Morgunblaðið - 07.07.1999, Blaðsíða 16

16 MIÐVIKUDAGUR 7. JÚLÍ 1999
MORGUNBLAÐIÐ
LANDIÐ
Morgunblaðið/Anna Ingólfsdóttir
INGRID Jónsdóttir, sýslumaður á Eskifírði, Páll Bjömsson, sýslumaður á Hornaflrði, Sólveig Pétursdóttir
dómsmálaráðherra, Lárus Bjamason, sýslumaður á Seyðisfirði og Áslaug Þórarinsdóttir, settur sýslumaður í
Neskaupstað undirrita árangurssamning embætta sinna og dómsmálaráðuneytis.
Samningur um árangurs-
stjórnun við sýslumenn
Morgunblaðið/Jenný Jensdóttir
STJÓRN KSS á 50 ára afmæl-
inu. Ragnheiður Ingimundar-
dóttir, Jenný Jensdóttir og Guð-
fríður Guðjónsdóttir.
50 ára afmæli
kvenfélaga-
sambands
Strandasýslu
Drangsnesi - 50 ár vom liðin 21.
júní sl. frá stofnun Kvenfélaga-
sambands Strandasýslu. En það
var stofnað að Kirkjubóli í
Kirkjubólshreppi þennan dag ár-
ið 1949. Af þessu tilefni bauð
KSS öllum fbúum sýslunnar til
kaffisamsætis að Sævangi.
Heiðursgestur samkomunnar
var Elín Guðmundsdóttir frá
Ófeigsfirði en hún var á stofn-
fundinum fyrir 50 ámm og
einnig var hún fyrsti gjaldkeri
sambandsins. Stjórn sambandsins
skipa í dag Jenný Jensdóttir for-
maður, Ragnheiður Ingimundar-
dóttir ritari og Guðfríður Guð-
jónsdóttir gjaldkeri.
Egilsstöðum - Dómsmálaráðherra,
Sólveig Pétursdóttir, undirritaði
samninga um árangursstjórnun við
sýslumenn á Austurlandi um borð í
Lagarfljótsorminum við bakka Lag-
arfljóts á Egilsstöðum í gær.
í samningunum er kveðið á um
skyldur dómsmálaráðuneytis og
embætta sýslumanna, við útfærslu á
lögbundnu hlutverki sýslumanna,
hvers fyrir sig, ásamt því að leggja
grunn að áætlanagerð og mati á ár-
angri af starfsemi embættanna.
Sýna skal fram á árangur af starf-
seminni í ársskýrslu með saman-
burði við markmið ársins.
Tilgangur samninganna er að af-
marka starfssvið og rekstur embætt-
anna og framfylgja stefnu og áhersl-
um dómsmálaráðuneytis og embætta
í samræmi við þau lög og reglugerðir
sem um starfsemina gilda. Samning-
urinn breytir engu um ábyrgð ráð-
herra gagnvart Alþingi á rekstri
embætta sýslumanna né þeim
stjómsýsluskyldum sem ráðherra og
embættin hafa lögum samkvæmt. I
samningunum kemur fram hvert
hlutverk embætti sýslumanna er og
era tíunduð markmið og áherslur í
starfsemi embættanna. Ennfremur
er lögð áhersla á að á árinu 1999
verði mótuð starfsmannastefna, liggi
hún ekki þegar fyrir. Þar verði m.a.
kveðið á um endurmenntun, þjálfun
starfsmanna og jafnréttismál.
I samningunum koma fram skyld-
ur og ábyrgð samningsaðila og skulu
embættin leggja fram drög að lang-
tímaáætlun til 3ja ára um helstu verk-
efni, forgangsröðun og áherslur á
tímabihnu. Ennfremur að ár hvert,
eftir að fjárlagafrumvarp hefur verið
lagt fram á AJþingi, skulu embættin
hefja undirbúning að ársáætlun hvað
varðar starfsemi og rekstur komandi
árs. Niðurstöður skulu svo lagðar fyr-
ir ráðuneytið í febrúar ár hvert ásamt
því að leggja fram tillögur til fjárlaga
næsta árs.Gildistími samninganna er
5 ár en við embætti sýslumanns í
Neskaupstað er fyrirvari á því og get-
ur hvor aðili um sig óskað eftir endur-
skoðun innan þess tíma. Að undir-
skrift lokinni afhenti ráðherra þrem-
ur sýslumönnum, á Eskifirði, Horna-
firði og Seyðisfirði erindisbréf.
