sviði fjármagnsmark-
aðar heldur alþjóðlegi-a sjávarút-
vegsviðskipta.
Það sem hefur breyst er meðal
annars það að löggjöf um fjármagns-
markað hefur verið endurnýjuð,
gjaldeyrisviðskipti eru orðin frjáls og
fjarfestingar milli landa heimilaðar
að iangmestum hluta. Traustur íjár-
magnsmarkaður er nú opinn hér á
landi í öllum grundvallaratriðum og
til þess er vitnað sem breyttrar for-
sendu í greinargerð með frumvarps-
drögunum en á þeirri greinargerð er
byggt að mestu leyti við þessa sam-
antekt.
Alþjóðlegar miðstöðvar
Það er þekkt að alþjóðlegar fjár-
málamiðstöðvar eru starfandi í mörg-
um löndum, svo sem Sviss, Ermar-
sundseyjunum Jersey
og Guernsey, Lúxem-
borg, Liechtenstein og
víðar. Starfsemi slíkra
miðstöðva hefur undan-
farið vaxið um 15% á ári
og nú er talið að 5
trilljón dollarar séu
bundnir í fjármunum í slíkum mið-
stöðvum, eða um fimmfaldur gjald-
eyrisvarasjóður seðlabanka sjö
stærstu iðnríkja heims.
Slíkar miðstöðvar eru sagðar
byggja á mikilli þekkingu,
mannauði eða öðrum þjóðfélagsleg-
um innviðum, svo sem stöðugleika,
hefðum eða lágri skattlagningu.
Ekki er talið raunhæft að leggja út í
uppbyggingu slíks fjármálasvæðis
hérlendis. Bæði krefjist það langs
tíma og eins sé óvíst um árangur
þar sem sérþekkingu í slíkum efn-
um sé ekki til að dreifa hérlendis.
Þá búi íslensk fjármálastarfsemi á
engan hátt við það skattaumhverfi
að við því megi búast að hingað lað-
ist erlend fjármálafyrirtæki; þvert á
móti.
Nefndin telur að_ öðru máli gegni
um sjávarútveg. Islensk sjávarút-
vegsfyrirtæki hafi haslað sér völl í
sjávarútvegi erlendis og íslensk
markaðsfyrirtæki á sviði sjávarút-
vegs hafi starfað erlendis árum sam-
an. Því sé rökrétt að hefja uppbygg-
inguna á þessu sviði þar sem Islend-
ingar standa nú þegar framarlega í
alþjóðaviðskiptum.
Islendingar hafi sérstöðu á sviði
sjávarútvegs og viðskipta með sjáv-
arfang og engin önnur þjóð hafi
markað sér sérstöðu á því sviði.
Raunhæfur möguleiki sé fyrir hendi
á því að íslendingar geti haslað sér
völl í alþjóðlegum viðskiptum með
sjávarafurðir ef alþjóðlegum við-
skiptafélögum verða sköpuð sam-
keppnishæf starfsskilyrði á alþjóð-
legan mælikvarða.
Tengsl markaðsfyrirtækja og
framleiðenda
„Til skamms tíma þurfti ekki að
hafa áhyggjur af því að arður af
starfsemi markaðsfyi'irtækjanna
skilaði sér ekki til Islands vegna
þess að þau voru svo beint tengd við
íslenska framleiðendur á sjávaraf-
ui'ðum," segir í gi'einargerð frum-
varpsdraganna. „Nú hefur hins veg-
ar orðið sú þróun að eignarhald á
stærstu íslensku fyrirtækjununm er
að breytast og þau eru sífellt að öðl-
ast meira sjálfstæði frá framleiðend-
unum. Þau eru ennfremur að byggja
sig meira og meira upp sem alþjóð-
leg markaðsfyrirtæki á sviði við-
skipta með sjávarfang. Ekki er því
sjálfgefið að þessi fyrirtæki muni í
framtíðinni flytja arð af starfsemi
sinni til íslands eins og hingað til,
eða byggja starfsemi sína að miklu
leyti upp hér á landi, þegar fram líða
stundir. Þessi fyrirtæki eru í harðri
alþjóðlegri samkeppni og munu
þurfa að gæta ýtrustu hagsýni í upp-
byggingu sinni til að vera sam-
keppnishæf. Fjölmörg minni fyrir-
tæki á sviði viðskipta með sjávarvör-
ur hafa náð verulegum árangri á
undanförnum árum og hafa í æ rík-
ari mæli tekið að sér verkefni sem
ekki tengjast Islandi á nokkurn
hátt. Þessi fyrirtæki eiga líka í
harðri alþjóðlegri samkeppni og
munu byggja upp rekstur sinn þar
sem það er hagstæðast," segir í
greinargerðinni.
