Árbók Hins íslenzka fornleifafélags - 01.01.1927, Blaðsíða 19

21
Laxárdal og eftir honum heiti Skefilsstaðir, sem er insti bær á Skaga.
í fljótu bragði gæti þetta virzt rjett vera. En móti því vitnar Land-
náma eindregið og aðrar heimildir, sem bent hefur verið á hjer að
framan. En jafnvel þó Skefill sje sjaldgæft nafn, hafa fleiri en Skefill
landnámsmaður heitið því nafni1). Vill svo vel til, að í þætti Þorgríms
Hallasonar (sjá 18.—20. kap. í sögu Magnúsar góða) er getið um
bræður tvo, syni Hallbjarnar skefils úr Laxárdal. Hallbjörn sá hefur
■efalaust búið á Skefilsstöðum um árið 1000, hafi hann verið til, sem
or sennilegt, þar eð hans er getið í fornri heimild. Hefur sögumaður
verið ókunnugur bæjaskipun þar í sveit, enda eru takmörk Skagans
og Laxárdals svo óglögg, að sumar fornar heimildir telja Skefilsstaði
í Laxárdal. Aftur á móti bendir auknefnið á, að Hallbjörn hafi verið
afkomandi Skefils landnámsmanns, en hvort Hallbjörn hefur fyrstur
bygt á Skefilsstöðum verður ekki vitað. En trúað gæti jeg því samt,
einkum ef hann hefur verið í 2. eða 3. lið frá landnámsmanninum,
sem vel gæti staðist tímans vegna.
IV.
Þá kem jeg að frásögn Ldn. um Vjekel hinn hamramma og Þorvið.
Er sá kaflinn á þessa leið: »ÁIfgeirr hét maðr, er nam um Álfgeirs-
völlu ok upp til Mælifellsár, ok bjó á Álfgeirsvöllum.
240. Þorviðr hét maðr, sá er land nam upp frá Mælifellsá til
Giljár...............
243. Vjekell en hamrammi hét maðr, er land nam ofan frá Giljá
lil Mælifellsár, ok bjó at Mælifelli«.................(Ldn. bls. 104
10—14 Qg 29—31)
Einnig segir Landnáma, að Hrosskell næmi Svartárdal allan ok
Ýrarfellslönd öll með ráði Eiríks (í Goðdölum), niður til Gilhaga, »ok
bjó at Ýrarfelli«.
Það er auðsæ villa í frásögninni um landnám Þorviðar. Hann er
látinn nema milli Mælifellsár og Giljár. Og Vjekell nemur nákvæmlega
sama landsvæði.
Jeg álít, að það sje rjettara, að Vjekell2) muni numið hafa milli
ánna. Um hann er miklu meira sagt en Þorvið. Landnámuhöfundur
1) Upphaflega hefur Skefill verið auknefni, og hefur það vitanlega þekst í
Noregi allsnemma. E. H. Lind bendir á það í bók sinni: »Norsk-islánska
dopnamn och fingerade namn«, að prestsetrið Nannestad í Noregi hafi heitið
Skefilsstaðir.
í Reykdælu er nefndur Skefill sverð — austmaður. Og Skefill er talinn með
-sækonungaheitum i Snorra-Eddu.
2) Ketill — í Sturlubók.