Morgunblaðið/Sigurjón J. Sigurðsson
KARL Ásgeirsson, einn eigenda SKG-Veitinga á ísafírði, var á meðal
fyrstu viðskiptavina bankans sem prófuðu hið nýja afgreiðslukerfi. I
gjaldkerastúkunni er Inga María Guðmundsdóttir
Rafræn viðskipti
í Landsbankanum
Isafirði - „Þetta er allt orðið raf-
rænt, úttektir og innlegg og milli-
færslur, og ekki þarf að útfylla nein
eyðublöð lengur. Viðskiptavinurinn
kvittar fyrir afgreiðslunni á raf-
rænni plötu og fær síðan útprentaða
Heildsölubirgðir af vetdingum.
Ýmsar stærðir og gerðir.
Níðsterkir, verð mjög hagstætt.
8. Gunnbjörnsson ehf.
V símí 585 6317 J
kvittun, svipað og í verslunum. Þar
koma fram inn- og útfærslur og allt
sundurliðað sem gert er,“ segir
Hafsteinn Sigurðsson, aðstoðarúti-
bússtjóri Landsbanka íslands á ísa-
firði um nýtt afgreiðslukerfi sem
þar var tekið í notkun í vikunni.
Nú er úr sögunni að fyrst þurfi að
taka eyðublað, útfylla það og fara
síðan með það til gjaldkera, heldur
er farið beint til gjaldkerans.
„í byrjun sparar þetta fyrst og
fremst pappír, auk þess að gera við-
skiptin öll öruggari, en þegar
starfsfólkið er orðið þjálfað má bú-
ast við að afgreiðsluhraðinn aukist
um 30%, þannig að fljótar gangi að
afgreiða hvern og einn viðskiptavin.
Tölvukerfið hjá okkur hefur verið
endumýjað og er nú allt orðið mjög
rafrænt og eins fullkomið og völ er
á samkvæmt nýjustu tækni,“ segir
Hafsteinn.
Útibúið á ísafirði er eitt af fyrstu
útibúum Landsbankans þar sem
þessi búnaður er tekinn í notkun.
Hann er kominn í nokkur útibú í
Reykjavík en t.d. ekki enn á Akur-
eyri. Stefnt er að því að þessi tækni
verði komin í öll útibú bankans í
nóvember.
Handverkshús við
Kleppjárnsreyki í
Borgarfírði
Ylrækt og
handverk
Reykholti - Á Kleppjárnsreykjum í
Borgarfirði hefur Kristjana Markús-
dóttir opnað handverkshúsið KM
föndur.
Hjónin Kristjana og Jón Albert
Sighvatsson keyptu gróðrarstöðina
fyrir tíu árum og rækta þar vistvæn-
ar paprikur. Kristjana hefur gert
upp bústað á lóðinni, sem notaður
hefur verið sem geymsla og vinnuað-
staða undanfarin ár. Hið nýja hand-
verkshús skartaði sínu fegursta í
blíðunni þegar fréttaritari Mbl. leit
viðfyrir helgi.
Á veröndinni var ferskt grænmeti
til sölu og birtan lék um vörumar
innandyra, en Kristjana hefur stand-
sett notalega vinnu- og söluaðstöðu
fyrir handverk. Hægt er að setjast
niður og fá sér molakaffi á meðan
maður virðir fyrir sér vöruúrvalið,
en auk eigin framleiðslu selur hún
einnig muni sem framleiddir eru í
sveitarfélaginu og má þar nefna tré-
vöru, skartgripi, steinatölur, búta-
Morgunblaðið/Sigríður Kristinsdóttir
FRÁ handverkshúsinu á Klepp-
járnsreykjum.
saum og ullarvörur. Gömul tréhilla,
sem stóð hér á árum áður í Kaupfé-
laginu í Borgarnesi, sómir sér vel í
einu horninu fyllt smávöru. Hún
gæti áður hafa verið notuð undir
skrúfur eða aðra smáhluti, en þar má
nú m.a. fínna handgerð gjafakort og
knipplinga á íslenska búninginn.
Kristjana segir að viðtökur hafi
verið mjög góðar frá því hún opnaði í
júní og að þetta hafí gengið vonum
framar. Fólk komi gjarnan við á leið
sinni um Kleppjárnsreyki, enda er
handverkshúsið staðsett nálægt veg-
inum.
Morgunblaðið/Helga
KRISTJÁN M. Oddsson á verkstæðinu.