Nefndai-menn segjast hafa orðið
þess áskynja við vinnu sína að flest
þau íslensku fyrirtæki, sem þegar
stunda viðskipti með sjávarfang um
þriðju lönd, hafi hugleitt alvarlega að
stofna þegar stofnað fyrirtæki er-
lendis, til þess að tekjur þeirra af
þriðju landa viðskiptum verði til í
skattalega hagstæðu umhverfi.
Engin sérstök úttekt hefur verið
gerð á þessari þróun og viðmælend-
ur Morgunblaðsins könnuðust ekki
við önnur dæmi sem orð er á gerandi
en dótturfyrirtæki sem íslenskar
sjávarafurðir stofnuðu á Kýpur í
tengslum við Kamtsjatka-verkefni
ÍS.
Varnar- og
sóknaraðgerð
I greinargerðinni kemur þó fram
að nefndarmenn dragi þá ályktun að
íslenska ríkið sé í mik-
illi varnarstöðu hvað
þessi mál snertir.
Stofnun alþjóðlegrar
viðskiptamiðstöðvar sé
í senn vamar- og sókn-
araðgerð. Þetta sé aug-
ljóst svið þar sem ís-
lensk fyrirtæki geta sótt fram er-
lendis og jafnframt tækifæri til að
byggja upp starfsemi á Islandi sem
annars færi fram erlendis.
Ennfremur kemur fram að Islend-
maður.
50-200 fyrirtæki innan
þriggja ára
I frumvarpsgreinargerðinni kemur
fram að á vegum nefndarinnar hafi
verið reynt að leggja mat á áhrif al-
þjóðlegrar viðskiptamiðstöðvar á
tekjur ríkissjóðs en miðað er við að
að a.m.k. 25-30 milljónum króna
vei'ði varið til að kynna möguleikann
fyrir fjárfestum og fyrirtækjum ár-
lega.
I fyrstu er talið að markhópurinn
til stofnunar alþjóðlegi'a viðskiptafé-
laga á Islandi verði íslensk fyi-irtæki
sem hafa stofnað fyrirtæki erlendis
fyrir alþjóðleg viðskipti eða hugleiða
slíkt.
Talið er að stefna beri að því að
innan þriggja ára verði komin milli
50 og 200 slík fyrirtæki hér á landi.
Verði velta þeirra fyrirtækja 25-100
milljarðar króna og tekjuskattspró-
sentan 5%, eins og gert er ráð fyrir,
skili starfsemi þein-a ekki miklum
tekjuskatti, aðeins 12-100 milljónum
króna á ári.
„Innlendur kostnaður alþjóðlegra
viðskiptafélaga sem skapar tekjur
hjá starfsfólki og þjónustuaðilum og
skattgreiðslur af þeim yrðu hins veg-
ar miklu hærri upphæðir," segir í
greinargerðinni. „Með því að miða
við að innlendur kostnaður og virðis-
auki geti orðið 4-6% af veltu yrðu
óbeinar skatttekjur 150-1.500 millj-
ónir miðað við 25-100 milljarða
króna ársveltu alþjóðlegra viðskipta-
félaga.“
Auk 5% tekjuskattsprósentu er
gert ráð fyrir að alþjóðleg viðskipta-
félög greiði hvorki stimpilgjöld né
eignarskatt og 5% skatt af arði sem
greiddur er út til erlendra eigenda.
Meðferð á arði innlendra eigenda
yi'ði önnur.
