Morgunblaðið - 25.07.1999, Blaðsíða 19
MORGUNBLAÐIÐ
LISTIR
SUNNUDAGUR 25. JÚLÍ 1999 19
KALDIR DAGAR
íALASKA
ERLEMDAR
RÆKUR
S [i c n n ii sa <>u
BLÓÐVELLIR „KILLING
GROUNDS"
eftir Dana Stabenow. Berkley Fict-
ion 1999. 244 síður.
DANA Stabenow er spennu-
sagnahöfundur sem býr í
Anchorage í Alaska og skrifar
sakamálasögur um Kate nokkra
Shugak, fyrrum starfsmann hjá
saksóknaranum í höfuðstaðnum,
sem flutt hefur aftur til sinnar
heimabyggðar í norðurhéruðum
Alaska þar sem hún hefur enn not
fyrir reynslu sína af glæparann-
sóknum. Stabenow hefur skrifað
sýnist mér átta bækur um Kate
Shugak. Þær bera allar heiti sem
gefa vísbendingu um forvitnilegt
sögusviðið. Sú fyrsta hét Kaldur
dagur fyrir morð og eftir hana
kom Banvæn þíða. Nýjasta sagan
um Shugak heitir Blóðvellir eða
„Killing Grounds" og kom hún ný-
lega út hjá Berkley útgáfunni og
er snoturlega samin en langdreg-
in lítil morðsaga.
Kate Shugak
Blóðvellir gerist í litlu sjávar-
þorpi við Alaskaflóann. Shugak
hefur fengið vinnu á litlum bát
sem heitir Freyja og er bara
nokkuð fengsæll. Annar bátur
heitir Ásgarður en að öðru leyti
kemur ásatrúin ekki við sögu.
Shugak er áhugaverð persóna.
Hún er kona á fertugsaldri, ógift
og bamlaus. Hún á þrjár ákaflega
dularfullar gamlar frænkur
skammt frá sjávarþorpinu og
berst fyrir því að þær ásamt íbú-
unum á svæðinu fái að veiða sinn
fisk, mest lax, í friði fyrir sport-
veiðimönnum á vegum ferðaiðnað-
arins og óskiljanlegum reglugerð-
um um fiskveiðar. Hún er nátt-
úruvemdarsinni og ann mjög því
ómengaða og fagra umhverfi sem
hún er fædd í en þekkir vel hvern-
ig gengið hefur verið um landið
hennar á Jiðnum ámm af náma-
fyrirtækjum og skyndigróða-
mönnum.
Sjálf morðsagan hefst ekki fyrr
en komið er inn í miðja bók.
Þannig fer hún mjög hægt af stað
og það er fátt spennandi sem ger-
ist fyrr en eftir eins og hundrað
blaðsíður. Dana Stabenow gefur
sér afar góðan og kannski alltof
góðan tíma til þess að lýsa um-
hverfi og persónum sögunnar og
reynir að draga upp litríka mynd
af bæði aðfluttum trillukörlum og
sérkennilegum frumbyggjum.
Einn þeirra heitir Skítandi máfur
vegna furðulegrar óheppni og er í
alveg sérstöku sambandi við
geimverur. Annar heitir Cal
Meany. Hann er hrotti mikill og
leiðindaskarfur og þegar hann
finnst myrtur einn daginn er varla
til sá maður á öllu svæðinu sem
ekki hefur haft ástæðu til þess að
senda hann í Edens fína rann.
Góðlátleg
gamansemi
Kate Shugak fer á stúfana
ásamt vini sínum úr lögreglunni í
Anchorage og saman reyna þau
að leysa morðmálið. Dana Staben-
ow tekst ágætlega að draga upp
mynd af litlu sjávarþorpi og íbú-
um þess þar sem allir vita allt um
alla og saga hennar, fyrir utan að
vera morðsaga, er heilmikil
trillukarlasaga sögð með hæfileg-
um skammti af góðlátlegri gam-
ansemi. Hún er líka saga um hér-
aðið og aðstæður frumbyggjanna
og að því leyti athyglisverð lesn-
ing. Stabenow virðist þekkja vel
til landsins og fólksins og gerir
heilmikið úr sögusviði sínu.
Hins vegar verður sjálf saka-
málasagan aldrei verulega spenn-
andi heldur virkar hún eins og
viðhengi eða aukaatriði. Það er
ágætt að hafa hana þarna en hún
skiptir í raun engu meginmáli. Er
það í samræmi við lausn gátunnar
sem virkar fumkennd og getur
varla talist sérlega frumleg.
Fyrir þá sem vilja hæfilega
spaugsama sögu um fólk í litlu og
lokuðu samfélagi í Alaska er
óhætt að mæla með Blóðvöllum.
Þeir sem vilja safaríka og spenn-
andi sakamálasögu verða að leita
eitthvað annað.
Arnaldur Indriðason
^ Einn ~
með öllu til sölu
Álbíllinn
Audi A8 Quattro
Silfurgrá ályfirbygging, nýskr. 23.01.1996, ekinn 47.000 km.
TipTronic sjálfskipting, spólvörn, tölvustýrðar
k sportbremsur, rafstillt sæti, aksturstölva,
jjfct 16“ og 17“ Audi álfelgur með dekkjum.^B
^^299 hestöfl, innfluttur nýr af umboði.J^W|^^^H
.Bfl . Upplýsingar gefur Ambjörn M ** I I l ®
í síma 57 S 1232.
Grjóthálsi 1
Sími 575 1230
Gleymdu símanúmerinu.
Segðu bara nafnið á viðkomandi og BeoCom 9800 hringir sjálfkrafa í
þann sem þú vilt tala við.
BeoCom 9800 kemur þér strax í samband við þá sem þú þarft að ná í.
BANG & OLUFSEN
Síöumúla 21 Sími 581 1100