Árbók Hins íslenzka fornleifafélags - 01.01.1984, Page 196

200
ÁRBÓK FORNLEIFAFÉLAGSINS
Allmikið var kopíerað af plötum og filmum úr safninu, sem ókop-
íerað var fyrir. — Inga Lára og maður hennar, Magnús Karel Hannes-
son, kopíeruðu að eigin frumkvæði mikið af plötum úr safni Haraldar
Blöndals, en safnið eignaðist stofn þess safns 1962 og síðan afganginn
á árinu 1984. Gengust þau fyrir sýningum á Suðurlandi á myndum Har-
aldar og leituðu upplýsinga um myndefnið. Höfðu þau árið 1983 gefið
út bók með úrvali úr myndum Haraldar, „Ljósmyndarinn í þorpinu".
Hallgerður Arnórsdóttir hélt áfram að kopíera úr safni Sigfúsar Ey-
mundssonar og lauk við það, sem ástæða þótti til að kopíera að svo
stöddu. Þá lauk hún við það sem ókopíerað var af umhverfismyndum
úr safni Péturs Brynjólfssonar og Gunhildar Thorsteinsson. - Halldóra
Ásgeirsdóttir forvörður kopíeraði allt plötu- og filmusafn Vigfúsar Sig-
urðssonar og ennfremur 454 plötur úr safni Jóns Guðmundssonar og
Guðmundar Jónssonar í Ljárskógum, sem safnið eignaðist 1968. — Voru
óþekktar myndir þeirra settar upp á sýningu í Bogasal helgina 29.—30.
september og boðið þangað félögum úr Breiðfirðingafélaginu í því
skyni, að þeir bæru kennsl á óþekktar myndir, og gaf það góðan árang-
ur. — Þá voru í tilraunaskyni gerðar dagsljóskopíur af um 50 myndum
Péturs Brynjólfssonar, sem þáttur í undirbúningi undir sýningu á
myndum hans 1985. — Var ljósmyndavinnan að mestu kostuð af fé úr
Þjóðhátíðarsjóði.
Þjóðháttadeild.
Auk Árna Björnssonar forstöðumanns starfaði Hallgerður Gísladóttir
BA við deildina 9 mánuði á árinu. Sendar voru út þrjár nýjar spurn-
ingaskrár, skrá 58 um fuglaveiðar og eggjatöku, skrá 59 um þulur og gátur
og skrá 60 um eldishesta og útigangshross. — Haldið var áfram söfnun
heimilda um lifnaðarhætti í þéttbýli, sem Frosti F. Jóhannsson hleypti af
stokkunum 1982 og um veiðar á skútum, sem Ágúst Georgsson samdi
spurningaskrá um 1981. Þá er jafnan sent út töluvert af eldri spurninga-
skrám ár hvert, til nýrra heimildarmanna og einnig til þeirra, sem eru
afkastameiri en svo að þeim dugi að fást aðeins við nýju skrárnar frá
deildinni.
537 númer bættust í heimildasafn deildarinnar á árinu og er það
svipað og árið áður, en þessi tvö síðustu ár hefur fjöldi aðfanga verið
um það bil tvöfalt meiri en í meðalári áður. Þá verður sífellt meira um
það, að nemendur í Háskóla íslands og ýmsum framhaldsskólum noti
heimildasafnið við ritgerðavinnu. Er ritgerðasafn deildarinnar orðið
töluvert að vöxtum, því að hún fær eintök af þeim ritgerðum, sem
þannig eru samdar.