Morgunblaðið - 16.09.2000, Blaðsíða 16

16 LAUGARDAGUR 16. SEPTEMBER 2000
MORGUNBLAÐIÐ
AKUREYRI
Félagsmálaráðherra opnaði Jafnréttisstofu formlega á Akureyri í gær
Sannfærður um
að staðsetningin
mun reynast vel
PÁLL Pétursson félagsmálaráð-
herra opnaði Jafnréttisstofu á Akur-
eyri formlega síðdegis í gær. Val-
gerður Bjarnadóttir veitir Jafn-
réttisstofu forstöðu en hún hóf störf í
byrjun mánaðarins í húsakynnum
við Hvannavelli, þar sem skrifstofur
SH voru eitt sinn til húsa. Gert er
ráð fyrir að fjórir starfsmenn vinni
við Jafnréttisstofu í fyrstu, en ráðið
hefur verið í eina stöðu sérfræðings
af tveimur sem ráðið verður í nú í
upphafi. Katrín Björg Ríkarðsdóttir
var ráðinn til að gegna þeirri stöðu
og þá var Anna Hallgrímsdóttir ráð-
inn í stöðu fulltrúa.
Eftir er að ráða í aðra stöðu sér-
fræðings, en í þá stöðu verður ráðinn
karlmaður. Þá hefur tekist sam-
komulag við Ingólf Gíslason um að
hann sinni afmörkuðum verkefnum
fyrir Jafnréttisstofu en hann starfaði
áður hjá skrifstofu Jafnréttismála í
Reykjavík og gat ekki flutt með
stofnuninni norður.
Enn eitt skrefíð stigið
í átt til jafnréttis
Páll sagði að með opnun Jafnrétt-
isstofu væri enn eitt skrefið í átt til
jafnréttis stigið. Hann sagði verk-
efnasvið félagsmálaráðuneytisins
vítt, en sjálfur hefði hann ekki síst
haft ánægju af því að vinna að jafn-
réttismálum. „Þar hefur verið verk
að vinna og augljóslega höfum við
náð árangri,“ sagði ráðherra og
nefndi m.a. endurskoðun jafnréttis-
áætlunar í því sambandi.
„Jafnrétti kvenna og karla er
málaflokkur sem góðu heilli er í örri
þróun. Hann kallar sífellt á nýjung-
ar, nýjar aðferðir og nýja sýn á mál-
efni. Er það eðli máls samkvæmt þar
sem í jafnréttismálum er alla jafna
um að ræða aðgerðir til að breyta
eða í það minnsta ýta við viðteknum
venjum og hefðum samfélagsins,"
sagði Páll. Staða kynjanna væri sam-
ofin samfélagsgerðinni hverju sinni
og þess vegna gæti stundum verið
flókið að greina hvar skóinn kreppir
og hvað geti best orðið að gagni til að
auka jafnrétti kynjanna, „svo sjálf-
sagt sem okkur finnst að þar ríki
fullkomið jafnrétti".
Með nýjum lögum um jafnan rétt
kvenna og karla væri ljóst að lögð
væri áhersla á að styrlqa rannsóknir
þannig að menn áttuðu sig betur á
hvað best gagnaðist í starfinu. I lög-
unum væri einnig kveðið á um að í all-
ri opinberri hagsýslugerð verði töl-
fræðiupplýsingar greindar eftir kyni,
en þar væri um að ræða mikilvæga
nýjung og athyglisvert að í sland væri
fyrst landa til að binda slfkt í lands-
lög. Meðal nýmæla í lögunum væri
einnig í fyrsta sinn lagður lagagrunn-
ur að rekstri opinberrar stofnunar
sem starfa skuli að jafnréttismálum.
Rasismi gagnvart
landsbyggðarfólki
Páll sagði að staðsetning Jafnrétt-
isstofu á Akureyri hefði orðið fyrir
nokkru aðkasti og það væri sér
áhyggjuefni hvaða viðhorf væri að
þróast hjá mörgum íbúum höfuð-
borgarsvæðisins í garð landsbyggð-
arinnar. Við hefðum sem betur fer
sloppið við óvild í garð útlendinga en
„sá rasismi sem ég óttast og
blómstrar hér á landi er fyrst og
fremst í garð landsbyggðar og Iands-
byggðarfólks. Auðvitað hefur orðið
Morgunblaðið/Rúnar þór
Við opnun Jafnréttisstofu söng Rósa Kristín Baldursdóttir, en að baki henni má m.a. sjá Steingrím J. Sigfússon,
alþingismann, Valgerði Bjarnadóttur, sem veitir Jafnréttisstofu forstöðu, Kristján Þór Júlíusson bæjarstjóra
og Pál Pétursson félagsmálaráðherra
mikill atgervisflótti af landsbyggð-
inni til höfuðborgarsvæðisins en úti á
landi er ennþá margt atgervisfólk og
starfshæft. Með nútímatækni og
samgöngum er staðsetning allra op-
inberra stofnana ekki lengur bundin
við höfuðborgarsvæðið,“ sagði Páll.
