Morgunblaðið - 13.01.1999, Blaðsíða 18
18 MIÐVIKUDAGUR 13. JANÚAR 1999
MORGUNBLAÐIÐ
VIÐSKIPTI
LUXAIR hyggst nota Boeing 767-farþegaþotur í beinu áætlunarflugi milli Lúxemborgar og New York.
Luxair hefur áætlunarflug milli Lúxemborgar og New York
Hefur ekki áhrif á
starfsemi Flugleiða
FLUGFÉLAGIÐ Luxair hefur
ákveðið að hefja beint áætlunarfiug
frá Lúxemborg til New York fjór-
um sinnum í viku án millilendingar.
Forráðamenn Fiugleiða telja að
þessar fyrirætlanir Luxair muni
ekki hafa áhrif á starfsemi eða
markaði Flugleiða í Evrópu.
Mun þetta vera í fyrsta sinn sem
boðið er beint áætlunarflug milli
Lúxemborgar og New York. Aæti-
unarflugið hefst 30. mars næstkom-
andi og verður flogið til Newark-
flugvallar í New Jersey en hann er í
20 kflómetra fjarlægð frá Manhatt-
an-eyju í New York. Flogið verður
fjórum sinnum í viku, eða á þriðju-
dögum, miðvikudögum, fimmtudög-
um og föstudögum. Notaðar verða
Boeing-767-leiguvélar frá beigíska
flugfélaginu City-Bird en þær taka
alls 246 farþega.
Flugtíminn milli Lúxemborgar og
Ameríku verður um átta klukku-
stundir hjá Luxair samkvæmt upp-
lýsingum frá félaginu. Segir þar að
þetta hafi umtalsverðan tíma-
spamað í för með sér fyrir farþega
þar sem slík ferð hafi áður tekið
a.m.k. tíu klukkustundir með öðrum
félögum með millilendingum og
flugvélaskiptum. Þá segir að flugið
muni koma til móts við nka eftir-
spum í Lúxemborg og nágrenni
fyrir skjótar, þægilegar og ódýrar
flugsamgöngur á Atlantshafs-
leiðinni. Fargjald á flugleiðinni
verður 14.990 frankar eða um 30
þúsund krónur fram og til baka.
Rétt að hætta Lúxemborgarflugi
Einar Sigurðsson, talsmaður
Flugleiða, segir að áætlunarflug
Luxair til Ameríku muni engin áhrif
hafa á starfsemi eða markaði Flug-
leiða í Evrópu eða Amenku. „Við
höfum hætt áætlunarflugi til Lúx-
emborgar og flutt framleiðsluget-
una af þeim markaði yfir á aðra
markaði í Evrópu sem við teljum
arðbærari. Nú sjáum við mikinn
vöxt í bókunum ferðamanna til Is-
lands frá París og Frankfurt og það
styrkir okkur í þeirri trú að rétt
hafi verið að hætta Lúxemborgar-
fluginu, þar sem flestir vom á lág-
um fargjöldum, og efla þessa
markaði á móti. Fyrstu niðurstöður
sýna því að þessi áherslubreyting
skili sér í verulejgri fjölgun erlendra
ferðamanna til Islands en það er sá
hópur sem gefur einna mest af sér í
okkar kerfi.“
Ekki í samkeppni
við Flugleiðir
Einar á ekki von á að Atlants-
hafsflug Luxair taki farþega frá
Flugleiðum. „Við erum ekki lengur
á Lúxemborgarmarkaðnum sem
slíkum og í áætlunum okkar var
ekki gert ráð fyrir að farþegar frá
Lúxemborg skiluðu sér að ráði í
Atlantshafsflug okkar annars stað-
ar í Evrópu. Atlantshafsflug Luxair
mun fyrst og fremst þjóna Lúxem-
borg og nálægum svæðum og bygg-
ist að öðru leyti á allt annarri for-
sendu en flug Flugleiða, með milli-
lendingu á Islandi, gerði. Við óskum
því Luxair velgengni á þessari leið
yfir hafið.“
Samstarf ekki útilokað
Sú spurning vaknar hvort til
greina komi fyrir Flugleiðir að hefja
samstarf við Luxair í tengslum við
Atlantshafsflugið. Einar segir það
ekki útilokað. „Það er möguleiki
sem er vert að skoða, því hagsmunir
félaganna skarast ekki á þessari
leið. Þau gætu t.d. hagnýtt sér sölu-
net hvort annars í Ameríku og
kannað samstarf í markaðsmálum.