Arður innlendra eigenda
skattlagður sem tekjur
Vilhjálmur Egilsson sagði í samtali
við Morgunblaðið að meðferð á arði
innlendra eigenda yrði sú að arður-
inn yrði skattlagður sem tekjur hjá
íslenska eigandanum. „Ef íslensk
fyrirtæki eiga þetta
kemur það út eins og
arðurinn hafi ekki verið
skattlagður í venjulegu
skattumhverfi. Þá verð-
ur að telja hann fram til
tekna og þá er hann
skattlagður að fullu sem
tekjur hjá íslenska eigandanum þeg-
ar hann er tekinn út úr alþjóðlegu
viðskiptafélagi. Meðan honum er
haldið inni í alþjóðlega félaginu er
skattprósentan 5%.“
íslendingar hasli
sér völl í alþjóð-
legum viðskiptum
með sjávarafurðir
Tækifæri til að
byggja upp starf-
semi sem annars
færi fram erlendis
Hvaða skilyrði verða
alþjóðlegum við-
skiptafélögum sett?
HUGTAKIÐ Alþjóðlegt viðskipta-
félag er skilgi'eint á þann hátt í
frumvarpsdrögunum sem kynnt
voin í fyrradag að með því sé átt
við íslenskt félag sem stundar við-
skipti við aðila utan íslenskrar
lögsögu eða við önnur alþjóðleg
viðskiptafélög hér á landi með
vörur, þjónustu eða önnur verð-
mæti sem eiga uppruna sinn utan
íslands.
Alþjóðlegt viðskiptafélag verð-
ur einungis stofnað sem lilutafé-
lag eða einkahlutafélag og í heiti
þeirra skal vera skammstöfunin
a.v.
Til að félag hefji starfsemi þarf
starfsleyfi, sem fjármálaráðherra
veitir að lokinni meðferð umsókn-
ar þar sem starfsemi er lýst og
upplýsingar veittar um stofnend-
ur, hluthafa og sljórnendur. Þess
er krafist að upplýsingar liggi
fyrir um sakarferil þeirra. Sér-
stakri nefnd er falið að kanna um-
sókn og feril aðstandenda félags.
Á blaðamannafundi þar sem
frumvarpsdrögin um alþjóðleg
viðskiptafélög voru kynnt, sagði
Vilhjálmur Egilsson alþingismað-
ur, að einkenni þeirra væri að við-
skiptavinir þeirra þyrftu alltaf að
vera erlendir aðilar, bæði birgjar
og kaupendur.
Viðskiptin mega snúast um vör-
ur sem EES-samningurinn nær
ekki til. Ekki má eiga viðskipti
með vörur, þjónustu og verðmæti
við íslenska aðila, að undanskild-
um rekstrarvörum, fasteignum,
flugvélum og skipum (þó ekki '
fískiskipum) og öðru sem nauð-
synlegt er til þess að viðskiptafé-
lagið geti starfað.
Alþjóðlegt viðskiptafélag má
hins vegar eiga viðskipti við fyrir-
tæki á borð við skipafélög, ti’ygg-
ingafélög og peningastofnanir
hérlendis.
Alþjóðlegt viðskiptafélag getur
verið í eigu íslenskra eða er-
lendra aðila. Það getur verið
eignaraðili að öðrum alþjóðlegum
viðskiptafélögum en ekki að öðr-
um atvinnufyrirtækjum hér á
landi.
Reksturinn skal íjárhagslega
óháður og aðskilinn rekstri ann-
arra aðila. Heimila má slíku félagi
að færa bókhald og reikningsskil í
erlendri mynt.
Fjármálaráðherra hefur eftirlit
með starfseminni og ber félagi að
skila ráðuneytinu skýrslu um
starfsemi sína.
Skattfríðindi
Auk þess sem tillögur gera ráð
fyrir að tekjuskattsprósenta al-
þjóðlegs viðskiptafélags verði 5%
og erlendir eigendur greiði 5%
skatt af útgreiddum arði er gert
ráð fyrir að þau greiði hvorki
eignarskatt né stimpilgjöld.