„Ég er sannfærður um að ákvörðun
um að velja Jafnréttisstofu stað á Ak-
ureyri á eftir að reynast vel. Hér verð-
ur unnið gott starf að jafnréttismálum
báðum kynjum til framdráttar.“
Mörg mikilvæg
verkefni framundan
Valgerður Bjarnadóttir sagði að
mörg verkefni væru framundan á
sviði jafnréttismála sem í sínum
huga væru mikilvæg fyrir þróun til
framtíðar. Hún sagði formlega hluti,
þá sem sneru að lögum og reglum
komna í lag.
„Það liggur fyrir að lög og reglur
brjóta ekki lengur jafnréttislög, en
við þurfum að snúa okkur að því nú
að vinna að því að breyta gömlum
forritum og aðlaga þau að breyttum
tímum. Það eru enn ótal hlutir sem
hafa áhrif og halda okkur í gamla
farinu," sagði Valgerður. Þannig
þýddi til að mynda lítið að kenna
börnum að jafnrétti væri með körl-
um og konum, en láta samt að því
Iiggja að karlinn væri meira virði,
sem hann m.a. nyti í launum.
Valgerður nefndi einnig að það
væri margt í málskyni manna sem
flestir hugsuðu ekki út í, en algengt
væri að talað væri í karlkyni m.a. þeg-
ar átt væri við hóp fólks, bæði karla
og konur. Þannig stýrði tungumálið
okkur í þessum efnum og það á for-
sendum karla. Vissulega yrði þrautin
þyngri að gera þama breytingar á.
„Það er vitað mál að þetta kostar
mikla vinnu en ef ekki verður farið í
hana verður þetta ójafnvægi enn til
staðar á nýrri öld og það viljum við
ekki,“ sagði Valgerður.
„Það er mikið verk óunnið, en við
þurfum að vinna að því öll saman."
Námskrá Rannsóknastofnunar
Háskólans á Akureyri komin út
Um 40 námskeið
í boði í vetur
Morgunblaðið/Kristján
Formenn Verslunar oj? þjónustu, Kaupmannafélags Akureyrar og
Kaupmannasamtaka Islands undirrita samstarfssamninginn. F.v.
Tryggvi Jónsson, Ragnar Sverrisson og Benedikt Kristjánsson.
Samtök verslunar og þjónustu og
Kaupmannafelag Akureyrar
Samstarfssamning-
ur endurnýjaður
NÁMSKRÁ Rannsóknastofnunar
Háskólans á Akureyri (RHA) er
komin út og verður dreift á næstunni
í þéttbýli frá Húsavík til Sauðár-
króks. Einnig verður hún aðgengileg
á Netinu en slóðin þar er www.rha.is.
Námskeið á vegum RHA eru al-
mennt öllum aðgengileg en oft með
áherslu á sérstaka markhópa.
I námskránni er að finna um 40
námskeið sem dreifast á veturinn.
Þrír meginflokkar námskeiða eru í
skránni sem eru heilbrigðismál, upp-
eldis- og kennslumál og stjórnun og
rekstur. Þá er nokkur fjöldi nám-
skeiða sem ekki fellur undir sérstakt
svið og má þar nefna jarðfræðinám-
skeið sem hefst 3. október, námskeið
til aukinnar færni í ritun íslensks
máls, námskeið um lestrarerfiðleika
Aglow-
fundur
AGLOW, kristileg samtök
kvenna, halda fund í félagsmið-
stöðinni Víðilundi 22 á Ákur-
eyri næstkomandi mánudag-
skvöld, 18. september, kl. 20.
Dögg Harðardóttir flytur ræðu
kvöldsins. Á dagskrá er söngur,
iofgjörð og fyrirbænaþjónusta
auk þess sem kaffihlaðborð er í
boði. Þátttökugjald er 450
krónur og eru allar konur vel-
komnar.
og kennsla í tækni við upplýsingaleit
á Netinu svo nokkuð sé nefnt.
Fyrsta námskeið vetrarins er Ex-
el námskeið í umsjón Guðmundar Ól-
afssonar hagfræðings og lektors sem
hefst föstudaginn 29. september.
Boðið verður upp á nám í verð-
bréfamiðlun sem hefst í næstu viku
og þriggja anna nám í rekstri og
stjórnun í heilbrigðisþjónustu í sam-
vinnu við Endurmenntunarstofnun
HÍ og Norræna heilbrigðisháskól-
ann í Gautaborg og hefst það í jan-
úar.