Þetta hefur þó ekki verið skoðað að
ráði enn sem komið er,“ segir Ein-
ar.
Luxair er í eigu banka og annarra
einkaaðila í Lúxemborg en ríkið á
einnig hlut í félaginu. A undanförn-
um árum hefur það aukið umsvif sín
og fjölgað viðkomustöðum. Luxair
hefur sterka stöðu á heimamarkaði
og flýgur til allra helstu stórborga
Evrópu.
Lyfja selur hlut
sinn í Hagkaupi
Lyfjabúð
EIGENDUR Lyfju, þeir Róbert
Melax og Ingi Guðjónsson, hafa selt
Baugi hf. þriðjungshlut sinn í Lyfja-
kaupi. Baugur er þar með orðinn
100% eigandi að Lyfjakaupi sem
rekur þrjár lyfjaverslanir undir
nafninu Hagkaup Lyfjabúð; í Skeif-
unni, Mosfellsbæ og á Akureyri.
Róbert Melax segir í samtali við
Morgunblaðið að markmið þeirra í
framhaldi af sölunni sé að einbeita
sér að rekstri Lyfju sem í dag rekur
þrjár verslanir; í Lágmúla, Hamra-
borg í Kópavogi og Setbergi í Hafn-
arfirði.
í fréttatilkynningu frá Lyfju hf.
segir að stefnt sé að opnun 3-5
nýrra Lyfju-verslana á næstu
tveimur árum og að lögð verði meg-
ináhersla á að selja lyf á lágmarks-
verði. „Með fjölgun Lyfju-verslana
og hagstæðari innkaupum skapast
svigrúm til að lækka lyfjaverð enn
frekar og jafnframt koma fram með
nýjungar í ljdjafræðilegri þjónustu
neytendum til hagsbóta,“ segir í
fréttatilkynningunni.
Nauðsynleg uppstokkun
Róbert Melax segir að uppstokk-
un hafi verið nauðsynleg í kjölfar
breytts eignarhalds á Hagkaupum
s.l. sumar, ekki síst þar sem
Jóhannes Jónsson kaupmaður í
Bónus, sé aðaleigandi að Lyfjabúð-
um ehf. sem á og rekur apótekin
Apótekin. Niðurstaðan varð sú
Baugur keypti hlut Lyfju í Lyfja-
kaupum.
Róbert segir að þeir Ingi séu
sáttir við sinn hlut. „Nú komum við
til með að einbeita okkur að Lyfju,"
sagði Róbert.
Aðspurður sagði hann að sam-
keppnin yrði sjálfsagt enn meiri á
markaðnum í kjölfar sölunnar. „Nú
eni línurnar skýrari og þessi
ákvörðun okkar þýðir það að við
ætlum að berjast af fullum krafti á
markaðnum."
✓
Formaður SIH um hugbúnaðardóm
Jákvætt fyrir
atvinn ugreinina
FORMAÐUR Samtaka íslenskra
hugbúnaðarfyrirtækja fagnar dómi
Héraðsdóms Reykjaness um að
rifta sölu á hugbúnaði þar sem hann
stóðst ekki kröfur kaupanda. Ohætt
er að segja að dómurinn hafi vakið
mikla athygli á hugbúnaðarmarkaði
enda mun þetta vera í fyrsta sinn
hérlendis, sem staðfest er fyrir
dómi að hugbúnaðarlausn, með
tveimur forritum, geti verið gölluð,
og seljandi látinn sæta ábyrgð.
