Morgunblaðið - 27.07.1999, Blaðsíða 21
MORGUNBLAÐIÐ
ÞRIÐJUDAGUR 27. JÚLÍ 1999 21
VIÐSKIPTI
Frosti Bergsson, stjórnarformaður Tæknivals, um tap félagsins
Niðurfærsla birgða
meðal skýringa
Aukinni
verðbólgu spáð
á evrusvæðinu
FROSTI Bergsson, stjórnarfor-
maður Tæknivals, segir hluta skýr-
inga á því að áætlað tap af rekstri
Tæknivals fyrstu sex mánuðina
nemur 85-95 milljónum króna sé
að finna í umtalsverðri niðurfærslu
birgða hjá félaginu á árinu. Því til
frádráttar kemur söluhagnaður af
eignum upp á rúmar 30 milljónir
króna.
I afkomuviðvörun frá Tæknivali
á fimmtudag kom fram að einsýnt
þyki að niðurfærsla birgða þurfi að
eiga sér stað á árinu. Endurskoðun
birgða standi yfir og niðurstöður
hennar verði birtar í september.
I morgunkomi Fjárfestingar-
banka atvinnulífsins á föstudag
segir: „Það kemur á óvart að fyrir-
tæki skráð á hlutabréfamarkaði,
þar sem verð hlutabréfa sveiflast í
takt við fréttir sem berast af því,
birti slæmar fréttir og boði um leið
meiri slæmar fréttir, þ.e. umtals-
verða niðurfærslu birgða í septem-
ber. Heppilegra hefði verið að gera
öll vandamálin upp í einu frekar en
að vera að bíða með hluta langt
fram á árið.“
Breytingar tefja
niðurfærslu
Að sögn Frosta er ástæðan fyrir
því að ekki sé lokið við niðurfærslu
birgða á fyrstu sex mánuðum árs-
ins sú að ekki er endanlega búið að
fara yfir alla lagera fyrirtækisins
Frosti Bergsson, stjórnarfor-
maður Tæknivals.
og því megi búast við því að það
verði einhver frekari niðurfærsla
birgða síðar á árinu. „Við völdum
að fara þessa leið í samráði við
Fjárfestingarbanka atvinnulífsins.
Það er að segja frá því strax að von
sé á frekari afskriftum síðar á ár-
inu. Lagerar Tæknivals eru á
nokkuð mörgum stöðum og út af
ákveðnum breytingum innan fyrir-
tækisins var ekki hægt að ganga
frá þessu öllu á sama tíma. Má þar
nefna starfsmannabreytingar og
sumarfrí starfsmanna. Hins vegar
erum við búin að fara yfir helstu
lagera félagsins og lagfæra birgða-
stöðu þeirra þannig að niðurfærslu
er að hluta til lokið.“
Breyttar bókhaldsreglur
Að sögn Frosta hefur Tæknival
tekið upp strangari reglur hvað
varðar kostnað af rekstri og stokk-
að upp bókhaldsreglur sem skýri
að einhverju leyti tap af rekstri fé-
lagsins á fyrri hluta ársins. Eins
hefur verið hætt rekstri eininga
sem ekki skiluðu viðunandi árangri
og dregnar upp skarpari línur í
rekstri Tæknivals.
í lok apríl voru 320 starfsmenn
hjá Tæknivali. Með endurskipu-
lagningu verkefna og skýrari
áherslum hefur starfsmönnum
fækkað og er áætlað að þeir verði
alls 280 í lok september nk.
Að sögn Frosta mun sá sparnað-
ur sem hlýst af fækkun starfsfólks
ekld skila sér fyrr en á síðari helm-
ingi ársins en eins hafi komið til
starfa nýir stjórnendur að félaginu
sem ávallt feli í sér ákveðinn kostn-
að. „Þrátt fyrir ákveðna erfiðleika
sem hafa verið í rekstrinum hefur
veltuaukningin verið nálægt 50% á
árinu. Á bak við þessa veltuaukn-
ingu liggur mikil vinna starfsfólks
Tæknivals og með samstilltu átaki
er útlit fyrir að hægt verði að snúa
tapi í hagnað á síðari hluta ársins
en við reiknum með að rekstur
Tæknivals skili 50 milljóna króna
hagnaði á síðari hluta ársins," segir
Frosti Bergsson, stjórnarformaður
Tæknivals.
Á VEFSÍÐU Financial
Times kemur fram að búist
er við að verðbólga á evru-
svæðinu muni hækka í 1,6%
til vors árið 2000 ef fram
heldur sem horfir, en verð-
bólga á svæðinu mælist nú
0,9%. Einnig kemur fram
að Evrópski seðlabankinn
hafi sett viðmiðunarmörk
verðstöðugleika við 2%
verðbólgu, þ.e. fari verð-
bólga yfir 2% sé verðstöð-
ugleiki fyrir bí.
Samkvæmt nýlegri spá Seðla-
banka Islands mun verðbólga hér á
landi verða 4% í ár frá upphafi til
loka ársins, en bankar og verðbréfa-
fyrirtæki hafa áður birt spár um
svipaða eða eilítið minni verðbólgu á
árinu.
Már Guðmundsson, aðalhag-
fræðingur Seðlabanka íslands,
segir að seðlabankar hafi ekki
alltaf nákvæmlega sömu viðmið að
því er varðar stöðugleika í verð-
lagsmálum, til dæmis hafi bresk
stjórnvöld sett Englandsbanka það
markmið að halda verðbólgu innan
við 2,5% en hér á landi sé ekki nein
sérstök viðmiðunartala notuð.
„Hins vegar hefur yfirstjórn Evr-
ópska seðlabankans ákveðið að
túlka fyrirmæli Maastricht-sátt-
málans um að markmið bankans
skuli vera að viðhalda verðstöðug-
leika á þá leið að verðbólga megi
ekki fara yfir 2%. Það eru til seðla-
bankar sem styðjast ekki við nein
ákveðin viðmiðunarmörk af þessu
tagi, t.d. bandaríski seðlabankinn
og Seðlabanki íslands. Ég er þó
þeirrar skoðunar, miðað við það
sem almennt er talið, að fari verð-
bólga yfir 3% lengur en um
skamma hríð, geti ekki lengur ver-
ið um verðstöðugleika að ræða. Það
er þess vegna vissulega ástæða til
að hafa áhyggjur af því sem fram
kemur í nýlegri spá Seðlabank-
ans,“ segir Már en bætir við,
„reyndar er á það að líta að í tilviki
Evrópska seðlabankans er verið að
ræða um verðbólgu mælda með
svokallaðri samræmdri neyslu-
verðsvísitölu ESB. I þeirri vísitölu
er til dæmis markaðsverð á hús-
næði ekki með, en það er inni í vísi-
tölu neysluverðs hér á landi. Sé
verðbólga hér á landi metin á vísi-
tölu ESB, er ljóst að hún mælist
nokkru minni en það sem hún
mæiist nú.“
ngabitar • Franskar • Mais
Viennetta ísterta