Fram kemur í greinargerð að
frumvarpið um alþjóðleg verslun-
arfélög leggur sem slíkt enga
áherslu á sjávarafurðir. Það er
haft almenns eðlis til að loka ekki
möguleikum að óþörfu. Skuld-
bindingar Islendinga vegna Evr-
ópska efnahagssvæðisins eru hins
vegar sagðar takmarka aðra
möguleika í starfsemi slíkra fé-
laga. Þær vörur, sem samningur-
inn um Evrópska efnahagssvæðið
nær ekki yfir, eru einkum sjávar-
afurðir og landbúnaðarvörur.
Auk sjávarfangs og Iandbúnað-
arvara er gert ráð fyrir að alþjóð-
legt viðskiptafélag geti starfað
sem eignarhaldsfélag sem ein-
göngu fjárfesti í eða njóti arðs af
eignarhlutum í fyrirtækjum er-
lendis eða þá í eignarréttindum, á
borð við hugverk, útgáfuréttindi,
framleiðsluleyfi, einkaleyfi og
hönnunarréttindi.
Friðrik Pálsson, forstjóri SH
Býst við stofnun
fyrirtækis af
þessum toga
FRIÐRIK Pálsson, forstjóri Sölu-
miðstöðvar hraðfrystihúsanna,
sagði í samtali við Morgunblaðið,
að það hefði ekki hindrað við-
skipti með sjávarafurðir hér á
landi að ekki hefur til þessa verið
boðið upp á þriðja lands viðskipti.
Friðrik var spurður um hve
raunhæf hann teldi þau markmið,
sem Vilhjálmur Egilsson Iýsti við
kynningu lagafrumvai'psins, að
vegna alþjóðlegra viðskiptafélaga
og þriðja lands viðskipta hérlend-
is, mætti stefna að tvöfóldun veltu
í viðskiptum með sjávarafurðir á
Islandi á þremur árum. Friðrik
sagði að þessi kostur, sem þarna
væri í boði, skapaði ákveðna
möguleika, sem SH muni athuga
hvernig unnt verði að nýta.
„Á hinn bóginn hlýtur fyrst og
fremst að skipta máli að þau við-
skipti, sem við erum í, skili arði.
Því inun reynslan ein skera úr um
hvort þessi viðskipti verða mikil
eða lítil og hversu hratt þau
vaxa.“
„En ég býst við að þegar þetta
verður orðið að lögum munum við
nýta okkur það að stofna fyrir-
tæki af þessum toga hér,“ sagði
Friðrik.
Hann sagði að starfsmaður
nefndarinnar, sem samið hefur
frumvarp til laga um alþjóðleg
viðskiptafélög, hefði leitað til SH
meðan hún var að störfum og
fengið þau svör að það væri
áhugaverður möguleiki að at-
hafna sig með vörur frá öðru
landi til þriðja lands á þennan
hátt.
Á þessum markaði hér-
lendis í tíu ár
Jón Guðlaugur Magnússon,
framkvæmdastjóri fisksölufyrir-
tækisins Marbakka, sagði að fyr-
irtækið hefði í raun verið í þess-
um þriðja lands viðskiptum hér á
landi í tíu ár.
„Auðvitað er það fýsilegur
kostur fyrir okkur að borga 5%
[tekjuskatt] í staðinn fyrir 34%.
Þetta er rnjög athyglisvert fyrir
okkur.“
Jón Guðlaugur sagði að þriðja
lands viðskipti væru um helming-
ur af viðskiptum Marbakka og
væri velta fyrirtækisins í þessum
viðskiptum sjálfsagt um 500 millj-
ónir króna á ári. Hann sagðist
hins vegar aldrei hafa íliugað
hugmyndina um alþjóðleg við-
skiptafélög fyrr en á miðvikudag.
Við fyrstu sýn kæmi hugmyndin
sér vel fyrir sjónir en hann ætti
eftir að kynna sér málið betur.
Ekki náðist í Gunnar Orn Krist-
jánsson, forsljóra SÍF, og Benedikt
Sveinsson, forstjóra íslenskra sjáv-
arafúrða, en báðir eru erlendis.
Sæmundur Guðmundsson, að-
stoðarforstjóri ÍS, sagði að menn
ættu eftir að fara yfir hugmyndir
nefndarinnar hjá fyrirtældnu en
vildi að öðru leyti ekki tjá sig um
málið að svo stöddu.