Ingvar Kristinsson, formaður
Samtaka íslenskra hugbúnaðarfyr-
irtækja, fagnar dómnum og segist
alls ekki telja að hann hafi einhverja
sérstaka ógnun í fór með sér fyrir
hugbúnaðarfyrirtæki. „Fyrsta
ályktun mín er sú að kaupendur og
seijendur hugbúnaðarlausna þurfa
að huga betur að samningamálum.
Þegar menn gera viðskipti af þessu
tagi þurfa menn að gæta þess að
gera skriflega samninga og skil-
greina vel hvað sé verið að kaupa og
hvernig varan eigi að virka. Þá ættu
hugbúnaðarfyrirtæki að kanna
hvaða tryggingar þau hafa gagnvart
slíkum uppákomum."
Ingvar á ekki von á að dómurinn
hafi í för með sér aukna tortryggni í
för með sér hjá kaupendum hug-
búnaðar. „Ég hef ekkert við dóminn
að athuga og tel jákvætt fyrir þessa
atvinnugrein að menn taki til hend-
inni og taki aukna ábyrgð á því sem
þeir eru að selja. Slíkt er tvímæla-
laust jákvætt fyrir greinina í heild
sinni. Dómurinn er því táknrænn og
hjálpar fyrirtækjum á þessu sviði að
takast á við lögmál viðskiptalífsins.
Seljendur hugbúnaðar þurfa greini-
lega að hafa það betur á hreinu að
þeir þurfa að taka ríka ábyrgð á
hugbúnaðinum. Þetta gæti leitt tii
þess að hugbúnaðarfyrirtæki, eink-
um smærri fyrirtæki, þyrftu að vara
sig á að taka mikla áhættu. Það er
nauðsynlegt að það sé skýrt hvar
ábyrgðin liggur og slíkt ætti að
auka öryggi og þar af leiðandi örva
þessi viðskipti," segir Ingvar.
Hlutabréfamarkaðurinn
Hækkunin talin
halda sér
VERÐBRÉFASALAR eru ekki allir sam-
mála því sem kom fram í máli Rósants Más
Torfasonar hjá Viðskiptastofu íslandsbanka í
Morgunblaðinu í gær, um að vænlegt sé að
huga að því að selja hlutabréf sín núna, vegna
hækkana sem hafa orðið á markaðnum það
sem af er árinu.
Rósant sagðist í Morgunblaðinu í gær ein-
dregið mæla með því að fjárfestar hugi að
sölu, minnugur þess hve erfitt er að selja
bréfin þegar markaðurinn byrjar að iækka
aftur, eins og gerðist síðari hluta árs 1997 og
fyrri hluta síðasta árs.
Góð loðnuveiði hefur áhrif
Eiríkur Jensson hjá greiningardeild
Kaupþings segir að það eigi við nú eins og áð-
ur að menn eigi að selja þegar þeir séu sáttir
við hækkun bréfa sinna, en hann segir að það
að selja þurfi ekki endilega að vera bein af-
leiðing hækkunar á bréfum.
„Fréttir af góðri loðnuveiði t.d. gefa vonir
um bjart útlit hjá fyrirtækjum eins og Síldar-
vinnslunni, Hraðfrystihúsi Eskifjarðar o.fl. og
því ekki ástæða til að selja bréf sín í þeim fyr-
irtækjum," sagði Eiríkur. Hvað Élugleiðir
varðar, en bréf þeirra hækkuðu um 13% í
fyrradag í kjölfar sölu fyrirtækisins á tveimur
hótelum þess, segir Eiríkur að Kaupþing hafi
búist við að bréf Flugleiða hækkuðu. „Við átt-
um von á hækkunum bréfa þeirra þegar í það
stefndi að árinu yrði lokað í núlli í heildina
þegar tekið hafði verið tillit til söluhagnaðar
af fiugvél. Svo má segja að mikil eftirspum
hjá hlutabréfasjóðum, sem voru að fá inn
mörg hundruð miiljónir í peningum fyrir
áramót og þurftu að fjárfesta, eigi þátt í
hækkununum á markaðnum. Það er kominn
tími á hækkanir og það ríkir almenn bjartsýni
á markaðnum um að hann sé á uppleið. Við
geram ráð fyrir að velta í hlutabréfaviðskipt-
um á Verðbréfaþingi íslands komi til með að
verða mun meiri á þessu ári en í fyrra.“
Vaxtarmöguleikar tæknifyrirtækja
Úrvalsvísitala Aðailista lækkaði um 0,6% í
gær og er nú 1146 stig. Á mánudag hækkaði
Úrvalsvísitalan aftur á móti um 4,47%. Það
þýðir 14,6% hækkun hennar frá ársbyrjun
1998, að sögn Eiríks. „Það er þokkaleg hækk-
un fyrir hlutabréfamarkað en þess má geta til
samanburðar að Dow Jones hefur hækkað um
18,15% á sama tíma, en miklar sveiflur hafa
verið á verði hlutabréfa í Bandaríkjunum síð-
ustu misseri,“ sagði Eiríkur.