Nýtt hjólbarðaverkstæði
Grundarfjörður - Kristján M.
Oddsson opnaði nýtt hjólbarðaverk-
stæði mánudaginn 21. júní. Nokkuð
er síðan hætt var rekstri gamla bif-
reiðaverkstæðisins og hafa Grund-
firðingar og gestir þurft að sækja
þessa þjónustu annaðhvort út í
Ólafsvík, sem er 20 mín. akstur, eða
inn í Stykkishólm, sem er 40 mín.
akstur eftir misjafnlega slæmum
malarvegum, sem gat reynst
vafasöm ferð þegar varadekkið var
sprungið í skottinu.
Verkstæðið er til húsa að Nes-
vegi 17 (Lengjunni).
Fjölskyldu-
hátíð á
Kirkjubæj-
arklaustri
Kirkjubæjarklaustri - Ferða-
málafélag Skaftárhrepps efnir
til árlegrar fjölskylduhelgi á
Kirkjubæjarklaustri helgina
9.-11 júlí. Þar verður margt til
skemmtunar fyrir unga sem
aldna.
Skemmtiatriðin hefjast á
föstudagksvöld með „sögust-
und“ í kapellu sr. Jóns Stein-
grímssonar þar sem rakin er
saga staðarins frá landnámi til
nútíma. Á laugardeginum eru
síðan stanslausar uppákomur
frá hádegi til miðnættis, auk
þess sem KA býður ýmis góð
tilboð. Utimarkaður verður
opnaður kl. 13 en kl. 14 verður
dagskrá fyrir alla fjölskylduna
og ekki síst þá yngri. Þar verða
„Litlu Ólympíuleikamir",
hoppkastali, reiðhjólaþrautir,
andlitsmálning o.fl. og verður
sú dagskrá við félagsheimilið
Kirkjuhvol. Kl. 16.30 hefst svo
götubolti við Kirkjubæjarskóla
og er keppt í tveimur aldurs-
flokkum, 11-15 ára og 16 ára
og eldri. Fyrir þá sem hafa
gaman af gönguferðum verður
boðið upp á gönguferð með
leiðsögn kl. 17. Að því búnu eða
kl. 18 verður hálftíma „skálda-
vaka“ í kapellu Jóns Stein-
grímssonar þar sem minnst
verður 100 ára afmælis Jóns
Helgasonar Ijóðskálds. Hótel
Edda verður með gimilegt
grill-hlaðborð um kvöldmatar-
leytið og síðan verður varðeld-
ur og fjöldasöngur við tjald-
svæðið á Kleifum kl. 22.
Á sunnudeginum verður
róðrarkeppni á Hæðargarðs-
vatni og einnig boðið upp á
gönguferð með leiðsögn.
Á Kirkjubæjarklaustri og í
héraðinu í kring eru margs
konar möguleikar á gistingu.
Glæsilegt hótel á Kirkjubæjar-
klaustri, góð bændagisting á
nokkrum bæjum og tvö tjald-
stæði. Boðið er upp á dagsferð-
ir með rútum til margra
þekktra staða, sumar með leið-
sögn eins og í Laka og Núps-
staðarskóg. Þá er golfvöllur á
svæðinu, sundlaug og hesta-
leigur að ógleymdum mögu-
leikum til veiði fyrir alla fjöl-
skylduna.
Búnaðarsam-
tök Vestur-
lands á vefinn
Reykholti - Búnaðarsamtök
Vesturlands hafa opnað vef á
Netinu og er slóðin www.vest-
urland.is/buvest.
Á vefnum er að finna upplýs-
ingar um markmið og starf-
semi samtakanna, stjórn þeirra
og starfslið. Þá eru birtar nið-
urstöður úr skýrsluhaldi í
nautgripa- og sauðfjárrækt
auk almennra upplýsinga um
hrossa- og jarðrækt.
Þegar er talsvert af gögnum
komið á vefinn, sem, eins og
allir góðir vefir á Netinu, er í
stöðugri vinnslu. Meðal þess
sem lesa má um á vefnum eru
afurðahæstu búin á Vestur-
landi, bestu lambhrútar og vet-
urgamlir hrútar, afurðahæstu
kýmar, stóðhestar á Vestur-
landi, niðurstöður heyefna-
greininga og þannig mætti
lengi telja.
Vefurinn er unninn af
Vefsmiðju Vesturlands og
Hallgrími Sveinssyni hjá Bún-
aðarsamtökunum, sem sér um
viðhald og uppfærslur vefjar-
ins.