Upplýsingar um námskeið og
skráning er á skrifstofu RHA í Þing-
vallastræti 23, sími 463-0570. Fólki
er bent á að skrá sig tímanlega því á
sum námskeið er takmörkuð þátt-
taka.
Miðstöð
verðiá
Akureyri
AÐALFUNDUR Eyþings, sem
haldinn var á Stóru-Tjörnum nýlega,
leggur þunga áherslu á að staðið
verði við yfirlýsingar stjómvalda um
að miðstöð sjúkraflugs á Islandi
verði á Akureyri.
Jafnframt leggur fundurinn
áherslu á að sá flugrekstraraðili sem
verkið hlýtur hafi yfir að ráða flugvél
búinni jafnþrýstibúnaði.
SAMTÖK verslunar og þjónustu,
SVÞ, hafa endurnýjað samstarfs-
samning við Kaupmannafélag Akur-
eyrar, sem áður var í gildi á milli
Kaupmannafélagsins og Kaup-
mannasamtaka íslands, KÍ. Ekki
kemur því til þess að Kaupmannafé-
lag Akureyrar gangi úr Samtökum
verslunar og þjónustu um næstu
áramót eins og til stóð.
Benedikt Kristjánsson, formaður
Kaupmannasamtaka Islands, KI,
sagði eftir undirskrift samningins,
að til þess væri litið að Kaupmanna-
félag Akureyrar væri stór hlekkur í
samtökunum og að innan félagsins
væri unnið mikið og öflugt starf.
Hann sagði að samningurinn tryggði
að því starfi yrði haldið áfram.
Yfir 80 verslanir eru í Kaup-
mannafélagi Akureyrar, eða yfir
95% verslunareigenda á starfssvæði
félagsins. Benedikt sagði þetta
óvenjuhátt hlutfall, sem styrkti fé-
lagið enn frekar í starfi sínu.
Ragnar Sverrisson, formaður
Kaupmannafélags Akureyrar, sagði
að félagið væri það stærsta innan
KÍ. Samningurinn sem undirritaður
var væri því mikilvægur fyrir báða
aðila og því ánægjulegt að hann væri
í höfn.
Snurða hljóp á þráðinn í samskipt-
um Kaupmannafélags Akureyrar og
Samtaka verslunar og þjónustu í
byrjun árs vegna ágreinings um inn-
heimtu félagsgjalda á Akureyri og
skil á þeim til SVÞ. í kjölfarið sagði
Kaupmannafélagið sig úr SVÞ. Með
endurnýjun samstarfssamningsins
hafa hins vegar fullar sættir tekist
með aðilum málsins.
Kirkju-
starf
AKUREYRARKIRKJA: Guðsþjón-
usta kl. 11 á morgun, sunnudag.
Séra Svavar A. Jónsson. Morgun-
söngur í kirkjunni kl. 9 á þriðju-
dagsmorgnum. Mömmumorgunn
kl. 10 til 12 á miðvikudagsmorgn-
um. Frjálst, kaffi og spjall. Allir
verðandi og núverandi foreldrar
velkomnir. Kyrrðar- og fyrirbæn-
astund á fimmtudag kl. 12. Bæna-
efnum má koma til prestanna.
Hægt er að fá léttan hádegisverð í
Safnaðarheimilinu eftir stundina.
Inntökupróf fyrir Barna- og ungl-
ingakór kirkjunnar verður í kap-
ellunni kl. 15.30 á fimmtudag. Allir
9 til 16 ára velkomnir. Æfing hjá
kórnum verður í kapellunni kl.
16.30 á fimmtudag. Stjórnandi er
Sveinn Ai-nar Sæmundsson.
GLERÁRKIRKJA: Guðsþjón-
usta verður í kirkjunni kl. 11 á
morgun, sunnudag. Opið hús fyrir
mæður og börn verður frá kl. 10 til
12 næsta fimmtudag. Karólína
Stefánsdóttir félagsráðgjafi ræðir
um „Nýja barnið". Heitt á könn-
unni og svali fyrir börnin.
HJALPRÆÐISHERINN: Sunnu-
dagaskóli kl. 11 á morgun, sunnu-
dag. Bæn kl. 19.30 sama dag og al-
menn samkoma kl. 20.
Heimilasamband kl. 15 á mánudag.
HVÍTASUNNUKIRK JAN:
Brauðsbrotning kl. 20 í kvöld,
laugardagskvöld. G. Theodór
Birgisson predikar. Sunnudaga-
skóli fjölskyldunnar verður kl.
11.30 á morgun, sunnudag. Jó-
hann Pálsson sér um kennsluna.
Léttur málsverður að samkomu
lokinni. Almenn vakningasam-
koma verður kl. 16.30 sama dag
þar sem G. Theódór Birgisson
predikar. Fyrirbænaþjónusta og
barnapössun.