Stefán B. Gunnlaugsson, sérfræðingur á
Viðskiptastofu Landsbankans á Akureyri,
segir að verulegar hækkanir hafi orðið á
þessu ári á hlutabréfamarkaði og hann telur
að stöðugleiki sé að myndast. Hann er ósam-
mála því að menn eigi að huga að sölu bréfa
sinna nú í ijósi stöðu markaðarins.
„Ég held að það sé full róttækt að menn
rjúki til og selji í stórum stfl núna. Ymislegt
hefur leitt til hækkana á markaðnum. Tækni-
fyrirtæki hækka vegna þess að fjárfestar sjá
mikla vaxtarmöguleika í rekstri þeirra, auk
þess sem menn sjá að þau eru ódýrari en fyr-
irtæki sem eru að fást við það sama erlendis.
Hækkun Flugleiða, sem rekja má til sölu á
hótelum þeirra, hefur haft áhrif á gengi bréfa
í Eimskipum og einnig hafa sjávarútvegsfyr-
irtæki hækkað nú vegna góðra fregna af loðn-
unni. Auk þessa virðist sem fagfjárfestar hafi
ekki getað fjárfest mikið í bönkunum, eins og
FBA t.d., vegna þess hve Sparisjóðirnir og
Kaupþing náðu stórum hlut, og setji pening-
ana í eitthvað annað. Allt þetta hefur leitt til
aukinnar eftirspurnar sem hefur leitt til
hækkunar. Þróunin á næstu mánuðum fer að
miklu leyti eftir því hvemig ársuppgjör félaga
á þingi verða,_“ sagði Stefán.
Jafet Ólafsson, framkvæmdastjóri
Verðbréfastofunnar, segir að hækkanirnar á
árinu hafi komið sér á óvart. „Ég verð að við-
urkenna að það hefur komið mér á óvart hvað
þessar hækkanir hafa verið miklar, og maður
spyr sig hvort innistæða sé fyrir þeim,“ sagði
Jafet.
Hann býst hinsvegar við góðu ári og að
mikil hreyfing og viðskipti verði á markaðn-
um. „Ég tel að þessar hækkanir muni halda
og tel að ekki sé ástæða fyrir fólk að selja
núna. Þó mæli ég með að fólk skipti reglulega
út í hlutabréfasafni sínu.“
Markaðsávöxtun skuldabréfa lækkar
í gær námu hlutabréfaviðskipti á
Verðbréfaþingi Islands 160 milljónum króna.
Mest viðskipti vora með bréf Flugleiða 35
milljónir króna og lækkaði lokagengi þeirra
um 1,2%. 16 milljóna króna viðskipti voru með
hlutabréf í SR-mjöli og hækkaði gengi þeirra
um 1,1%. Tilkynnt utanþingsviðskipti námu
260 milljónum króna. Mest með SÍÉ fyrir 77
milljónir og Búnaðarbankann fyi’ir 61 milljón
króna.
Alls námu viðskipti á Verðbréfaþingi 1.667
milljónum króna í gær. Mest viðskipti voru
með húsbréf, 630 milljónir króna, og 537 millj-
ónir með bankavíxla. Markaðsávöxtun á
skuldabréfamarkaði lækkaði um 2-10 punkta.